#چیرۆک

«ئاو دەوەرێ»

لە کەنارەکانی دوورە وڵات، پیاوێک بۆ "داهاتووی" دەگریا، گریانێک بە درێژایی هەستەکانی بۆ کچێکی نەخۆش... کچێک کە چاوەکانی نە بۆ خۆی بوو، نە بۆ ئەو...
لەوسەرەوە بە درێژایی ڕێڕەوەکانی تەنیایی فریشتەیەک هاواری دەکرد، هاوارێک پڕ بە گەرووی بێدەنگی، داوای ئەو تەمەنە لەدەست چووەی دەکرد کە نەدەگەڕایەوە، فرمێسکەکانی دڵۆپ دڵۆپ دەوەرینە سەر ئۆزۆن و وەریدەگێڕانەوە وەک ئەوەی تیشکی زیانبەخشی خۆر بن... تۆ بڵێی ئەوە ئۆزۆن بووبێ...؟! بەڵام ئۆزۆن تەنیا تیشک وەردەگێڕێتەوە نەک باران... بەڵام هەرچی بوو دڵۆپێک لەو فرمێسکە بارانییە لە ئۆزۆنەوە تێپەڕی و تکایە سەر لێوی ئەو پیاوەی هیوای گەڕانەوەی کچێکی هەبوو... لەرزەیەک هەموو جەستەی داگرت، سەرمایەکی سامناک... وەک ئەوەی هەمان نەخۆشینی ئەو کچە بەو دڵۆپە بارانەوە بووبێ، ئاخۆ ئەوە نیشانەی هاتنی ئەو کچە بوو؟! ئەو کچە مردبوو؟! نا ئەستەمە...  مەگەر ئەو کچە نەیوتبوو من لە ئێوە نیم؟! واتە ئەو کچە فریشتە بوو؟! فریشتەیەک کە باڵەکانی هێندەی پەڕەی گوڵ ناسک بوون و بە بای شەهوەتێک هەڵوەرین و ئەو کچە بوویە فریشتەیەکی زەمینی... ئەی کە وایە بۆ ڕۆشت؟! بۆ نمایەوە تا هەمیشە فریشتەیەکی زەمینی بێ؟! هەموو ئەم پرسیارانە مێشکی ئەو پیاوەیان دەخوارد... ئاخر بۆ... بۆ... لەگەل دووهەم دڵۆپە باران دا ئەو پیاوە سەیری ئاسمانی کرد، ئاسمان دەستی کرد بە گریان، دەنگێک لە دوورەوە هات بەڵام جگە لە سرووشت کەس نەیبیست... ئەو فریشتە بەدیار کەوت، لەسەر ئۆزۆن دانیشتبوو، لەو سەرەوە دەیتوانی هەناسە بدا... نەدەخنکا... باڵەکانیشی بۆ گەڕابوونەوە... دوو باڵی جیاواز و سپی وەکوو باڵی مەل... دوو باڵ کە ئەستەم بوو، دیسان ئەو کچە بکەنەوە بە فریشتەیەکی زەمینی... ئەسیر بوو لە نێوان زەوی و ئاسمان دا... دەبوو تا هاتنە دەرەوەی هاروت و ماروت لەوێدا ئەسیر بێت...  چاوەڕێ بکات... ئاخۆ دوای ئەوە چی لێدەهات؟! هەر لەوێ دەمایەوە و فرمێسکی دەڕژاند...! یان ئەویشیان لە چایەک دا وەک ئەوەی بابل بەند دەکرد... سەراوژێر...! ئەوجارە پەرچەمی خاوی تا کۆتایی چاکە دەگەشت و فرمێسکەکانی تک تک دەتکان و بەقژی دا دەچوونە خواروە و چاکە بەو تکە فرمێسکانە پڕ دەبوو و ئەو دەخنکا، ئیتر هیچ فریشتەیەک بوێری هاتنی بۆ زەوی نەدەکرد... کێ دەڵێ هاروت و ماروتیش ئێستا لە گریانی خۆیان دا نەخنکابن...! وەک دەڵێن مرۆڤ لە ئەشکەنجە دا گەر جەستەشی ڕزگاری ببێت ڕۆحی دەمرێ... یەعنی ئەشکەنجە وەک ئەو مردووخۆرانەیە ڕۆح لە جەستە دەکێشنە دەرەوە... ڕۆحت دەکێشنە دەرەوە لە دەمتەوە... بە کاتی سەرمایەکی زۆر... زۆر...  و دواتر هیچ... جەستەیەکی بەتاڵ لە گۆشەیەکی چایەک، زیندانێک، ژوورێک یان کەلاوەیەک دا وێڵ دەکەن... هەموو ئەم فیکرانە لە مێشکی ئەو پیاوەدا بوو... نا لە مێشکی ئەو فریشتەیەدا... کامە فریشتە؟! ئەو پیاوە هەرچی ئاوڕی داوە نە زەریایەک هەبوو نە کەنارەیەک و نە بارانێک... لە بیابانێکی چۆڵ دا وێڵ کرابوو... تەنیا... تینووی بوو... لەوێ چایەک هەبوو... چایەکی کۆن کە دەنگی تکانی ئاوی لێوە دەهات... تک... تک... ئاو دەوەرییە ناو چاکە... ئاو دەوەرێ...! ئەو دەنگە خۆشترین دەنگ بوو لە گوێی ئەو پیاوەدا بە ڕاکردن بەرەو چاکە ڕۆشت... بەڵام دەستی بە ئاوەکە نەدەگەشت... دوور بوو زۆر دوور... لە نێو چاکە پلەیەکی تێدا بوو کە بۆ خوارەوە دەچوو... ڕۆشتە نێو چاکە بە هیوای بینینی ئاو ڕۆشتە خوارەوە تا پێکانی بە ئاوی بنی چاکە تەڕ بوو، لە نێو ئاوەکەدا چۆکی دادا و دەستی کرد بە ئاو خواردنەوە... ئاوەکە تامێکی سەیری هەبوو... بەڵام ئەوە گرینگ نەبوو، تا توونێتی شکا هەڵنەستایەوە... دواتر بەرەو پلەکە ڕۆشت، بینی کە پلەکان شتێکی تەڕیان پێوەیە... دەستی لە پلەکە دا و دواتر دەستی دا لە زمانییەوە، تامی خوێنی دەدا... ئا خوێن بوو... کەمێک ترسا... کە لای کردەوە هەمان ئەو فریشتەیە سەراوژێر هەڵواسرابوو و قژی تا بنی چاکە دەهات و ئاو دەتکایە نێو چاکە... ئاو دەوەرێ...! جەستەی ئەو فریشتەیە خەریکی لەناوچوون بوو... هەموو ڕووخساری شێوا بوو... هەنێ شوێنەواری لێدان لەسەر جەستەی هەبوو و لێیانەوە بێ وەستان خوێن دەتکا... ئەو پیاوە زۆر ترسا... بە پلەکان دا سەرکەوت و ڕۆشتە سەرەوە... یەک پلەی مابوو بڕوانە دەرەوە... دوو پیاو کە هەر یەک دوو باڵی سپی گەورەیان هەبوو سەری چاکەیان داخست و تاریکی...
خەبەری بوویەوە... دەنگێک لە پشت سەری دا بە بەردەوام دەیوت: ئاو دەوەرێ...! کە سەیری کرد کچێک سەری بەسەر کاسەیەک ئاودا داخستبوو... لە قژی ئاو دەتکایە ناو کاسەکە و کاسەکە ئاوی لێ دەڕژا...


✍ #ساریە_ئەرژەنگی


https://www.tg-me.com/Honrawey_Meriwan

⬇️ دەقی میوان

بەشی3⃣


✅#error
🔰#تەنز


٭ باوکم هەموو کاتێ ئەڵێ: وەرزش بۆ سڵامەتی خراپە ڕۆڵە! دانیشە دەرس بخوێنە. ئەم هەموو وەرزشکارە باشە لەم کوردەوارییە چییان دەس کەوت تاکو تۆیش نیوەی ئەوانت پێ بدەن! ئەوان قول‌و‌قاچ و لوت و شتیشیان ساغ نییە، تۆیش وات لێ دێ. تاقەتی لووشکە لووشکی گریانی تۆم نییە، ژیر نابیتەوە بۆم! هەر چەندە بیرم ئەکردەوە لە قسەکانی باوکم نەمئەزانی کامیان باشە. هەر ئەیوت (Error، مشترک مورد نظر شما لە باشگاه خەریکە لووتی ئەشکێنن، دوایی بێن بۆ لای بۆ ماڵەوە. حەزیش لە ساندیس ئەکا، تکایە دوایی بۆی بهێنن).

ئەرێ بابە! ئەگەر من نەڕۆم بۆ وەرزش و دوایی ببم بە بووشکە و بمبەیت بۆ دکتۆر بڵێ چاوی دەربهێنە چاک ئەبێت! (دەی چاوم دەر بهێنن باشە یان بگریم و ترشیم بۆ بهێنیت ژیر ببمەوە؟ خۆ ببم بە بووشکەیش ئەبێ بە وەرزش خۆم بکەم بە شمشاڵ! دەی چۆن وەرزش بۆ سڵامەتی خراپە؟! (هەرچی خراپە بەلەزەتە، کاتێک نەخۆشیت و دکتۆر پێت‌ئەڵێ نابێ قارچک بخۆی، تۆیش لە خوات بووە کەسێک وات پێ بڵێ تاکوو ئیتر نەیخۆی، بەڵام هەندێ‌جار پڕ بە دڵ حەزت لە کەوچکێک قارچکە و ناتوانی بیخۆی، وا حەزی لێ ئەکەی ئەڵێی زستانە و تۆ حەز لە هەڵووژە ترشەکانی هاوین ئەکەی)
ئەی هاوار دیسان مێشکم ئەڵێ ( !Error، مشترک مورد نظر شما لە باشگاه خەریکە لووتی ئەشکێنن. دوایی بێن بۆ لای بۆ ماڵەوە، حەزیش لە ساندیس ئەکات، تکایە دوایی بۆی بهێنن. تۆزێکیش ترشی بهێنن با دڵم خۆش بێت).
وەرزش باشە یان دەرسخوێندنی وا؟! یان بڕۆم بۆ وەرزش و قاچی ڕاسم بشکێت و قاچی چەپم بگرنە گەچ!؟ هەر بەو قاچە ڕاستەوە هەڵ‌ئەسم بۆ ئەو بەنایەی قاچمی گرتە گەچ و تەختی ئەکەم. (ئەمەیش نیشانەی باشیی وەرزشە لە بەرانبەر دەرس خوێندندا")

ئەرێ ئێستا دەرس بخوێنم یان بڕۆم بۆ وەرزش؟! یان بڕۆم بۆ وەرزش و دەرس نەخوێنم؟ لەوانەشە بڕۆم بۆ وەرزشێک کە دەرس بخوێنن! دەرسێکیش بخوێنم کە وەرزشی قول‌وقاچ‌شکاندنی تیا بێت! لە هەمووی باشتر خەوە، با وچانێک بدەم، دێمەوە لاتان. لای ئێوە خۆش!


✍ #ڕێناس_جەهانی


https://www.tg-me.com/Honrawey_Meriwan

بەسەر سەرما

         فەلەک هەوری غەمی


                          بەو تەرزە کێشاوە...




✍ #مامۆستا_ناری




https://www.tg-me.com/Honrawey_Meriwan

#پێکەنە



هـەڵوەرین ناگاتە باڵای پێکــەنین
پێکەنە دەی پێکەنە دەی نازەنین

✍ #پەرۆش_مەریوان


📸 #جەمیل_محەممەدی
(وشکڵان)

https://www.tg-me.com/Honrawey_Meriwan

#تێهەڵکێش


تو خوا زوڵف خەناوی زەمانی وەسڵت کامە؟
إنی رٲیت دهرٱ من هجرک القیامە

ئیزهاری عیشق بازی تا کەی بکەم بە بێ سوود؟
لیس دموع عینی هذا لنا العلامە

من ئیمتیحانی بەختم ئەکەم، وەلێ ئەزانم
من جرب المجرب حلت فی الندامە

ئەی دڵ لە یاری بێ مەیل ، بێ مەیل بە چونکە ڕاستە
من بعدها عذاب، فی قُربها ندامە

سۆفی دەڵێ بە بێ ڕەنج ویساڵی دولبەرم هەس
وللە مــا رٲیــنا حــبٱ بــلا مــلامــە

دوێنێ لە بەختی من یار چارشێوی شەرمی لادا
کالشمس فی ضحیها تطلع من الغمــامــە

#قانع لە عیشقی چاوی ،،عاشق بە پیاڵەی مەی بوو
حتی یـذوق مــنـە کٲسا من الـکـرامــە


ـــــــــــــــــــــــــــــــــــــــــــــــــــــــــ
وەرگێڕدراوی بەیتە عەربییەکان 👇


إنی رٲیت دهرٱ من هجرک القیامە
لە تاو هیجرانت ژیانم قیامەتە


لیس دموع عینی هذا لنا العلامە
ئەرێ فرمێسکی چاوەکانم بۆ ئێمە بەڵگە نیە ؟

من جرب المجرب حلت فی الندامە
آزموده را آزمودن خطاست

من بعدها عذاب، فی قُربها ندامە
دووری لەو ژانەو ، نزیکی لێی پەشیمانی

وللە مــا رٲیــنا حــبٱ بــلا مــلامــە
بەخوای عەشقێکی بێ ژانەسەرم نەبینی

کالشمس فی ضحیها تطلع من الغمــامــە
وەکوو خۆرهەتاو کە لەنێو هەورەوە ڕووناکیەکەی هەڵبێت

حتی یـذوق مــنـە کٲسا من الـکـرامــە
تاکوو پیاڵەیەک لەمیهر و موحیببەتی ئەو بچێژێت

✍ #مامۆستا_قانع


https://www.tg-me.com/Honrawey_Meriwan

#تەڵاقەکانی_بارام_بەگ

بارام بەگی دزڵی وتوویە: تەڵاقم کەوتبێ نیوئەوەندەی ئەوەی کە کورد حەزی لە مریشکی کوردی و هێلکەی کوردی و جاچکەی کوردی و ڕۆنی کوردی و سێفەزەمینەی کوردییە، حەزی لە حکوومەتی کوردی بووایە، ئیسە وڵاتی کوردستان، لە ئامریکایش بەهێزتر بوو.



https://www.tg-me.com/Honrawey_Meriwan

🎧#فایلی_دەنگی

✅کورتەیەک لە ژیاننامەی مامۆستا قانع

📆 ئەمڕۆ 17ی گوڵان ساڵڕۆژی کۆچی دوایی #مامۆستا_قانع


https://www.tg-me.com/Honrawey_Meriwan

‍ ئاخرین ماڵی ژیانم کونجی بەندیخانەیە
ئەم کەلەپچە مەرهەمی زامی دڵی دێوانەیە

زۆر دەمێکە چاوەڕوانی زڕ زڕەی زنجیر ئەکەم
سەیری ئەم زنجیرەکەن وەک زێوەری شاهانەیە

بووکی ئازادیم ئەوێ خوێنم خەنەس بۆ دەست و پێ
حەلقە حەلقەی پێوەنم بۆ پڵپڵە و لەرزانەیە

گەرچێ دوژمن وا ئەزانێ من بەدیلی لاڵ ئەبم
باش بزانێ کونجی زیندانم قوتابي خانەیە

بیری ئازادیم لەزیندنا فراوان تر ئەبێ
قوڕ بەسەر ئەو دوژمنەی هیوای بە بەندیخانەیە

گرتن و لێدان و کوشتن عامیلی ئازادییە
تۆپ و شەستیر و کەلەبچە لام وەکو ئەفسانەیە

چاوەڕوانی شۆڕشێکم عالەمێ رزگار بکا
میللەتم بۆ ئەو مەبەستە کردەوەی شێرانەیە

چەکی شۆرشگێری من نوسین و بیرو باوەرە
ڕاپەڕینە،هەڵمەتە پڕ نەعرەتەی کوردانەیە

گەر بەئازادی نەژیم مردن خەڵاتە بۆ لەشم
نۆکەری و سەردانەواندن کاری نامەردانەیە

قانعم ئەمڕۆ لە زیندانا بە ئازادی ئەژیم
سەد هەزار نەحلەت لەوەی وا نۆکەری بێگانەیە

✍ #مامۆستا_قانع



https://www.tg-me.com/Honrawey_Meriwan

قانعم
ئەسپی خەیاڵم
چەندێ تر سەر گەرم ئەبێ

مشتەری ئەشعارەکانم
قەڕنێ تر
بێ شەرم ئەبێ


✍ #مامۆستا_قانع

هێشتا لەو قەڕنە کاتژمێرێ تێپەڕیوە ...


https://www.tg-me.com/Honrawey_Meriwan

گەر بە ئازادی نەژیم
مردن خەڵاتە
بۆ لەشم

نۆکەری و
سەردانەواندن
کاری نامەردانەیە

✍ #مامۆستا_قانع


📸 #جەمیل_محەممەدی


https://www.tg-me.com/Honrawey_Meriwan

(ناوی کوردی)

ناوی کوردی زۆر خۆشترە،
بە نووسین ناگاتە ئەژمار

ناوی غەیرە فڕێ بدەن،
مەعنای یانێ پشیلە و مار

سەلێ و مەلێ ،حەبێ وحەلێ،
خەجێ و مەجێ،نەها و بەها

دەی بڕوانە ناوی کوردی،
ڕازاوەیە وەکوو بەهار

شەهێن،شەوبۆ ،چنوور ،چیمەن ،
لاوێن ،خاوێن،هەناو ،هەتاو

هەنار،هەنسک ،شەرمین،نەرمین،
شنۆ،شەیدا، چنار،بنار

خولە و ئەحا،فەتە و تۆفە،
بلە و فەعا،ئەلە و سەعا

کوێستان،بێستان،گێڵاس،ڕێواس،
تارا،شارا،کاشمە،کەنار

سالە،قالە،عەلە،عەبە،
عەزە،مزە،مەجی،مەسە

ڕێبوار،ڕێبەر،شاهۆ،شاڵاو،
پێشڕەو،پێشەنگ،کارۆ،کۆسار

ئامە،خامە،فرێ ،فاتە،
ڕابە،زبە،شەمێ،قەمێ

شالا،شیلان،سروە،سێوە،
ئاڵا،باڵا،شنە،شنیار

ڕەشە،ڕەعنا،مینە،مارف،
عاسە،مەعسە،یەحیا،یەدە

بێستوون،قەندیل،سوارە،سوورێن،
هەڵگورد،هەڵکەوت،کۆیار،کەویار

با بەسی کەین ناوی بێ ناو،
ئێوە بن و تۆ خوداتان!

لەو ناوانەی کە بۆم نووسین،
کامیان خۆشتر دێنە سەر زار؟



✍#فاتێح_تینوو




https://www.tg-me.com/Honrawey_Meriwan

📚ناساندنی کتێب


🆕 #پیاوێکم_لە_قەوارەی_با

📃مژار: شیعر

🖌نووسەر: #شەریف_مورادی


پیرۆزە و بە هیوای بەرهەمی جوانتر و باشتر 🌺🌺



https://www.tg-me.com/Honrawey_Meriwan

#شیعر

ماریی تەفرەقە

#مامۆستا_جێماو

✍ #عوسمان_ئەشکاوەند


https://www.tg-me.com/Honrawey_Meriwan

مەستــــــــــــــــانە دێم

تا به چاوانم دەبینم تیشــــکی هیوا شەرتە بێم
تا هەڵیی دەمژم شنەی شادی ئەمن مەستانە دێم

تا لە شاری پڕ جەخاری دڵ لە سێدارە دراو
تێکی دەشکێنم قەنارە بەردەوامە ڕەوت و ڕێم


توند ئەکەم قۆڵم  لە قۆڵی لاوی خاوەن بیری شار
پشت ئەبەستم بۆ مەبەستم من لە گەل  گەنجانی دێم

تێر ئەکەم چاوم لە سەیری هەڵقوڵینی هێزی گەل
دێم هەتا بارانی ئاوات سەوز ئەکات ڕوخساری دێم

پڕ بە باوەش شێعر ئەهێنم ڕای ئەخەم وەک فەڕشی سوور
سەر بڕینی شێعرە ئەوسا جێژنی ئاوات ها لە ڕێم

وەختێ بینیم هەڵپەڕینی هێز و ئاوات و قەڵەم
پڕ بە دەم پڕ بە زمانم شێعــــــــر و گۆرانی ئەڵێم

شاد ئەبم نا لەرزێ دەستم تێر ئەنوسم شێعری تەڕ
ڕادەوەستم قامەتم ئەلفە و هەتا هەم دور لە دێم



 #تەنیـــــــــــا
#کەریم_خاو‌_یی


https://www.tg-me.com/Honrawey_Meriwan

بەرەی ئێمە

نە لە دایکمان چووین

نە لە باوکمان و

نە لە کەس



ئێمە بەرەیەکین بە هەموو شێوەیەک #بە_قوڕا_چووین


https://www.tg-me.com/Honrawey_Meriwan

🎤چارەی خەمی من

🎼 #ناسر_ڕەزازی

هۆنراوەی مامۆستا هێدی(خالید حیسامی)

#گۆرانی


https://www.tg-me.com/Honrawey_Meriwan

پەنجەرە
بۆ ماڵێکە

چاوەڕوانی تیا بێت ...


#سوهەیب_عەلی




https://www.tg-me.com/Honrawey_Meriwan

دڵپڕم لێت و گەرەکمە پێت بڵێم و نایە بۆم
چاوی شۆڕی پیتەکان هەرچی دەکەم هەڵنایەبۆم

ئۆقرەیەک نانێیتە بەرپێی جەرگی پێسووتاو ئەڵێی;
ئاگرت پێیەو بەئاگر کڵپە چاری نایە بۆم

هەڵمەواسی لەوپەڕی دیواری دێڕ ئاڵای سپی
کۆدی ئەوشیعرەی لەچاوتایە ئەگەر بشکایە بۆم

هەرچی مەودایە بەلای لاچاوی ئەوساوە ڕەوی
هەر تەمەن ماوە ئەویشم پێ ئەدا بکرایە بۆم

با,بەکایەی کا لە کەلدا پاییزی بەردایە ساڵ
گەرچی دووسەد وەرزی تر بێنێتە کایە کایە بۆم

بۆ بە گریانۆ دەکا ئێوارەیەک لا با لە رۆژ
شەو   لە گریان لامئەدا ئێوارە بۆی بێنایە بۆم

هەرچی جارە دووربەدوور تووڕەم کەچی هەر پێت دەگەم;
دڵپڕم لێت و گەرەکمە پێت بڵێم و نایە بۆم


✍ #محەممەدسدیق_کەریمی

https://www.tg-me.com/Honrawey_Meriwan

بێرەوە

دڵ پەرێشـانــە لــە دووریت چرای چاوان بێــرەوە
مەشێوێنـە خەیاڵــم، دەی وەک شەتاوان بێــرەوە

وەی کە بێزارم لە دووریت چاوەکەم بـۆ لێم ونی
خۆت وتت ئەمجــارە هاتــی پێ لە پاوان بێرەوە

چاوەڕێتم پڕبەتـاســە سامــی غوربــەت لابـــدەی
تۆ کە ئەتوانی ئەزیزم وەکوو هەتــوان  بێــرەوە

نووری ڕوخسارت لە سەردا چی خەمە ئەشواتەوە
تۆی بەهاری پێگەیشتووم وەک هــەلاوان بێرەوە

گوڵــێ زەردی بـەجێمـاوم لەبــەر ماڵت دەمێــکـە
بمکە باوانــی خــۆت و  بـۆ ماڵــەبــاوان بێــرەوە

من کە شەش دانگی ئەوینتم لە ناخا پاراستووە
دڵ پەرێشانـە لە دووریت چـرای چــاوان بێرەوە


✍نووسین و خوێندنەوە #ئەوین_سوبحانی


https://www.tg-me.com/Honrawey_Meriwan