عشق اهلی بیلر دردیمی بیگانه سی بیلمز
Eşq əhli bilər dərdimi biganəsi bilməz

قان آغلارام هئشکیم گؤزومون یاشینی سیلمز
Qan ağlaram heçkim gözümün yaşını silməz

دونیادا منیم مهربانیم تکجه سن ایدین
Dünyada mənim mehribanım təkcə səniydin

سن نن سورا بو قلبیم آچیلماز داهی گولمز
Səndən sora bu qəlbim açıpmaz dahı gülməz

من سن نن اوخورام منه دیوانه دئییرلر
Mən səndən oxuram mənə divanə deyirlər

ظاهیرده منی دانیشدیریب صؤحبت ائدیرلر
Zahirdə məni danışdırıb söhbət edirlər



@GEMTurk11

جانان

اۆزاقلاشدی گئدی



@GEMTurk11

یانلیزلیقیم🌹
بیر سیرادا سئوگیلیمه یوخ،توتقونلوقوما چای دمله🌹
سیگارانی یاندیر🌹

سئوگیلیمدن سوروش هاچان یولچو اولاجاقسان؟🌹
اما قویما بورالارا قاییتسین🌹
هر نه ایسترسه وئر اونا🌹
دئه ونیز شهرینین چای آخیملی خیاوانلاریندا،اونا هتل رزرو ائله دیم🌹
دئه هر آی سنه آیلیق یوللیاجاغام🌹
سئودیگین قدر ونیزین پاساژلارینی گز
و باشماقینان کیف آل 🌹
دولان اورالاردا🌹
بیرداها اوتاغیما قاییتما!🌹
آرخاسیجا سو سپیرم یانلیزلیقیمین🌹
پاسپورتاسینی ونیزده بیر یولداشا اوغورلاد🌹

بو سیرا سئوگیلیم سیزه گلدیکده باشماق لارینی اوغورلا🌹
باشینین سانجاغینی دا،
سنین یئرینه اولسام کیفین ده اوغورلایارام🌹
آنجاق گؤز اول اونو🌹
اوزونده قال اونون یانیندا🌹


😔😔

@GEMTurk11

بيلدے ڪے مجنونون پروانه سے يم
منے دولانديردے باشينا تبريز
اوغلونو اوجادا گؤرمک ايسته دے
قالديردے داغلارين قاشينا تبريز . . .

بير عؤمور ياشاديم ياغ _ بالدان شيرين
بير حقيقت گؤردوم خيالدان شيرين
دونيادا نه وارميش ووصالدان شيرين
قاريشدے گؤزومون ياشينا تبريز . . .

سئوینجی مین دفعه غمیندن شیرین
غمے صحبتیندن دمیندن شیرین
نه وار بو شهرین طامیندان شیرین
دوست، قارداش سئوگیلے آشينا تبريز

درد اوسته ساز اوسته بير حياتے وار
ديلينے گؤينه دن مين باياتے وار
گؤودوم شهريارين يئددے قاتے وار
باخدیم تاریخینه یاشینا تبریز . . .

گؤروندو گؤزومه بير ملک كيمے
گؤردوم بيتؤوله شيب گلجک كيمے
ياغديم ياغيش كيمے، گول چيچک كيمے
هوپدوم تورپاقينا _ داشينا تبريز . . .

#زليمخان_یعقوب

@GEMTurk11

"باغلي يام"

نييه مندن کوسدو بولبول بیلمیرم!
باشیم اوسته اسدی آغ يئل بیلمیرم
قاباغيمي کسدي، گور سئل بیلمیرم
داردا قالسام،يئنه ائله باغلي یام.

گوزلريمي ببييندن اويسالار
دريمي ده آیاق اوسته سويسالار
منی بئله يامان گونه قويسالار
آغيزلاردا سوسان ديله باغلي یام.

يانديريسا منيم کونول دفتريم
قورودولسا کوکدن هونر جوهريم
الدن گئتسه بوتون اينجي،گوهريم!
تورک ميللتي گئدن يولا باغلي یام.


@GEMTurk11

یئنه شاعیر ڪؤنلوم پرواز ائیله‌میش
دور ائدیب قونماغا بیر بوداق ایستر
او بعضن وورولار گؤے چیمن لره
بعضن ده پینهانے بیر اوتاق ایستر . . .

من قانا بیلمیرم قلبیمے دوزو
دوزده ائنیش ایستر ائنیشده دوزو
داغلاردا هر زامان آرانین سؤزو
آراندا قالاندا قارلے داغ ایستر . . .

یاغیشدا، یاغموردا، قاردا، بوراندا
اود آلوو عشقیله یانیر بیر یاندا
یایین ایستے چاغے بورڪو ووراندا
یانلارے یارپیزلے بیر بولاق ایستر . . .

بعضن حددن آشیر دردے ملالیم
بعضن بولاق ڪیمے دورولور حالیم
بیر ملک عشقیله عوثمان خیالیم
دونیا یاشادیقجا یاشاماق ایستر . . .


#عثمان‌سروللے


@GEMTurk11

بیر اینسانین سِئوگیسی . . .

باخدیغی باخیش‌دان . . .

و اِئتدیغی رَفتاردان بَئللی اولار!

یوخسا اینسانلارین قَلبین کیم گوروبدور کی؟!

@GEMTurk11

سیزیلدیر سینه‌ده قلبیم نگار آهسته آهسته

قولاخ وئر مندن اۆز ئؤرتور قرار آهسته آهسته

شرار عشقیدن دؤندوم کوله صحرایه اۆز قویدوم

هارا چاتدی کولوم اولدی شرار آهسته آهسته

فراقون دؤندریب باری منیم گؤزیاشیمی قانه

دولار گؤز کاسه‌سی هردم آخار آهسته آهسته

ائشیددیم طعنه ائللردن دیار و یاریمی آتدیم

غریب لیک مسکنی اولدی دیار آهسته آهسته

اؤره‌ک دردیم یانار آهه دؤنوب سینم الولاندی

شماتت اهلینی آهیم یاخار آهسته آهسته

😔😔


@GEMTurk11

هارایا قدر قاچماغین، اؤنملی دئییل

فاصیله، هئچ بیر شئیی چؤزمز....


یازار: هاروکی_موراکامی


@GEMTurk11

خیالین یاخینسا گؤزلرین اوزاق

گئجه‌لر گؤزلریم سنی آغلاییر

اؤلوملن گئدیرم چییین به چییین

ساغ اولسون آیاق‌لار منی ساخلاییر ....



@GEMTurk11

اونه گوزلردی کی احساسیمی قلبیمدن آلیر

سنی هردفعه ده گورسم اورگیم سنده قالیر

بیرسینیخ سازگوتوروب هر گئجه وصفینده چالیر

اوخویور ای قاراگوزلوم اورگیم سنده قالیب

منی دادلی گولوشون چاره سی یوخ درده سالیب


@GEMTurk11

عزیزیم عارسیز گئجه

هیواسیز نارسیز گئجه

عئشغه دوشن اۆره‌گی

اولماسین یار سیز گئجه


✍ : باباکتدی

@GEMTurk11

بیر قارانلیق گئجه بیرمن


بیر قارانلیق گئجه بیرمن بیر بوقلبین یاراسی
اود ایچینده یانیر آلاه مئی اولوبدور چاراسی
یادا دوشدوکجه یارین هرسوزی قلبیم آلیشیر
نئجه ترسه سرینیر باخ فلکین فیر فیراسی
پروینین اویناماسیندا یوخ اثر باشدان آچا
بوخییالدان کی بو کونلون سئله دوشموش ساراسی
اختییارسیز سایر اولدوزلار ایچین ‌شاید کی
زوهره ناهیدله دولانسا گورونه ماه پاراسی
مئی اولوب درمان اوره گدن آچا بیر آز غمینی
ایتمییب آتمادا درددی یارلا چوخدور آراسی
اوره گیم اوخشامادا گوز الییر قانلا یاشین
بو عزا مجلیسینه جان کیینیب یاس قاراسی
باباکتدی مئیله یار فراقی باشه یئتر؟
گورونور ویران اولوبدیر عئشغیوین سر سراسی



✍ : باباکتدی

@GEMTurk11

گجه دی ..🌙

گوزلریم اولدوزلاری ساییر....

اۆره‌گیم آجیلیق پیس خاطیره‌لری....

من بیلمیرم بو گئجه یا اولدوز چوخالئب

یا منیم اۆره‌گیمین آجیلیق‌لاری...💔

ایلاهی🤲هچ اۆره‌یی سیندیریب کئچن

گونلرین خاطیره‌سین آجی ائلمه🤲

ایلاهی🤲هئچ سئونی اۆره‌ح

شرمنده‌سی ائلییب پشیمان ائلمه🤲



گئجه‌ز حسرت سیز دوستلار ....😔


@GEMTurk11

بو گئجه آرزو ائلییرم تامام آرزولاریزا

چاتاسیز دوستلار 😊

🌹بو گللری🌹
🍃تقدیم ائلییرم 🍃
🌹سیز عزیزو گل دوسلارا🌹
🍃چون سیزین اولماغیز🍃
🌹بیزلره🌹
🍃بو گللرین عطری و گوزلیینه تایدی

گون آیدین 😍😍😍



‌‌‌‌‌‌‌‌‌‌‌‌ ﷽ @GEMTurk11

گوله گوله

سحر سحر قوناغ اولدوم
یار باغینا گوله گوله
شه دوشموشدی قئزیل گولون
یار پاغینا گوله گوله

گول چیچک اَل اَله وئریب
بنفشه نین ساچین هوروب
لاله اؤزی بزگ ورئب
یاناغینا گوله گوله

هر چیچکدن گولدن دردیم
چلنگ هوروب یارا وئردیم
اغلار دئیر اوپوش وردیم
ایاقینا گوله گوله


۹۹/۱۱/۲۷ جمشید مسیب زاده

قوجا اغلار


@GEMTurk11