اسعد مساء الحااااالي لحيث ماااا حل😉💚

وفقرتنا. اليوووم.استشارة اجتماعيه 🥳🤩

✿وتقول صاحبة المشكله
هيه بنت عازبه حبت واحد مزوج ومعه 5 ابناء وهو حبها وتقدم لها طلبها لالزواج من اهلها
وقامت تتواصل به بالسر من وراء اهلها
بس طلب منها ان الذهب يكون معها عاره امد فترت العرس بس وهو يرجع يشله عليها
وهيه انصدمت منه ومن كلامه ومن طلبه
ماعد درت تنسحب ولا تواصل او تهجع سكته

✿ مارايكم في طلبه هذا وعادهم بالبدايات
وانصحوها ودلوها كييف تفعل ⁉️

للمشاركه لا هانا @ALFkamah

والنشر هانا بهذه القناه @FkamhSnaane2

🌹 كتومه:
قد الموضوع واضح وضوح الشمس
لافي حب ولافي شي

بس هي عتكون مشتته لأنو بتفكر انهو عيقول هو الا زواج مصلحه ذهب ومدري ايش ..

بس تخلي في بالها انو لو كان كلامه صح ماكان قال لها هذا الكلام .

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
لووكان ناوي زواجه واستقرار
ما فرض عليها هذا الكلام

نورتي

✨حولاء بس مركزه✨🤪:
مساء الخير

هذا بي يلعب عليها يتزوجها وبعدا يشل ذهبها وطلقها قد حصلت كثير يلعبو لعب

تبرد منه باين عليه حق لعب وبعدا شرع من الذهب عاره 😕😕

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
يشتي يرد خسارته ويرجمها لاهلها

نورتي

حًےـوُآء:
من وجهة نظري انه صادق ووفي معها لانه صارحها انه بياخذ الذهب وماخدعها
بس الغلط منها هي لانها اتوصلت معه من دون رضا اهلها
من الاخر لاتتزوجه وتخرب بيت واحده ثانيه..
وبلا حب بلا بطيخ
وتريع ل نصيبها لوما يجي لها نصيب اعزب
ويدي لها ذهب حقيقي مش عاره 😐

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
اين الصدق واين الوفاء بالموضوع
مالشششششششش
بيقولها ماشاتلبسي ذهب الا اعاره فقط
بيحدد عليها من الان ان مالها حق تلبس ذهب
سعما النسوان الثانيات

نورتي

آلُـِـِِـِِِـِِـِـوُرڊه آلُـِـِِـِِِـِِـِـبـٌـٌٌـٌٌٌـٌٌـٌيضآء🤍 أُحِـبُ لُغَتِـ✨ــــي:
ياااااه ياجناناه الذهب بيأخذه 😱

البنت من اب صح

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
قدة بيدور. كيف يعوض خسارته من ذلحين

نورتي

Asas:
السلام عليكم اولا يا اختي ايش اللي اجبرك انك توافقي تتزوجي من واحد متزوج ومعه ٥ أطفال تتوقعي يعني مثلا بيكون فارس أحلامك وطبعا بتكون الاولويه لعياله ومرته الأولى وثانيا كيف يتجرا وعادك ببيت اهلك يقول لك الذهب بيرجع ياخذه أسألتك بالله فكري مع نفسك شوي هذا من البدايه كذا وكيف لوصلتي عنده نصيحه من اخت انسحبي من البدايه الحياه قدامك مافي شي يجبرك توافقي عليه عادك ببيت اهلك بكرامتك وان شاء الله ربي ياخذ هالاشكال من الرجال لتحت الأرض

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
وانا كللمتها مثل كلاااااامك تماااااااما

نورتي

النجم الساطع :
يامساء الفل


هذا شكله اخذ ذهب زوجته عشان كذا قال لها انه مجرد عاره ويأخذه

تبرد لها منه هذا بايجعجعها لما تتزوجه .

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
ممكن. انه اخذ ذهب مرته الاوله
وامد مايتزوج ويشل الذهب ويرجعه للمره الاولى

نورتي

صــــــــــاحـــــــب ♥ الــــــســــــعــادة 2:
لا بنات يرضينه يوافقنه على ذهب عاره ولا رجال آمنو النسوان
الخلاصة أن البنت ودفت في واحد
مقص فمن الممكن تقرر أنها تبقى معه ليكن هتطلع هية مقص أحّد منه ليش لان الإثنين دخلو في محض الشك وهنا تبداء اللعبة البنت شلت الذهب وحطته عند ابوها ابوها ما رضي يدي الذهب وهاكذا ونتهت القصة على راس صاحبنا المقص الله يعوضة لا مره ولا ذهب 😂يشتي يتحيذق خرج من السوق عطل 😅لو كان سلم له الهدرة وراح شلله باص أنه شغال في التحرير 😂

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
بس بعظهم. حقير اتوقع منه اي شي

اتوقع انه يضرها ويضغط عليها عشان ترد الذهب

نورت

Secret:
قدي هذيك المودفه قدها بتتزوج واحد مزوج ومعه 5 عيال حنبت انها تدي له الذهب
اصلن طلبه هذا مايدل غير انه مش حق مسؤليه

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
كلللمه جبتيها من الاخر

نورتي

اسعد مساء الحااااالي لحيث ماااا حل😉💚

وفقرتنا. اليوووم.استشارة اجتماعيه 🥳🤩

✿وتقول صاحبة المشكله
هيه بنت عازبه حبت واحد مزوج ومعه 5 ابناء وهو حبها وتقدم لها طلبها لالزواج من اهلها
وقامت تتواصل به بالسر من وراء اهلها
بس طلب منها ان الذهب يكون معها عاره امد فترت العرس بس وهو يرجع يشله عليها
وهيه انصدمت منه ومن كلامه ومن طلبه
ماعد درت تنسحب ولا تواصل او تهجع سكته

✿ مارايكم في طلبه هذا وعادهم بالبدايات
وانصحوها ودلوها كييف تفعل ⁉️

للمشاركه لا هانا @ALFkamah

والنشر هانا بهذه القناه @FkamhSnaane2

‌‏🌸🤍:
نصيحه والله من القلب
قُلّها الشيء ذي بدايته ما يرضي الله نهايته ماعاد يرضيها وهذه العلاقات ماعاد تجيب لها خير
الزواج رزق ولن تجلبه لكم العلاقات المحرمة

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
بس هذا الرزق. قده تشششليح من بدايته
بيشششلحها. الذهب وعادها ما قد وصلت عنده

نورتي

نجمة:
احمدي ربك أنه اعطاك خبر من الآن قبل الزواج ماخدعك بعدين والله نصيحة اجلسي في بيت أهلك معززة مكرمه مهما اغراك في البداية بتبقى الأولوية لزوجته الأولى وفي كل شي وهو بيقولك انا احبك بس هي قدها الاولى وبيخليك تتنازلين عن أشياء كثيرة وغصب عنك وفي كثير نساء مجربات زواج من رجال متزوج وينصحون لأحد تتزوج من رجال متزوج ومعاه عيال

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
بس هذا شكله تورط ويشتي يتخارج ويرضي الكل

نورتي

🖤 <•••> 🖤:
الله لايبارك لهم الاثنين هي خرابت بيوت وهو انسان مش حق مسئوليه لو هو رجال صدق انه يشقي على جهاله ماعاد يدور بعد قليلات الادب
الله يحرش بينهم ويخرج حق المسكينه هي واولاده

فُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚:
عيب تسميها قليلة ادب عيب
هوذا تقولين هو النصيب. نصيبها واحد مزوج
هي ما لاحقت بعده هو اللي جاء يدورها

او قدك خااايفه تقرررح عندش😂

نورتي

🤏لعشاق الروايات 🩵🩷

✿سيتم انزال روايه ( البيت الكبير )
للكاتبه والروائيه المتألقه (عبير الكبسي)

بقناتكم. ( طنافس 🎻وروايات🇾🇪 )

https://www.tg-me.com/FkamhSnanee3

✾❥ @sanaaycom ❥❉

#لبعض_نسوان_الأخوة:👇😤

-قدش داريه انش عتتزوجي يعني عتسيري عند ناس يعني عيقع لش سلايف، وخوات زوج.."يعني الله الله بهم"
-عمتش وعمش يابنت الناس من هم ومن أمش وابوش اتقي الله بهم ولاتمكنيها منافخه وصياح لا قالوا لش أفعلي احنجيهم من حنج زوجش أنتي ماخرجتي من بيت أبوش إلا وقدش عتخرجي لابيت أبوش الثاني" ببيت زوجش واهله

- خوات زوجش لا تطابنيهن وتشتي ماوقع لهن يقع لش ولاخرجين تشتي تخرجي ولا أشترين شي ضروري يشتروا لش ساعهن ولا عتقومي القيامه مش أنتي مربوطه بهن أنتي معش زوج وهن لهن أهلهن ماتدخليش منهن معاهن أُم واب
.لاتحشري روحش بينهم وتقتلبي لهن خاله مرت أب تتمعرفي ومثل مابتفحسيهم عيجي من يفحسش هي دنيا يابها ياعليها
- جري دولش سكتة قد خصصين لش دول أشتحطي وتميه وخليهم يقلوا سلمت اليد اللي ربتش واكيد قالت لش أمش أنش عتسيري بيت زوجش يعني مش ببيت أهلش تمكنيهم مااقدرش أفعل شي وفي بيت أهلي ماكنت حتى أرفع القلص
- بيت زوجش مش مضطرين يتحملوا حضرة جنابش ومثل ماادوش عيدوا غيرش فهم ما زوجوا أبنهم عميد تمكنيها دلع مااقدر وماشي، أمي قالت وفعلت. واحنا في بيتنا نفعل هكذا
-وبطلي مطابنه إنتي مسؤله عن زوج ماوكلوش لأهل زوجش مراقبات ونقوله أخبار وماوقع في بيت زوجش توصليه لأمش ولاعاد أمش نفس طينتش فالله يعين أهل زوجش ودفوا
- والرقده مش واصل مش حاليه مش انتي بفندق 5 نجوم وتشتي كل شي لاعندش
ولا قالو ادخلي الديمه أبوها ادخلي ياقمر ولا تمكنيها ماشي عيقع شمي ثومة وبصل وجلاغص وانتي بكلش جلاغص أوبهي لبقعتش وإحترامش لأهل زوجش هو من أحترامش له
-وإيش الذي يقهر صدق صدق .؟! لما تجي تيه تعبيه على امه وخواته وكل يوم دحس من تحت رأسها وهو يستمعها💔

» نصيحتي لكل مرة أخ : 👇🏼
- اهل زوجش أطرحيهم بعيونش وعيبسروش الدنيا ومافيها
- عمتش هي أمش الثانيه لو تكسبيها لاتفعلش أعظم من بناتها
- عمش أبوش الثاني لاتسخي عليه. واخو زوجش هو بمقام اخوووش
- خوات زوجش هن خواتش وخليها ببالش إنهن ماعيجلسين عندش هو فتره وعيتزوجين ورعى الله من تجمل
- #غر_أعقلين
@ALFkamah

..

بسم الله الرحمن الرحيم والصلاهۂ والسلام على اشرف الانبياء والمرسلين ...
اما بعد:



#اشتي_مليون ...🤓💔😂😂😂😂😂

َ
   مـن عيـوب مـواقــع التــواصل الإجتـماعي
        في النقـاش إنك م تقـدر تمد يدك

                #حـريق_دم ☻💔