🔰 #እየሩስ_አሌምን_ለገና_ስጦታ_አድርስልኝ 🔰
                #ክፍል ☞ስድስት 6⃣
                 ✍ አሚር ሰይድ


#አረቦች_ቁድስን_ካስረከቡ_ቡሀላ_ምዕራባዉያንና_እስራኤል ብዙ ጥቃት አድርሰዉባቸዋል፡፡

ምእራባውያን የአረቡ ዓለምን ከመልቀቃቸው በፊት የፍልስጤምን መሬት ለአይሁድ እምነት ተከታዮች በማስረከብ እና ድጋፍ በመስጠት ላለፉት 73 ዓመታት ያልቆመ ጦርነት እየተካሄደ ይገኛል፡፡ ለምሳሌ የ1948፣ የ1956፣ የ1967፣ የ1973 እና 1982 ቀጥሎም የገልፍ የመጀመሪያው ጦርነት በዒራቅ እና በኢራን መካከል በ1980 የተደረገው ጦርነት ከአንድ ትሪሊዮን ዶላር በላይ ወጪ የተደረገበት እና ከሚሊየን በላይ የሚሆኑ ሰዎች ነብስ የጠፋበት ጦርነት ነበር፡፡

☞ የገልፍ ሁለተኛው ጦርነት በመባል የሚታወቀው (ኩዌትን ነጻ ማውጣት) በሚል በ1991 የተካሄደው ከ 100 ቢሊየን ዶላር በላይ ወጭ ያስከተለው ጦርነት
ነው::
☞ በመቀጠልም በ2001 በአፍጋኒስታን ላይ የተካሄደውን ዘመቻ እናገኛለን፡፡
☞በመቀጠልም  እስራኤል በገዛ ላይ ያከሄደችው ዘመቻ 2008 /2009/ 2012 የተካሄዱትን ጦርነቶች እናገኛለን፡፡

በ23 ቀን ብቻ እስራኤል ባካሄደችው ዘመቻ
>>5 ሚሊየን ፈንጅ አርከፍከፋለች
>> በ3 ሰከንድ ብቻ 120 ቶን ሚሳኤሎችን አውርዳለች፡ ፡>> አሜሪካ በዒራቅ ላይ በ2002 ባደረገችው ዘመቻ ሁለት ትሪሊየን ዶላር ወጪ አስከትሎባታል፡፡

እስራኤል በ2006 በሊባኖስ ላይ የከፈተችው ዘመቻ 7 ዓመት እንዲፈጅባት ያደረገ ሲሆን አሜሪካ በሶሪያ ላይ ጦርነት ካወጀች ሶስት ዓመት አሳልፋለች፡፡ ዛሬም ድረስ ጦርነቱ አልበረደም፡፡

☞ በየመን ላይ የሚካሄደው ዘመቻ ለሚሊዮኖች ሞት፣ስደት፣ችግር  የዳረገ ነው፡፡ ሁሉንም ስንመለከት በሙስሊሙ እና በዓረቡ ዓለም ላይ ሆን ተብሎ የሚካሄዱ ዘመቻዎች ሁነው እናገኛቸዋለን፡፡ በዚህም የተነሳ ሙስሊሙ ዓለም እና ዓረቡ ዓለም የመረጋጋት የሰላም ንፋስ እንዲተነፍስ እድል አላገኘም፡፡ ለውድመት ለመበታተን ለስቃይ የተጋለጠ ሁኖ እናገኘዋለን፡፡ በዚህ ጦርነት ትርፍ ያገኙት ምእራባውያን የመሳሪያ አምራች ኩባንያዎች ሁነው እናገኛቸዋለን፡፡
>> ዓለም በዓመት1324 ቢሊየን ዶላር ለመሳሪያ ግዢ ያውላል፡፡
>> 8 ቢሊየን ዶላር መሀይምነትን ለመዋጋት ለትምህርት ይመድባል፣
>> ዓረቡ አለም በየዓመቱ ከ100 ቢሊየን ዶላር በላይ መሳሪያ ለመግዛት ወጪ ያደርጋል፡፡ ሳውዲ ብቻዋን 33 ቢሊየን ዶላር ለመሳርያ ግዢ ያወጣሉ፡፡
>> ዓለማችን ረሀብን ለመዋጋት 20 ቢሊየን ዶላር ይመድባሉ፡፡

🔸 እኤአ በ2006 የአሜሪካ የመሳሪያ ሽያጭ ገቢ 18 ቢሊየን ዶላር ሲሆን
🔹 ሩሲያ 8 ቢሊየን ዶላር፣
🔸 እንግሊዝ 4 ቢሊየን ዶላር ደርሶ ነበር፡፡ ሁሉም የመካከለኛው ምስራቅ አገራትን ጦርነት ምክኒያት በማድረግ እንደ ገቢ ምንጭ ቆጥረው ነበር የቸበቸቡት፡፡ በአንደበታቸው ስለ ሰላም ያወራሉ በድርጊት ግን የጦር መሳርያ ሽያጫቸው እንዳይቋረጥ አንዳቸው አንደኛዋን አገር ሌላው ሌላኛውን አገር ደግፈው እሳት ያቀጣጥላሉ፡፡ ገልፍ የነዳጅ አምራች ሀገር ከመሆናቸው አንጻር በ5 ዓመት ብቻ ከ3 ትሪሊየን ዶላር በላይ ገቢ አግኝተዋል፡፡

>>>> የዓረቡ ዓለም የሙስሊሙ ችግር የፍልስጤም እና የቁድስ ጉዳይ ሆና እናገኘዋለን፡፡ በአሁኑ ጊዜ የዓረቡ ዓለም የህዝብ ብዛት 325 ሚሊየን ደርሷል፡፡ በ2006 በተሰራ ዘገባ የዓረቡ ዓለም መለዮ ለባሽ ወታደር 8 ሚሊየን ደርሶ ነበር፡፡ በሌላ በኩል እስራኤሎች አምስት ነጥብ ሶስት ሚሊየን ነዋሪ ሲኖራቸው መለዮ ለባሹ (ሰራዊት) ከግማሽ ሚሊየን አይበልጥም፡፡ ያም ሁኖ ግን በሚሊዮን የሚቆጠር ወታደር ያላቸው ዓረቦች ከእስራኤል ጋር በተለየየ ጊዜ ባካሄዱት ጦርነት ድልን ተጎናጽፈው እያውቁም::

#አሜሪካ_በዒራቅ_ላይ_ባካሄደችው_ጦርነት
>> አራት ነጥብ አራት ትሪሊየን ዶላር ወጪ አድርጋለች፡፡
>> ሁለት መቶ ሀምሳ ስምንት ሺ ዒራቃውያን ሲገደሉ >> 15 ሚሊየን የሚሆኑ ህጻናት እርዳታ ፈላጊ ሆነዋል፡፡ >> አንድ ሚሊዮን ሴቶች ባል አልባ ሆነዋል፡፡
>> አምስት ሚሊየን ህጻናት ወላጅ አጥ ሆነዋል፡፡
>>12500 ዒራቂያውያን ሲቪሎች ተገድለዋል፣
>> 365 ሺህ ቁስለኞች ሲኖሩ
>> ሰባት ነጥብ ስምንት ሚሊየን ዒራቂያውያን ቤታቸውን እና ንብረታቸውን ትተው ተሰደዋል፡፡
>> ዒራቅ በቴምር ዛፍ አምራችነትዋ የታወቀች ሀገር ነበረች:: 53ሚሊየን የተምር ዛፍ ነበራት፡፡ ከዚህ ውስጥ 42 ሚሊየኑ በጦርነቱ ወደመ::
>> የዒራቅ ዋና ከተማ ባግዳድ የቅርስ እና የታሪክ ባለቤት ነበር፣ ከ170 ሺ ያላነሱ ቅርስ እና ታሪከዋ ለመዘረፍ በቅተዋል፡፡
>>በዒራቅ የሚገኘው አቡ ገሪብ የሚባለው የሰቆቃ እስር ቤት! በአፍጋኒስታን ባግራም፣ በኩባ የሚገኘው ጎንታናሞ በነኚህ ሶስት እስር ቤቶች ውስጥ በሙስሊም አስረኞች ላይ ሲካሄድ የነበረው ግፍና ሰቆቃ ለመገመት የሚከብድ ነው፡፡


🟢 ከአንዳንድ የአሜሪካ እና እንግሊዝ ዪኒቨርስቲዎች እና የምርምር ማእከሎች ተማሪዎቻቸው የማስተርስ እና የ ዶክትሬት ጥናታቸውን ለመስራት ወደ እነኚህ እስር ቤቶች በመጉዋዝ እስረኞቹ በሚሰቃዩበት ጊዜ የሰው ልጅ በውስጥ አካሉም ሆነ በውጩ ምን ያህል ስቃይን እንደሚሸከም ለመገንዘብ ችለዋል፡፡

ኢራቃውያን የደረሰባቸው በደል በቀላሉ ተዘርዝሮ የሚያልቅ አይደለም፡፡

>> ከሁሉም የከፋ የነበረው ትልቁ የፈንጅ ተሸካሚ ቢ 52 የሚባለው አውሮፕላን በየትኛውም ሀገር አየር ማረፊያ ማረፍ የማይችል፣ ከለንደን ወጣ ብሎ ግላስኮ በሚባል አየር ማረፊያ እንዲያርፍ ተደርጎ የተሰራ ነው::ዘጠኝ ቶን ፈንጅ ከጫነ በኋላ ከቀኑ አስር ሰአት ጉዞውን በመጀመር ወደ ዒራቅ ዋና ከተማ ባግዳድ ከምሽቱ ሁለት ሰአት በመድረስ በአካባቢው ገና ሲደርስ በከፍተኛ ድምፅ የባግዳድን ነዋሪዎች በነፍስ ውጪ እና ግቢ ጭንቀት እንዲደናገጡ እና ሁሉም  ነዋሪዎች ቤታቸውን በመተው ወደ መስጂዶች በመጠለል የመጨረሻ ፀሎታቸውን ያካሄዱ ነበር፡፡

ጭኖ የመጣውን ዘጠኝ ቶን ፈንጅ በንፁሀን የባግዳድ ነዋሪዎች ያለርህራሄ በማዝነብ ሙትና ቁስለኛ ያደርጋቸው ነበር፡፡ ታላቋንና የቀደምት ሥልጣኔ ባለቤት የሆነችውን ባግዳድ ከተማ ዶግ አመድ የማድረግ ተልእኮውንም ይወጣ ነበር፡፡ ይህም ዘመቻ ለስምንት ቀን ያህል ቆይታ ያደረገ ሲሆን አንድ የሰውን ልጅ ነብስ ለማጥፋት 250 ግራም ፈንጅ በቂ ሆኖ ሳለ የዘጠኝ ቶኑ ፈንጅ ምን ያህል እልቂት እንደፈጠረ መገመት አያቅትም፡፡

>> በሌላ መልኩ አሜሪካንም ሆነ አውሮፓውያን የመሳሪያ አምራች ኩባንያዎች በዒራቅም ሆነ በሌላው የዓረቡ ዓለም በተካሄደው እና በሚካሄደው ጦርነት የአዳዲስ መሳሪያ ሙከራ መድረክ አድርገዋቸዋል፡፡

በገልፍ በተካሄደው ጦርነት በህዝቡ ላይ ያስከተለው ቀውስ ብዙ ነበር፡፡ ጤናማ አየር፣ ውሀ፣ ምግብ እንዳይኖር አድርጎታል፡፡ ስለዚህ በአሁኑ ጊዜ የኢራቅ ነዋሪዎች የሚመገቡት ምግብም ሆነ የሚጠጡት ውሃ፣ የሚበሉት አሳም ሆነ የዛፉ ፍሬ የእርሻው ሰብል ውጤት በሙሉ በኬሚካል የተበከለ ሆኗል፡፡ ተረግዘው የሚወለዱ ህጻናትም የአስተሳሰብ እና የአካላዊ ጉድለት ይታይባቸዋል፡፡
በቀጣይ ክፍል ቢኢዝኒላህ ምዕራባዉያን በአረብ ሙስሊሙ ወጣት ላይ የስነምግባር ብልሹነትን እንዴት እንዳስፋፉ እና ከዲን እንዴት እንደዋጧቸዉ እንዳስሳለን

#የመጨረሻዉ_ክፍል
ይቀጥላል......

www.tg-me.com/IslamisUniverstiy_public_group
  www.tg-me.com/IslamisUniverstiy_public_group

🔰 #እየሩስ_አሌምን_ለገና_ስጦታ_አድርስልኝ 🔰
              #የመጨረሻዉ_ክፍል
                 ✍ አሚር ሰይድ



#በሙስሊሙ_ወጣት_ላይ_የስነምግባር_ብልሹነትን_ማስፋፋት

የሙስሊም ወጣቶችን ባሕሪ ለማበላሸት አውሮፓውያን እና አሜሪካዉያን በህብረት እኢአ ከ200 ጀምሮ 57 ቢሊየን ዶላር መድበዋል፡፡
✏️ከዚህ ውስጥ 12 ቢሊየን ዶላር ስሜት ማራኪ ስልቶች ለመጠቀም፣

✏️ 20 ቢሊየን ዶላር የቪዲዮ ፈልም ማምረቻ!

✏️11 ቢሊየን ዶላር ቅምጥ ሴቶችን ማዘጋጃ፣

✏️ 7.5 ቢሊየን ዶላር የብልግና መጽሄቶች ማዘጋጀት እና ማሰራጨት፣

✏️ አምስት ቢሊደን ዶላር መሽታ ቤት ማዘጋጀት

✏️2.5 ቢሊየን ዶላር የብልግና ማሰራጫ ጣቢያዎች

✏️ 1.5 ቢሊየን ዶላር ሲዲዎች ማዘጋጃ፣

✏️ 1 ቢሊየን ዶላር የስልከ መስሮች ማዘጋጃ፣

✏️ 1.5 ቢሊየን ዶላር የተለያዩ የወሲብ ቀስቃሽ መልእክቶች ማዘጋጃ ላይ ይውላል፡፡


#የሙስሊሙን_ህብረተሰብ_የሚያበላሹ_የብዙሀን_መገናኛዎች

ሙስሊሙ ህብረተሰብ በተለይ ወጣቱ ከእስልምና እንዲዘናጋ የተሊያዩ የብዙሃን መገናኛ ጣቢያዎችም ፈጥረዋል፡፡

አሜሪካ በሚገኘው ሆሊውድ ማእከል እስከዛሬ ድረስ ከዘጠኝ መቶ ያላነሱ ዓረብ እና ሙስሊሞችን እሚያንቋሸሹ ፊልሞች ተሠርተዋል፡፡ በ1942 የተመሰረተው የአሜሪካ ድምፅ የሬድዮ ጣቢያ የዓረብኛ ቋንቋን ሶስተኛ ቋንቋ አድርጎ በመጠቀም ረጅም ሰአትን ባሕል በራዥ እምነት ከላሽ ፕሮግራሞችን ያቀርባል፡፡
☞ ሳዋ የሚባለው የሬድዮ ጣቢያ ዝግጅቱም ከ30 አመት በታች ላሉ ሙስሊም ወጣቶች የተዘጋጀ ነዉ፡፡በስርጭቱም 80% ዘፈንና ድራማ ይጠቀማል፡፡ የሚጠቀምባቸውም የአረብኛ ቋንቋ ዘዬዎች የግብፅን የዒራቅን የሱዳንን የገልፎችን አካባቢ የዓረብኛ ቋንቋ ነው።



🟢 #ሐይ... በመባል የምትታወቀው ወርሃዊ መፅሄት

ለተመሳሳይ ዓላማ የተመሰረተች ናት፡፡ የተመደበላትም ዓመታዊ በጀት በአሁኑ 4 ሚሊየን ዶላር ደርሶዋል፡፡ 70 ገጽ ያላት ሲሆን ከ28 እስከ 35 እድሜ ላላቸው ሙስሊም ወጣቶችን ስሜት የሚቀሰቅሱ ፁሁፎችን ታወጣለች፡፡ በአምዱዋም ጭፈራን፣ ስፖርትን አቅፋለች፡፡ በአንድ ጊዜ ከ50 ሺ ያላነሰ ኮፒ ታትሞ በነፃ ለሙስሊም ወጣቶች እንድትደርስ ይደረጋል፡፡

                     🟢  #አልሁራ_ቲቪ

እኤአ በ2004 የተመሰረተ ሲሆን በመጀመሪያ ዙር በቀን 14 ሰዓት ብቻ ስርጭት ነበረው፡፡ ይህንን በማሳደግ ወደ 24 ሰአት ስርጭት እንዲኖረው ተደረገ፡፡ በዚህ ጣቢያ ውስጥ ከ200 ያላነሱ ዓረብኛ ተናጋሪ ወጣቶች እንዲሳተፉ ተደረገ፡፡ በዓመት 63 ሚሊዮን ዶላር በጀት ተመድቦለታል፡፡ ስርጭቱም በዓረቡ ዓለም እና በሙስሊሙ ዓለም እንዲደርስ ተደርጓል፡፡ በዒራቅ ለተከፈተው ቅርንጫፍ 40 ሚሊየን ዶላር በጀት ተመድቦለታል፡፡

ከላይ የዘረዘርናቸው የተለያዩ የሚዲያ አውታሮች ሁሉም እሚያተኩሩት አሜሪካን በማሞገስና በማወደስ፣ እስልምና እና ሙስሊሞችን ማንቋሸሽ ነው::

ሙስሊሞች ማለት ሰይፈኞች፣ አሸባሪዎች፣ ተዋጊዎች፣ ፅንፈኞች፣ ዘራፊዎች፣ ሴቶችን በዳዮች፣ አውሮፕላን የሚያጋዩ፣ አይሁዶችን ባህር ውስጥ ለመወርወር ያቀዱ ተደርገው በድራማዎችና ፊልሞች ሲሳሉ፤

ዓረብ ማለት ደግሞ ማሰብ የማይችል፣ የመጠጥ ሱሰኛ፣ ከነዳጅ ገቢ ባገኘው ገቢ በዶላር የተሞላ፣ እውቀት አልባ የሆነ ጨካኝ፣ ራሱን የሚወድ ነጭ ሴቶችን እሚያድን ማለት ነው የሚለውን ነው የሚያንፀባርቁት፡፡

>> በተጨማሪም _ በአውሮፓ _ እና _ በአሜሪካ _ ለሚመረቱ የብልግና ፊልሞች በዓረቡ ዓለም የሚያሰራጩ አጋሮች በመፍጠር ከ510 ያላነሱ የዘፈን ቻናሎች በአረቡ ዓለም እንዲሰራጩ አደረጉ፡፡ ለዚህም የተመደበው በጀት ከ100 ሚሊየን ዶላር በላይ ሆኖዋል፡፡ በአውሮፓ እና በአሜሪካ ያሉትን ዘመን ያፈራቸውን ዘፋኞች እስፖርተኞች ጨፋሪዎችን በመጋበዝ በተለያዩ ዓረብ ከተማዎች መሸታ ቤቶች እንዲከፈቱ አደረጉ፡፡

✍ አሜሪካ በአፍጋኒስታን ላይ ባደረገችው ወረራ እና ዘመቻ የተቃውሞ ሰልፍ የወጣው ወጣቱ ሙስሊም ከ4 ሚሊየን አይበልጥም #ዲያና_ከራዞን የምትባለውን ዘፋኝ ለመቀበል ከ50 ሚሊየን ያላነሰ ሙስሊም ወጣት ወጥቷል፡፡ ልክ ህንድን ለከፈተው ሙሀመድ አልቃሲም

ወይም ቁስጠንጢኒያን ለከፈተው ሙሀመድ አልፋቲህ አቀባበል የሚያደርጉ ነበር የሚመስለው፡፡

☞ 78% ዘፈንን የሚመለከት
☞7% የሀይማኖት ቻናሎችን የሚመለከት
☞ 80% ጭፈራን ስፖርትን የሚመለከት ሆኖዋል፡፡ ቀደም ሲል የረጅም ጊዜ የሙስሊም ታሪክ ፈጣሪን እሚያስከፋ አንድ ወንጀል ብቻ ነበር የሚታየው::

በአሁኑ ጊዜ ግን የተበላሸ ወጣት፣ የተበላሸ ህብረተሰብ፣ የተበላሸ ፖለቲካ፣ የተበላሸ ኢኮኖሚ፣ የተበላሸ ማህበራዊ ኑሮ ሁሉም የተበላሸ ሆኖ እናገኘዋለን፡፡ ለፈጣሪ አጋር መፍጠር፣ ጥንቆላ፣ በዲን ላይ ፈጠራ፣ ኹራፋት ተንሰራፍቶ እናገኛለን፡፡




🟢#የዓረቡ_አለም_ወጣት_ሙስሊሙ_ስለ_ትምህርት_ያለው_ግንዛቤ

በአረቡ ዓለም 325 ሚሊየን አረብ ሲኖር የዩንቨርስቲዎቻቸው ብዛት ግን 400 ብቻ ነው:: 300 ሚሊየን የሚሆኑ አሜሪካውያን 3400 ዩኒቨርስቲ አላቸው::

130 ሺ የሚሆኑ የሳውዲ ወጣቶች በተለያዩ የአሜሪካ ዩኒቨርስቲዎች ዘመናዊ እውቀት ለመቅሰም በእስኮላርሺፕ ሽፋን ተሳትፈው ይገኛሉ፡፡ የአሜሪካ ዩኒቨርስቲዎች እውቀትን ከማስተማር ይልቅ ትኩረት የሚያደርጉት የሚከፍሉትን ገንዘብ ግምት በማስገባት በነፃነት እንዲማግጡ ይለቋቸዋል፡፡

✍ የሳውዲ ወጣቶች ለትምህርት በሚል በአሜሪካ ዩንቨርስቲ ውስጥ በአመት ከአርባ ነጥብ አምስት ቢሊዮን ዶላር በላይ ወጪ ያወጣሉ፡፡ተማሪዎቹ ጊዜያቸውን ጨርሰው ወደ ሀገራቸው ሲመለሱ በከፍተኛ ማእረግ እንደተመረቁ ተደርገው ይሸኛሉ፡፡ ምክኒያቱም ወደ ሀገራቸው ተመልሰው በከፍተኛ እርከን እና ሀላፊነት ስለሚመደቡ ተገዢነታቸውም ለቆዩበት ሀገር እና ዩኒቨርስቲ ይሆናል፡፡

የገልፍ ነዋሪዎች ለልጆቻቸው አረብኛ ቋንቋን ከመማር ይልቅ እንግሊዘኛን መማር ያስቀድማሉ፡፡ በዚህም የተነሳ በየዓመቱ ልጆቻቸውን ወደ አውሮፓ ሀገራት በመላክ ከዛም የአውሮፓውያን ቤተሰቦች እንዲቀበሉዋቸው እና በቤታቸው እንዲያሳርፉዋቸው አስፈላጊውን ማረፊያ በማዘጋጀት በእንግሊዘኛ ቋንቋ ብቻ የሚያናግሩዋቸው
ወጣት ሴቶችን በመመልመል ጓደኛቸው እንዲሆኑ አጋጣሚዎችን ያመቻቻሉ፡፡

ለዚህም ከፍተኛ ክፍያን ይጠይቃሉ እነኚህም፡፡ የሙስሊም ወጣት ቤተሰቦችም ክፍያውን ይፈፅማሉ፡፡ ያም ለጋ ሙስሊም ወጣት በቆይታው ቋንቋ መቅሰም ብቻ ሳይሆን ካረፈባቸው ቤተሰቦች ባህላቸውን ወጋቸውን ልምዳቸውን ብልግናውንም ጭምር እንዲያውም አንዳንዶቹ እምነታቸውን ሳይቀር ቀስመው ይመለሳሉ፡፡ እስልምና ሀይማኖቱን እና ቅርሱን ታሪኩን ያፍሩበታል፡፡

ምዕራባዊያን በቢሊየን የሚመደብ ብር በጅተዉ እንዲበላሹ ጀለብያ ለብሰዉ አምሮባቸዉ ዉስጣቸዉ ግን ለሙስሊም የማይጠቅም የማይጎዳ ትዉልድ ሁነዋል፡፡
⚡️⚡️ዛሬም በእኛ ኢትዮጲያ አረቦች ከዲናቸዉ እንዳስወጧቸዉ በእኛም አሁን ባለንበት ዘመን እየተንሸራተትን እንገኛለን👇👇

☞ሙነሺዶች የዲን አለቃ ሁነዋል፡፡
☞ሙስሊሞች ቀርአን ከመቅራት ሀዲስ ከመቅራት ማህበራዊ ሚዲያ ተጠቃሚ ሁነዋል፡፡ ሞዴልህ ማን ነዉ ቢባል ነብዩ ሰዐወ ማለት ትተዉ ቲክቶክ ፎሎዉ ያደረጓቸዉን የሚጠሩ ይመስላሉ
☞ሴቶች ቁርአን ከመቅራት ሙነሺድ ማየት...ዲኗን ከመማማር ዋሪዳ ሚንበር እያለች ፊቷን ድልቀለም ፋብሪካ ቀለም ሳምፕል መስላ በቲቪ ለመታየት..ነብዩ ሲጠሩ ሰዉ ክብር  ነበረዉ አሁን ግን ነብዩ ሙሀመድ ሰዐወ የመድረክ ላይ መጨፈሪያ አድርገዋል፡፡ ሴት ትዳር ስታስብ የምታስበዉ ታዋቂ ሰዉ ሆነ..በተለይ የመድረክ ወረርሽኞችን ሆነ ..ነብዬ ትዝ እያልኩን አንበላም አንጠጣም እራበን እያሉ ለሚቀልዱ ሙነሺዶች ሆነ የሴቶች ዌናያቸዉ  ህልማቸዉ ሁሉ የተትረከከ ሆነ...ሴቶች ህዝብ መሀል ካለ ንብ መድረክ ላይ የሚዘል ዝንብ ወዳድ ሁነዋል፡፡ አንዱ ወዶ አይደለም ይህን ሙስሊም ማህበረሰብ በየአቅጣጫዉ ሲመለከት በtiktok በሚዲያ የሚከተዉን ሲያይ ደጃል ቢመጣ ምንም የሚቸገረዉ የሚያስቸግረዉ የለም ያለዉ
.....
ብቻ ኡመር ኢብኑል ኸጧብ ካሊድ ኢብኑ ወሊዲን የሚደግም የሴት መሀፀን ጠፋ ያሉት ወደዉ አይደለም፡፡

ግን ለምዕራባዉያን መቼም ቢሆን የማይረታ በተንኮል የማይታለሉ ሁሉም ጀግና ለዲነል ኢስላም ለነፃት የሚዋደቁ አሉ ፍልስጤም ጋዛ ነብዩ ሙሀመድ ሰዐወ ከ1400 በፊት የመሰከሩላቸዉ
ከህዝቦቼ ጠላቶቻቸዉ ላይ የበላይና አሸናፊ የሆኑ አንዲት ጭፍራ ሀቅ ላይ ከመሆን አይወገዱም፡ከሚያገኛቸዉ የኑሮ መከራ ዉጭ በዚህ ሁኔታ ላይ ሆነዉ የአላህን ትዕዛዝ እንዲመጣላቸዉ ድረስ የተቃረናቸዉ አይጎዳቸዉ፡
....አንቱ የአላህ መልዕክተኛ ሆይ የት ነዉ ያሉት?ብለዉ ሱሀባዎቹ ጠየቋቸዉ
...በይተል መቅዲስ በበይተል መቅደስ ዙሪያ ብለዉ መለሱላቸዉ፡፡(ሀዲሱን አህመድ ዘግበዉታል)

ነብዩ ሰዐወ ከ1400 አመት በፊት ይመጣል ብለዉ የተነበዩት ትንቢት ምንያህላችን እናቃለን???
ሙስሊሞች አይሁዳዉያንን እንደሚጋደሉ ነግረዉናል::
ሀቢቡና ሙሀመድ ሰዐወ እንዲህ ብለዉናል
ሙስሊሞች አይሁዳዉያን ጋር ሳይጋጠሙ በፊት ቂያማ አትቆምም ሙስሊሞች አይሁዳዉያንን እስኪገሏቸዉ ድረስ የዚህን ጊዜ አይሁዳዉያን ሞትሽን ሽሽት ለመደበቅ ከዛፍና ከዲንጋይ ሆላ ይሸሸጋሉ ግን ዛፉና ድንጋዩ አንተ ሙስሊም የአብደሏህ ከኔ ሆላ የተሸሸገ የሁዲ አለ መጥተህ ግደለዉ ይላሉ፡፡ሁሉም ዛፎች ይናገራሉ ከገርቀት ዛፍ በቀር ብለዋል ነብዩ ሙሀመድ ሰዐወ(ሀዲሱን ቡሀሪና ሙስሊም ዘግበዉታል፡፡


እናም እኛም ኢንሻ አላህ የነብዩ ሙሀመድ ሰዐወ ትንቢት አላህ ያሳየናል ..ከላይ ካለዉ ሀዲስ ገርቀት የሚበለዉ ቅጠል አሁን ያለዉ እስራኤልሀ ሀገር ዉስጥ በብዛት አለ...በዚህ ጦርነት ከተበታተኑበት ከተለያየ ሀገር ወደ እስራኤል ተሰባስበዋል አሁን ለራሱ ሙሉ የእስራኤል ጦሯን 360,000 በላይ በቀጥታ የጋዛን ሙስሊሞች ለማጥፋት ከአለም ግፈኞች መንግስት ጋር ተባብራ ትደበድብ ይዛለች ግን አላሸነፈችሞ አታሸንፍም እነዛ በአላህ የሚታገዙ ጭቁን ከሰዉ ምንም የማይከጅሉ በአላህ 100% መተማመን ያላቸዉ ኢስላም ሲደፈር የማይወዱ የጋዛ የሀማስ የፍልስጤም ህዝቦች ወደዳችሁም ጠላችሁም ነብዩ ሰዐወ ነግረዉናል አሸናፊ ናቸዉ..እስራኤላዉያን መግቢያ ያጣሉ...አይታወቅም ይሄን ስታነቡ ከ25,000 በላይ ንፁሀን ሙተዉ ከቤት ከንብረታቸዉ ተፈናቅለዉ አረብ ሙስሊም ሀገሮች ከድተዋቸዉ እንዴት ያሸንፋሉ??ብላችሁ ታስቡ ይሆናል

መልሱ አዎ 100% አሸናፊ ፍልስጤም ናቸዉ መቼ ላላችሁት አይታወቅም ገና ከዚህ በላይም አላህ ሊፈትናቸዉ ይችላል በዚሁም በቃችሁ ብሏቸዉም ይሆናል ቀናት ሳምንታት ወራት አመታት ብዙ አመታት ሊፈጅ ይችላል ጀሊሉ ነዉ የሚያቀዉ ፡፡ የሰባት ቀን የአረብ ጦርነት ከእስራኤል ጋር አረቦች ተጋጥመዉ እነ ግብፅ ሶርያ ወዘተ በሰባት ቀን ዉስጥ እስራኤል አሸንፋ አሁንድ ድረስ በዛ ድል ታስፈራቸዋለች...ግን አሁን ጦርነት የገጠመችዉ ፈሪ የስልጣን ወንበር ፈላጊ በነዳጅ ብር ልቦናቸዉን ያጡ አረቦችን ሳይሆን ፍልስጤሞችን ነዉ...ፍልስጤምን እስራኤል መቼቼቼቼምምምም ቢሆንንንንን አአአአአታታታታታታሸሸሸሸሸንንንንንፍፍፍፍፍፍምምምምምምም

አረብ ሀገር ከድተዋቸዉ ላላችሁ ዛሬ አይደለም የከዷቸዉ በተለያየ ክፍል እንዳየነዉ በፊት እንግሊዝ ጋር ተባብረዉ ለስልጣን ብለዉ ነበር የከዷቸዉ...
አሏህ ለአረብ ሀገራት በተለይ ለስዑድ አረብያ ልቦና ማስተዋልን  ይስጣቸዉ ብዙ ጠባሳ ቢኖርም የሀቢቡና ሙሀመድ ሰዐወ የተወዱባት ሀገር መካን ይዛለችና ከዱአ ዉጭ አማራጭ የለም ...ግን አለች የመን ነብዩ ሙሀመድ ሰዐወ የመሰከሩላቸዉ አልኢማኑ የማኒ (ኢማን ከየመኖች ነዉ)ብለዋል ሀቢቡና ሙሀመድ ሰዐወ በተጨማሪ ሀቢቡና ሙሀመድ ሰዐወ የዉመል ቂያማ ዉሀ ጥሙ ሲጠና እኔ የማጠጣችሁ ሀዉድ አለ መጀመሪያ የምሰጠዉ #ለየመን ህዝቦች ነዉ ብለዉ መስከረዉላቸዋል፡፡ አሁን እንደምናየዉ እንደ የመን እና በጎን እንደ ኢራን መሬት ወርደዉ ሲያግዟቸዉ እያየን ነዉ፡፡ሁሉንም ለአላህ ብለዉ የሚሰሩትን አላህ ይገዛቸዉ፡፡

ያረብ ከ99 ስሞች ዉስጥ አንዱ ስምህ አዚዝ(አሸናፊ) የሆነዉ  ጌታየ ሆይ በአላህ በሙስሊም ጥላቶች ላይ አሸናፊነትህን አሳየን..ነብዩ ሰዐወ እንደነገሩን

ከህዝቦቼ ጠላቶቻቸዉ ላይ የበላይና አሸናፊ የሆኑ አንዲት ጭፍራ ሀቅ ላይ ከመሆን አይወገዱም፡ከሚያገኛቸዉ የኑሮ መከራ ዉጭ በዚህ ሁኔታ ላይ ሆነዉ የአላህን ትዕዛዝ እንዲመጣላቸዉ ድረስ የተቃረናቸዉ አይጎዳቸዉ ያሉትም በይተል መቅዲስ ነዉ እንዳሉን ጀግነነታችዉን ፅናታቸዉን እያየን ስለሆነ

በተጨማሪ በሀዲሰል ቁድስ ነብዩ እንዳሉን ሙስሊሞች ሳያሸንፉ ቂያማ አትቆምም እንዳልከን በህይወት ዘመናችን የምናይ አድርገን ያረብ...

ያኢላሂ የሞቱትን ጀነተል ፊርዶስ ..ሀዘን ላይ ያዩትን ሶብር...ችግር ላይ ያሉትን እርዳታህን..ጭንቀት ላይ ያሉትን ፈረጃህን..ጦርነት ላይ ያሉትን አሸናፊነትህን ለአለም ህዝብ አሳየን ያረብ፡፡

የሙስሊም መሳሪያዉ ዱአ ነዉ...እኛ ከፍልስጤሞች እነሱ ጋር በጀግንነት በቆራጥነት ከእግራቸዉ እጣቢ አንድርስም ብቻ 100% እርግጥ ነዉ ይሄን ሁሉ ፈተና አልፈዉ እንደሚያሸንፉ ምንም ቅንጣት ያህል ጥርጥር የለም ብቻ ፈተናዉን ቀላል ከአሁን በፊት ከተፈጠረ የቀለለ ያድርግላቸዉ...

ፁሁፉ ዛሬ ተፈፀመ በ7ክፍል ያቀረብኩት ፁሁፍ በአንድ ቀን በ24ሰአታት ብቻ የተዘጋጀ ነዉ በመሀል የተሳሳኩት የቃላት ስህተት ካለ ይቅርታ እጠይቃለሁ

ፁሁፉ ዛሬ ተፈፀመ...የፍልስጤምን ሰቆቆ ሀዘን እምባ አላህ ይፈፅምልን

አንተም አንቺም እሱም እሷም እናንተም በዱአ እንበርታ ብቻ ሁላቾንም 100% እንሁን ፍልስጤም ያሸንፋሉ እስራኤል የአለም ግፈኞች ቢረዷት ቢተባበሯት በቦንብ ብደበድብ በፈለገችዉ መሳሪያ ብትጠቀም የፍልስጤም ሙጃሂዶችን 1000% ማሸነፍ አትችልም፡፡

አሸናፊዉ ፍልስጤም ፍልስጤም ብቻና ብቻ ናቸዉ
እድሜ ይስጠን እናያለን.....,

06/06/2016
#ተ....... #ፈ.......... #ፀ...........መ


ፁሁፉ ላይ ስህተት ካለ የሚስተካከል ካለ ቶሎ ያሳዉቁኝ edit ማድረግ ስለሚቻል👇👇
T.me/Aisuu_bot T.me/Aisuu_bot
T.me/Aisuu_bot T.me/Aisuu_bot

join👇👇👇
www.tg-me.com/IslamisUniverstiy_public_group
  www.tg-me.com/IslamisUniverstiy_public_group

ሰመአት የሆነ ልጇን እንዴት እንደምሸኝ
ያረብ ምን ያህል ወኔ ነዉ ግን?
እናትነት!!!

የፍልስጤም እናቶች ሴቶች ልዩ ናቸዉ


www.tg-me.com/IslamisUniverstiy_public_group
  www.tg-me.com/IslamisUniverstiy_public_group

"የስራ ዋጋ በሚከፈልበት ቀንና የስራን ዋጋ በሚከፍለው አምላክ ያመነ ሰው መልካም ነገር ለማድረግ  ቀስቃሽ አይጠብቅም፡፡"

🍎እስከዛሬ ካነበብኩት  በጣ ደስ የሚለኝ
.
ሰውዬው ከ ኢሻ ሰላት ብሃላ ወደ ቤቱ ሲገባ ልጆቹን ተኝቶ አገኛቸው ባለቤቱን ሰላት ሰግደዋሉ ወይስ አልሰገዱም በማለት ጠየቃት?
እሷም : እንዲ አለቺው...ቤት ውስጥ ምንም ምግብ አልነበረምና አታልዬ ሳይሰግዱ አስተኘዋቸው ብላ መለሰችለት
ባለቤቷም:እንዲሰግዱ ቀስቅሲያቸው አላት
እሷም:እንዳያስቸግሯት በመስጋት አሁን ከቀሰቀስኳቸው በራብ ብዛት ያለቅሳሉ ቤት ውስጥ ደግሞ ምንም ሚበላ ነገር የለም አለቺው
እሱም እንዲ አላት :አንቺ ሴት ሆይ አላህ እኔን ያዘዘኝ በሰላት እንዳዛቸው ነው የሪዝቃቸው ጉዳይ በኔ ላይ አይደለም...ቀስቅሺያቸው ሪዝቃቸው በ አላህ ላይ ነው አላት!!
አላህም እንዲህ ብሏል :-👇👇
{وَأْمُرْ أَهْلَكَ بِالصَّلَاةِ وَاصطبرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ}
ቤተሰብህንም በስግደት እዘዝ፡፡ በእርሷም ላይ ዘውትር፤(ጽና)፡፡ ሲሳይን አንጠይቅህም፡፡ እኛ እንሰጥሃለን፡፡ መልካሚቱ መጨረሻም ለጥንቁቆቹ ናት፡፡
   ጣሃ 20፦13
እናቲቱም እጅ ሰጥታ እንዲሰግዱ ቀሰቀሰቻቸው ከዛም ሰገድው እንደጨረሱ የቤታቸው በር ተንኳኳ!...በሩን ሲከፍቱት አከባቢያቸው ላይ የሚኖር አንድ ባለ ሀብት በተለያዩ ምግቦችች የተሞላ ከረጢት ኢዞ ነበር ከዛ ሰውዬውን ይሄን ለቤተሰብህ ውሰድና ስጣቸው አለው🎈
ሰውዬም ደንግጦ እንዴት ልትመጣ ቻልክ አለው ...ባለሀብቱም አመጣጡን እንዲህ ሲል ተረከለት : አንድ የተከበረ ባለስልጣን እኔ ዘንድ በእንግድነት መጥቶ ነበረ አነዚህ ምግቦችም ለሱ የተዘጋጁ ነበሩ ግን ከመመገቡ በፊት  በሆነ ጉዳይ ላይ ትንሽ ተከራክረን ምግቡን አልበላም ብሎ በመማል ጥሎ ወጣ ከዛም እኔ  የቀረበውን ምግብ ያዝኩና እግሮቼ በቆሙበት ስፍራ ላለ ሰው እሰጣለሁ ብዬ ከቤት ወጣሁኝ ግን ወላሂ ልክ አንተ በር ከመድረሴ በፊት አንድም አልቆምኩኝም በ አላህ ይሁንብኝ እናንተ ዘንድ ምን እንዳመጣኝ አላውቅም በማለት ነገረው ...በዚህ ግዜ የቤቱ አባወራ እጁን ወደላይ ከፍ አድርጎ እንዲህ አለ 👇👇👇
: رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ.
«ጌታዬ ሆይ! ሰላትን አዘውትሬ የምሰግድ አድርገኝ፡፡ ከዘሮቼም (አድርግ)፡፡ ጌታችን ሆይ! ጸሎቴንም ተቀበለኝ። አለ!! ሱረቱ ኢብራሂም -40:
.http://www.tg-me.com/Islam_and_Science

በዘመነ ኺላፋ ዓባሲ የጠላቶችን መሸሸጊያ በሮች ለመስበሪያነት ያገለግል የነበረ መሳሪያ ነው።

ከላይ ጣሪያ መሳይ ባለ3 መአዘን ቅርፁ ከግንብ ላይ ጠላት ሊያዘንበው የሚችለውን ቀስት እና የፈላ ዘይት ሲከላከል መካከል ላይ ወጣ ብሎ የሚታየው ግንድ የጠላትን በር መደብደቢያነት ያገለግላል። በዘመኑ አቻ የሌለው የ«ታንክ» አይነት አገልግሎት ነበረው። መከላከልና ማጥቃት።

1979 በሀረም ላይ ምን ተፈጠረ?
ክፍል 2

ሙሐመድ አልቃሕጣኒ እና ጁሀይማን አልዑተይቢ የሀረምን ማይኮሮፎን እያበሩ ውስጥ ላሉት የሐረም እንግዶች እና መስጂዱን ከበው ለተቀመጡት የፖሊስ አዛዦች የማስፈራሪያ እና መህዲን ተቀበሉ መልእክት ያስተላልፋሉ። በከባቢው ላይ የተሰማሩት ፖሊሶች ሀረምን መግባት እንችል እንደው ብለው ወደ በሩ ጠጋ ባሉ ቁጥር ሚናራዎች ላይ የተጠመዱት ስናይፐሮች ስራቸውን ይሰራሉ።

በቦታው ያሉት የፖሊስ ሀይላት ጉዳዩ በቀላል እንደማትፈታ ስለገባቸው የሀገሬው ሰራዊት ስራውን እንዲከውን ወደ መከላከያ ሚኒስትሩ ስልካቸውን አንቃጨሉና የሱዑዲያ ወታደሮች በተራቸው ሀረምን ከበው እገታውን ለመስበር ያላቸውን ሀይል ሁሉ አፈሰሱ። ሁኔታው ግን ምንም አልተለወጠም።

በመሆኑም አጋቾቹን ለማዳከም የሀረም ውሀ አገልግሎት እና የመብራት ስርጭት ሙሉ በሙሉ እንዲቋረጥ ተደረገ። ግን የተጠበቀው ውጤት ተቀልብሶ ከአጋቾቹ ይልቅ የሐረም እንግዶች በጥማት እና ረሐብ በየቦታው መወዳደቅ ጀመሩ። ንጉስ ዃሊድ ቢጨንቀው ሽማግሌ አስልኮ ከበዛ ንትርክ በኋላ በመጅጂዱ ክልል ያሉ ህፃናት እና ሴቶች ያለምንም መታኮስ ግቢውን ለቀው እንዲወጡ ተፈቀደላቸው። እርግጥ እነ ዑተይቢ ስንቅ እያለቃቸው ስለነበር ከዚህ የተለየ የመደራደሪያ መንገድ አልነበራቸውም።

ሀረም እንዲህ በእገታ በተሟሟቀችበት ወቅት አሜሪካ እና ኢራን የጉዳዩ ጠንሳሽ አንቺ ነሽ! አንቺ ነሽ! እየተባባሉ አጋጣሚውን ለፖለቲካ ጥቅማቸው መጓተቻ ለማድረግ በየሚዲያው ይንተፋተፋሉ።

እንዳይታኮሱበት ሀረም ፤ ዝም እንዳይሉም መንግስት ግልበጣ ሆኖባቸው የተወዛገቡት ባለስልጣናት ጉዳዩን ወደ ፈታዋ ምክር ቤት መርተው የሀረምን ክብር ለማስጠበቅ ሲባል ወታደራዊ እንቅስቃሴ በውስጡ ማድረግን የሚፈቅድ አዲስ ፈታዋ ተቀብለው በየጋዜጣው እና ሚዲያ ማሰራጨት ጀመሩ።

1979 ሀረም ላይ ምን ተፈጠረ?
ክፍል 3

«ሀይአት ኪባረል ዑለማ» የሰዑዲ ፈታዋ ምክር ቤት በሀረም ከባቢ ወታደራዊ እንቅስቃሴ እንዲደረግ የሚፈቅድ ፈታዋ ሲሰጥ እንዲህ ቀላል አልነበረም። ምክኒያቱም ከአላህ መልእክተኛ (ሰዐወ) የተገኙ ትክክለኛ እና ግልፅ ሀዲሶች በሀረም ዙርያ ወታደራዊ እርምጃዎችን ይከለክላሉ።  ስለዚህ ፈታዋቸው ከትችት የነፃም ሆነ የዓለም ዑለማዎችን በ2 ጎራ ከፍሎ ከማነታረክ ሊተርፍ አይችልም።

ዞሮዞሮ ፈታዋው ከተሰጠም በኋላ በትንሽ ሰብአዊ ኪሳራ ሀረምን ከእገታ የማዳኑን ሀላፍትና ማን ይውሰድ የሚለው ለንጉስ ኻሊድ ሌላ ራስ ምታት ሆኖበታል። የሀገሬው ፖሊስ የሞከራቸውም ፤ የሀገሬው ሰራዊት አሳክቼዋለው የሚለው አንድም ፍሬ ነገር ማቅረብ አልቻለም።

ስለዚህ ከውጪ ሀገር ኮማንዶዎች ይህንን   ተግባር አቀላጥፎ የሚጨርስ መረጣ በጠረጴዛ ዙርያ ሲጣል ሲነሳ ከቆየ በኋላ የፈረንሳይ ኮማንዶ ተመረጠ። ኮማንዶው አለኝ የሚለውን ዘመናዊ መሳሪያ አንግቦ የሱዑዲያ ምድር ከተመ። ግን ስራውን ገና ሳይጀምር ከበድ ያለ ፈተና ገጠመው። የሀረም ክልል ውስጥ ሙስሊም ያልሆኑ ሰራዊቶች እንዴት ሊገቡ ይፈቀድላቸዋል? የሚል። ጥያቄው በምን መልኩ እንደተፈታ ብዙ መላምቶች ቢሰነዘሩም የፈረንሳይ ኮማንዲ ቡድን ሀረምን ከእገታ በማስለቀቁ ላይ የአምበሳውን ድርሻ እንደወሰደ የትኛውም ተራኪ የማይክደው እውነታ ነው።

ኮማንዶው ሀረም የገባው ሸሀዳ ይዞ ነው ፤ ኮማንዶው አመራር እና ሎጅስቲክ ላይ ብቻ ነው የተሳተፈው እና ሌሎችም ተብሏል።

ኮማንዶው በሀረም የመሬት ስር መንገድ በመግባት መርዛማ ጪሶችን ወደ ሀረም ክልል አስወነጨፈ። የሀረም እንግዶች በከባድ ሳል እየተጨነቁ የድረሱልን ሰቆቃ ድምፅ ያሰማሉ። በጪሱ ነቦልቧል የተጨነቀው ሀረም በላዩ ላይ የጥይት እሩምታ ታከለበት። ሰላማዊው ክልል የጦር አውድማ ሆነ።

ዝምታም የሙእሚን ባህሪ ነው፡፡

ለተናገረው ሁሉ መልስ ቢሰጥ፣ የሰደበውን ሁሉ ቢሳደብማ ውረደት እንጂ አያተርፍም፡፡ ውሻኮ የተናቀው አላፊ አግዳሚው ላይ ሁሉ ስለሚጮህ ነው፡፡ እሱም ቢሆን ከአንድ ድንጋይ አላለፈም፡፡
ሙእሚን ዝምታን ይመርጣል፡፡ ከተናገረም ከመናገሩ በፊት ምን ማውራ እንዳለበት ያስባል፡፡ ክብሩንም ይጠብቃል፡፡ ከአፉ መልካም እንጂ ክፉ አይወጣም፡፡ ሙእሚን በዝምታው ውሰጥ ክብሩ አለ፡፡ አንበሳ ለምን ተፈራ? ለምንስ ተከበር? በዝምታው፡፡
ጨለማን ለምን አንደፍረውም? ለምንድነው የምንፈራው? ፀጥ ያለ ስለሆነ፡፡ ሬሳን ለምንድነው የምንፈራው?ስለማያወራ።

በቁርዓን ላይ የምናገኛቸው ምልክቶች እና የሚያስተላለፍት መልዕክት

ቁርዓን በምንቀራበት ወቅት እነዚህን ምልክቶች ሁል ጊዜ እናያቸዋለው፡፡ ግን አብዛኞው ሰው የምልክቶችን መልዕክት በአግባቡ አይረዳቸውም፡፡ ከዚህ በታች ያለው ምስል እያንዳንዱ ምልክት የሚያስታልፈውን መልዕክት ያስገንዝበናል

ይህን ጠቃሚ ማስታወሻ ያዘጋጀውን ወንድም አላህ ኸይር ስራውን ይቀበለው

ይህን ጠቃሚ ማስታወሻ ለሌሎችም እናዳርስ