ادري راح اتكنسل

بس حملة blockout 2024 هي اغبى شي صار بحجة دعم فلسطين.

قبل متتهجمون وتكولولي " انت فلسطينية وتحجين هيج " اسمعوا

العالم كلة عبارة عن مجتمعات، مجتمعات كلش كلش هواية متنحسب ابد ومحد حيكدر يعرف هي شي.
اكو الاف الديانات والطوائف، الاسلام شخصيا بي ستالاف طائفة.
مجتمعات طلعوا منها هالمشاهير، مجتمعات اغلبها متعرف عن الاسلام، اغلبها متعرف شنو يعني دعم البشر لانهم دينقصفون!
المسلمين - البعض وليس الكل - شخصيا عندهم مبدأ اشوف شخص يموت او يتاذة بس اذا مجان مسلم ماتعاطف وياه واكول " مات كافر ومندافع عن كفار احنا " وميهتمون او يسخرون من الحوادث الي تصير بالعالم.

همه هم، همه هم طالعين من مجتمعات متجبرهم يدعمون فلسطين، اغلبهم مسيح او يهود او اصلا بدون دين. وصح مو الدين الي يعلم الإنسانية .. بس المجتمعات تعلم.

مجتمعاتهم متعلمهم يدافعون عن قضية مثل فلسطين، مثل ما دينكم ومجتمعكم يكللهم المو مسلم كافر.
ليش ممكن تتوقعون اذا فد مليون شخص حظرهم رح تنسد حساباتهم؟ حسابات المشاهير ميصير عليها الحظر مثل الحسابات العادية، عندهم عشرات/مئات الملايين من المتابعين، ف الكثرة هي الي تفوز ومحيصير شي

شو مشفنا العرب يسوون حملة blockout على مشاهيرهم العرب؟ مو العرب لازم يتضامنون مع بعض لان البلد الي ديتاذة منهم وبيهم؟ بس العالم كلة ديشوف انو العرب مديدعمون فلسطين ليش متوقعين هم حيدعمون؟

الي يريد يدعم فلسطين يسوي مثل ما طلاب اشهر الجامعات بالعالم ديسوون، اطلعوا واظهروا اصواتكم، صيحوا وطالبوا بالحرية لفلسطين.
اصواتكم الها تاثير اقوى .. لان القضية منكم وبيكم

مو تروحون تبلكون مشاهير احتمال من شهرتهم حتى محيعرفون انو دينحظرون

فلسطين مُحتلة من ٧٥ سنة. فلسطين ما احتلوها يوم ٧ اكتوبر ٢٠٢٣.

قبل ٣ سنين بهالوقت حرفيا جانت فلسطين هم ترند واليهود راحوا فلشوا البيوت بمنطقة حي الشيخ جراح وياخذون بيوتهم ويطردوهم بسبب همين حركة صارت بين الفلسطينيين واليهود. بذاك الوقت المشاهير الاجانب حجوا والعرب سووا ميوت لكلشي

توضيح اني مدادافع عنهم طبهم مرض .. بس داكول انها حملة مرح تسوي اي فائدة، كثروا الكلام عن فلسطين، خلوا حساباتكم تكون عن فلسطين، انشروا اي شي تريدوه وبنص نشركم اذكروا فلسطين، ذكروا العالم انو احنا رغم انو دنعيش حياتنا بس اكو مكان بالعالم ديتعرض لابادة جماعية وميكدرون يعيشون حياتهم مثلنا

علوا صوتكم، حظرهم مرح يعلي صوتكم.

- الرساله ؛ انتي اول وحدة نشرتي تغطية عن الميت غالا بحسابج بالانستا اني شفتها بعيوني
لاتبيعين مثالية وانت اتعس من مشاهير العرب

فعلا اني شخصيا نشرت عنهم

بس يبدو انو حضرتك تحتاج تلبس مناظر وانت تتابع ستوريات البشر

ترة اغلبكم متابعيني بالانستا والمفروض تعرفون بالانستا عن شنو اكثر شي انشر 💀

يضحك شلون تاخذون الكلام الي يعجبكم من حجيي او تفهموه على الطريقة الي تريدوها😂😂😂😂

تدرون ليش؟ لان بغض النظر عن فلسطين، الي سوة الحملة ميدعمها