የማፍቀር መለኪያው ልብ ሆኖ ሳለ
ስንት ሠው ወደቀ ልፈትን እያለ
መተማመን እንጂ ፍቅርን የሚያዘልቀው
ለፍቅር ፈተና ውሀ በወንፊት ነው
....
ግን ይሄን እወቂ
....
ፈላጊሽ ቢበዛ የኔሁኚ የሚልሽ
ልብሽ ነው ፈራጁ መራጪው ራስሽ
ባንቺነትሽ ልኬት ሚዛኑን ባልደፋ
ያበራሁት ፍቅርሽ ይኖራል ሳይጠፋ
....
ግን ይሄን እወቂ
....
ሳላልፍ ከቀረሁኝ ከብዶኝ ሳላጠና
በመውደድ ጥያቄ በፍቅር ፈተና
ሀዘኔ እንዳይበዛ ወድቀሀል አትበይኝ
ዝምታም መልስ ነው በቃ ዝም በይኝ
@Gitemenlenante
ስንት ሠው ወደቀ ልፈትን እያለ
መተማመን እንጂ ፍቅርን የሚያዘልቀው
ለፍቅር ፈተና ውሀ በወንፊት ነው
....
ግን ይሄን እወቂ
....
ፈላጊሽ ቢበዛ የኔሁኚ የሚልሽ
ልብሽ ነው ፈራጁ መራጪው ራስሽ
ባንቺነትሽ ልኬት ሚዛኑን ባልደፋ
ያበራሁት ፍቅርሽ ይኖራል ሳይጠፋ
....
ግን ይሄን እወቂ
....
ሳላልፍ ከቀረሁኝ ከብዶኝ ሳላጠና
በመውደድ ጥያቄ በፍቅር ፈተና
ሀዘኔ እንዳይበዛ ወድቀሀል አትበይኝ
ዝምታም መልስ ነው በቃ ዝም በይኝ
@Gitemenlenante
😍😍እኔ እወድሻለሁ❤️❤️
እኔ እወድሻለሁ
ታስሮ እንደመፈታት
እንደጣኦስ ውበት
እንደዝሆን ብርታት
ዳዊትን ከጎልያድ
ደርቦ እንደመምታት፤
እኔ ወድሻለሁ
ጦም ውሎ እንደመጉረስ
ወልዶ እንደመታረስ
ቶምቦላ እንደመድረስ
ካላሙዲ ንብረት
ግማሽ እንደመውረስ፤
እኔ ወድሻለሁ.
እንደመቅደስ ዕጣን
እንዳፍለኛ ስልጣን
እኔ ያንች ቡዳ
ያንች ልዝብ ሰይጣን ፡፡
(አዝማቹ የገ/ክርስቶስ ደስታ ነው)
በዕውቀቱ ሥዩም
የማለዳ ድባብ
@Gitemenlenante
እኔ እወድሻለሁ
ታስሮ እንደመፈታት
እንደጣኦስ ውበት
እንደዝሆን ብርታት
ዳዊትን ከጎልያድ
ደርቦ እንደመምታት፤
እኔ ወድሻለሁ
ጦም ውሎ እንደመጉረስ
ወልዶ እንደመታረስ
ቶምቦላ እንደመድረስ
ካላሙዲ ንብረት
ግማሽ እንደመውረስ፤
እኔ ወድሻለሁ.
እንደመቅደስ ዕጣን
እንዳፍለኛ ስልጣን
እኔ ያንች ቡዳ
ያንች ልዝብ ሰይጣን ፡፡
(አዝማቹ የገ/ክርስቶስ ደስታ ነው)
በዕውቀቱ ሥዩም
የማለዳ ድባብ
@Gitemenlenante
🌱🌱🌱🌱🌱…………………
#በቀለች
ከኮረብታዉ አናት
እንዲያዉ ለነገሩ፣በዉትፍትፍ ጭራሮ
ቤቷን ቀልሳለች፣ጀምራለች ኑሮ።
ከኮረብታዉ ግርጌ፣ወገቡን ሊነካ
የዛፍ መተሻሸት፣ዉበት አለዉ ለካ።
ከዛፎቹ ጀርባ በስፋት የፈራዉ የትርንጎ ፍሬ
ለወገቧ ማማር፣ለጭኖቿ መጉላት፣ሆነላት ፍካሬ።
ከትርንጎ መሀል፣የወይን ጉራማይሌ
ያቆነጃል ከንፈር፣ያሳምራል ዳሌ።
ተፈጥሮ ባሏ ነዉ፣ወንድ አታዉቅም እሷ
በአይን ያልታረሰ፣ድንግል ነዉ ቀሚሷ።
ፈጣሪ ወንድሟ፣ፈጣሪ ዘመዷ
ክፋት አይታ አታዉቅም፣ቀና ነዉ መንገዷ።
ህልም አይቼ ማታ
እንደዚች አይነት ሴት፣በቀለች ከተማ
ስሟ በቀለች ነዉ፣ያባቷ ከተማ።
✍ውሂብ ገ/እየሱስ
@Gitemenlenante
#በቀለች
ከኮረብታዉ አናት
እንዲያዉ ለነገሩ፣በዉትፍትፍ ጭራሮ
ቤቷን ቀልሳለች፣ጀምራለች ኑሮ።
ከኮረብታዉ ግርጌ፣ወገቡን ሊነካ
የዛፍ መተሻሸት፣ዉበት አለዉ ለካ።
ከዛፎቹ ጀርባ በስፋት የፈራዉ የትርንጎ ፍሬ
ለወገቧ ማማር፣ለጭኖቿ መጉላት፣ሆነላት ፍካሬ።
ከትርንጎ መሀል፣የወይን ጉራማይሌ
ያቆነጃል ከንፈር፣ያሳምራል ዳሌ።
ተፈጥሮ ባሏ ነዉ፣ወንድ አታዉቅም እሷ
በአይን ያልታረሰ፣ድንግል ነዉ ቀሚሷ።
ፈጣሪ ወንድሟ፣ፈጣሪ ዘመዷ
ክፋት አይታ አታዉቅም፣ቀና ነዉ መንገዷ።
ህልም አይቼ ማታ
እንደዚች አይነት ሴት፣በቀለች ከተማ
ስሟ በቀለች ነዉ፣ያባቷ ከተማ።
✍ውሂብ ገ/እየሱስ
@Gitemenlenante
።።።።።።።።እውነትን ፍለጋ።።።።።።።።
ጸሀይዋ ደብዝዛ ጨረቃም ሳትታይ
ፅልመት ቦታ ይዞ በጠቆረ ቀን ላይ
ባኮረፈ ሰማይ ጎርፍ እምባ በሚጥል
በጨቀየ ምድር በውርጭ በሚያቃጥል
ቀኑ ሲደበዝዝ በቁር በሀሩር
ከጨለማ አድማስ ውስጥ ብቻውን የሚኖር
ተነጥሎ ወጥቶ ከመንጋዎች መሀል
እሱ ሰው ማን ይሆን እውነትን ፍለጋ ዋጋ የሚከፍል
#ገጣሚት_ኤደን_ወልዴ
@Gitemenlenante
ጸሀይዋ ደብዝዛ ጨረቃም ሳትታይ
ፅልመት ቦታ ይዞ በጠቆረ ቀን ላይ
ባኮረፈ ሰማይ ጎርፍ እምባ በሚጥል
በጨቀየ ምድር በውርጭ በሚያቃጥል
ቀኑ ሲደበዝዝ በቁር በሀሩር
ከጨለማ አድማስ ውስጥ ብቻውን የሚኖር
ተነጥሎ ወጥቶ ከመንጋዎች መሀል
እሱ ሰው ማን ይሆን እውነትን ፍለጋ ዋጋ የሚከፍል
#ገጣሚት_ኤደን_ወልዴ
@Gitemenlenante
. ተ ረ ት ተ ረ ት .
-----------------------------
ተረት ተረት
የላም በረት
አንድ ሰው ነበረ
በሀብቱ የከበረ
ውልደቱም እድገቱም የሆነ አሜሪካ
ባለው ነገር ሁሉ ጭራሽ የማይረካ
ሲሞላለት ሆዱ 'ሀምበርገሩን' በልቶ
'ጋዴሚት' ይለዋል አልጋው ላይ ተኝቶ።
ተረት ተረት ...
አንድ ሰው ነበረ
በጣም የተማረ
በቃኝን የማያውቅ የጣልያን ተወላጅ
ሁሌም ለአዲስ ነገር ጠዋት ማታ 'ሚባጅ
'ፒዛና ፓስታውን' ጥርግርግ አድርጎ
ይተኛል ጥሩ እንቅልፍ 'ባፋንኩሎ' ብሎ።
ተረት ተረት ...
አንድ ሰው ነበረ
ህልሙ የሰመረ
ጀርመን ነው ሀገሩ
'ምርጥ ዘር' ነው ዘሩ
'ቮግ ቮረስቱን' በልቶ ሞልቶለት አዱኛ
'ሻይሰ' ብሎ ነው ሁሌም የሚተኛ።
ተረት ተረት ...
አንድ ሰው ነበረ
የተመራመረ
ጃፓን ተወለደ
በሮቦት አደገ
ቀን ሲሰራ ውሎ
ሩዙን ቀቅሎ
'ሱሺ' ጠግቦ በልቶ
'ባጋይሮ' ብሎ ያነጋል ተኝቶ።
ተረት ተረት ...
አንድ ሰው ነበረ
አጥቶ የተቸገረ
ኢትዮጵያ ተወልዶ ኢትዮጵያ ያደገ ኩራት ነው 'ራቱ ዛሬም ሆነ ነገ
ቢጠግብም ባይጠግብም ቆሎውን ቆርጥሞ
'ተመስገን' ይለዋል መደብ ላይ ተጋድሞ።
ተረት ተረት ...
እግዜር ከመንበሩ ወደ ምድር ወርዶ
ይጎበኝ ነበረ በየቤቱ ሄዶ
ከእነኚያ ከአራቱ ቆዳቸው ከነጣ
ከየአንደበታቸው መልካም ነገር ቢያጣ
ጥቁሩ ሲያመሰግን የፈለገው ሞልቶ
ያጎደለባቸው አንድ የሆነ ነገር እንዳለ ገምቶ
ሊጨምርላቸው ነጮቹጋ ሄደ አበሻውን ትቶ።
ተረቴን መልሱ
አፌን በዳቦ አብሱ።
-------------------------------
✍ በሜሮን ጌትነት
@Gitemenlenante
-----------------------------
ተረት ተረት
የላም በረት
አንድ ሰው ነበረ
በሀብቱ የከበረ
ውልደቱም እድገቱም የሆነ አሜሪካ
ባለው ነገር ሁሉ ጭራሽ የማይረካ
ሲሞላለት ሆዱ 'ሀምበርገሩን' በልቶ
'ጋዴሚት' ይለዋል አልጋው ላይ ተኝቶ።
ተረት ተረት ...
አንድ ሰው ነበረ
በጣም የተማረ
በቃኝን የማያውቅ የጣልያን ተወላጅ
ሁሌም ለአዲስ ነገር ጠዋት ማታ 'ሚባጅ
'ፒዛና ፓስታውን' ጥርግርግ አድርጎ
ይተኛል ጥሩ እንቅልፍ 'ባፋንኩሎ' ብሎ።
ተረት ተረት ...
አንድ ሰው ነበረ
ህልሙ የሰመረ
ጀርመን ነው ሀገሩ
'ምርጥ ዘር' ነው ዘሩ
'ቮግ ቮረስቱን' በልቶ ሞልቶለት አዱኛ
'ሻይሰ' ብሎ ነው ሁሌም የሚተኛ።
ተረት ተረት ...
አንድ ሰው ነበረ
የተመራመረ
ጃፓን ተወለደ
በሮቦት አደገ
ቀን ሲሰራ ውሎ
ሩዙን ቀቅሎ
'ሱሺ' ጠግቦ በልቶ
'ባጋይሮ' ብሎ ያነጋል ተኝቶ።
ተረት ተረት ...
አንድ ሰው ነበረ
አጥቶ የተቸገረ
ኢትዮጵያ ተወልዶ ኢትዮጵያ ያደገ ኩራት ነው 'ራቱ ዛሬም ሆነ ነገ
ቢጠግብም ባይጠግብም ቆሎውን ቆርጥሞ
'ተመስገን' ይለዋል መደብ ላይ ተጋድሞ።
ተረት ተረት ...
እግዜር ከመንበሩ ወደ ምድር ወርዶ
ይጎበኝ ነበረ በየቤቱ ሄዶ
ከእነኚያ ከአራቱ ቆዳቸው ከነጣ
ከየአንደበታቸው መልካም ነገር ቢያጣ
ጥቁሩ ሲያመሰግን የፈለገው ሞልቶ
ያጎደለባቸው አንድ የሆነ ነገር እንዳለ ገምቶ
ሊጨምርላቸው ነጮቹጋ ሄደ አበሻውን ትቶ።
ተረቴን መልሱ
አፌን በዳቦ አብሱ።
-------------------------------
✍ በሜሮን ጌትነት
@Gitemenlenante