#موعظة_الصباح 🌤

السلام عليكم ورحمة الله وبركاته
صباح الخير يا شباب

متفوتش الخير اللي حواليك كل يوم!

كلمة طيبة، صدقة بسيطة، مساعدة صغيرة، نصيحة بعلم وأمانة، معلومة مفيدة..
كلها حاجات ربنا بيحبها، فالنبي ﷺ قال: "أحبُّ الناسِ إلى اللهِ أنْفَعُهُمْ لِلنَّاسِ..."

فكلنا نقدر نعمل خير بفضل الله..

فكر كده إنت ناوي تعمل إيه النهاردة!
د/محمد الغليظ

من علامات الساعة رفع بيت الله الحرام

الشيخ سمير مصطفى كان بيقول إن بداية رفع البيت هتكون رفع هيبته من القلوب أولًا ..

فـاللي بيحصل في بلاد الحرمين وفي قلب الكعبة نفسها من فديوهات وتيك توك وغيره وغيره ، يُعد من رفع هيبة البيت من قلوبهم ومن علامات الساعة ..

فالله يعجل لينا بحج وعمرة قبل رفع البيت نفسه ونسأل الله أن يقبضنا إليه غير مفتونيين.

زمان قرأت جملة بتقول : " بينما أنتظر الفرج منك ، أحمدك على نعمة السكينة التي تُنزلها عليّ ! "

علقت أوي معايا الجملة شوفتها مش عادية وفكرت فيها كتير الحقيقة

وأظن إن دي نعمة من أكبر النعم اللي ممكن ربنا ينعم بها على شخص

في الدنيا دايمًا في حياة كل إنسان محطات إبتلاء لا مفر منها وبيعيش منتظر إنكشاف الابتلاء ومستني الفرج

ممكن اتنين يتعرضوا لنفس الإبتلاء ولحد ما يجي الفرج :

▪︎واحد منهم يكون عاش في احتراق نفسي وجهد عقلي زيادة وممكن توصل لمرض جسدي ونفسي ومش عارف يفرح ولا يستمتع بالنعم المتاحه وهو مستني الفرج

▪︎ والتاني عاش المحطة دي صابر محتسب وبيسعى لكن قلبه مليان سكينة ويقين وقادر يعيش رغم ابتلاءه كويس

الاتنين يشوفوا الفرج .. لكن رحلتهم جوا الابتلاء مختلفة تمامًا

زي سيدنا ابراهيم لما اترمى في النار وهي بردًا وسلامًا عليه !

إنت عايش في نفس الابتلاء اللي كتير زيك عايشينه وبنفس الظروف ... بس المختلف عنهم ( حال قلبك ) اللي نوره يغلب ظلامه !

السكينة القلبية وسط الابتلاء نعمة كبيرة أوي اذا كانت موجودة تستوجب الشكر وإذا كانت مفقودة تُستجلب بالدعاء وبذل الأسباب

لأن وجودها بيخليك تشوف الحكمة أوضح ، وتتعلم الدرس أسرع ، وتتعرف على الله عز وجل بشكل أفضل ، واحتمالية سلامة قلبك أعلى ، وبتملى قلبك بمعاني صعب تتعلمها من غيرها..

🕯لأنكِ ملِكة {8}

مَداخل الشيطان {2}☝️🏻

السلام عليكم ورحمة الله وبركاته
صباح الخير يا شباب

الوقت حاجة غالية جدا، وبيمر أسرع مما تتخيل..
وعشان كدا النبي ﷺ قال: "اغْتَنِمْ خَمْسًا قبلَ خَمْسٍ: شَبابَكَ قبلَ هَرَمِكَ، وصِحَّتَكَ قبلَ سَقَمِكَ، وغِناكَ قبلَ فَقْرِكَ، وفَرَاغَكَ قبلَ شُغْلِكَ، وحَياتَكَ قبلَ مَوْتِكَ."

فاسأل نفسك في بداية كل يوم
إزاي أقدر أستثمر وقتي في حاجة مفيدة؟

هل خصصت مثلا وقت للقرآن أو ذكر الله؟
هل خصصت وقت تتعلم فيه شيء نافع؟

فكر، واستغل وقتك كويس
وخليك حريص يومك مايعديش من غير ما تكون أخدت خطوة تقربك من الجنة.
د/محمد الغليظ

#موعظة_الصباح 🌤

عارفين (فَلَمَّا نَسُوا مَا ذُكِّرُوا بِهِ).. إيه اللي حصل؟

مش عاقبناهم؟ ولا أخذناهم؟ ولا أهلكناهم؟
- لاء دا.. (فَتَحْنَا عَلَيْهِمْ أَبْوَابَ كُلِّ شَىْءٍ)

كل ملذَّات الدنيا معاهم.. عكس المُتوقع تمامًا!

وبعدين؟

(حَتَّىٰ إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ)

أخذناهم فجأة.. يا الله!

اللَّـه لا يبتلي ليُعذِب؛ اللَّـه يبتلي ليرفع ويُنقي ويُهذب.

د. حازم شومان

🚫 لعلاج إدمان المواقع الإباحية 🔞
https://www.tg-me.com/fwayiid/18702

📲 لمحبي الواتساب(حالات قصيرة ورسائل)👇🏻
www.tg-me.com/addlist/JgtarJZWxmE0Y2E0

😍منوعات متجددة حول العالم 🌏 العربي👇🏻

www.tg-me.com/addlist/JgtarJZWxmE0Y2E0

لما بيحصلك مشكلة كبيرة مع حد ..
وتجيب ناس انت بتثق في رأيهم عشان تعملوا قعدة عرفية
بتبقوا متفقين إن اللي هيحكم بيه الناس الأمناء دول واجب النفاذ على الطرفين ..

طيب لو سألنا ليه 🤔
هتبقي الإجابة لأننا واثقين في أمانتهم وحكمتهم وخبرتهم في الأمور دي ..

طيب لما الله عزوجل يقولك :
(ومَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَنْ يَكُونَ لَهُمُ الْخِيَرَةُ مِنْ أَمْرِهِمْ}

يبقي الأمر منتهي ..
لو فيه مشكلة عندك في حياتك
أمر متحير فيه
أزمة بتمر بيها
يبقي ترجع فورًا لحكم الله وحكم الرسول صلى الله عليه وسلم
وتقبل بيه حتى لو خالف هواك ..

ابن القيم بيقول "رأس الأدب مع الرسول صلى الله عليه وسلم كمال التسليم له والانقياد لأمره"

#رسايل_في_حب_النبي

🚫 لعلاج إدمان المواقع الإباحية 🔞
https://www.tg-me.com/fwayiid/18702
━━━━━━━━━━━━━━━
━━━━━━━━━━━━━━━
💎 الطب بالرقية الشرعية وعلومها👇🏻
www.tg-me.com/addlist/_eABvLbF6lkwNmI0