نصيحة لكل برج لليوم 💙💙
برج #الدلو : دير بالك ع صحتك
برج #الحوت : حاج طيبة قلب
برج #الثور : خبي قرشك الابيض ليومك الاسود
برج #الميزان : حاج تكون دبلوماسي
برج #الجوزاء : الناس ظالمتك بس الله معك
برج #السرطان : حاج حنيه
برج #الاسد : بيلبقلك بس خف علينا شوي
برج #العذراء : بطل تعطي نصابح ع بتنفهم غلط
برج #العقرب : بطل تفكر ببكرا ع بتتعب
برج #القوس : بطل طيبة قلب ماحدا مستاهل
برج #الجدي : الناس ظالمتك سلم أمرك لله
برج #الحمل : انت كل ماسبق 👆🏻

وإِنَّ الدُّعَاء أَعمَقُ مِن كُلِّ الأَحَادِيث وإِنَّ اللَّه أَقرَبُ السَّامِعِين.

"لم اعد أهلع.. بدأت أصافح خسائري بطمأنينة منتصرة، حتى أن قلبي بدأ يعتقد أن خسائري نصر ."⛓

‏حائراً، كمن يريد أن يقول أشياء كثيرة
ويريد أن يبقى صامتاً.!

سأحبك إلى اليوم الذي ينادي الله به: أين المتحابّون بحلالي..💙

شغلات بحبها :
ـ بحب كون رفيقة للكل .
ـ بحب حدا يكتبلي كلام حلو وانا نايمة
ـ بحب حدا يخصصلي غنية يقلي انو هي  الاغنية بس الك
ـ بحب حدا كل يوم يدعيلي
ـ بحب حدا يحكيني بنص عجقة يومو ليقلي شتقتلك
ـ بحب حدا يجي يراضيني لو كنت انا الغلطانة
ـ بحب حدا يحطلي صورتي بجوالو
ـ بحب حدا يكتبلي حالة الي
ـ بحب لما يكون حدا متذكر عيد ميلادي
ـ بحب حدا يجي يقلي انا مخنوق وبدي احكي معك
ـ بحب حدا يفهمني من نظرات عيوني
ـ بحب يلي لما بعصب وبخبص معو بل الحكي ما يزعل مني
ـ بحب حدا يكون فارق معو غيابي ووجودي
ـ بحب انو كون عند حدا خط احمر
ـ بحب يضل معي متل ما عرفتو
ـ بحب حدا يفهمني ويكون معي بكلشي

شغلات بسيطة بتسعدني ❤️💙❤️🕯🥺
••

مو اي حدا بيقدر يكون #حنون

الحنية بدا قوة ...مو قصة قلب رقيق او مشاعر كبيرة

الانسان يلي مليان حنية دافن بقلبو زعل كتير ..

وبتلاقي بيضل بيعطي وبلا أي مقابل

الحنية أساس اي علاقة ..أساس اي قصة ..الحنية أساس...اي نعم

الحنية مو فلسفة وعلاك...لك في ناس عمرت مدينة بروحهم ونيال يلي سكنو فيها..

انو الله يرزقك حدا حنون .....يا نيالك🍁💙

شو فيها لو #العم حن وتفقد بيت أخوه...
شو فيها لو #الخال سأل وتفقد بيت أخته..
شو فيها لو #العمة حنت لبيت أخوها وسألت عنو ..

شو فيها لو #قرايبينك حبوك وتمنولك الخير وما كانوا بوجهين..

شو فيها لو #الزوج حب زوجته وقدّرها قدام #اهله و #اهلها و قدام #نفسها..
شو فيها لو #الزوجة كانت مع زوجها متل امو وحنت عليه واتحملت مزاجو المتقلب من هموم الحياة وهونت عليه..

شو فيها لو #الصديقة كانت صادقة ومخلصة لصديقتها مو #اخت بوجها و #عدوة بظهرها...
شو فيها لو #الجار تمنى الخير لجاره متل ما بيتمنى لنفسه مش عينه ضيقة وحسود ويحكي عالناس..

شو فيها لو #الصهر كان مع بيت حماه متل ما زوجته لازم تكون مع اهله

شو فيها "لو" #حبّينا بعض !
شو فيها "لو" #حنّينا ع بعض !
شو فيها "لو" #تمنينا الخير لبعض !

شو فيها "لو" كنّا #مع بعض مش #على بعض !!

#شو_فيها....... !
يمكن كانت الدني بالف خير
لو #قلوبنا لبعض متل ما #عيونا ع بعض
#كنّا بألف خير
راقت لي..🫂

عزيزتي المرأة..
😌حطي ببالك #التضحية موضة قديمة وماعادت تنفع .. لاتضحي وتصرعي سما عيلتك.. يعني...

- التعزيل بكثرة مو شطارة صدقيني زوجك مارح يسوسح انو عندو مرا نضيفة وإنما رح يشوفك لفاية وإذا صدف وكان معك لفاية عم تساعدك ف رح يخربط بيناتكون..

- على فكرة.. لن يسجل التاريخ إنك وفرتي مصاري وماكنتي تعملي شعرك عند الكوافير أو تجيبي اكسسوار لأنو "البيت أبدى و أهم" ... التاريخ مشغول بتسجيل قضايا أهم بكتير..

- وبلاها هي الحنانيات اللي ماحدا رح يحس فيها.. بحب خبرك إنو ابنك البيبي متل إجرو إذا إنتي عطيتيه الببرونة أو خالتو أو عمتو أو ستو..
مو غلط تتركيه من وقت ﻵخر مع حدا ثقة وطلعي تنفسي مع زوجك او رفقاتك..

- بالمناسبة سهرتك على لف طنجرة يبرق وانكسار ضهرك وانقراف رقبتك لن يجعلك أكثر أنوثة بعيون زوجك وحنونة بعيون ولادك .

ولادك وزوجك رح يشوفوكي بعيون رفقاتون..
يعني لما إيديكي رح يكون مصبوغين أسود من البيتنجان ولا لبسك مفتل ما حيقولوا "يا قلبي هيي كانت عم تعمللنا مكدوس أو مبديتنا عن حالا ".. وإنما رح يخجلو منك ...

ببساطة: عيشي..........وخلّي غيرك يعيش وتمتعي بجمالك وضحكتك و رواقك.. لاتكبري وتنصدمي وتكتئبي وتطالعيه من عيون عيلتك لانه ماحدا قدر تعبك.

🎲🎲 وهيك لازم يصير عيشي حياتك بدون تقصير بس مو تفاني لإسعاد من حولك 👏🏻👍🏻😊

فجأة بتحس بغصة ما بتعرف سببا
شي عم يضغط على قلبك ، خنقة ووجع ما بينوصف
بيسألوك شبك بتقلن ولا شي متعكر مزاجي شوي وشوية تعب مو أكتر

لأنك بتعرف أنو مهما كان الشخص لي رح تحكيلو وجعك والشي يلي عم تحس فيه غالي عليك ، عالأغلب ما رح يحس فيك ويفهم شبك
ورح يقلك الكلمة المعتادة "معلش" أو " بتهون "

لك أيمتا رح تهون ونحنا كل يوم بغصة وحرقة قلب جديدة

💔

.
ولو انه جداراً لهدمته لكنه صدري🖤
.