ملف16 والأخير🧡

🔹 تم الكتاب بحمد الله√


#قراءة_إجابية.
#تحدي_ديسمبر.

" لكل شخص بيحط آمال كبيرة وطاقات مهدرة في سبيل تغيير شخصٍ ما ولسه عنده أمل يلاقي احتياجاته عنده في يوم ..

عايزة اقول ليك السنة دي انت محتاج تاخد عهد مع نفسك تبطل تتعشم كتير وترفع سقف توقاعتك وتستنى حاجات كان الأولى أنها تجي من أول فرصة واول طلب صريح منك.

يخوانا اللي بيحبّ بجد ومُهتم بيعرف دايماً يوصل محبّته بطريقته الخاصة او حتى بتشوفو بعينك بيحاول عشانك ، بس معليش نقول يلزَمك مرات تعلِّم القدامك كيف يحبّك،وانو صح الاهتمام بينطلِب ساعات كتيرة ولو على نكهة عتاب.

إحنا نعلم اللي معانا مرة واتنين
ندي فرصة مرة واتنين
مالو ؟ بس ما نزوّد

لأنو الحقيقة اللي محتاجين ندِركها انو ماف شخص بتغير الا لم يقرر هو انو حيتغير، عشان ضريبة التغير دايماً ألم ،مشقة وعدم استقرار لفترة من الزمن بسبب خروجك من ال comfort zone بتاعتك ،بس كله بيهون لم يكون في = محبّة صادقة من القلب ♡.

بس مدام ماف نتيجة ودايماً الفرص اللي بنقدمها بتدينا نحن وجع فيبقى الأهون انو نبطل ونوفر الطاقة لنفسنا إحنا اولى بيها والله ."


#على_الهامش

زي ما قالت فرحة :

" البيحبك مابيأذيك
والعايزك بيعرف دربك
والباقي عليك بيحافظ عليك ومابيفرط
واللي بيهمه أمرك مابتسأله انت من الاهتمام
واللي خاتي ليك مكانة في حياته بيحترمك ويقدرك .

وبس كدة♥️.



#تنزيل_صابر.

"‏ يُخيفني العبء الملقى على الكلمة الأولى، بعد صمتٍ طويل "
https://www.tg-me.com/malek270

رُبما لم يسير شيئًا وفقًا للخُطة التي وضعتها، ولكنني أصبر، وأرضى..

أصبر لأنني أعلم أن العُسر سيمضي، ويأتي بعدهُ يُسر، وأني مهما تألّمت، وبكيت، وبالحُزنِ شعرت، فأمري كُله خير، لأنّه بيدِ الله اللطيف الخبير.

وأرضى لأنني مؤمنة بالقدر خيره وشرّه، ومؤمنة بالله الذي يُدبر أمري، وأعلم أنه سُبحانه وتعالى سيكون عند حُسن ظنّي، وأنّه جلّ جلاله كَكُل مرة سينقذني، ولن يضيعني البتّة.

صدقني -عزيزي القارئ- الأمر كُلّ الأمر
أنه يحتاج إلى رضى والكثير من الصبر.

وبَشِّر الْمُؤْمِنِينَ والصَابِرِينَ.


-ريما عباس

" ما رأيتُ مسكينًا كالإنسان؛
تُهدِّئُه ربتةٌ على الظَّهر ♡.))


" ما زالت تستهوينا عاداتُ الطُفولة "

الواحد مهما كبر بيفضل لسه جواتو الطفل الصغير داك، لم يتجرح بجي جاري يوريك، يركز في ملامح وشك عشان يشوف ردة فعلك شنو !
تنضفا ليو، تحط ليه لصقة، تواسي فيهو و تبوسو وتقول ليه "معليش "
تاني ممكن ينسى زاتو قصة الجرح دي زاتا ويكمل اللعب.

احنا لسه كدة والله على قول سلمى " كبر حجمنا شوية لكن ما زال إحساسنا وااااحد ."

من حق الإنسان إنه يحسّ بالتقدّير والإهتمام ساعات الألم والمصيبة، لازم تحسسني إني مُهم عندك والأذى اللي بيصيبي بصيبك، البيوجعني بيوجعك، بالمُختصر..
إنتَ صحّبي !؟
= عايزك تبقى كفاية بالنسبة ليّا♥️.

أعتقد من اكتر الحاجات البنفتش عليها أغلبنا لو ما كلنا لم نجري نحكي  في محاولة للفضفضة أنو نلاقي:

قبول ،إقرار ،وتصديق لوجعنا مهما كان السبب في نظرك أنت كمستمع شنو! ، نلقى مواساة وتطمين ، تخش تقيل وتطلع خفيف بدون احساس الندم والخذلان من أنك حكيت للشخص الغلط ،بدون ما تحس أنو مشكلتك أقل مما ينبغي ، بدون عقد مقارنات ، بدون تسويف ومماطلة وبرود لمن الواحد يندم .

إحساس إنِّي إخترتك وإتفرَّدت بيك إنتَ بالذات  تقيف معايّ تشِد أزري وأشاركك في أمورّي الخاصة، عارف تفاصيلي ، إتعرِيت قدامك تماماً من مظهر الفولاذية وأظهرت ليك ضعفي ليك تحديداً، شكيت من وجعي وبكيت من دون خجل قدامك وإتجرَست زينتِي، جيتك من بين كُل الناس المُحاوطِاني عشان انتَ مُميز عندي.

أنا لم جريت احكي ليك مشكلتي وحاولت قدرتي أوصل إحساسي بألمي كان من باب اني ساعتها غلبني أتحمله براي ، فكنت عايزك تشيل معاي .

الحزن ده ممكن أظهره لأَيّ قريب أو غريب، يقول كلمتين ك تصيبره ويتوكل وما أحِس بشيء ليه؟
لأنه ما ح يفضل معايّ طول فترة زعلي ولا من حقه يشاركني حاجه ما ح أشاركه ليها بنفس الإحساس البرمجت عليهُ إحساسي وشاركتك إنت .

لمَ ختيت الكورة واطه ويئست وجيتك بكُل الحُزن الجوايّ ووريتك،ما كان بالسهولة دي إتنازلت وحسمت قرار الجية تجاهك ف خليك قدرها .

ما جيتك ساعتها بفتش لحلول ،اخترتك انت بالزات عشان  تتقاسم معاي الهمّ .

نشيل الشيلة سوا، تشيلني وأشيلك، يعزّ عليك خاطرّي وما تكسره، من دون مُقابل ومن دون حواجِز تكون هنا، تكون جنبي ومعايّ .
ياخوانَّا كلمة وبقولها ليكُم  :

"لا تبكي أمام شخصٍ لن يحضنَك❤‍🩹!"


آمال عطية بتقول :
"البيبي الصغير لمَ يمشي خطوات ويُقع بيبُصِلنا عشان هوَ عمل حاجه كبيرة،  عمل إنجاز .
ردود أفعالك أهم عندي من شكلية الحلول اللي حتلّاقيها معايّ وتطلعني من المشكلة الأنا حاسه بيها انو نهاية الدُنيا،
لمَ توصِل إحساسك بطريقة حِلوة وتخُت على الجرح مَرهم بإهتمام وتطبع Kiss، مش زي لمَ تنتقدني وتندمني."

إحنا نِتاج تجارُب، نِتاج كلام حِلو وحِنيه ووقفة وطبطبة جميلة.

صِدقك في المواقف أهم ، محتاجين وقفة أولاد ناس، خوة نضيفة، محبّة عامرَة وقلوب ودِيار بِإبتسام .

تنزيل سألتني في مره من المرات خلال أسوء فترات حياتي المَرت عليّ بتسأل عن حالي  وهي بتقول :

عايزة أعرِف حال قلبك حقيقة ما مجاز !
وباقي الريكورد كان كلام لطيف خلّاني أفرهِد ودموعي تنزل ،حكيت تفاصيل الفترة من دون تكلُف .

إحنا عايزين ناس كِده، ما ضروري قُربك..
كفاية تكون أكيّدة محبّتك .


وفي النهاية ما بنسى مناهل لم قالت ..

" الصداقة التزام ، لا يمكن تكون حزين وانا بضحك ولا مهموم وانا عايشة حياتي وما هاميني، ولا يمكن زول يغلط فيك وانا اتعامل معاهو عادي ."



#على_اخر_السطر

" انت في ضهري وانا في ضهرك
انت مبلول وانا مبلول
انت فرحان انا فرحان
انت زعلان انا زعلان
انت بسيوني بسيوني
وانا حازم حازم♥️."


#تنزيل_صابر .
#وعد_الدرديري .

- نص مُشترك

فكره القروب
نوع من أنواع ال
Social media Comfort Zone

-نفس فكره البودكاست حتنزل كتابات يوميه
مقاطع صوتيه، فيديوهات، وكلها حتكون في الجانب النفسي أو في جانب العلاقات تحديداً

أضغط على الرابط للانضمام..
فقط علي تطبيق واتساب
https://chat.whatsapp.com/JI0minp2KGrH5t9SLrDnBd

الناس المهتمة بالـ Design القناة دي حتفيدكم
انتظرو المحتوى العجيب الايام الجاية💛.

..

نخطط لنكون محتوى مفيد ونبتكِر لتكون لك بصمتك الخاصة ونصمم لنصنعَ هويتك المُميزة ونقدم لكم قيمة جيدة 📢

https://www.tg-me.com/click_des_ign

-

الليلة عند الســ ٦:٠٠ م ــاعة بتوقيت الخرطوم
سنقدم لكم #ثريد بعنوان :

من الصرخة إلى مذكرات الجنون - كتب حكت قصص مرض مؤلفيها 📚

قبل فترة اقترحت على عثمان مجموعة الكتب دي وصراحة كانت من أعمق التجارب اللي عشتها وسابت اثر فيني.

أخيراً اليوم نظمهم لينا بطريقة رائعة كالعادة ونزلهم في القناة💛.

https://www.tg-me.com/GedoLibrary/46044


بنصح بيهم جداً🌸.
#اقتراحات_كتب

فيديو جميل عن ليه الترف سبب قوي للبعد عن ربنا؟
أسمعوهو❤️

#محمد_الغليظ

كـنوع من الإعتراف..

"أنا من النوع اللي بعرف أقفل الباب خالص ما بسيبه "موارِب" بس عادي اقول اني رغم كدة بكون مستنية يتخبَط عليه؟ عشان ما يتخلق جواي إحساس أنا ما بستحق محاولة حتى !. "

-

"‏يارب يا ذا العرش الكريم يا فعال لِما تُريد أسألك بمُلكك الذي لا يُضام وبعزك الذي لا يُرام وبنورك الذي ملأ أركان عرشك أن تكفيني مصائب الدنيا و ترزقني ما تمنيت."

اللهم صل وسلم على نبينا محمد وعلى اله وصحبه
اجمعين💙

هذا المساء…♥️

( في ذكري مرور عامين على الجملة الأشهر ..)
" نحن ما كويسين ! "

...

صديق في امريكا .. بته صغيرة في السن و راكبة العربية مع والدتها و ماشين مدينة تانية ..

راحو في السكة و بقو يلفو و يرجعو نفس المكان ..

البت لما اتأكدت انهم راحو دايرة توصل لي امها المعلومة دي .. زي اولادنا في بلاد الخواجات العربي مكسر شديد .. ما عرفت تقوليها يا ماما نحن رايحين ..

سكتت مسافة كدة و قالت ليها .. يا ماما نحن ما كويسين !

و قد اضحت الجملة دي أعمق ما قيل في الكلام السوداني ..

البت كبرت و العربي اتصلح لكن بقت الجملة طريقة تعبير الأسرة كلها .. أي زول اموره تكركب في حتة يقوليك .. ياخ انا ما كويس او نحن ما كويسين !

انتقل الكلام لي و بقيت استخدمه مع الناس .. لما امورنا تكون ما واضحة طوالي بطلع جملتي السحرية ..!

الشاهد في الأمر هي لما وقفت والدتها في محاولة لي انها تثبتها من اللي بتعمل فيه .. دايرة تقول بي طريقتا الخاصة انه يا ماما حقو نعترف اننا ضعنا و نبدا نجد حلول .. ! ( نحن ما كويسين )

انت متخيل معاي لو نحن فعلا بنقيف مع نفسنا و مع الناس المرتبطين بيهم بي علاقات ايييييا كانت العلاقة شنو ، ولدك ، والدك ، شريك حياة

لو اي زول فينا كل ما حس انه العلاقة ما ياها ، انه ما سعيد مع الآخر ، او انهم ضلو الطريق

لو بنقيف و نعترف ، نحن ما كويسين !

الحاجة دي كانت لحقت بيوت كتير قبل ما تتهدم ، علاقات كتير قبل ما تتعدم ، احاسيس كتير كانت انلحقت قبل ما تبقى حفرة سواد بالعانا جواها ..

الدكتور في المحاضرة بيتكلم قال عارفين واحدة من اكبر اسباب فشل الشركات و المؤسسات شنو ؟!

عدم المكاشفة !

ايوة بس كدة ، كل زول شغال يغتغت في الغلط و يمشي ، دسدسة جد ، لما يصبحو يلقو نفسهم عدمانين اي شي او في تدهور ما بتلحق

واحدة من اكبر اسباب عدم المكاشفة دي هي الخوف !

ايوة نعم ، خوف المرؤوس من انه يكلم رئيسه او مديره بي انه الحتة دي فيها غلط و انه الشغل هنا ما ماشي كويس ، لانه المدير اصلا ما شجعك تتكلم !

لما نعيش و نحن خايفين و متوجسين من بعض ، قبل فترة في ولد ضاع و صوره ملت الاسفير ، قالو مرق من المدرسة ما اتلقى ،، اكتشفو تاني يوم انه الاستاذ طرده و لانه خاف من ردة فعل ابوه و انه حيضربو ، قرر ما يرجع كلو كلو ! و يمشي بيت حبوبته في الحلة مشي !

بالله العلي العظيم دة كلام !

ما قادر يقول انا عندي مشكلة !

متخيلين في كم من بناتنا و اولادنا معانا ما قادرين يقولو يا بابا ، يا ماما ، انا عندي مشكلة !

متخيلين في كم مرتبطين بي بعض بينومو تحت سقف واحد ، ماف زول قادر يمسك يد التاني و يقوليه نحن ما كويسين ! او انا ، انا دة ما كويس !

الناس تساعد بعض بالأمان ، بالاستماع للآخر ، بي مدة اليد للسند ، بي اني بحبك و عايزنا ننجح حتى لو نحن ما كويسين حنقعد و نشوف نبقى كويسين كيف ..

الاعتراف بي اننا ضيعنا الطريق و ماشين في طريق غلط ، اول خطوه لي اننا نلقى الطريق الصح

ماهو حنلقاه كيف و نحن ما معترفين اننا تايهين اصلا !

الناس تفتش جوة بيوتا ، اقعد جنب اولادك بالليل اتونس معاهم سااااي كل يوم ..

حيجي يوم واحد فيهم يقعد جنب كرعيك بالليل و يحكي ليك مشاكله ، لو حتى ما حليتا .. يكفيك انه ما خاف منك و حكى ليك ..

اسندو بعض و حبو بعض يا جماعة .. و اعترفو للبتحبوهم ليل و نهار ..

خليكم مبسوطين في علاقاتكم .. عشان لما عينيكم تقع في عيون بعض .. تبتسمو و تقولو..

"نحن كويسين♥️."



#سلمى_المصباح.
@fadfadah98.

هذا المساء ..

"حاوِطني بإهتمامكَ من غير ما أحِس إني طلبت منك❤️"

مؤخراً بقيت مؤمنة خالص أنو من أكتر الحاجات اللي بتكسر الانسان وبتهدّ حِيله مهما كانت قوته النفسية هو شعور انو "مش مرغوب ، وحيد ، مُتهمش ، ما عنده جنبه يرتاح فيها وتحسسه بالآمان . "

الواحد فينا بيتعب جدًا لحدي ما يقابل الشخص الصح اللي يقيف جنبه ويسنده ويلاقي عنده احتياجته ، الشخص اللي مهما لفت الدُنيا ودارت وفرّقتكم المسافات حيكون وجوده في التفاصيل المُرهقة هو المنفَذ الوحيد المريح ليك .

واكتشفت ان الانسان قادر يكسّر الدنيا ويعمل المستحيل لم يبقى حد في ضهره داعمه ، حد بيستقوى بيهو ، فخور فيهو وما بيبخل انو يوصل ليه الاحساس ده بكل الطرق اللي بإيده وبيذكّره بكدة دايماً .

"الأمان أولاً ثُم بقيةُ المشاعر❤️."

بجد حِتة إنك تكون آمِن دي أهم من كيفية الطبطبة وإختيار الكلام وطريقته، إذا أنا مُتطمن جنبك وحاسس بالأمان والأُنس معاك كل حاجة تانية بتهون، ح أعرف أنجز وأبتكر وأجتهد وانا متأكد انو آخر اليوم ح ألاقي اللي يصفق لي .

الحاجة الوحيدة اللي بتهوّن مشقة الحياة الصعبة والمُرهقة دي وبتقصّر من عمر الألم النفسي مهما كانت شدته هي مشاعر الحب ،الحنية، الاهتمام و الرعاية وبأن و أنو جودك مُهم سواء من الأهل و الأصدقاء و الأحبّة ،بحس المشاعر هي الكنز الحقيقي في الحياة دي .

وأهم حاجة التقدير .. لمَ تقدرني وتقدّر مشاعري، تقدّر خوفي، تعبي، إرهاقي، إحتياجي وأحس أنك مصدقني كل شعور سيء حيقلّ عندي ، مهما كنت تعبان نفسيًا ح أشوف الجانب المُنورّ وال بديني إيجابية عن طريقك ، حتخليني أبتسم مهما كانت إبتسامتي باهتة، حأشتغل مهما كانت الشغل ضاغط كفاية إحساس الإنجاز بالمحبّة .

من الصعب على الواحد يواجه الحياة من غير
المشاعر دي ، بجد أنا شايفة انها الوحيدة اللي
بتحمي الانسان من الانهيار ، ومعاها الواحد
قادر يواجه الدنيا كلها .

لابُّد من طرف ألقاهُ موجود نهاية يومي المُرهق ، يحتويني ويهتم، يطبطب ويحِّن في وسط دُنيتي الجايطة دي، يهتم بتفاصيلي حتى لو مُمِلة ، بيحنّ ليها لو ما سمعها، يحسّسني إنو كل شيء بمِّس شعوري مُهم وضروري يتحاوط بالإهتمام والتقدير ،ولابُّد انو يُحترم الجانب المُعتم مني ويُسلط عليه النور ويُتقبَلني تمام لين ما أتعافى .

ربنا يجعلنا خفيفين لطيفين وعارفين ندعم صح ونقدّم محبة حقيقة لأشخاصنا القريبين من قلوبنا .


#وفي_النهاية

صدق من قال :

" علاقة واحدة سوية قادرة تخلي الانسان يتعافى من مشاكل نفسية كتيرة ،علاقه صحية فيها تقبُّل وحب غير مشروط، كل طرف بيد فيها للطرف التاني ، يقدِّر وضعه ويحسِّسه إنه طول الوقت انه مقبول زي ما هو ومهم جداً في حياته، وانو الغلط بيتعالج بالحب والتفاهم ".


#على_الهامش

‏"كان عمري دامسًا لولا أن يديك قد دسَّت فيه قنديلاً من حنان❤️."


#تنزيل_صابر.
#وعد_الدرديري.

- نص مُشترك ♡.
@fadadah98

في رحلة التشافي ، ممكن جدا تجيك ايام صعبه شديد ،تحس فيها بكل السلبيه اللي في الدنيا وكل الالم والحزن حتى يمكن اكتر من بداية رحلتك نفسها ، وبما انك براك او يعني عايش الرحله دي بينك وبين نفسك انا عايزه اقول ليك انو اليوم السيء ده مامعناها انو كل مجهودك العملتو الفتره الفاتت دي وقع في الارض او مانافع ! ،ماعايزاك تفكر تستسلم وتقول ماف فايده ! ، انك تتجاوز مرحله او شخص دي حاجه مادايما بتحصل في وقت بسيط خصوصا اذا كانت الحاجه دي مهمه ف حياتك في يوم من الايام! ، ف طبيعي تجيك ايام تحس انك ما اتحركت من نقطة الصفر ولا شبر ، وايام تحس انك قربت تصل خط النهايه كمان !

وبالنسبه للافكار المجنونه البتجيك دي بس اتجاهلها ، مالازم تقيف عند كل فكره، في افكار ماليها لازمه لا في راسك ولا ف حياتك كلها ، وفي اليوم داك ماتكتم زعلك قدر ماتقدر !
ابكي واكتئب وفرغ طاقتك دي بالطريقه البتناسبك بالمنطق ! ، طبطب على نفسك وصدقني لازم تطبطب عليها لانو فعلياً ماف حد حيعمل ليك كده ع القليله كل يوم !
قول لي نفسك انك نجحت وحاولت ، كلم نفسك بكل الانجازات العملتها طول فترة الرحله دي ، قول لي نفسك انو ده مجرد يوم واحد بس وحيعدي ، وفعليا ادي نفسك بس يوم واحد ولو قدرت اعملها ساعات وبس ! ، وبعدها ارجع تاني وكمل البتعملو ، صح ممكن ماتكون قادر ومن جواك في اصوات بتقول ليك ماف فايده ، بس ارجع وذكر نفسك تاني انو النتايج مابتظهر من اول يوم وانو عشان يكون في فايده فعلياً لازم تستمر !

والصادم في الموضوع انو الكلام ده ما بس طلع انو كلام بيتقال في الفيديوهات التحفيزيه وكأنو البقولو ده جايي من كوكب تاني وما شاف الحياه النحنا عايشنها دي ! ، لكن هو فعلا طلع حقيقه ، وفعلا طلع انك انت المسؤول عن حياتك واختياراتك وافكارك والناس الحوليك وانك بتخلي الناس تأثر عليك وانك حزين وانك وحيد ،انت الوحيد المسؤول وانت برضو القادر تغير كل شي لما تعمل اي شي ، ما لما تنتظر حد يرشدك للطريق لانو في الغالب ماحيكون في حد زي ده ابدا ، بس بمجرد ماتعمل اي شي ولو بسيط شويه شويه حتبدا تشوف الطريق قدامك وحتفهم اكتر وتطبق اكتر لحد مافعلا تطلع لبر الامان ،واتزكر انو مهما طال الطريق ،مصيرو يكون ليهو نهايه سعيده في الاخر .

وبس ❤️


#فقرة_دروس
#لينا_عوض.
@fadfadah98

حاله موثوقه وحقيقيه للاسف الشديد

‏ يوجد حاله طارئه ، رضيعة تعاني من عيب في القلب بحاجه لعملية جراحيه عاجله 💔

منتظره عطائكم ل يعيد لها نبض الحياه من جديد

ساهم بعطائك لتنقذ حياتها

المبلغ المتبقي لحد الآن
210 ألف جنيه سوداني

" رقم الحساب.  2155179"
بأسم :  ريم محمد
وعلى رقم البطاقه
7222331370341558724

الرجاء إرسال الأشعار لطفاً
@ReemaAbase
#تعديل

باقي لينا 50 ألف فقط بحمد الله بنقدر نكملها❤️.

#عندك_خت_ماعندك_شير

هذا الصباح ..

♥️♥️♥️

بنحب بس ما بنعرف نتكلم

كلاكيت تاني مرة ..!؟

تخيل ممكن تكون بتحب الزول موت ، و محتاج ليه جدا لأنك متألم ، بتمر بي ظروف كعبة ، يومك كان تعيس

الطبيعي و المنطقي و البمشي مع تراتبية الكون دة ، انك تمسك ايده و تقول ليه محتاج ليك ..!

لكن لا ، ما بنعمل كدة ، عادة بنجي من برة و نصرخ في وش اللي بنحبهم ، ممكن نكورك قدر قدرتنا ..

لأننا اتربينا انه الحوجة عيب ، الواحدة يقوليك ما بكسر نفسي ..

تكسري شنو يا ماما هي نفسك مفتتة حتت !

لكن برضو لا ، اكابر و ما اعترف و اقرر اني اغوص في مشاكل و احزان اكبر .

لما تقع في الطين ما تعافر عشان تمرق براك و تكتم دموعك عشان حارقاك الوقعة ، اي حبيب ليك مادي ليك يده امسك فيها و اطلع ياخي !

المكابرة بتعمل ليك شنو !

و الله العظيم مافي جايزة في الآخر !!!!

مافي زول حيقوليك يا سلام انت كنت رهيب و كتمت في نفسك و هسي هاك جايزة الكُتمان دة .

الناس حتعاين ليك في دمارك دة و تمشي

اللي لاقي زول في الزمن العلينا دة يمد ليه يده ، يمسك فيه قوي ..

ما تحول مشاعرك السالبة لي تصرفات سالبة و كواريك و كلام جارح تأذي بيه ناس ما ليهم اي ذنب غير انهم بيحبوك !

حيتحملوك أيوة ، بل إنهم عارفين انك زي الطفل النعسان و جعان و يمكن بطنه واجعاه و بيجدع في اللعب و الأكل و يرفس الهوا برجليه عشان عايز يحضنوه و يلولوه و ينوم !

اي زول بيحب زول جواه الف قصة يعرف انه احتضانه ما ساهل و انه حيرفسك و يمكن يكفتك

لأننا ما بنعرف نستسلم و نقول بس بي لسانا دة ، انا تعبان احتضني !

على اي حال ، زي ما التفهم واجب ، اننا نخف من حدة تعبيرنا السلبي واجب اكتر !

عشان الحياة تمشي و المركب تسير

ايام قصيرة شديد و بتنفلت مننا و ما في يوم ولا زول فات جايي راجع تاني

الفاتو انساهم ، إتفقّد القاعدين !


صباحكم حب و سلام و رضا لا فاقدين ولا مفقدوين لا جارحين ولا مجروحين♥️


#سلمى_المصباح.
@fadfadah98

-
" وأسألُك بلُطفك ، لُطفك الذي يشمّل كُل شيء ورحمتك التي سبقت غضبك ، أن تعفو عني و
تُعافِني من انقلاب الحال وموت الضمير،اللهُمَّ
يا مُقلِّب القُلوب ثَبِّت قلبي على دينِك ."

اللهم صل وسلم على نبينا محمد وعلى اله و
صحبه اجمعين 💙.