‏تلمست الحشا يمكن ألقى له عذر ثاني
لقيت إن الجروح بداخلي أكبر من الأعذار .

‏"نفسيّتي نار، وفتيلة، وبارود
‏يادوب منها أطلع بـ بعض السلامة"

‏"لا تفتشين جيوب ثوب التفاصيل
‏ تلقين شيٍ يحزنك .. يا حلالي"

‏أركيت ظهري على ظل الجبل لكن
ما جت مواعيد ظله مع مواعيدي

‏خلصت من قلبي و من عنفوانه
‏المرحله هذي لعقلي و ما فيه

‏ يا عقلي الناضج أمّنتك أمااانه
‏ما كل شي يهيّض قلبي تسويه

‏لا باس .. يا راسٍ ملته التفاكير
‏وعاف المنام وعاف لين الوساده

‏لا بُد من عقب المصاعب تياسير
‏و الآدمي يصبّر .. وصبّره عباده

‏بكره يبين الصبح و يغرد الطير
‏و أمشي مع العالم و أوزع سعاده

خذ الرسايل والصور ، واعتذاري
هذي النهاية ، قالها من تمناك .

‏في زوايا تالي الليل يرتاح الضمير
‏لا فهق عقب اول الليل باقي ضيقته

‏لا كذب وجهي عليكم وقال اني بخير
‏برقّوا في لمعة عيونه وتدنيقته

‏كنت احسب ان نفسي اللّوّامة مصيبة
‏الين قمت اذنب ولاعاد لامتني

‏طاوعت نفساً توردني على الخيبة
‏وعصيت رباً ملايكته على متني

‏يالله بنوراً ليا ضعت تهديني به
‏ضمّيت رغبات قلبي لين ضامتني

‏كان له نفسٍ بخيلة فـ لي نفسٍ تشوم
‏لا تغره روحي اللي عليه مهايمّه .

‏“ما أنت مستوعب إن حتى الشغف فيك مات
‏لين تضحك .. من اللي كنت تبكي لها”
‏- عبدالعزيز العبلان

‏تكفي مراسيلنا العجلات يا خلّي
‏عن مخذ الأخبار ولا شوف الأزوالي

‏قلبي وقلبك توصّل لك وترسل لي
‏والله إنها أشدّ من موجات الإرسالي

‏رداً سلامي عليك وجنّ وقالوا لي
‏إنك ترحّب وأنا في خاطرك غالي .

‏•سعد بن جدلان

يوم أنا مالي من الدنيا سوى وجهك زهاب
‏عن حمولك هاك متني واللّي في بالك قله

‏إيه يا فرحة وصول الحلم وأعتاق الرقاب
‏وأثمن أقدار السنين الماضيه والمقبله .

‏الشعور اللي كتبته والشعور اللي حكيته
‏ما يجي مثقال ذرة عند مابين الحنايا

‏والقصيد اللي نشرته والقصيد اللي بكيته
‏ما يجي مثقال ذرة عند شعري بالخفايا

‏ماعاد يغريني جمال البدايات
‏انا النهايات الجميله طموحي

جعل منهو نوى قربك ياوليفي
تلخمه تريلة ساهي القلب راعيها‏

دربٍ يهين النفس ماني بماشيه
لو قام خفّاقي على الضيق وأمسى

‏إن تكاثرك السهر وإستنكرك وجه المكان
‏جبت لك من ماضي الذكرى مواقيف وشهود

في داخلي فوضى و زحمه و وتوابيّت
‏موتى و جرحى و ناس تبكي و تداوي

احر من وقع السيوف وأشد من طعن الرماح
لا صار فيك الهم باين وانت صامل تنكره