ليه قلبي لا تزاعلنا على قلبك يحامي؟
والله انّي لا أبلع الجمرة على شانك هنيّه

من زود ما قلبي تحجر واستمات
"‏اقول احبك وانتظر ردّ الصدى"

واللي جهلني من ليونة سنينه
بكرة يشين الوقت ويعرف قدري

اللي عطيته قلب و شعور وهّاج
‏من وين أدوّر له على قلب ثاني؟

يم الحبيب اللي هروجه تعاجيب
ياعين لديله ويارجل سجي

شجاعٍ حذف لك بندقه والرصاص يثور
ولا تذبحينه عقب ما سلّم سلاحه

اللي بقى نبرة و صورة فـ الجفون
لا العين شافتها ولا الاذن سْمعَت

ليتك مثل ناسٍ .. يروحون ويجون
يا جادلٍ .. راحت ولا عاد ، رْجعَت

‏كثرة التفكير . . في بكره ، وفـ اللي وراه
‏تشغل الواحد عن الحاجة اللي في يده

ضمّيت طيفك وأرهقتني ساقي
عيب الرحيل .. أنه يبيله وقفة !

المهتوي لا اهتوى ما يطوي شراعه
يمشي على النار كنه ما وطى فيها

ليه قلبي لا تزاعلنا على قلبك يحامي؟
والله انّي لا أبلع الجمرة على شانك هنيّه

كل ما دعاني الشوق للقلب الأول
القى مكان القلب في الصدر تنهيد

ليت همي ما سكن بين الحنااااايا
وليت لي صدرٍ مثل نجد العذية

سلام الله سلامٍ فيه من وجه الصباح العذب
‏ومن وجهٍ لو املّ العرب ما املّ بسماته

ياوجودي وجد من نفسه جزوعه
باقيٍ فيها علومٍ مانستها

لابغى عن سجته ينسى دموعه
مرته ذيك العلوم وحولتها

مد لي لذّة الدنيا براحة كفوفه
وراح مني وهو غالي ولا زال غالي

‏أشعر بنارٍ تلتهب داخل الجوف
‏مايقدر الماء لو شربته يجيها

‏سم اللقاء صدفة وأسمّيه ميعاد
أنا انتظرتك .. وأنت مرّيت صدفة ⁩

ليت الغرابيل جتني من عدوٍ لي
‏اما تقاضيت ولا بيتقاضى لي

‏لكن من واحدٍ ذكرة غناةٍ لي
‏ولا زلت احبه وابا احبه ولا ابالي

‏خلوني اسج عن موضوعه احسن لي
‏والا الغلا والله إن يبطي وهو غالي

يذوب قلبي لاتبسم هوا البال
فديت انا الضحكة على مبسمٍ له