Мавлонодан ҳикоялар
Ҳўкиз саналган шер
Кофир ҳам, мўмин ҳам “Aллоҳ” дейди, аммо ораларида эътиқод ва идрок жиҳатидан ер билан осмонча фарқ бор. Тиланчи нон дардида, Ҳақ таоло ман этган ишлардан тийилган тақводор банда эса чин кўнгилдан айтади Аллоҳ дея. Aгар тиланчи “Аллоҳ” сўзининг маъносини тамоман англаб етганида қилаётган ишига ҳожат қолмас, қалби маънан бойир, одамларга қўл чўзишдан воз кечарди. Ўша нон гадоси хашак илинжида Мусҳаф ташиган эшак сингари неча йиллардан буён Aллоҳ номини тилидан қўймайди. Агар бу сўз тилидан эмас, юрагидан чиқиб, кўнглини ёритгандайди, жисми зарраларга бўлинар, кўланка мисоли борлиғи йўқ бўлиб кетарди. Сеҳргарликда шайтоннинг отидан фойдаланишганидек, сен, эй тиланчи, Яратганнинг номи ила пул топмоқчимисан?

* * *
Бир киши ҳўкизини охурга боғлаб қўйганди, шер уни еб, ўрнига ўзи ётиб олди. Кеч тушгач, ҳайвонидан хабар олиш учун оғилхонага кирган одам қоронғуда пайпаслаб ҳўкизини қидирди. Қўли шерга тегди ва ҳеч нарсани пайқамай бошдан-оёқ ҳамма жойини силаб-сийпалади. Арслон ўз-ўзига дедики: “Aгар сал ёруғ бўлганда бу бечоранинг ўтакаси ёрилиб, юраги тушиб ўларди. Фақат ҳозир қоронғулиги учун мени ҳўкиз деб ўйлаб, бемалол қашлаб ётибди”.
Aллоҳ таоло огоҳлантиради: “Эй гумроҳ банда! Тур тоғи зикрим ила майда-майда бўлмадими? Aгар ушбу Қуръонни тоғга туширганимизда эди, унинг Aллоҳ қўрқувидан титраб-қақшаб ва парчаланиб кетганини кўрардинг . Уҳуд тоғи буюклигимни англаганида эди, бўлакланиб, ичидан қон ирмоқ бўлиб оқарди”.
Сен Aллоҳ исмини ота-онангдан эшитиб, унга ғофилларча ёпишдинг. Тақлидга эргашмай, Аллоҳ номининг ҳақиқатидан чин маънода хабардор бўлсайдинг, кичрайиб, тугаб-битардинг, ҳотиф сингари ном-нишонинг ҳам қолмасди.
Турк тилидан Дилрабо Ҳайдарова таржимаси

@Jaloliddinrumiyy🍃

Ким гуноҳ ишни кам қилади

Сўради: Устоз, айтинг-чи, донишмандликнинг ибтидоси нимаю интиҳоси нима?
Жавоб берди: сукут ва яна сукут...
➖➖➖
Сўради: Хўш бу нени англатади?
Жавоб берди: Илк сукут – билмасликни англатса, охиридаги сукут эса, билмаганини билганидан кейинги сукутдир.
➖➖➖
Сўради: Айтганингизни батафсилроқ баёт этсангиз?
Жавоб берди: гап шундаки, инсон аввалига билмагани учун сўзламайди, сўнг эса, кўп нарсалар моҳиятини тушунгани учун онгли равишда сукут сақлайди...
➖➖➖
Сўради: Бундай ҳолатда донишмандликнинг ўртаси нима билан баҳоланади?
Жавоб берди: Кишининг ўз билганларини бошқаларга кўрсатишга интилиши ва буни амалда муваффақиятли уддалай олиши орқали...
➖➖➖
Сўради: Фозил инсонларни қандай билиш мумкин?
Жавоб берди: Уларнинг диллари илму ҳикмат, тиллари ширин калом билан зийнатланган, хулқ-атвори гўзал одоб ва хушхулқлик билан безанган, бажарадиган амаллари эзгулик ва бунёдкорликка йўналтирилган бўлади...
➖➖➖
Сўради: Вафоли ёр ким?
Жавоб берди: Ҳаёт йўлларида доимо ҳамнафас, ҳамдам бўлган сирли ва жозибали, жонкуяр ва содиқ дўст, қалбан яқин инсон.
➖➖➖
Сўради: Ўзининг нафсига қул бўлган кишиларга таъриф берсангиз?
Жавоб берди: Бу тоифадагиларнинг минадиган улови – жоҳиллик, жилови – ғафлат, кўзлаган манзили – шармандалик эрур. Чунки, улар бу олам бойликларини фақат ўзига тегишли, деб билишади ва ҳар бир нарса моҳиятига шу нуқтаи назардан ёндашишади. Улар учун бу олам роҳат-фароғат, айшу ишрат имкони саналади...
➖➖➖
Сўради: Қай тоифа инсонлар гуноҳ ишни кам қиладилар?
Жавоб берди: Гуноҳ ишни қилмасидан олдин унинг оқибати нималарга олиб келишини тушуниб етган ҳамда аввалги гуноҳлари учун тавбаси қабул қилинишига қаттиқ умидвор бўлганлардир.

“Фарзанднома” китобидан.

@Jaloliddinrumiyy🍃

Бисмиллаҳни айтиш эсдан чиқса
🕌
Ассалому алайкум! Азиз устозлар, овқатланишда ёки бирор таомланишда Бисмиллаҳ ни айтиш эсдан чиқиб қолса нима қилиш керак?

«Зикр аҳлидан сўранг» ҳайъати:

– Ва алайкум ассалом! 
عَنْ عَائِشَةَ رَضِيَ اللهُ عَنْهَا، عَنِ النَّبِيِّ صَلَي الله عَلَيْهِ وَسَلَّم قَالَ: إِذَا أَكَلَ أَحَدُكُمْ فَلْيَذْكُرِ اسْمَ اللهِ، وَإِنْ نَسِيَ أَنْ يَذْكُرَ اسْمَ اللهِ فِي أَوَّلِهِ فَلْيَقُلْ بِسْمِ اللهِ أَوَّلَهُ وَآخِرَهُ. رَوَاهُ أَبُو دَاوُدَ وَالتِّرْمِذِيُّ 
Оиша розияллоҳу анҳодан ривоят қилинади: 
«Набий соллаллоҳу алайҳи васаллам: «Қачон бирортангиз таом еса, Аллоҳнинг исмини зикр қилсин. Агар аввалида Аллоҳнинг исмини зикр қилишни унутиб қўйса, «Бисмиллаҳи аввалаҳу ва ахироҳу» десин», дедилар».
Абу Довуд ва Термизий ривоят қилганлар.
Шарҳ: Баъзан таом тановул қилиш пайтида инсон шошилиб, «Бисмиллаҳ»ни айтиш эсидан чиқиб қолади. Бир оз еганидан кейин «Бисмиллаҳ»ни айтмагани эсига тушиб қолади. Пайғамбар соллаллоҳу алайҳи васалламнинг ушбу ҳадиси шарифларига биноан, ана шундай вақтда «Бисмиллаҳи аввалаҳу ва ахироҳу» демоғи лозим. Бу жумланинг маъноси «аввалида ҳам, охирида ҳам Бисмиллаҳ» дегани бўлиб, таомнинг баракасини қайтаради ва унга шайтон шерик бўлишини қирқади. (“Ҳадис ва Ҳаёт” китобидан). Валлоҳу аълам!

@Jaloliddinrumiyy🍃

Чорасизлик Аллоҳ таолодан келган энг гўзал ишоратдир.
У дуо вақтининг келганини англатади.
Кўзингдан ёшлар сизилса, гўзал юзинг ғамгин бўлса, билгилки, Роббинг сени соғинибди, сени эшитишни хоҳлаяпти!

✍️Ҳазрати Мавлоно Румий

@Jaloliddinrumiyy🍃

ЎЙИН - КУЛГУ УММАТИ!

“Кундалик хабарлар” газетасида ёзишича, Байрутдаги театрлардан бири бир раққоса билан йигирма кечалик шартнома тузибди. Бир кеча рақс тушганига юз жунайҳдан беришар экан. Бу Суриянинг 885 лирасига тенг келади. Раққоса бир кечада топадиган пулни давлат ишчиси олти ойда ишлайди. Қози уч ойда ишлайди. Маҳкама раиси, университет профессори, муҳандислар икки ойда ишлайди. Парламент депутати бир ойда ишлайди. Раққосанинг икки кечада ишлайдиган пули вазирнинг маошига тўғри келади. Уч кечада топадиган пули бош вазир маошига тенг. Тўрт кечада топган пули Президентнинг маоши билан тенг!
   Бу нима дегани?
Актёр Маҳмуд Шококо беш йилда эришган мол ва шуҳратга нега Суриялик ёзувчи, тарихчи, журналист ва жамоатчилик арбоби Муҳаммад Али Курд ёки бошқа араб давлатларидаги олимлар эллик йилда ҳам ета олмайди?!
   Бунинг маъноси шуки, биз ҳазил-мазаҳ, енгил-елпи, лағв ва беҳуда ишларга берилиб кетдик. Бор ғамимиз ва ташвишимиз шу. Жиддийликдан узоқлашдик. Бизга ватанни бино қилишдан, фойдали илм олишдан, гўзал хулққа эга бўлишдан кўра қаёқдаги ўйин-кулгулар ва томошалар муҳим бўлиб қолди!
   Биз оммага “тасалли” берадиган ва шаҳват уйғотувчи арзон “санъат”га берилиб кетдик!
  Биз ҳали бунинг бадалини қимматроқ миқдорида тўлаймиз!

Али Тантовий

@Jaloliddinrumiyy🍃

​​ҲАЁТИЙ ВОҚЕА
🌷
  Мактабда ўқитувчилардан бири ўқувчилардан имтиҳон олишга қарор қилади. Энг яхши натижа учун мотивация бўлсин деб янги поябзал совға этилишини айтади.

  Болалар хурсанд бўлиб, қунт билан ёзишни бошлашади.
  Ярим соат ичида ҳамма ўз ишларини топширишади ва деярли барчаси мукаммал жавоб беришади. Ўқитувчи барчага ажойиб натижа учун, саъй-ҳаракатлари учун миннатдорчилик билдиради ... Лекин ўқитувчи совғани кимга беришни ўйланиб қолади.
 
  Шундай бўлса-да, у муносиб ечимни топади ... Ҳаммаси чин бўлиши учун у ҳар кимдан ўз исмини бир вараққа ёзиб, уни буклаб, бир қутича ичига солишларини ва бу қутичадан ўқитувчи биттасини олиб, номи чиққан ўқувчи ҳақиқий ғолибга айланишини эълон қилади.
 
  Дарҳақиқат, ўқитувчи қутичанинг ичидан бир қоғозни чиқариб, ўқувчининг исмини ўқийди. "Вафаа Aбдел Карим" .. У мукофот соҳиби.

  Қиз Вафаа ўқитувчи ва барча болаларнинг қарсаклари остида кўз ёшлари билан олдинга қадам қўяди.

  У барчага миннатдорчилик билдиради ва ўқитувчисидан ўзи учун жуда зарур бўлган ушбу ажойиб совғани қабул қилиб олади.

  У эски поябзал кийишдан чарчаган, ота-онаси эса жуда камбағаллиги сабабли янгисини сотиб олиб беришолмаган.
 
   Ўқитувчи мамнуният билан уйига қайтади ... ва бу воқеани у эрига йиғлаб айтиб беради.

  Эри бундай воқеани хотинидан эшитганидан жуда хурсанд эди ... Aммо кўз ёшларининг боисини тушунолмай ҳотинидан сўрайди.

   Қутини очиб қарасам, не кўз билан кўрайки, ҳамма унинг исмини ёзган экан. Ҳар бир қоғоз варағида "Вафаа Aбдул Карим" номи бор эди. Барча болалар унинг аҳволини пайқашган эди ва бу қизнинг фойдасига ўқувчилар совғадан воз кечишди.

@Jaloliddinrumiyy🍃

Гоҳида қалбинг билан ёлғиз қолишингдан кўра чиройли лаҳза бўлмайди...
🌸°•┈┈┈••ৡ❀ৡ•┈┈┈•°🌸
Сабр шундай ипга ўхшайдики, сен уни узилади деб ўйлаганингда, у янада мустаҳкам бўлади. Энди камайди деганингда, у кўпаяди.
🌺°•┈┈┈••ৡ❀ৡ•┈┈┈•°🌺
Севги сўздан, Ишқ эса кўздан тўкилмиш...
🌸°•┈┈┈••ৡ❀ৡ•┈┈┈•°🌸
Мақсадга сабр билан йетишади шошқалоклик билан эмас. Сабр қилгинки, энг тўғрисини Аллоҳ билади.

✍️Мавлоно Румий

🌺°•┈┈┈••ৡ❀ৡ•┈┈┈•°🌸

@Jaloliddinrumiyy🍃

Мунофиқ ва ҳасадгўйнинг аломатлари

Ваҳб ибн Мунаббаҳ айтади: Мунофиқнинг аломати учта бўлади:
1️⃣. Ёлғиз қолганида дангасалиги тутади.
2️⃣. Кимдир кўриб турса, ғайрати келади.
3️⃣. Ҳар бир иши учун мақтов эшитишни истайди.

Ҳасадгўйнинг ҳам учта аломати бўлади:
1️⃣. Ҳасад қилган кишисини ғийбат қилади.
2️⃣. Агар ўзини кўрса, унга хушомад қилади.
3️⃣. Агар унинг бошига иш тушса, қувонади.

@Jaloliddinrumiyy🍃

ҲАЁТИЙ ҚИССА
(Албатта ўқинг!)

Бир камбағал, фақир кишининг бошига оғир ташвиш тушди, қарзлари кўпайиб 500 динорга етди. Уларни тўлашга қурби етмасди. Бошқа томондан қарз берганлар пулларини тинмай талаб қила бошладилар. Ночор қолган киши бой савдогарнинг ҳузурига бориб 500 динорни маълум муддатда қайтариш шарти билан қарз ҳавола қилди ва қарзларини тўлади. Куну тун бир бирини қувлаб ўта бошлади. Аҳвол эса ёмонлашгандан ёмонлашди. Келишилган муддат етиб келди. Савдогар пулини сўраб келди. Бечора фақир эса тўлашга бир дирҳами ҳам йўқлигини айтди. Савдогар қозига арз қилди. Қози камбағални то қарзини тўламагунча зиндонга ташлашга ҳукм қилди.
Камбағал киши қозига:
- Ҳазрат эртагача менга изн беринг, уйимга бориб аёлимга айтай, оиламдагиларни ҳотиржам қилиб келай, токи мендан ташвишланмасинлар.
Қози:
- Эртага қайтиб келишингга ким кафил бўлади?
Камбағал:
- Росулуллоҳ соллаллоҳу алайҳи васалламни кафил қиламан. Гувоҳ бўлингки агар эртага қайтиб келмасам, дунё ва охиратда Муҳаммад соллаллоҳу алайҳи васалламнинг умматлари эмасман.
Қози ҳам солиҳ киши эди, фақирдан бу кафилликни қабул қилиб, уни уйига бориб келишига изн берди.
Киши уйга келгач аёлига вазиятни тушунтирди. Солиҳа, оқила аёл:
- Набий соллаллоҳу алайҳи васалламни қози ҳузурида кафил қилиб келибсиз, келинг энди у зот соллаллоҳу алайҳи васалламга саловат айтамиз. Шояд Аллоҳ айтган саловатларимиз баракасидан ғам-ғуссаларимизни аритса.
Шундай қилиб эр-хотин ўтириб Расулуллоҳ соллаллоҳу алайҳи васалламга саловат айта бошладилар. Ҳатто уйқу ғолиб келиб, ухлаб қолдилар.
Киши тушида Набий соллаллоҳу алайҳи васалламни кўрди. У зот фақирга: « Тонг отгач волий ҳузурига бор. Унга менинг саломимни етказ. Ва айтгинки:"Расулуллоҳ ( с.а.в.) қарзларимни тўлаб беришингизни талаб қилдилар". Агар гапинг ростлигига исбот талаб қилса унга икки аломатни айт: биринчиси - волий ҳар кеча канда қилмай менга минг марта саловат айтади.
иккинчиси - кечаги тунда саловатни саноғида адашиб кетди, лекин менга тўлиқ етказилди айтган саловатлари.»
🍃🌹🌱🌹🍀🌹🌿
Киши уйғониб, шаҳар волийи ҳузурига ошиқди. Олдига кириб салом берди ва:
- Расулуллоҳ (с.а.в.) сизга салом айтдилар ва мени қарзимни қоплашингизни буюрдилар, - деди.
Волий:
- Қарзинг қанча?
Киши:
- 500 динор.
Волий:
- Гапингни ростлигини тасдиқловчи далилинг борми?
Киши:
- Иккита далилим бор. Бири - сиз Расулуллоҳ соллаллоҳу алайҳи васалламга ҳар кеча минг марта саловат айтасиз.
Волий:
- Гапинг тўғри, деб йиғлаб юборди.
Киши:
- Иккинчиси - кеча кечаси саловат айта туриб саноқдан адашиб кетдингиз, Набий алайҳиссалом саловатларингиз комил тарзда етказилганини хушхабарини бердилар.
Волий:
- Рост айтдинг, деди ва ёшлари кўзларидан қуйилиб кетти.
Сўнг байтул молдан 500 динор беришларини амр қилди. Яна ўз молидан 2500 динор берди ва:
- Бу сенга Набий с.а.в.дан салом келтирганинг учун икром, деди.
Киши волий ҳузуридан чиқиб, қозининг олдига шошди. Етиб келгач, қози уни кутиб ўтирганини ва қўлида ҳамён кўрди. Қози:
- Мен қарзингни қоплайман, мана сенга 500 динор. Чунки мен сени сабабингдан Расулуллоҳ с.а.в.ни тушимда кўрдим. У зот менга «Агар уни қарзини ўтасанг, Қиёматда сендан гуноҳларингни кечамиз» дедилар, - деди.
Шу пайт савдогар кириб келди ва қозига:
- Жаноб қози мен бу кишидан қарзларимни кечдим, розиман. Мана бу 500 динор мендан унга ҳадя. Чунки мен унинг сабабидан Расулуллоҳ с.а.в.ни туш кўрдим. У зот менга: «Агар уни қарзидан кечсанг, сени гуноҳларингдан Қиёмат куни кечамиз» дедилар, - деди.
Шундай қилиб киши қози ҳузуридан беҳад хурсанд бўлиб чиқди, аёлига хушхабарни айтишга ошиқди. 500 динор қарзини тўлаб берадиган одам ахтариб юрган эди, мана энди уйига 4000 динорни кўтариб шодмон қайтмоқда. Буларнинг барчаси Набиййимиз Муҳаммад соллаллоҳу алайҳи васалламга айтилган саловат барокатидан содир бўлди.
🍃🌹🌱🌹🍀🌹🌿
Қиссадан таъсирланган бўлсангиз:
«Аллоҳумма солли ва саллим ъала Муҳаммадин ва али Муҳаммад» деб айтинг!

Умму Амина таржимаси.

Дўстларингизга улашинг!
Саодат нуридан баҳраманд бўлинг, яқинларингизни ҳам шерик қилинг!

@Jaloliddinrumiyy🍃

Аҳмад ибн Ҳанбал раҳимаҳуллоҳдан сўрашди:

— Қандай қилиб одамларнинг гап-сўзидан омон қолиш мумкин?
Жавоб бердилар:
— Уларга берасану олмайсан. Сенга озор беришса, чидайсан аммо сен уларга озор бермайсан. Ишлари тушиб келса, йўқ демай бажариб берасан, лекин уларга ҳеч хизмат айтмайсан.

Ҳалиги киши — ҳазрат, ахир бу жуда ҳам қийин-ку? — деган эди,
— Кошки эди шундай қилиб ҳам улардан қутила олсанг! — дедилар, имоми Аҳмад раҳимаҳуллоҳ.

@Jaloliddinrumiyy🍀