ياعون اللي توا راقد..

لا حس بلوعة لا فاقد. 🥀

ياما الأيام خذن مني..
وإضحكتلهن غصبن عني.. 🥀

خليتـك ياصـوب ع الله

يا تـقسـم يا تقعـد علـه🥀.

" ياما درت الغالي دونه


، ما غاليتا بيش إنهونه. 🥀

طامع ياغالي في حنك

وانخاف علي روحي منك🥀.

نشهد بالله انها جنه


لمغالاه مع المحنه.. 🥀

كسرو خاطري يكسر الله خاطرهم
ويش ما ايكون العذر ما نعذرهم
الله يرزيهم
الله لا ايسامحهم ولا ايهنيهم
فيهم ايوريني مصيبه فيهم
كيف ما اقهروني يالله اقهرهم
لا عاد ايجوني أو لا انريد انجيهم
قطاعت أرحام يقطع الله خبرهم
عل خير لا ايصبحهم ولا ايمسيهم
ولا انريد شوفتهم ولا ننضرهم💔🥀.

عزيز كان موحامل عرب خاطينا
وكنا ضراه وفزعته واسناحه
واليوم كيلي زاهد ومستشوينا
وامشمت افواه الحسد والبواحه
الله ايسامحه مانا اصحاب ضغينا
منحاش كل يد لوجهاا مساحه
..
خذ في كنيني م المساحه ساحه
عزيز غير ماعاود علي مطراحه🥀

مرات كلمه فخاطرك تذكرها
وتبني عليها احلام وتحاكيها
سريب يرفعك في اوهام وتسايرها
والعين ترغب كل مايزهيها
ومرات تنشد غير شن خطرها
لي توجعك تخسر لي تبيها ..🥀

" آعزاز إيردولي ياريت

، بعدهم ما عاد تعافيت. 🖤🥀

فيه اعقول امغير يجضن

كان حكن ماعد ايفضن🖤🥀..

ـ" ‏اليوم يا غلا ما بيك عندي عازه
ومنك الخاطر سايرتله ريبه🥀

لقيت صاحبك يجري علي لموازه
ومو ماسكه لا شي ع التخريبه🖤

ونا احسبتها مالياس عني حازه
وهي عزيز منه دورته العطيبه🥀".

#حورالعين🖤🥀..

" هضا ما خلاّ غالينا ،


عبره شينه تخنق فينا.🖤🥀

"جميع المحاسن والقمر في ضيّه
إحذا زولها واحد اكمالة المية" 🖤🥀..

تخايل و انت مرايف جاك
اللي صكر البيبان وراك 🖤🥀..

ـ ماني طامع في ردتهم..

نادم غير علي عرفتهم 🖤🥀..