#ወቶአደር

የሀገር መመኪያ ~ የህዝቦች ሰላም
ጠላት ለመመከት ~ በፅናት ሚቆም
የወገኑን ሞት ~ ቀድሞ የሚካፈል
የፍቅር ተምሳሌት ~ ችግርን የሚችል
ቤተሰቡን ትቶ ~ ከሞት የሚጋፈጥ
ለህይወቱ ማይሳሳ ~ ሀገሩን የማይሸጥ
ሚከፈለው ደሞዝ ~ ህይወት የማይተካ
ተሰማርቶ ሚኖር ~ በበረሀ ጫካ
የኢትዮጵያን አርማ ~ ከፍ አድርጎ ሚያፈካ
እርሱ ነው ወቶአደር ~ ጠላትን ማረሻ
መጥቀሙን እንጂ ~ ጥቅሙን የማይሻ
ለአገሩ ሰርቶ ~ ለሀገሩ ሚሞት
ወቶአደር ሲኖር ነው ~ ኢትዮጵያ ሚያምርባት
07/03/13

ዳዳ coffee
@Gitemenlenante

#ውዝግብ_2

አራሚም
ታራሚሚ ባልተበየነለት
እንደልቡ ዘመን
ወላድ በሬው በዝቶ...
እንዳገር ተዛመን
ስልቻ ባነሰው ፥ የሀተታ ስብስብ
በቢላዋ ምላስ
እየተመተረ...... ነጭ የወሬ ስብ
ግንባር ስጋ ያሉት
ቁልፍልፉ ወጥቶ ..... ከማደናገሩ
በጠየቁ ቁጥር.........ብዙ በቆፈሩ
ጥያቄ ያጭራል ፥ የመልስ ዳር ዳሩ ።

አብርሀም_ተክሉ
@Gitemenlenante

እረኛዬ 🐑🐑
---------

በማለዳ ማልደህ
በቀትር ቀትረህ
በለሊት እንቅልፍህ
ድካም ሳይበግርህ
ታሰማራኛለህ በለምለሙ ስፍራ
ጠግቤ እንዳድር ለነፍሴ ስትራራ

ከሰላሜ ማዕድ ጎሎ እንዳልጠቁርብህ
ግጦሽ እንዳላየ ስቤ እንዳይከሳብህ
በአውሬ ተበልቼ ነፍሴ እንዳትቀጠፍ
ከኋላዬ ሳይሆን ከፊቴ የምታልፍ
አስቀድመህልኝ ሞትህን ከሞቴ
አሻራ አኖርክልኝ የእግርህን ኮቴ

በጨለማ ቢሆን ጉዞዬ መንገዴ
በእሳት እያለፍኩ ጨሼ አለመንደዴ
ነበልባሉ አልፈጀኝ ጎርፉ አላሰጠመኝ
እሳቱን በውሃ እያጠፋህልኝ
በውሃ ላይ አቁመህ በ'ታምር አስኬድከኝ

አይኖቼ ታውረው
ህዋሶቼ ታስረው
ብርሀን የምትሆነኝ
የነፃነት ዋሴ
አለኝታዬ ለኔ ጠበቃ የነፍሴ

ሞት ጥላ አጥልቶብኝ
ጠላቶች ከበውኝ
ሀገር ሰላም ብዬ የምረማመደው
አንተ እረኛዬ ጎሳይ ሆነኸኝ ነዉ
ከማመስገን ሌላ ምን እከፍልሃለሁ
ክብሬን ሁሉ ውሰድ
ከብረህ ታይ ብያለሁ
አመሰግናለሁ! 🙏🙏

#መአዛ ጥበቡ🌓
@Gitemenlenante

# ሀገር_ማለት_ሰው_ነው

ሁሉም ተገንጥሎ ~ አንድ እኔ እንኳን ብቀር
በተረፋት መሬት ~ በቀረቻት አፈር
አስቀጥላታለሁ ~ ኢትዮጵያን እንደ ሀገር
===||===
ከሙሉቀን ሰ•
@Gitemenlenante

#ኣንድ_ያልተረዳኸው
፡
በሴት ልጅ እንባዋ
ከሞላው ገምቦዋ
ከዚያ ከምታዝለው ስትል ላንተው ጥማት
ክብሯን ማጉደልህ ነው እህቴን ያመማት

#Ezana_Mesfin
@Gitemenlenante

_ እሚኝ

የምወድሽን ያህል ፥ አንቺ እኔን ባትወጂኝ
ፍቅሬ ከጤፍ አንሶብሽ...እፍ ብለሽ ብትሰጂኝ
ለመግፋትሽ የተገፋሁ ፥ እኔስ ታዲያ ፥ ምኔ ሞኙ
እንዳልነበርሽ መኖር ጀመርኩ ፥ ተፋታሁኝ ከሙጥኙ ።
................. አብርሀም_ተክሉ
@Gitemenlenante

"ደስታ የገደለዉ"
__________________

ሲያድለኝ ወደድኩኝ
ሲያድለኝ አፈቀርኩ
ፍቅሬን ለማሳየት
እጅጉን ተቸገርኩ
ስንት ምኞት ተመኘሁ
ስንት አበባ ቀጠፍኩ
ሃሎ ማለት አቅቶኝ
ስንት ሰላምታ ሰሰትኩ
ለመዉደድ ለፍቅር
እንዲህ ከሆንኩልሽ
ሀሳቤን ተረድተሽ
እሽ ያልሽኝ እለት
ቀብረሽኝ ሂጅና
መርዶ ንገሪያቸው
ምነዉ ያሉ እንደሆን
ደስ ደስ ደስ ብሎት
እኔን ስላገኘ ደስታ አፍኖት ሞተ
ብለሽ ንገሪያቸዉ፡፡
@Gitemenlenante

የናፈቅሽኝ እለት

የሰማይ ደመናን ከሩቅ ተመልክቼ
ውበት ቁንጅናሽን በሀሳቤ ለክቼ
በናፍቆቴ ብሩሽ ጉሙ ላይ ስስልሽ
የሰማዩን አምላክ እውነት ነው የምልሽ
ውቡዋ ሞናሊዛም አትስተካከልሽ
@Gitemenlenante

ነጠብጣብ ሐሳቦች
(በእውቀቱ ስዮም）
.
.
ሰማይ ከሚመክን ፤ይጸንስ መከራ
ያርግፍ ！ ያርግፍ！ ያርግፍ ！ መኣት እያፈራ
የ’ሣት ዛፍ ባለበት ፤ ሰደድ አያስፈራ
.............
ከሐምሌት ጋር ሞቷል፤ የማመንታት ዓለም
ከሆኑ በኋላ፤ አለመሆን የለም
ሸክም ጸጋ ሆኗል፤ ጸጋህን አትግፋ
በጠባብ ዓለም ውስጥ፤ ትከሻህን አስፋ！
............
አንድ ሕልም እንደ ጠጅ፤ እየደጋገሙ
ንግር ፤ትንቢት ሳይሆን፤ ታሪክ እያልለሙ
ተኝቶ መነሣት
አቤት ሲያቅለሸልሽ
ጌታ ሆይ አትንሣት
ነፍሴን እንቆቅልሽ
（ከስብስብ ግጥሞች）
@Gitemenlenante

////አስፈራኸኝ///


ቀድመህ ወደድከኝ ....እሺ ወደድከኝ
እንደወደድከኝ .... ባይንህ ነገርከኝ
እየወደድከኝ..... እየፈለከኝ
ቀርበህ ለመንገር .... ምነው ፈራኸኝ?
እጆቼን መያዝ ..... እየተመኘህ
በፍርሀት ሲርድ ..... መለ አካልህ
አይኖቼን ደፍረህ ...... ማየት ካቃተህ
ወይ አልቀረብከኝ ..... ወይ እኔ አልራኩህ
ከሩቅ ስታየኝ ..... ከሩቁ ሳይህ
ላታስጨርሰኝ .... እያሰጀመርከኝ
እውነት አንተ ልጅ .... ፈርተህ አስፈራኸኝ

///***ሀና ሰዋለ***///
@Gitemenlenante

"መምጣት እና መሄድ"
ግጠም ያልሽኝ ጊዜ
ስንኝ ቋጥሪያለሁ
ቅኔን ተቀኝቼ ባንቺ ደስታ ሲቃ
ዜማ አንቆርቁሪያለሁ
ግጠም ያልሽኝ ጊዜ
ሰማይን እንደ ሸራ
ደመናን እደቀለም
ስንቴ ከነ አክናፍሽ
በምናብ ስያለሁ
ያ ዉብ ጊዜ አልፎ
ተወኝ በቃ ስትይ
ዜማ አንቆርቁሬ
ሙሾ ደርድሪያለሁ
ደመናን አጥቁሬ
ዶፍ እያዘነብኩት
ይሄዉ ስየሻለሁ
ሰትመጪም ስትሄጅም
መች አርፌ አዉቃለሁ፡፡

by:- Aby the quen
@Gitemenlenante

ልረሳሽ ብጠጣ አይኔ እየሰከረ
ጭራሽ ሁለት አርጎ ያሳየኝ ጀመረ

#ፒፒ ሀይሉ
@Gitemenlenante

በሀገር ፍቅር ስሜት ግርማ ሞገስ ተላብሰህ
ሀገሬን ማን ደፍሮ ሊነካት ወታደር አንተ እያለህ
አልአዛር[CJ]
@Gitemenlenante

#እባክሽ
:
:
ትናንት ባማን ደና በሚያስቀና ለዛ
ሆነን አቻ ላቻ ያበጀነው ታዛ
ቀን በገፋ ቁጥር የኋላ የኋላ
ዘመም እዳይልብን በዳዋ እንዳይበላ
ዘላለም እንዲከርም የልባችን ምግብ ሆኖ በአንድ ትሪ
ባክሽ የኔ ፍቅር ሰው መምሰሉን ትተሽ ሰው መሆን ጀምሪ ኑሪ።

#ሄኖክ_ብርሃኑ
@Gitemenlenante

ሰላም ውድ የ ግጥምን ለናንተ ቻናል ቤተሰቦች👥 ሰላም ለናንተ ይሁን አልአዛር ነኝ ዛሬም እንደተለመደው አንድ የቻናላችን ቤተሰብ የግጥም ስራዋን ለእኛ ለ ግጥምን ለናንተ ቻናል ቤተሰቦች አድርሳልናለች እኛ የግጥም ስራዋን ወደ እናንተ የምናደርስ ይሆናል አብራችሁን ሁኑ እናም like በማድረግ በማበረታታት አብሮነታችሁን አሳዩን እንዲሁም የራሳችሁ የግጥም ስራዎች ለቻናላችን ቤተሰቦች ማስተዋወቅ የምትፈልጉ በ ውስጥ መስመር (Inbox) @AS_CJman 👈 ላይ ማድረስና ማስተዋወቅ ትችላላችሁ የ የግጥም ሰራዋን ለማየትና ለማንበብ 👇👇👇👇👇👇👇👇👇👇👇👇👇👇👇👇👇👇👇👇👇👇👇👇

💖💖💖💖መንፈስ ዘ መብረቅ💖💖💖💖

ደመና ባዘለው፣ ጉም ባፈነው ሰማይ
እኛ -- ታች !... አንተ -- ላይ !

ከካፊያው ነጠብጣብ ልንሸሽ ስንሯሯጥ፣
ስንሮጥ ስንራወጥ፣
ስንወድቅ ስንነሳ፣ ስንቆጥር አበሳ፣
ፍዳችንን ስናይ...

ለገነት መሳቂያ፣
ሕይወት ማዳመቂያ፥
እንድንሆን ብለህ፤
በአምሳለ መብረቅ፥
ፎቶ እንዳነሳኸን...

ዛሬም በአሩሩ፣
በብርድ በቁሩ፣
በረኀብ ስንቆላ፤
ፍቅር ጠፍቶ፥ - ቢላ፣
- ተቀባብለን ባላ፣
እርስ በርስ ተጋድለን፣
አምሳልህን 'ረስቶ፣
ሰው ለሰራው ሞቶ፤
ምድራችን ገምታ፤
በሰው ሥጋ ሸታ፤

ደምም ሆኖ ጤዛ፣
ምድርን ሲያወረዛ፣
አፈርን ሲያወዛ፣
በምስቅልቅል ኑሮ፣
ካ'ንዱ ቤት ከበሮ፣
ካ'ንዱ ቤት እሮሮ፥
ሲሰማ ሲወራ፣
የችጋር መከራ፣
- ሲረገጥ ዳንኪራ፤

ዛሬም አንተው ቀርበህ፣
ደመናውን ገልጠህ፣
ሰማዩን ሰንጥቀህ፤
ገጭ አድርገን ፎቶ፤
"እግዚኦ" እንዲባልልን
በቅዱሳን ታይቶ።

💖💖💖💖¥œ¤ð€💖💖💖💖
@Gitemenlenante

ለመላው የክርስትና እምነት ተከታዮች በሙሉ እንኳን ለጌታችን ለመድሀኒታችን ለእየሱስ ክርስቶስ የልደት በአል በሰላም አደረሳችሁ አደረሰን በአሉ የሰላም የፍቅር የአንድነት ይሁንልን

መልካም በአል

@Gitemenlenante