።።።።።።የሰርጋችን እለት።።።።።።

የሰርጋችን እለት
እኔም በ ቬሎዬ ባሌም ሱፍ ከረባት
ቃል ተገባብቶ እስከሞት ሽረት
አምኖኝ ተማምነን በወርቅ ቀለበት
ታድያ ምን ያደርጋል እንዲያ የሰርጌ እለት
አስተኝቶኝ ጠፋ በዛ በለሊት

#ገጣሚት_የኤልሳው
@Gitemenlenante

።።።።።።ሣጣህ - ካጠገቤ።።።።።

ሳጣህ ካጠገቤ ውስጤ ይረበሻል
አእምሮዬ ተናግቶ ማሰብ ይከብደኛል

ቶሎ ተመለስ ይጨንቀኛል ከጎኔ ስጠፋ
እባክህ ናልኝ እጠብቅሀለው በተስፋ

ግን እስከመቼ ነው እንዲህ የምጠብቅ
ምትመጣ መስሎኝ ሁሌ ምጨነቅ

ዳግም ካልተመለስክ ወይ ቁርጡን ንገረኝ
የተስፋ ጭላንጭል ሰተህ እመጣለሁ ብለህ ሁሌ አትሸምግለኝ

አንተማ ሄደሀል ልቤን ባዶ አስቀርተህ
መጣሁ ጠብቂ እያልክ በተስፋ ሞልተህ

በቃ ትቸዋለሁ አንተን መጠበቄን
ተረዳሁ ባዶ ቤት ሲሆን ላትመጣ መሄድህን

እኔማ አልሜ ነበረ ህይወቴን ካንተጋር
ሄደህ ለምትቀረው ላትመለስ ነገር

ጎዳናህን መርጠህ ከሽሸኸኝማ ታድያ ምን ያደርጋል
ይቅናህ ብዬሀለሁ ካላንተ ቢከብድም እኔም ለህይወቴ ማሰብ ልቀጥል

#የኤልሳው
@Gitemenlenante

ህልሜን አደራ!
(በውቀቱ ስዩም)
.
ባይመረመሬ ፥ ጥበብ ተሽከርክሮ
ከወርቃማ ብርሃን ፥ ከብርማ ፀዳል
የተሰራ ሸማ ፥ ማግኘት ብችል ኖሮ
ከውብ እግሮችሽ ስር ፥ እዘረጋው ነበር
ግና ምንም የለኝ ፥ ከህልሞቼ በቀር፤
:
የኔ ውድ እንግዲህ
ህልሜን እግሮችሽ ስር ፥ ከዘረጋሁ ወዲህ
ዝግ ብለሽ እርገጪ ፥ ዝግ ብለሽ ሂጂ
ህልሜ ላይ ነውና ፥ የምትራመጂ።
@Gitemenlenante

////እጅ አልሰጥም////

የምተኛበትን ፍራሽ ቢወስዱትም
እንቅልፌን ነው እንጂ
ህልሜን አይሰርቁትም
.
ይኸው ዛሬም ድረስ...
.
ሊጥሉኝ ቢጥሩ
መች እኔ እረታለሁ
አስረውኝም ቢሆን
ህልሜን እፈታለሁ

(ልዑል ሀይሌ አንደገጠመዉ)
@Gitemenlenante

ያልወደደ አበደ
(በላይ በቀለ ወያ)
.
.
በሰው የደረሰ...
በኔ ላይ እንዳይደርስ ፣ ስፈራና ስቸር
ወድጄሽ እንዳላብድ ፣ ስጠነቀቅ ነበር፡፡
ታድያ ምን ያደርጋል
በከንቱ ፍርሃት ፣ ባክኖ መጠንቀቄ
ዋናው እብደት ነበር ፣ ከመውደድ መራቄ፡፡
@Gitemenlenante

*የናፈቅሽኝ እለት*****
...........................................
...........................................
የሰማይ ደመናን ከሩቅ ተመልክቼ
ውበት ቁንጅናሽን በሀሳቤ ለክቼ
በናፍቆቴ ብሩሽ ጉሙ ላይ ስስልሽ
የሰማዩን አምላክ እውነት ነው የምልሽ
ውቡዋ ሞናሊዛም አትስተካከልሽ......
.................................................
@Gitemenlenante

"ታጥቋል" በተባለ በየዕለት መሳደድ፣
"ባልታወቀ" ገዳይ በካራ መታረድ፣
"ነፍስ ይማር" እያሉ ሞትን መለማመድ።
ሰለቸን! ..... ታከተን!
መረረን! ..... ሰቀቀን!
ደከመን! .... አመመን!

ሜሮን ጌትነት
@Gitemenlenante

#ምንሼ #ነው #ጋሼ
ባለፈው ተዘርፈን ~ ስንደነባበር
አራዳ ነኝ ብለህ ~ ነግረኸን አልነበር
ታዲያስ ያራዳ ልጅ
እኛ ነጋ ስንሞት ~ ጠባ ስንገደል
እዛ እናንተ ግቢ ~ ሁሉ ፒስ ነው አይደል?
አረ ረ ረ …………… ሼ
ያራዳ ልጅ ብዬ ~ እኔ ራሴ አንግሼ
ጀለስካ ነው ብዬ ~ ዙፋኑን ለግሼ
ሞተን አለቅን እኮ ~ ምንሼ ነው ጋሼ
#አረ #ምንሼ #ነው
ያራዳ ልጅ ብለን ~ ፈቅደን እንድትመራን
ቆጥበን ቆጥበን
በጠራራ ፀሀይ ~ ጨቡ ምታሰራን ?
አረ ምንሼ ነው
ባላየ ላሽ እያልክ ~ ምታስጨፈልቀን
ካለፈ በኋላ
ፍሉካ ከች ብለህ ~ በወሬ ምትጨምቀን
#ምንሼ
ያራዳ ልጅ ሆነህ ~ ፋራን ምትወክለው
መቃብራችን ላይ ~ አበባ ም‘ተክለው
#ምንሸት #ነው
መለኛ ነህ ስንል ~ በተስፋ ትንበያ
አረ አታወዛግበን ~ አትሰክሰን በያ

አምነን እንዳንተኛ ~ አራዳ ነው ብለን
ወይ ከተነቃቃን ~ አልባንንም በለን

የአራዳ ልጅ ጭዌ ~ ላራዳ ባይጠፋም
እንዲህ መጨካከን ~ ጨርቆስን አይነፋም
===||===
ከሙሉቀን ሰ•
@Gitemenlenante

ሰላም ውድ የ ግጥምን ለናንተ ቻናል ቤተሰቦች👥 ሰላም ለናንተ ይሁን ዛሬም እንደተለመደው አንድ የቻናላችን ቤተሰብ የግጥም ስራዎቿን ለእኛ ለ ግጥምን ለናንተ ቻናል ቤተሰቦች አድርሳልናለች እኛ የግጥም ስራዎቿን አንድ በ አንድ ወደ እናንተ የምናደርስ ይሆናል አብራችሁን ሁኑ እናም like በማድረግ በማበረታታት አብሮነታችሁን አሳዩን እንዲሁም የራሳችሁ የግጥም ስራዎች ለቻናላችን ቤተሰቦች ማስተዋወቅ የምትፈልጉ በ ውስጥ መስመር (Inbox) @AS_CJman 👈 ላይ ማድረስና ማስተዋወቅ ትችላላችሁ የ ገጣሚት #ብሌን የግጥም ስራ ለማዳመጥ 👇👇👇👇👇👇👇👇👇👇👇👇👇👇👇👇👇👇👇👇👇👇👇👇

#በ_እኔና_አንቺ_መሀል
ገጣሚት #ብሌን

#ያ_ዋርካ
ገጣሚት #ብሌን

የ ገጣሚት #ብሌን የግጥም ስራዎች☝️☝️☝️ ከወደዳችሁት like በመስጠት አበረታቱ

በህሊና ቋጥኝ
፨፨፨፨፨፨፨፨፨፨፨፨፨፨፨፨፨፨፨፨፨፨

በህሊና ቋጥኝ ዘልቀው ሲራመዱ
ዳገቱን ለመግፋት ቁልቁል ከወረዱ
ሰማይ ደመና አዝሎ ተስፋን ካረገዘ
በኑሮ አንሳንሳር ላይ ብዙ ከተጓዘ
ሰው የለኝም ብለህ ፍለጋ አትውጣ
ከጠበከው ቦታ ራስህን ስታጣ
በምኞት ጉዞ ላይ ዙሪያህን ብቃኝም
ከአንተነትህ በላይ ሰውም አታገኝም !

ከሶላ
@Gitemenlenante

አስበን🙏🙏 🇪🇹🇪🇹
.
.
ጨለማው አድርቶ
ብርሃን ተውጦ
እምነትና ተስፋ ከስሩ ተሟጦ
ፍቅር ከማህፀን ጨንግፎ ተቋርጦ
ጥላቻ ገንፍሎ ጎልቶ አይኑ ፈጦ
ሰብዓዊነት ጠፍቶ
መለያየት ገጦ
እንባ እያራጨን
ጥርስ እያፋጨን
እንዳንቀር ጠብቀን
አቤቱ አስበን!!

#መአዛ ጥበቡ🌓
@Gitemenlenante

ጣትና ቅጣት

ብዕር ከወረቀት
ጣትም ከቀለበት
ተስማምተው እያረፉ
ምነው የሚስማሙ
ባለጣቶች ጠፉ

©✍ልዑል ሀይሌ
@Gitemenlenante

#ፀሃዬ

በኑረት ገበታ፤
በቀኔ እኩሌታ፤
ለፍርግርግ ኑሮ፣
በነጋ በጠባ ወበቅሽ ያሸኛል፤
ምፃተኛው ልቤ፣
ባልነገሩት ንግርት፤
"ቀን አለህ" እያለ አካሌን ያሞኛል፣

ግና ከዛች ሰፈር፤
ግና በዛች መንደር፤
የኔ ቢጤ አዝማሪ ለቀን ቅኔ ይቀኛል፣
ግና ከዛች መንደር፣
ባለጊዜ ማምሻሽ "ፀሃይ"ን ይሸኛል፡፡

እናልሽ ፀሃዬ፤
የማልኖረው ህልሜ፣
'ማይመጣው አለሜ፣
~ከሚያስበረግገኝ፣
ምናለ ፈጣሪ ማምሻሽን ባረገኝ፡፡

✍ abiye12
@Gitemenlenante

~የፍቅር -ሀይል~

ከሷ እራቅ ዞር በል፣ ብለው ላስፈራሩኝ
ይባሱን ቀረብኩሽ....
እሷን ማፍቀር አቁም፣ብለው ለዛቱብኝ
ደግሜ አፈቀርኩሽ
ሚሰሩብኝ ሴራ ፣ብርታት እየሆነኝ ይሄው
አለው ከደጅሽ
ገለሀለው ብለው መልዕክትም ቢልኩ
ወደኔ ለመምጣት፣እርምጃ ቢለኩ
እኔ መች ገዶኝ....
ፍርሀቴም ስጋቴም ተመን አልባ ሆኖ
ምንንም አከለ
አንቺን በማፍቀር ውስጥ ሞትን
የማይፈራ ንፁህ ፍቅር አለ!!

ገጣሚ:- ካሊድ አቅሉ
@Gitemenlenante