​​ИСТИҒФОР ҲАҚИДА

Зикр билан инсоннинг қалбидаги моғори кетади, покланади. Шунинг учун руҳий тарбия машойихлари бирорта одам олдиларига келиб, ўзларига шогирд тушиб, “Мени шогирдликка олинг. Ибодатни ўргатинг. Қалбимни поклай. Руҳим енгил бўлсин. Аллоҳга яқин бўлай” деса, тавба қил дейдилар. Тавбадан кейин “Астағфируллоҳ”ни тинмай айтасан деган вазифа берадилар. “Астағфируллоҳ” Аллоҳнинг зикрларидан бир зикр. Аллоҳдан мағфират сўрайман, гуноҳимнинг кечирилишини сўрайман дегани. Ана ўшани вазифа қилиб олиб, мурид тинмай “Астағфируллоҳ, Астағфируллоҳ” деб айтаверади. Шу “Астағфируллоҳ”ни ният ва ихлос билан айтавериш қалбни покловчи омилдир. Инсон ният қилиб, баданини таҳорат билан, сув билан поклайди. Қалбни ювай деса, ичкарини сув билан ювиб бўлмайди. Уни ювадиган нарса “Астағфируллоҳ”дир. Ҳар “Астағфируллоҳ”ни айтганда қалбда жойлашиб олган моғор нуқталаридан бир нуқта кўчади. Секин-секин, кўчиб-кўчиб, тушиб-тушиб, покланиб-покланиб, ярқ этади-да, пок қалбнинг эгаси нима зикр қилса, ўзига ботадиган бўлади. Шунинг учун қалбни поклаш зикр билан бўлади. 

Шайх Муҳаммад Содиқ Муҳаммад Юсуф раҳимаҳуллоҳ

@Jaloliddinrumiyy🕊

Мавлонодан ҳикоялар

Ҳазрат Алининг юзига тупурган душман
Ибодатдаги ихлосни макрдан фориғ бўлган зот, Аллоҳнинг шери – ҳазрат Алидан ўрган.
Пайғамбарлару валийлар фахри бўлмиш ҳазрат Али жангда бир йигитни енгиб, ўлдиришга чоғланганида рақиби юзига тупурди. У зот шу заҳоти қиличини тушириб, жангни тўхтатди. Ўринсиз афву марҳаматнинг сабабини тушунолмаган йигит ҳайронлик билан сўради:
– Менга қарши кўтарган кескир қиличингни нега бирдан туширдинг?  Муҳаққақ ғалабадан воз кечишингга сабаб нима? Нени кўрдингки, кучли ғазабинг сокинликка алмашди? Худди қаттиқ чақмоқ чақиб, дафъатан сўнгандек бўлди. Сен кўрган нарса менда ҳам акс этиб, кўнглимда бир шуъла порлади. Жасурликда Аллоҳнинг шерисан, лекин инсонийлигинг қандай, буни ким билади?
Ҳазрат Али бундай жавоб берди:
– Мен қилични Аллоҳ розилиги учун кўтараман. Ёлғиз Аллоҳнинг қулиман, нафсим ва жисмимнинг хизматчиси эмас! Мен Ҳақ таолонинг шериман, ҳою-ҳаваснинг эмас! Диним қандай буюрса, шундай амал қиламан. “Отган пайтингда сен эмас, балки Аллоҳ отди” ояти жангдаги шиоримдир. Қаҳру ғазаб ҳатто подшоҳларга ҳам ҳукмини ўтқазиши мумкин, аммо мен унинг устидан ҳокимман. Жаҳл отига жилов солиб, ҳилм тиғи ила бўйнига урдим. Ҳақнинг қаҳри мен учун раҳматдир. Жанг они юзимга тупурганингда ичимда бир васваса қўзғалди. Нафсимга бўйсуниб, ғазабимни босолмай қоламан деб қилични қинига солишни маъқул кўрдим. Шу тариқа “Ким Аллоҳ учун севса, Аллоҳ учун ёмон кўрса...” ҳадисига амал қилмоқчи бўлдим. Кимгадир душманлигинг фақат Аллоҳ учун бўлиши керак. Жўмардлигим Аллоҳ йўлида бўлишини, боримни У Зот учун асрашни истадим. Молимни беришим ҳам, бермаслигим ҳам фақат Аллоҳ йўлида. Чунки мен ёлғиз Унинг қулиман. Ҳақ таоло учун қилган бирор ишимда тақлидга йўл қўймадим, шубҳа-гумонга бормадим. Барча амалимни кўриб, билиб қилдим. Эй йигит! Юзимга тупурганингда нафсим уйғониб, ўзимни бошқаролмайдиган даражада ғазабландим. Агар ўша пайт давом этсам, курашимнинг ярми Аллоҳ учун, ярми нафсим учун бўларди. Аммо Ҳақ ризоси кўзланган ишда шериклик ярамайди.
Бу сўзларни эшитган рақиб қалбид ёришди, зуннорини узиб, имонга келди.
– Эй Али! Сени ёмон хулқли кишиларга қиёслаб, янглишибман. Бошқачасан деб ўйлаб, жафо тухумини экибман. Аслида эса адолатда Ҳақнинг мезони, ҳатто энг тўғри тарозиларнинг ўқи; аслим, зотим, яқиним, динимнинг, имонимнинг нури экансан. Мен ҳақиқатни кўрувчи кўз қидирган ул Ҳақ чироғи Муҳаммад алайҳиссаломнинг хизматкориман. Зеро, сенинг қалб чироғинг ҳам унинг нуридан озиқлангандир. Бу замонда таниганим энг улуғ зотсан. Ойдинликлар уммони ҳазрат Пайғамбарга жоним фидо бўлсинки, сендек инжуни етиштирибди. Менга калимайи шаҳодатни ўргат, – деди.
У ва қариндошларидан эликка яқин киши муҳаббат ва иштиёқ-ла Исломни қабул қилди. Шу тарзда ҳазрат Али жуда кўпчиликни пўлат қиличдан кўра ўткирроқ бўлган ҳалимлик шамшири ёрдамида ҳалокатдан қутқарди. Зеро, мулойимлик ҳатто юзларча қўшинни енга олувчи кучли қуролдир.

Турк тилидан
Зулфия Нуриддинова таржимаси

@Jaloliddinrumiyy🍃

ҲАММА НАРСАДАН ИБРАТ ОЛ!

🔺Ҳасад қилганлар сенга зарар етказишга ҳам, фойда келтиришга ҳам, ҳаёт беришга ҳам, савоб беришга ҳам, азоблашга ҳам қодир эмаслар.

Олимлардан бири: "Қалбда шундай бир ҳолат бўладики, агар жаннат аҳли бизнинг ўша ҳолимиздек бўлса, демак, улар яхши ҳаётда эканлар", деди.

Ва яна бирлари: “Қалбда шундай бир ҳолат бўладики, Аллоҳ зикри сабабли, у хурсандликдан рақсга тушади”, деди.

Олимлардан бирини зиндонга ташлашганида, у Қуръони Каримдаги "Сўнг улар (билан мўминлар)нинг ўртасига дарвозали бир девор урилурки, унинг ичида раҳмат-жаннат, ташқарисида-олдида эса азоб-дўзах бўлур", оятини ўқиди.
(Ҳадид сураси,13-оят).

У зиндондалик пайтида: “Душманларим нима қилишса, қилишди. Лекин мен қалбимдаги бўстоним ва жаннатим билан бирга бўлдим. Қаерга борсам, у мен билан бирга бўлди. Агар ўлсам, қалбимдаги бўстоним ва жаннатим менинг шарафим. Шунинг учун юртимдан чиқариб юборилишим мен учун саёҳат, қамаб қўйишса эса узлатдир”, деди.

Ким Аллоҳга астойдил ишонса, барча нарсани топади. Ким Аллохга ишонмаса, барча нарсани йўқотади Расулуллоҳ соллаллоҳу алайҳи васаллам: "Субҳоналлоҳи валҳамду лиллаҳи вала илаҳа иллаллоҳу валлоҳу акбар (Аллоҳни нуқсон сифатлардан холи, камол сифатлар билан улуғлайман. Ҳамду сано Аллоҳга лойиқ. Аллоҳдан ўзга илоҳ йўқ. Аллоҳ ҳамма нарсадан улуғдир), деб айтишим мен учун қуёш чиқишидан афзалроқдир", дедилар.

Салафлардан бири бадавлат кишилар, уларнинг қасрлари, ҳовлилари ва мол-дунёлари ҳақида гапириб: "Улар ҳам ейишади, биз ҳам еймиз. Улар ҳам ичишади, биз ҳам ичамиз. Улар ҳам қарашади, биз ҳам қараймиз. Лекин биз ҳисоб бермаймиз. улар ҳисоб беришади", - деди.

Қабрга кирилган биринчи кечаёқ Хаварнақ қасрлари ва Кисро бойликлари унутилади:
"Мана, Бизнинг ҳузуримизга сизларни аввал-бошда қандай яратган бўлсак, шундай ёлғиз ҳолда келдингиз. Сизларга берган нарсаларимизни ортингизда қолдирибсиз".
(Анъом сураси, 94-оят).

Мўминлар Аллоҳ ва Унинг расули рост айтди, дейишади. Мунофиқлар ва дилларида шубҳа-гумон бўлган (яъни эътиқодлари заиф бўлган) кимсалар: "Аллоҳ ва унинг пайғамбари бизларга фақат ёлғон ваъда қилган эканлар", дея гап бошлайдилар.

Ҳаётинг қандай фикр юритишинга боғлиқдир.

Демак, фикр юритишинг натижаси, у хоҳ яхши, хоҳ ёмон бўлсин, ҳаётингга таъсир этади.
Айтишади-ку, агар яланг оёқ бўлсанг оёғи кесилган кишига қарагин ва икки оёғинг борлиги учун Аллоҳга ҳамд айтгин.


📚"Ғам-Қайғусиз яшай десангиз" китобидан.

@Jaloliddinrumiyy🕊

«Эй сахар шабодаси каби, тонг вақтининг завқини туйган, у онлардаги илоҳий тажаллийларнинг маъносини сезган кўнгил! Сен кўрганларингдан маст бўлдингми ёки кўрмаганларингданми? Кўрганларингми ёки кўрмаганларингми сени сендан олди?»
Мавлоно Жалолиддин Румий

🕋Ассалому алайкум!🕌
Хайрли тонг!
Бугун 5 август, душанба.
+39° +26°☀️

🍃Янги кун, янги саҳифа демакдир.
Саҳифамиз Аллоҳ рози бўладиган, Унга ёқадиган амаллар ила қоралансин.
Ҳар бир ишингизда хайр бўлиб, баракасини ҳис этиш насиб этсин.

@Jaloliddinrumiyy🕊

​​Қадр-қимматинг қачон тушади?

Хўш, қадр-қимматинг қачон тушади? Қачонки, сени тарбия қилишда машаққат чеккан зотларга овозингни баланд кўтарсанг, ўшанда тушади. Фарзанд, ўзини минг машаққат билан тарбия қилган, ювиб-тараган, ўқитган, меҳр берган ота-онасини доим ҳурмат қилиши, уларнинг хизматларида шай туриши, асло уларга овозини баланд кўтармаслиги, қўпол гапирмаслиги керак. Эътиборингизга бир ибратли ҳикояни ҳавола этамиз.

Ёши тўқсондан ошган бир онахон бор эди. Онахоннинг ўғли ҳикояни шундай давом эттиради:
“Кунлардан бир куни бизникига қариндошларимиздан бири келди. Онам менинг ҳузуримда (уйимда) эдилар. Уйга кириши биланоқ онамни кўриб: “Машааллоҳ! Онангиз ҳузурингиздаларми?” деди. Яъни сизнинг уйингиздаларми”, деди. Мен унга: “Йўқ, аксинча, мен у кишининг ҳузурларидаман” дедим. Шунда онажоним: “Йўқ, ўғлим. Кичкиналигингизда сиз бизнинг ҳузуримизда эдингиз. Биз кексайдик. Шунинг учун энди биз сизнинг ҳузурингиздамиз. Ахир сиз Аллоҳ таолонинг “Агар уларнинг бири ёки ҳар иккиси ҳузурингда кексалик ёшига етсалар...” деганини ўқимаганмисиз?!” дедилар. Мен онамга: “Гўёки мен бу оятни биринчи марта эшитаётгандекман, онажон” дедим”.

Ҳа, азизлар, ота-она кексайгани сайин улардаги ҳар бир нарса заифлашиб боради. Тана аъзолари, суяклари мўртлашади, заифлашади, кўнгиллари ҳам нозиклашиб боради. Аммо оталик, оналик муҳаббатлари, туйғулари, меҳрлари асло заифлашмайди. Сиз эса дўстим, борган сари қувватга тўлиб борасиз. Шундай экан, ўзингизнинг совуқ муомалангиз билан улардаги бу туйғуни сўндириб қўйманг! Бундан жуда ҳам эҳтиёт бўлинг!
Аллоҳ таоло барча ўтган ота-оналарни раҳматига олсин! Борларининг умрларига, ризқларига барака берсин! Ҳар биримизга ота-онамизнинг хизматларини қилиб, дуоларини олиб, икки дунёнинг бахту саодатига эришишимизни насиб айласин!

Устоз Саййид Раҳматуллоҳ Термизий ҳафизаҳуллоҳу

@Jaloliddinrumiyy🍃