🤓 Matematikani yaxshi tushunmaslik hissi qanday?

🎒 Oʻquvchilarning dars qoldirishi, dangasalik va yalqovlik qilishlari sababi nimada? Ularning savollar bermasliklari, kerakli joylarni yozib olmasliklari nimadan kelib chiqadi? Matematika yoki umuman qaysidir fanni tushunmaslik hissi oʻquvchilarda qanday kechadi?

Oʻqituvchi va bloger Ben Orlin bugungi maqolada ushbu his qanday ekanligi haqida hikoya qiladi.

🔗 Maqolani oʻqish » (4 daq.)

💬 Nima deb oʻylaysiz, balki biz kattalar bolalarni yetarlicha tushunmasmiz? Izohlarda fikrlaringiz bilan boʻlishing.

👉 Khan Academy Oʻzbek | #kauzbek_blog

​​🌚 Xoʻsh, qani oʻsha qiziqarli videodarslar?

Kechagi maqolamizdan soʻng koʻplab ota-onalar farzandlari haqiqatan ham matematikada qiynalishayotgani va ularga qiziqarli darslar kerakligini aytib murojaat qilishdi.

⚡️ Xan akademiyasida esa maktab yoshidagi bolalar uchun boshlangʻich matematika, arifmetika, geometriya va trigonometriya fanlari boʻyicha 500 dan ortiq videodars bor. Quyida sizga arifmetika kursidan ayrim videodarslarni taqdim qilamiz.

Qoʻshish va ayirish (boshlangʻich sinflar)
• Oddiy qoʻshish amali
• Oddiy ayirish amali
• Ogʻzaki ayirish
• Koʻp xonali sonlarni ayirish: 389 002 – 76151

Koʻpaytirish va boʻlish, manfiy sonlar (5–6-sinf)
• Koʻpaytirish mavzusiga kirish
• Obyektlar guruhi sifatida koʻpaytirish
• Boʻlish tushunchasi
• Manfiy sonlar mavzusiga kirish
• Qarama-qarshi sonlar

Kasrlar (5–6-sinf)
• Kasrlar mavzusiga kirish
• Kasrga oid masala: pianino
• Aralash sonlarni koʻpaytirish
• Kasrlarni boʻlish haqida tushuncha

Oʻnli kasrlar (5–6-sinf)
• Oʻnli kasrlar mavzusiga kirish
• Oʻnli kasrlarni soʻzlarda ifodalash
• Oʻnli kasrlarni oddiy kasr koʻrinishiga keltirish: 0,36
• Oʻnli kasrlarni toʻliq boʻlish
• Koʻp xonali oʻnli kasrga boʻlish

Bundan tashqari, arifmetika kursida 200 ga yaqin boshqa videodarsni ham bepul BEPUL oʻrganishingiz, oʻrgatishingiz va ulashishingiz mumkin.

#SizBuniUddalaysiz

“Test javoblari soat 15:00 da eʼlon qilinadi”, - deyishdi.

👉 Khan Academy Oʻzbek

🧠 Oson topiladigan bilim

👨🏻‍💻 Yuqori texnologiyalar davrida har bir kishi qaysi kasb vakili boʻlishidan qatʼi nazar, muntazam ravishda oʻz bilim va malakalarini oshirib borishi lozim. Onlayn darslarga yozilish yoki biror-bir korxonada amaliyot oʻtash yangi koʻnikmaga ega boʻlishning eng oson usullaridan biridir.

Pro-Vision Communications agentligining kadrlar bilan ishlash boʻlimi boshligʻi Natalya Ageeva bugungi maqolada qoʻshimcha koʻnikmalarni egallashning eng yaxshi yoʻllari haqida hikoya qiladi.

🔗 Maqolani oʻqish » (3 daq.)

💬 Sizningcha, qaysi biri bilim olishning eng oson usuli: onlayn darslarga yozilish yoki korxonada amaliyot oʻtash? Fikr-mulohazalaringizni izohlarda qoldiring ;)

👉 Khan Academy Oʻzbek | #kauzbek_blog

​​Fizika & Sanʼat (video)

🌈 Polaj (polage) – polarizatsiyalangan (nurlangan) qogʻoz va sellulozadan foydalanib, oʻzgaruvchan ranglar va shakllar chizish sanʼati hisoblanadi. Ranglar jilosining oʻzgarib turishi (filtrning aylanib turishi) rassomga bitta sanʼat asarida bir necha tasvir yaratish imkonini berib, rangli metamorfozlar hosil qiladi.
⠀
🌹 Ushbu asar “Yosh atirgul 1987/50” deb nomlanib, bu sanʼat turining asoschilaridan biri boʻlmish Ostin Vud Kamarov tomonidan chizilgan. Yorugʻlik nurlari maʼlum yoʻnalishda harakatlanadi. Muayyan yoʻnalishlarni toʻsib, yorugʻlikning harakatini oʻzgartirish uchun polarizatsiya filtrlari ishlatiladi. Polajdagi ranglarning hosil boʻlishi plastikning molekular tuzilishi qay holda yorugʻlikni qaytarishiga bogʻliq.
⠀
Ayrim ranglar: 🟡 sariq va 🟢 yashilga xos yorugʻlik nurlari hech qanday muammosiz plastikdan qaytsa, koʻk va qizil nurlarning qaytishi kam hollarda kuzatiladi. Polaj yorugʻlikni aylantirishda turli xil plastik qatlamlaridan foydalanadi. Soʻngra faqatgina belgilangan yorugʻlik oqimi (ranglar)ni qaytarish uchun polarizatsiyalangan filtrlar ishlatiladi.
⠀
Video: /physicsfun

👉 @KhanAcademyUzbek | @kau_fizika

🥳 Bugun xalqaro #tarjimonlar kuni!

#Bilasizmi? Eng koʻp tilga tarjima qilingan asar – Antuan de Sent-Ekzyuperining “Kichkina shahzoda” asari. 16 534 ta soʻzdan iborat bu asar dunyoning 382 tiliga tarjima qilingan.

✅ Khan Academy Oʻzbek loyihasi tarjimonlari esa ingliz tilidan oʻzbek tiliga 7 milliondan ortiq soʻzni tarjima qilishgan.

🌎 Translaton.uz marafoni doirasida esa rus va ingliz tillaridan bir hafta ichida 700 mingdan ortiq soʻzli maqolalar tarjima qilindi.

Aziz tarjimon, sizni ushbu kun bilan tabriklaymiz!

🎉 Bayram ortidan bayram

👩‍🏫 Kecha tarjimonlarimizni tabriklagan edik. Bugun esa navbat oʻqituvchilarga. Bayramingiz muborak boʻlsin!

🎈 Mustahkam sogʻlik, baxt va omad bilan birga Wacom ruchkangiz har doim toʻgʻri yozishini tilab qolamiz ;)

📃 Fursatdan foydalanib, boʻsh ish oʻrinlarini ham eʼlon qilsak: bizga quyidagi fanlar boʻyicha malakali mutaxassislar kerak:

• Oliy matematika;
• Statistika;
• Iqtisodiyot;
• Tibbiyot;
• Organik kimyo.

Agar oʻzingiz yoki tanishingiz yuqoridagi fanlar boʻyicha mutaxassis boʻlsa va Toshkent shahrida istiqomat qilsa, hoziroq ariza topshiring »

Batafsil maʼlumot: havola »
Videodars yaratish jarayoni »

📞 Bogʻlanish: 97 262-40-30 | 71 231-90-50
📥 Telegram: @khanacademyuzbek_methodist

Telegram | Instagram | Facebook

🌌 Koinotning kelib chiqishi, tarixi va buguni haqida bir qancha muhim maʼlumotlar mavjudki, ularni aqlga sigʻdirish oson emas. Bulardan biri Katta portlash — koinotning bir muncha vaqt oldin, aniqroq aytganda, 13,8 milliard yil avval paydo boʻlgani toʻgʻrisidagi gʻoya.

🧮 Xoʻsh, agar koinot 13,8 milliard yoshda boʻlsa, 46 milliard yorugʻlik yilini qanday koʻrishimiz mumkin?

Ushbu savolga bugungi maqolada javob topishimiz mumkin boʻladi.

🔗 Maqolani oʻqish »

💬 Fikr-mulohazalaringizni, har doimgidek izohlarda qoldiring ;)

👉 Khan Academy Oʻzbek | #kauzbek_blog

​​🌎 Algebra dunyosiga sayohatimizni boshlashning vaqti keldi!

Khan Academy Oʻzbek’da boshlangʻich algebra! Yoʻq, bu siz bilgan oddiygina arifmetika emas, bu boshlangʻich algebra.

🛫 Siz professionallar bilan poygaga chiqish arafasidasiz, bunda boshlangʻich algebra saboqlarini samolyotning uchish yoʻlagi deb tasavvur qiling. Siz samolyotsiz, algebra esa siz borishni maqsad qilgan quyoshli dam olish maskanidir. Siz ushbu uchish yoʻlagisiz hech qayerga bora olmaysiz.

💡 Bundan tashqari, barcha oliy matematika bilimlarining poydevori biz bu yerda sizga taqdim etadigan koʻpgina tushunchalarga asoslanadi: manfiy sonlar, modul, koʻpaytuvchilar, koʻpaytmalar, oʻnli va kasr sonlar shular jumlasidandir.

Shunday qilib, xavfsizlik kamarini bogʻlang va oʻrindiqqa yaxshilab joylashib oling. Biz parvozga tayyormiz!

🔗 Boshlangʻich algebradan videodarslarni @kau_boshlangich_algebra Telegram kanalida yoki xanakademiyasi.uz saytida koʻrishingiz mumkin.

Bepul. Barcha uchun. Har joyda. Hamisha. #SizBuniUddalaysiz

🪓 Taʼlim ildiziga bolta urayotgan imtiyozlar

📑 Test natijalari eʼlon qilingan kuni ijtimoiy tarmoqlarda eng koʻp muhokama qilingan mavzulardan biri abituriyentlarning javob varaqalari boʻldi. Ularda eng yuqori natijalar qayd etilgan (bu yil ikkita fan boʻyicha test sinovlari oʻtkazilganligi va natijalarni hisoblash tartibi oʻzgarganligi sababli eng yuqori ball 189 ni tashkil etgan), ammo oʻquvchi toʻlov-shartnoma asosida oʻqishga tavsiya etilgan. Bu esa 2020-yilgi imtihon mavsumi “hatto 100 foiz natija bilan ham talaba boʻla olmaslik mumkin”ligini isbotladi.

✍️ Konstitutsiya va testologiya fani talablariga toʻgʻri kelmaydigan bu imtiyozlar haqida Gazeta.uz kolumnisti Komil Jalilov hikoya qiladi.

🔗 Maqolani oʻqish »

💬 Fikr-mulohazalaringizni, har doimgidek izohlarda qoldirishingiz mumkin.

👉 Khan Academy Oʻzbek | #kauzbek_blog

🖖 EKUK – Eng kichik umumiy karrali

🎈 6-sinf matematika darsligining asosiy mavzularidan biriga 4 daqiqalik sayohat qilamiz. Qani, ketdik ;)

🔗 Boshlangʻich algebra kursimizning barcha mavzularini “Mundarija” orqali topishingiz mumkin.

👉 @kau_boshlangich_algebra

🧠 Oʻquvchilar uchun foydali layfxaklar

🏫 Maktabda oʻtgan kunlar hissiyotga boy boʻladi va aynan shu hissiyotlar, u xoh xursandchilik, xoh tushkunlik holati boʻlsin, maktab muhitini oʻz-oʻzini idora etish koʻnikmalarini sinab koʻrish uchun eng mos joyga aylantiradi.

Bugungi maqolamizda ushbu koʻnikmalarni shakllantirish va boshqarish haqida soʻz yuritamiz.

🔗 Maqolani oʻqish »

💬 Oʻquvchilarga yana qanday yordam berish mumkin? Izohlarda fikrlaringiz bilan boʻlishing.

👉 Khan Academy Oʻzbek | #kauzbek_blog

​​🔎 Oʻqituvchilar qidirilmoqda!

Bu safar barchasi jiddiy. Khan Academy Oʻzbek loyihasiga videodarslarni yaratish uchun quyidagi fanlardan oʻqituvchilar kerak:

⬢ oliy matematika;
⬢ iqtisodiyot;
⬢ tibbiyot;
⬢ kimyo.

🔹 Ish haqida:
– Dars jarayonini tashkillashtirish;
– Darsga tayyorgarlik, sifatli videodarslarni yozish;
– Bir oyda 80 tagacha videodars tayyorlash imkoniyati mavjud.

🔹 Talablar:
– Sohadagi chuqur bilim va malaka;
– Oʻzbek tilini (mukammal) va ingliz tilini (yaxshi darajada) bilish;
– Qiziqarli va interaktiv dars oʻta olish va kompyuterda ishlash;
– Shijoat, masʼuliyat va intizom.

🔹 Ish sharoiti:
– Nollari koʻp ish haqi ;)
– Moslashuvchan ish jadvali;
– Shahar markazida qulay ofis;
– Zamonaviy jihozlarga ega studiya.

❗️Videodarslar Toshkentdagi ofisda yozilishi sababli nomzodlar Toshkent shahrida istiqomat qilishlari kerak boʻladi.

🎬 Namuna videolar: @kau_kurslar

📌 Ariza topshirish: http://bit.ly/2shumG0

📞 97 246-90-50 | 71 231-90-50
✏️ @khanacademyuzbek_methodist
📩 [email protected]

🎁 Oʻqituvchilarni topishda koʻmaklashganlarga sovgʻalarimiz bor ;)

Telegram // Youtube // Facebook

🤓 Lekin bu fakt

🔫 Agar fazoda quroldan oʻq otilsa, u koinot boʻylab abadiy sayohat qiladi, chunki koinot oʻq tezligidan koʻra tezroq kengayadi.

💬 Yana qanday qiziqarli faktlardan xabardorsiz? Keling, izohlarda faktlar bilan boʻlishamiz ;)

👉 Khan Academy Oʻzbek | #kau_fakt

​​💫 Nyutonning birinchi qonuni haqida nimalarni bilasiz? Keling, bugun bilganlarimizni takrorlab, bilmaganlarimizni esa oʻrganib olamiz.

Fizikadan yangi videodarslar tez kunda: @kau_fizika

🥳 Bayram muborak!

🇺🇿 21-oktabr — oʻzbek tiliga davlat tili maqomi berilgan kun.

❤️ Khan Academy Oʻzbek jamoasi nomidan sizni bayram bilan tabriklaymiz va bizni kuzatib, oʻzbek tili rivojiga hissa qoʻshayotganingiz uchun minnatdorchilik bildiramiz ;)

👉 Khan Academy Oʻzbek | #kau_kun

​​🆕 Fizikadan yangi videodarslarni kutib oling!

📈 300 ga yaqin fizika olamiga oid videodarslar endi Telegramʼda.

☘️ Bu fan atrofimizdagi moddiy borliqni oʻrab turuvchi tabiat qonunlarini oʻrganadi. Dastlab harakat haqida, undan soʻng esa turli fizik tushunchalar: kuch, impuls, energiya va boshqalar haqida gaplashamiz. Fizikani toʻliq anglash uchun algebraning asosiy tushunchalarini bilishimiz kerak boʻladi.

🔗 Fizika kanaliga oʻtish »

❤️ Koʻring, oʻrganing va doʻstlaringiz bilan ulashishni unutmang. Barchasi mutlaqo BEPUL.

​​Yangi videodarslar!

📚 Algebra 2 kursidan videodarslar Youtube kanalimizga joylanmoqda. Ularni birinchilardan boʻlib tomosha qiling, oʻrganing va doʻstlaringiz bilan ulashing:

• Koʻphadning xossalarini tahlil qilish
• (x+a)(x+b) shaklida koʻpaytuvchilarga ajratish
• Paskal uchburchagi va kombinatorika ⭐️
• Koʻphadlarni qoldiqli boʻlish
• Gorner sxemasi mavzusiga kirish
• Funksiyalarni qoʻshish
• Funksiyalarni ayirish

Bepul. Barcha uchun. Har joyda. Hamisha.

Youtube | Kurslar | Vebsayt

🆕 Xan akademiyasida kimyo!

🧪 Dunyodagi har bir narsa kimyoviy moddalardan tashkil topganini bilasizmi? Kimyo — bu moddani, uning tarkibini, xususiyatlari va reaksion qobiliyatini oʻrganuvchi fan. Kimyoni tushunish orqali siz oʻzingizni qurshab turgan olamning barcha sir-asrorlarini bilib olishingiz mumkin.

Bepul. Barcha uchun. Har joyda. Hamisha.

→ Telegram: @kau_kimyo
→ YouTube: bit.ly/2QPfVp1
→ Sayt: bit.ly/3p2TWHJ

​​⚡️ Zilzila ketidan zilzila

4 kun avval Oʻzbekistonning ayrim hududlarida 3 ballik zilzila qayd etilgan edi, uni koʻpchiligimiz sezganimiz tabiiy. Bir necha daqiqa oldin esa 2 ballik qayd etildi (uncha sezilmadi shunday emasmi?).

🤔 Nima uchun ushbu ikki zilzila orasida 1 ballik (chiziqli oʻlchovda) farq boʻlsada, ularning taʼsir darajasi sezilarli farq qildi? Balki biz boshqa oʻlchov birligida oʻlchayotgandirmiz? 8 ballik zilzila 4 balligidan 2 barobar kuchliroqmi yoki undan ham koʻp?

🔴 Ushbu savollarimizga Rixter shkalasi orqali javob topamiz: https://youtu.be/jlgQPil9HzE

🔗 Algebradan videodarslar Telegramʼda: @kau_algebra2