جيتكم الليلة بي حكاية جديدة ؛ في نهاية يوم عادي شديد بدأ بي صحياني الساعة ٥ صباحاً بفعل دخان كتم نفسي مولعنه عشان يعملوا شاي الصباح وبعده يقلوا البن عشان بعد الشاي طوالي بتبدأ مراسم الجَبنة ؛ فإذا بي اتشالق واقول ماشة اعمل القهوة الليلة انا عشان اتعلم طريقتها بالكانون والفحم ، رغم اني ماشايفة فرق بينها وبين جبنة الغاز لكن اهلنا هنا بيقولوا ليك جبنة الغاز مافوقها* طعم 🤣 زي كانو المواد بتختلف ولا الغاز بياكل جزء منها ماتعرف ...
المهم قعدت وعملتها واخدت مني يمكن ساعة ونص لحدي ما انتهت وشربوها كانت الساعة ٧ ونص ...طبعا ماف زول قال لي كعبة بس اخدت شهادة من عمي بإنها جبنة جيدة وقفلنا على كدا 💜 لكن حقيقي طعمها طلع بيختلف من الغاز للفحم وبتاخد زمن لكن بيطلع طعم كل حاجة براهو (البن _الزنجبيل أو كما يسمى العرق* ) و هنا بتكمن حلاوة الطعم 💜😍
.
.
.
انتهينا من فصل الجبنة جينا لدراما جديدة نهاية اليوم وهي انو حبوبة اشتهت كسرة بي ملاح تقلية بعد ما الشمس غربت * مع العلم انه الغاز قاطع والشغلة كلها يا بالحطب يا بالهيتر ؛ بي كل ادب واحترام قسمنا الشغلة انا ومرت عمي ؛ انتي عليك الكسرة وانا علي الملاح (لاني مابعرف اعوس طبعا لكن لو استمرت الحرب لحدي بعد العيد بعوسلهن تب )
المهم بعد معانا كبيرة شديد مع الدخان والحطب ولع والنار بقت بسيطة وختو ليها كرتونة وهبي الفحم .. انتهى الملاح والدنيا كانت ضلمت طبعا الشغل كله بي فلاش التلفون ؛ دايرة اشيل الملاح وادخله المطبخ عشان نرص الصينية غلبني اشيله ناديت اخوي قلت ليهو تعال امسك لي النور قال لي انتي وين اصلا (سامع الصوت وماشايفني 😹💔) قلت له تعال تحت السلم أو كما يسمونه هم (بير السلم) جاء قال لي بتسوي في شنو قلت ليهو ملاح تقلية بالحطب ، عاين لي مسافة كدا وقال لي (والله لو ما الحرب دي ما كان بنصل مراحل زي دي ) رديت ليهو( بالحمد لله ) وسكت بس كان واضح جدا انه اتأزم وحن في حالي😅 ... بس اهو تجارب جديدة ...
طبعا كله موثق بس ماحاقدر ارفعه ليكم هنا نكتفي بس بي تعليق حبوبة مع أول لقمة اكلتها ...قائلة (ملاحك سمح تبارك الله ) وزادت عليها ( تشبه تقلية النجلاء ❤️) اللي هي ماما طبعا وشرف كبير شديد لي انو يدي تطلع زي يد امي😔❤️🥰 ...
*ختاماً الملاح اتعمل لي حبوبة لكن البيت كله اتغدا تاني وختينا صينيتين واحدة للرجال وواحدة للحريم ؛ تحت مقابضات شديدة وخلصت الحلة في أقل من نص ساعة ماشاء الله ...عليهم بالعافية 😹💜 وعلي انا بالبركة والزيادة تحدي جديد اتضاف لقائمة الانجازات 😎
لحدي ما القاكم في قصة تانية وتحدي جديد ودعتكم لي الله وفي امان الله🤍
#تبيان
المهم قعدت وعملتها واخدت مني يمكن ساعة ونص لحدي ما انتهت وشربوها كانت الساعة ٧ ونص ...طبعا ماف زول قال لي كعبة بس اخدت شهادة من عمي بإنها جبنة جيدة وقفلنا على كدا 💜 لكن حقيقي طعمها طلع بيختلف من الغاز للفحم وبتاخد زمن لكن بيطلع طعم كل حاجة براهو (البن _الزنجبيل أو كما يسمى العرق* ) و هنا بتكمن حلاوة الطعم 💜😍
.
.
.
انتهينا من فصل الجبنة جينا لدراما جديدة نهاية اليوم وهي انو حبوبة اشتهت كسرة بي ملاح تقلية بعد ما الشمس غربت * مع العلم انه الغاز قاطع والشغلة كلها يا بالحطب يا بالهيتر ؛ بي كل ادب واحترام قسمنا الشغلة انا ومرت عمي ؛ انتي عليك الكسرة وانا علي الملاح (لاني مابعرف اعوس طبعا لكن لو استمرت الحرب لحدي بعد العيد بعوسلهن تب )
المهم بعد معانا كبيرة شديد مع الدخان والحطب ولع والنار بقت بسيطة وختو ليها كرتونة وهبي الفحم .. انتهى الملاح والدنيا كانت ضلمت طبعا الشغل كله بي فلاش التلفون ؛ دايرة اشيل الملاح وادخله المطبخ عشان نرص الصينية غلبني اشيله ناديت اخوي قلت ليهو تعال امسك لي النور قال لي انتي وين اصلا (سامع الصوت وماشايفني 😹💔) قلت له تعال تحت السلم أو كما يسمونه هم (بير السلم) جاء قال لي بتسوي في شنو قلت ليهو ملاح تقلية بالحطب ، عاين لي مسافة كدا وقال لي (والله لو ما الحرب دي ما كان بنصل مراحل زي دي ) رديت ليهو( بالحمد لله ) وسكت بس كان واضح جدا انه اتأزم وحن في حالي😅 ... بس اهو تجارب جديدة ...
طبعا كله موثق بس ماحاقدر ارفعه ليكم هنا نكتفي بس بي تعليق حبوبة مع أول لقمة اكلتها ...قائلة (ملاحك سمح تبارك الله ) وزادت عليها ( تشبه تقلية النجلاء ❤️) اللي هي ماما طبعا وشرف كبير شديد لي انو يدي تطلع زي يد امي😔❤️🥰 ...
*ختاماً الملاح اتعمل لي حبوبة لكن البيت كله اتغدا تاني وختينا صينيتين واحدة للرجال وواحدة للحريم ؛ تحت مقابضات شديدة وخلصت الحلة في أقل من نص ساعة ماشاء الله ...عليهم بالعافية 😹💜 وعلي انا بالبركة والزيادة تحدي جديد اتضاف لقائمة الانجازات 😎
لحدي ما القاكم في قصة تانية وتحدي جديد ودعتكم لي الله وفي امان الله🤍
#تبيان
نستغفرك يالله عن كل سفيه انشغل بحالنا عن حاله ونسألك أن تسامحنا وترحمنا وتصرف عنا شره وشر تفكره بنا انت اقدر عليه منا .
نحن أوفياء للحد الذي يجعلنا نبكي لأن احدهم نسي ذكرياته معنا وغادر
صباح الخير🌹
انا يمكن طولت ماكتبت عن حب و بي حب وللحب ، والأسباب طبعا كتيرة منها ان المشاعر الجوانا بقت طبيعي باردة، خامدة ، بقينا عشان نقول لي زول كلام حلو بنحس بي تعب ، وانو عشان يطلع نحن بنبذل مجهود جبار ، ياخي حتى كلمة شكرا ! بقت صعبة ...
لمن قعدت وفكرت في الحاجة دي لقيت إن العيب أبداً مافي الناس الحولينا لانو فيهم ناس كويسين شديد وبيحبونا وبيتعاملوا معانا بكل خاطر طيب ، وبيوزعوا علينا حُب بالمجان ! ومعاه عروض كمان بس ياخسارة كل دا ماواصلنا حتى ...!
أو هو واصلنا بس نحن الماحاسينه ، لأسباب كتيرة برضو منها ان في يوم من الأيام كان في فرط بتاع عطاء وتوقع عالي ان الحنديه حيجينا وطبعا ماحصل ف من حيث التوقع العالي إلى أعمق نقطة في الخذلان جينا واقعين ومن يومها ونحن قفلنا علينا قلوبنا وبطلنا عشم !
ودي مشكلة طبعا لانه في ناس كويسين ومحتاجين فرصة تانية وفي حياة حلوة بتتعاش بتوقعات بتتحقق وحب بيُتبادل بس نحن كيف نفتح بابنا من تاني ونحاول مرة اخرى!
#تبيان
انا يمكن طولت ماكتبت عن حب و بي حب وللحب ، والأسباب طبعا كتيرة منها ان المشاعر الجوانا بقت طبيعي باردة، خامدة ، بقينا عشان نقول لي زول كلام حلو بنحس بي تعب ، وانو عشان يطلع نحن بنبذل مجهود جبار ، ياخي حتى كلمة شكرا ! بقت صعبة ...
لمن قعدت وفكرت في الحاجة دي لقيت إن العيب أبداً مافي الناس الحولينا لانو فيهم ناس كويسين شديد وبيحبونا وبيتعاملوا معانا بكل خاطر طيب ، وبيوزعوا علينا حُب بالمجان ! ومعاه عروض كمان بس ياخسارة كل دا ماواصلنا حتى ...!
أو هو واصلنا بس نحن الماحاسينه ، لأسباب كتيرة برضو منها ان في يوم من الأيام كان في فرط بتاع عطاء وتوقع عالي ان الحنديه حيجينا وطبعا ماحصل ف من حيث التوقع العالي إلى أعمق نقطة في الخذلان جينا واقعين ومن يومها ونحن قفلنا علينا قلوبنا وبطلنا عشم !
ودي مشكلة طبعا لانه في ناس كويسين ومحتاجين فرصة تانية وفي حياة حلوة بتتعاش بتوقعات بتتحقق وحب بيُتبادل بس نحن كيف نفتح بابنا من تاني ونحاول مرة اخرى!
#تبيان
°•همساتي|pray for Sudan 🇸🇩 🙏
Welcome back ... ❤️🌹
حبيبي ياخالو🌹💕🫂
كنا نرى أيامنا بألوان اصدقاءنا ، فإن هم ضحكوا حالت صفراء وخضراء ووزهرية ، وإن هم بكوا صارت سوداء ورمادية ! ..
لكنني حصنت نفسي بالتجاهل كي أُحبك دونما أخشى افتراقاً إنما ...🖤
