كسرو خاطري يكسر الله خاطرهم
ويش ما ايكون العذر ما نعذرهم
الله يرزيهم
الله لا ايسامحهم ولا ايهنيهم
فيهم ايوريني مصيبه فيهم
كيف ما اقهروني يالله اقهرهم
لا عاد ايجوني أو لا انريد انجيهم
قطاعت أرحام يقطع الله خبرهم
عل خير لا ايصبحهم ولا ايمسيهم
ولا انريد شوفتهم ولا ننضرهم💔🥀.

عزيز كان موحامل عرب خاطينا
وكنا ضراه وفزعته واسناحه
واليوم كيلي زاهد ومستشوينا
وامشمت افواه الحسد والبواحه
الله ايسامحه مانا اصحاب ضغينا
منحاش كل يد لوجهاا مساحه
..
خذ في كنيني م المساحه ساحه
عزيز غير ماعاود علي مطراحه🥀

مرات كلمه فخاطرك تذكرها
وتبني عليها احلام وتحاكيها
سريب يرفعك في اوهام وتسايرها
والعين ترغب كل مايزهيها
ومرات تنشد غير شن خطرها
لي توجعك تخسر لي تبيها ..🥀

" آعزاز إيردولي ياريت

، بعدهم ما عاد تعافيت. 🖤🥀

فيه اعقول امغير يجضن

كان حكن ماعد ايفضن🖤🥀..

ـ" ‏اليوم يا غلا ما بيك عندي عازه
ومنك الخاطر سايرتله ريبه🥀

لقيت صاحبك يجري علي لموازه
ومو ماسكه لا شي ع التخريبه🖤

ونا احسبتها مالياس عني حازه
وهي عزيز منه دورته العطيبه🥀".

#حورالعين🖤🥀..

" هضا ما خلاّ غالينا ،


عبره شينه تخنق فينا.🖤🥀

"جميع المحاسن والقمر في ضيّه
إحذا زولها واحد اكمالة المية" 🖤🥀..

تخايل و انت مرايف جاك
اللي صكر البيبان وراك 🖤🥀..

ـ ماني طامع في ردتهم..

نادم غير علي عرفتهم 🖤🥀..

ياليل فيك انجوم🥀 ..
وفيك القمر يظهر مع التهويده ..
وياليل فيك اللي خداه النوم ..
بايت يسامر في احلام سعيده ..
وفيك من تعشى مائدة ولحوم ..
ومعاه زاهيه الايام ربي ايزيده ..
وفيك من يعاني في شقى وهموم🖤 ..
ومازال ريدا ع العيون بعيده ..
ياليل ياما فيك من مظلوم ..
دونا اقفاص مصكرات حديده ..

ليلتكم سعيدة🖤🥀..

-
ليش في نا ديما الفعل الشين ،
وليش من ابليس الناس ما يعتاذوا
والله ما اذيت اموات لا حيين ،
مانيش عارف ليش فيا ياذوا 🖤🥀..

اسمور ليلنا طال بلحيل ،
علي شي ماله امداوي ..

اوقات نحسدو ف المهابيل ،
اللي ذاهبين الجلاوي 🖤🥀..

ـ نوم الليل يبِّي عقل خالي
كيف اينام مَنْ فاقد غوالي 🖤🥀..

ـ الليل اترقد فيه الناس
ونا من وسواس لوسواس🖤🥀..