‏ابعدت نفسي عنك حشمه وتقدير
‏لجل الغلا يبقى مثل منت خابر .

انهزمت من العيون اللي تحت رمشك تفيا
‏ماني بـ راضي و لكن منك يا حلو الهزيمه

‏"اتركوني في متاهات الخيال الجرهديه
‏لين أسوي صلح بين الممكنه والمستحيله"

‏"يوم غابت ليلة الميعاد و أقفت كل نجمة
جيت أدوّر في عتيم الليل عن ضحكة سراجك "

‏"يا ثقل الخطاوي اللي يعوّد بها المردود
‏أثَرها على الأرض.. و وجعها على كتوفه"

"لو توالت عليك من الزمان الهزايم
لا يموت الطموح ولا تكلّ العزيمة"

"ظروف الايام مثل السمعة الشينه
ماودّك تشوفها في واحدٍ غالي"

‏" شربٍ على غير الظما يجرح الكبد
‏وقربٍ على غير المودة.. مهونه "

"شق جلباب الدجى من خيوط الفجر نور
‏كن ما غيري على وجه الأرض استقبله"

"وش لي بصدرٍ مايجي منهّ تقدير
‏وصدور خلق الله لشوفي شفاحة"

"الحظيظ اللي سليتو من مودّته و سلاكم
‏النشاما ما تضيق إلا من فراق النشاما"

‏"مرّي عسى الله لا يعدم الأرض من لينك
‏ما قبلك اللي تتوق الأرض لخطاها"

‏في غيبتك مالدّ منّا ومنّا
ذكراك تملا وحشتك في غيابك .

"الي م جانا والديار مخيفه
فلا هلا به يوم جات العوافي"

‏مسكين ياللي تحسب الواجد ، شوي
‏ " العافيه " لو تنشرى وش ثمنها ؟

‏والله أني في ربيع العمر مرخص لك سنيني
‏ما نبت للعمر زهر إلا عشانك .. تقطفينه

‏"يوم سيفك سيّل الدمع من باب العيون
‏مابقى لي من دروعي سوى راحة يدي"

‏"شربتك ضما وأثر الولع ما يبي له شرب
‏سوى رشفةٍ تبطي مثل رشفة الشاهي"

‏حتى المديح اللي يجيني من الناس
‏ما هو مثل إطرائك اللي أحبّه