""" "እናቴ"" """
ፀጉርሽን አይቼ የኔን ፀጉር ሳየው
እንደ ወንድ ፀጉር ገባ ገባ ያለው
እሳት እንደነካው የተኮማተረው
----ለካ ለፍቅር ነው
የፊትሽ ላይ ቆዳ የተሸበሸበው
እንደ ወየበ ልብስ እንዲህ የገረጣው
እንደ ቼዙ ሜዳ የተዥጎረጎረው
--ለካ ለፍቅር ነው
በጉብዝናሽ ወራት በወጣትነትሽ
እነዚያ ውብ አይንሽ
ጎላ ጎላ ያሉት
ከለሊት ጨረቃ ደምቀው የሚታዩት
አሁን ደም ለብሰዋል
አንቺ ለእኔ ብለሽ በጪስና አቧራ
ሰውተሻቸዋል
---ይሄም ለፍቅር ነው
አንቺ የፍቅር አምድ
ተምሳሌት የመውደድ
አንቺ የፍቅር ማዕድ
ልክ እንደከዘራ ጀርባሽ የጎበጠው
አሁን ነው የገባኝ እኔ ቀና እንድል ነው
------አንቺ እንዲህ የሆንሺው ለካ
ለፍቅር ነው
መዳፍሽን ሳየው
አሻራ እንኳን የለው
ድህነት በልቶታል
ሸክም አጥፍቶታል
-----እናም ውዷ እናቴ
ዝምብየ ሳስበው
ምን አይነት ፍቅር ነው
ይሄን ሁሉ የሆንሺው
አንዴት በትወጂኝ ነው።
እማ ዛሬ ፍቅርሽ ገባኝ!!!
#jerry
@Gitemenlenante

እንዲሁ ለምወድሽ
(በላይ በቀለ ወያ)
.
.
አንቺ ባትኖሪም ፣ ስላንቺ እፅፋለሁ
አንቺ ባትሰሚኝም ፣ ስላንቺ አወራለሁ
አንቺ ባትቀጥሪኝም ፣ አንቺን 'ጠብቃለሁ
ውዴ ሙሽራዬ ፣ ፍቅሬ አፈቅርሻለሁ ።
@Gitemenlenante

የሰማይ ቤት ግሮሰሪ
(አሱ እንደፃፈዉ)
.
.
"ጨረቃ" ምንላት
ግሮሰሪ ቤት ናት!!!
"ሰማይ" ለምንለው ፣ ቀውጢ ከተማ
ሥራ ምትጀምረው ፣ሲሆን ነው ጨለማ!!!
..................................................
በር እንደከፈተች ፣ አብረው የሚወጡ
ከዋክብት ደሞ...
ሰካራሞች ናቸው ፣ እሷ ጋ ሚጠጡ!!!
*********************
በጣም የሰከረው...
ከሰማይ ፈጥፍጦ ፣ ራሱን ሲገድል
"ተወርዋሪ ኮከብ" ..
ማለት ነው የኛ እድል!!!
********************
ተወርዋሪ ጠርሙስ ሊሆንም ይችላል!
ማን ያውቃል?
@Gitemenlenante

ለክርስትና እምነት ተከታዮች በሙሉ እንኳን ለብርሀነ መስቀሉ በሰላም አደረሳችሁ
@Gitemenlenante

የማፍቀር መለኪያው ልብ ሆኖ ሳለ
ስንት ሠው ወደቀ ልፈትን እያለ
መተማመን እንጂ ፍቅርን የሚያዘልቀው
ለፍቅር ፈተና ውሀ በወንፊት ነው
....
ግን ይሄን እወቂ
....
ፈላጊሽ ቢበዛ የኔሁኚ የሚልሽ
ልብሽ ነው ፈራጁ መራጪው ራስሽ
ባንቺነትሽ ልኬት ሚዛኑን ባልደፋ
ያበራሁት ፍቅርሽ ይኖራል ሳይጠፋ
....
ግን ይሄን እወቂ
....
ሳላልፍ ከቀረሁኝ ከብዶኝ ሳላጠና
በመውደድ ጥያቄ በፍቅር ፈተና
ሀዘኔ እንዳይበዛ ወድቀሀል አትበይኝ
ዝምታም መልስ ነው በቃ ዝም በይኝ
@Gitemenlenante

😍😍እኔ እወድሻለሁ❤️❤️


እኔ እወድሻለሁ
ታስሮ እንደመፈታት
እንደጣኦስ ውበት
እንደዝሆን ብርታት
ዳዊትን ከጎልያድ
ደርቦ እንደመምታት፤

እኔ ወድሻለሁ
ጦም ውሎ እንደመጉረስ
ወልዶ እንደመታረስ
ቶምቦላ እንደመድረስ
ካላሙዲ ንብረት
ግማሽ እንደመውረስ፤
እኔ ወድሻለሁ.
እንደመቅደስ ዕጣን
እንዳፍለኛ ስልጣን
እኔ ያንች ቡዳ
ያንች ልዝብ ሰይጣን ፡፡

(አዝማቹ የገ/ክርስቶስ ደስታ ነው)

በዕውቀቱ ሥዩም
የማለዳ ድባብ
@Gitemenlenante

።።።።።።።።ምሉዕነት።።።።።።።።
ጥርሷ እንደበረዶ የነጣ ያማረ
ጸጉሯ እንደሀር ፈትል የተሽቀረቀረ
ዓይኗ ከውሀ ብይ በእጅጉ የጠራ
የፊቷ ገጽታ ከሩቅ የሚጣራ
ወገበ ቀጭኗ አንገተ ሰልካካ
መላ ሰውነቷ ልብን የሚነካ
አንደበ ርቱዕ እውነት ተናጋሪ
ለፍቅር የቆመች የሰው ልጅ አክባሪ
እስቲ ፈልጉልኝ ብዬ ብነግራቸው
ስዕል ስለው መጡ ሰው ስለጠፋቸው
@Gitemenlenante

።።።።።።።በነታይታ ዘመን።።።።።።።
በነታይታ ደጃፍ ከጎዳናው መሀል ሞት እየጨፈረ ዳንኪራ እየመታ
በለቅሶ ታጅቦ በሰቆቃ አጊጦ በሀዘን አሸብርቆ በእንባ እየተረታ
ጉልበቱ ዝሎበት ከመሬት ላይ ወድቆ
ክፉኛ ቆሳስሎ በደም ተጨማልቆ
አቅሙ ከሽፎበት ሲወድቅ ሲነሳ
በነታይታ ዘመን ላግዝህ ከማለት ቀድሞ ተሽቀዳድሞ ፎቶ ነው የሚያነሳ
#ኤደን ወልዴ
@Gitemenlenante

"ንድፍ"
በ ሜሮን ጌትነት
ሀገር ያውቅ የለም ወይ
የፈጣሪን ስሌት
ወንድን የማነፁን
አስቀድሞ ከሴት
የኔ ኃላ መሆን
ያንተ ፊት መፋጠር
ምኑ ነው የሚያስደንቅ
የታል አዲስ ነገር?
እኔን በዋናነት
ሲሰራኝ አልሞ
አንተን ንድፍ አ´ረገህ
ጫረህ አስቀድሞ ።
@Gitemenlenante

ስላስከፉኝ ሰዎች ልጽፍ አሰብኩና
ይቅር ብዬ ተውኩት እኔም ያስከፋውት ሰው አይጠፋምና
#Alazar
@Gitemenlenante

🌱🌱🌱🌱🌱…………………
#በቀለች

ከኮረብታዉ አናት
እንዲያዉ ለነገሩ፣በዉትፍትፍ ጭራሮ
ቤቷን ቀልሳለች፣ጀምራለች ኑሮ።

ከኮረብታዉ ግርጌ፣ወገቡን ሊነካ
የዛፍ መተሻሸት፣ዉበት አለዉ ለካ።

ከዛፎቹ ጀርባ በስፋት የፈራዉ የትርንጎ ፍሬ
ለወገቧ ማማር፣ለጭኖቿ መጉላት፣ሆነላት ፍካሬ።

ከትርንጎ መሀል፣የወይን ጉራማይሌ
ያቆነጃል ከንፈር፣ያሳምራል ዳሌ።

ተፈጥሮ ባሏ ነዉ፣ወንድ አታዉቅም እሷ
በአይን ያልታረሰ፣ድንግል ነዉ ቀሚሷ።

ፈጣሪ ወንድሟ፣ፈጣሪ ዘመዷ
ክፋት አይታ አታዉቅም፣ቀና ነዉ መንገዷ።

ህልም አይቼ ማታ

እንደዚች አይነት ሴት፣በቀለች ከተማ
ስሟ በቀለች ነዉ፣ያባቷ ከተማ።
✍ውሂብ ገ/እየሱስ
@Gitemenlenante

።።።።።።።።እውነትን ፍለጋ።።።።።።።።
ጸሀይዋ ደብዝዛ ጨረቃም ሳትታይ
ፅልመት ቦታ ይዞ በጠቆረ ቀን ላይ
ባኮረፈ ሰማይ ጎርፍ እምባ በሚጥል
በጨቀየ ምድር በውርጭ በሚያቃጥል
ቀኑ ሲደበዝዝ በቁር በሀሩር
ከጨለማ አድማስ ውስጥ ብቻውን የሚኖር
ተነጥሎ ወጥቶ ከመንጋዎች መሀል
እሱ ሰው ማን ይሆን እውነትን ፍለጋ ዋጋ የሚከፍል
#ገጣሚት_ኤደን_ወልዴ
@Gitemenlenante