Bolalarni "bola", "bolakay" deb chaqirish normal holat. Lekin Qari kishilarni "qari" deb chaqirish g'alati bo'lib qoladi.
@Fwriter

Bolalar katta bo'lishni xohlaydi. Chunki ular erkin bo'lmoqchi bo'lishadi. Kattalar esa bola bo'lishni xohlaydi. Chunki ular erkin bo'lmoqchi bo'lishadi.
@Fwriter

​​Бир йилча олдин Хайрулла Ҳамидовнинг «Илдиз» лойиҳасида интервью берган Усмон Азим қизиқ ва жуда муҳим фикрни илгари сурганди. Худойберди Тўхтабоев ва Анвар Обиджон каби адибларни алоҳида эъзозлаш кераклигини таъкидлар экан, Усмон Азим бунинг сабабини қўйидагича изоҳлаган:

- Айнан болалар адабиётида ижод қиладиган ёзувчи ва шиорларнинг ўрни бошқача. Чунки уларнинг асарлари туфайли, инсон болалигидан китобга ошно тутинади. Китобхонларнинг пайдо бўлишида бу жуда аҳамиятли.

Ҳақиқатан ҳам, одатда, севимли ёзувчилар ҳақида сўралганда каттароқ фикр юритгандек бўламиз, Айтматов деймиз, Маркес деймиз, худдики юқорида номлари тилга олинган болалар адибларининг асарлари анча жўн, содда кўринади. Аммо бу асарлар бизнинг биринчи муҳаббатимиз каби жуда қадрли, ҳаммамиз Хошимжонни, Мешполвонни, Том Сойерни ўқиб катта бўлганмиз. Агар бу қаҳрамонлар, бу ёзувчилар бўлмаганда, ким билади, биз бу сеҳрли оламга, китобхонликка кирармидик ёки йўқ.

Аслида анча содда кўринган, оддий воқеаларни ёзиш янада қийин, ёш болалардек беғубор фикрлаш, воқеаларга улардек қарай олиш, хуллас болаларни қизиқтириш осон иш эмас. Ахир Маркеснинг асарини бир китобхон қўлига олади, Анвар Обиджонни эса, балки, илк бор қўлига китоб ушлаб турган болакай... Маркес ёқмаса, ирғитиб, бошқа китобга ўтилади, Анвар Обиджон эса, ўша янги ўқувчини шу оламда олиб қола билиш керак Масъулият каттароқ.

Хуллас. Болалигимизнинг яна бир бўлаги бизни тарк этди. Ўзбекистон халқ шоири Анвар Обиджон вафот этди.

Битта шоир камайса нима,
Чарх яратар бошқа нусхасин.
Чўкиб кетса тўфонда кема,
Пишиқроғин ясар устаси.

Тўфонлардан сесканма, қалбим,
Қайиқлардек сузма қирғоқлаб.
Кемаман деб уммонга талпин,
Юз балога ўзингни чоғлаб.

(с) Анвар Обиджон.

Инна лиллаҳи ва инна илайҳи рожиъун.

Menga G'afur G'ulomning "Vaqt" she'ri yoqadi. Juda zo'r yozilgan. Qayta qayta o'qiyman har doim. O'sha she'r maktab darsliklarida qirqib, o'zgartirib berilgan. Buni Vatanga muhabbatni sun'iy oshirish deb bilaman. Vatanga muhabbat aslicha bo'lishi kerak. Kimlarningdir ishini o'zgartirib ko'rsatish orqali emas. Yoki bu she'rni o'zgartirish orqali kimlarnidir yaxshi ko'rsatish bo'lishi ham mumkin. Men bu o'zgarishlar bo'lmagamda ham shoirning mahoratiga tan berardim. Nima bo'lgandayam shoirning asl she'ri asliligicha qolishi kerak edi. Quyida esa o'sha she'rning aslini keltiraman. Qavs ichida o'zgartirilgan varianti bilan

Vaqt (G'. G'ulom)

G’uncha ochilguncha o‘tgan fursatni
Kapalak umriga qiyos etgulik,
Ba’zida bir nafas olgulik muddat –
Ming yulduz so‘nishi uchun yetgulik.

Yashash soatining oltin kapgiri
Har borib kelishi bir olam zamon.
Koinot shu damda o‘z kurrasidan
Yasab chiqa olur yangidan jahon.

Yarim soat ichida tug‘ilib, o‘sib,
Yashab, umr ko‘rib o‘tguvchilar bor;
Ko‘z ochib yumguncha o‘tgan dam - qimmat,
Bir lahza mazmuni bir butun bahor.

Bir onning bahosin o‘lchamoq uchun
Oltindan tarozu, olmosdan tosh oz.
Nurlar qadami-la chopgan sekundning
Barini tutolmas ay(yu)hannos ovoz.

Yigit termiladi qizning ko‘ziga,
Kiprik suzilishi, mayin tabassum...
Qo‘sha qarimoqqa muhr bo‘ladi
Hayotda ikki lab qovushgan bir zum.

Yashash darbozasi ostonasidan
Zarhal kitob kabi ochilur olam,
Tiriklik ko‘rkidir mehnat, muhabbat,
Fursatdir qilguvchi aziz, mukarram.

Bebaho damlarning tirik joni biz,
Har oni o‘tmishning yuz yiliga teng.
Barhayot Lelinning avlodlarimiz,
(O'zbekning barhayot avlodlarimiz)
Har nafas mazmuni fazolardan keng.

Qatrada osmon aks etganidek
Jahonday ma’nodor qorachig‘imiz.
G’olib asrimizga quyoshdan mash’al,
Zamon ko‘rasining so‘nmas cho‘g‘imiz.

Kreml kuranti zang urar mudom,
(Zamona soati zang urar mudom,)
Minglab hodisalar minutlarda qayd;
Qahramon tug'ildi shahar olindi,
Bir gigant qurildi sharafli bu payt

Reyxstag ustiga g‘alaba tug‘in
Qadashda otilgan sovetning o‘qi –
(Qadashda otilgan adolat o'qi)
Yalt etgan umri-la barqaror qildi
Basharning muqaddas, oliy huquqin.

G’alaba amri-la, mag‘lub nemisning
Generali qo‘l qo‘ydi. Uch sekund faqat...
Shu mal’un imzoda odamlar o‘qir
Million yil fashistning umriga lan’at.

Aziz asrimizning aziz onlari
Aziz odamlardan so‘raydi qadrin.
Fursat g‘animatdir, shoh satrlar-la
Bezamoq chog‘idir umr daftarin.

Shuhrat qoldirmoqqa Gerostratdek
Diana ma’badin yoqmoq shart emas.
Ko‘plarning baxtiga o‘zlikni jamlab,
Shu ulug‘ binoga bir g‘isht qo‘ysak bas.

Har lahza zamonlar umridek uzun,
Asrlar taqdiri lahzalarda hal,
Umrdan o‘tajak har lahza uchun
Qudratli qo‘l bilan qo‘yaylik haykal.

Hayot sharobidan bir qultum yutay,
Damlar g‘animatdir, umrzoq soqiy.
Quyosh-ku falakda kezib yuribdi,
Umrimiz boqiydir, umrimiz boqiy..
@Fwriter

Butun dunyoda koronavirus bilan kasallanganlar soni 1 million 920 ming kishini tashkil etayapti (Qariyb 2 mln!!!). Vafot etganlar soni esa 120 mingga yaqinlashdi. Iloji boricha karantin qoidalariga amal qiling!
#vahimalivirus
#vahimasizkarantin

@Fwriter

⭕️ #biroz_mushohada

Ushbu maqolamni o'qib meni dinsizlikda ayblashingiz mumkin. Bu sizning shaxsiy fikringiz. Lekin unutmang dinning asl mohiyati boshqa. Muslima va yo musilmon ko'rinishni emas, xuddi shunday bo'lishni eplash kerak. Men musulmonman shu sabab bunday ishlarga ko'z yumib turolmadim. Nima demoqchi ekanligimni maqola orqali bilib olasiz.

@bemanaviyat

https://telegra.ph/Soxta-muslimalar-01-27

Uxan, Xitoy

Luo Jian va Cheng Yishuang to'y uchun Yangsizi daryosi qirg'og'ida rasmga tushishni mo'ljallagan edi. Rejaga ko'ra bu juftlik 25-yanvardagi festivaldan keyin turmush qurishi kerak edi, ammo koronavirus tufayli majburan kechiktirildi. Bu to'y bahorda bo'lish nasib etgan ekan.
@Fwriter

#koronavirus #malumot_yangilanishi

Hopkins universiteti ma'lumotlariga ko'ra hozirgacha koronavirus bilan bog'liq holat 1 961 965 taga yetdi. O'limlar soni esa 125 678 tani tashkil qilmoqda.
P.s. Raqamlar tobora qo'rqinchli tus olmoqda
#vahimalivirus #vahimasizkarantin

@Fwriter

Ob havo kayfiyatga ham ta'sir qiladi. Ushbu yomg'irli kunlarda faqatgina menga foyda keltirishi mumkin bo'lgan ishlar bilan shug'illandim:
– Shayximiz Muhammad Sodiq Muhammad Yusufning (oxiratlari obod bo'lsin) "Hadis va hayot" nomli asarlar to'plamining bitta kitobini o'qiyapman. Alloh nasib qilsa, yaqinda tugaydi.
– O'sha kitob bilan bir vaqtda Remarkning "G'arbiy frontda o'zgarish yo'q" asarini ham tugatay deb qoldim.
– Ba'zan ichkarida bo'lmay qolishim mumkin. O'sha paytlari audio kitob eshitayapman. "Usta va Margarita" nomli asarni. 40 ta audiodan iborat asarning 28-siga keldim. Har biri o'rtacha 35–40 minutdan.
– Yuqoridagi ikkita kitob oxirlab qolgani uchun ingliz tilida "Hobbitlar" nomli asarni ham boshlab qo'ydim.
P.s. Hozirda o'qiyotgan kitoblarimning hammasi elektron formatda. Qog'oz kitoblarim tugab qoldi.

P.P.S. Men ja unaqa, faqat o'qiydigan ideal bolamasman. Kamdan kam bo'lsa ham TV ko'rib turibman. Va anchagina vaqtim "PES 2020" nomli online o'yinga ketayapti. Online darslarga ham qatnasha boshladim.
@Fwriter

Insoniyatning eng dono vakillari yangi-yangi qurollarni yaratadilar va buni oqlash uchun qop-qop so'zlarni topadilar. Jazosini biz tortamiz, yer yuzidagi jamiki tengdoshlarim tortishadi...
© "G'arbiy frontda o'zgarish yo'q"

P.s. Asar 100 yil oldin yozilgan. Bu so'zlar esa o'z ahamiyatini haligacha yo'qotmagandek...
@Fwriter

Ishlamasa internet,
Uch kun bir yonsa svet,
Ishlab bo‘lmasa hech test,
Talaba nima qilsin?!

“Online dars” dedilar,
“Darsni yetqaz” dedilar,
Sho‘rlik umrin yedilar,
Talaba nima qilsin?!

El ichida bor u ham,
Ko‘rmoqda ozor u ham,
“ H+ ”ga zor u ham,
Talaba nima qilsin?!

Boshida og‘riq har kun,
Tom kezar svyaz uchun.
Besh yuz hajmlik darsin
Talaba nima qilsin?!

“Jahonda shu!”- urmang do‘q,
Siz shaharda, ko‘ngil to‘q.
Yo qishloq jahondamas,
Yo jahonda qishloq yo‘q!
Talaba nima qilsin?!

Oraliqlar davrida,
2G ning jabrida.
Qoyil lekin, sabriga,
Talaba nima qilsin?!

Qishloq - kurort emasdir,
Birov “bor, yot” demas bir.
Rostlolmasa nafas bir -
Talaba nima qilsin?!

Men ham oddiy talaba,
“Help me” shu masalada.
Yursa tuz-u dalada,
Talaba nima qilsin?!

To‘g‘ri, ta’lim birinchi,
Tushunmasa uy ichi,
Tushuntirib ko‘ringchi:
Talaba nima qilsin?!

Bir o‘y bag‘rimni tilar,
Tunlar uyqum qochirar:
Ey vazirlikdagilar,
Talaba nima qilsin?!

© Kamoliddin Azzamov

@Ilhaqning_kundaligi

Men Qashqadaryo haqida yuritiladigan kanal deb o'ylovdim😂. Nafaqat real hayotda, Telegramdayam vohaliklar Toshkentni egallab olayapti.
@Fwriter

Ayni vaqtda butun dunyoda karonavirus bilan kasallanganlar soni 2 319 955 tani tashkil qilmoqda. Shulardan 1,785,749 tasi 10 ta davlatda aniqlangan. Ba'zilarda yanglish tushuncha bor. Ayni vaqtda 2 mlndan ortiq kishi virusga qarshi davolanayapti deb o'ylayapti. Aslida, bu xato. Kasallikka uchrab tuzalganlar va vafot etganlar ham shu ro'yhatda bor. Yuqoridagi raqamdan hammasi bo'lib 591 896 kishi sog'aygan hamda 159 518 kishi vafot etgan. Umumiy hisobda 751 414 tasini ayirib tashlang. Shunda 1 mln 568 ming kishi virus bilan kurashayapti. Bu birinchi raqamga qaraganda kamroq tuyular. Lekin, bu daxshatli ko'rsatkich. Qo'rqinchli, aslida.
@Fwriter

Bellie Eilish. Men doimo jonli ijrodagi qo'shiqlarni yoqtiraman. Shuning uchun ham, asosan, inglizcha qo'shilar eshitaman. Jonlida muxlislar ham o'zgacha bo'ladi.
@Fwriter