"هنالك شيءٌ ما شاعريّ في طبيعة العلاقات الفاشلة التي خُضتها ،تبيّن لي أنني في كل مرة يُلقى بقلبي ومشاعري على قارعة الطرقات وتُغلق الأبواب في وجهي أجدني اعود إلى بابه بيقينٍ أنه لا يُغلَق أمام المنكسرين والحيارى مُطلقاً، أعودُ مطأطة الرأس،منهكة ، يائسة، حزينة، مُحطمة وخائفة وقد كانت للرب مسحةٌ إلاهية سحريةٌ عميقة تمسح على قلبي حتى تشفى جراحي، لم يغلِق بابه في وجي ابداً ، كانت تلك العاطفة والسكينة التي تغمرني بقربه ما كنت ابحث عنه بين البشر بغباء.

تيقنتُ الآن أن لا أُنس الا أُنسه، ولا حياة طيبةً الا برضاه ، و أن لا أحد يستحقُ حُبيّ الكامل إلا هو🤍 . "

#تنزيل_صابر

ملف 4🧡

" هل تجد نفسك محاطاً بالحمقى؟
اليك كيفية التخلص منهم!."

" نتحدث عن شخصيات وسلوكيات اصحاب النمط الاحمر❤️."

- باب 3 و 4

#قراءة_إجابية.
#تحدي_ديسمبر.

ازيكم؟!

عايزة بس اقول ليكم انو بجد من الناس البحب كلامهم وبطمّني وبهبش جواي حاجة وبخليني اتشجع و اعيد حسابات كتيرة الشيخ "محمد الغليظ" و " امير منير"❤️.

أنا لسة جاية من فيديو شدّة ما حلو عايزة انشرو في أي مكان ، بجد ما قادرة اعبر عن قدر شنو بحبهم وبحب اسلوبهم ،فقررت احبِبكم فيهم 😔❤️وان شاء الله اقدر اسيب اثر طيب عن طريقهم، عشان كدة كل فترة ح أرسل فيدوهات قصيرة ليهم لازم تسموعها ،عسى ولعل تغير في شخص حاجة او يتعلم عبادة تبقى لي صدقة جارية اقابل بيها ربنا يوم القيامة، فربنا يتقبل مننا بس❤️.

-
" اللهم إني أعوذ بك أن أحاط بالنعم فلا أستشعرها ولا أدرك قيمتها، ربِّ هبني قلبًا راضيًا و عقلاً قانعًا و لسانًا حامدًا و شاكرًا لك في كل حين و على أي حال💙."

اللهم صل وسلم على نبينا محمد وعلى اله وصحبه اجمعين.

ملف 5🧡

اصحاب نمط السلوك الاصفر والاخضر 💡.
..
من الملف الفات كدة يداب بدينا بجدية في محتوى الكتاب 😂❤️

الكاتب قسم لينا الشخصيات بشكل عام ل 4 الوان: (احمر ، اصفر ، اخضر و أزرق .)

ملف 4 الفات اتكلم عن اصحاب النمط الاحمر او زي م مسميهو " المُهيمن" .اما ملف اليوم بيتكلم عن اصحاب النمط الاصفر "المؤثر" والاخضر "الخاضع."

يا ترى أنت ياتو نوع ؟؟

اللي متابعين التحدي تعالو في الكومنتات ووروني لقيتو نفسكم في ياتو نمط ؟

ولسه لقدام حتتعرفو على شخصياتكم اكتر .


#قراءة_إجابية.
#تحدي_ديسمبر.

هذا الصباح.. ❤️

خُت حُبك دا بالجمبة.. مرات قلبك بحِب النّاس الغلط !

ولأنك لسه في مرحلة تعلم ونُضج ، مع تقدمك العمر حيجي عليك يوم مِن الأيام وتكتشف انو مّا مُفترض في حياتك تحافِظ على النّاس البِتحبهُم، انت مُفترض تحافِظ على النّاس اللي مّا بِتعبك نفسياً ،وده قمّة النضج √.

حتقلّل بشكل سليم من المساحات ال خَصم عليك وبتستنزفك اكتر مما بتديك ،وحتعرف متين تبني علاقات healthy وحتوسّع دايرتك وتشمل كل حاجة ممكن تضيف ليك لمسة ممكن تنفعك ،كان ما حسي لقدام ..حتتعلم ترمي لقدام.

ما مهم استنزفت وتعبت قدر شنو لحدي ما توصل للمرحلة دي ، المهم أنك وصلت.

وإلى ذلك الوقت ..واصل في كِفاحك .



#تنزيل_صابر.
#خلي_بالك_عليك.

📌

بإمكَانكَ أن تَشعُر بصَقيع موسْكو ❄️ ، ﻭ تَشُمّ رَائحة زُهُورِ أمِسْتردَام 💐، و رَوَائح الّتوَابلِ الهنْديّة في بُومْبَاي 🌶 ،
ﻭ تتجاذب أطراف الحَديثِ معَ حَكيمٍ صِيني 🎎 عاش في القرْن الثّاني قبل الميلاد !
بإمكانِك أن تفْعَلَ كلّّ هذه الأشْيَاء و أكْثَرَ 😊🌸 ، عبر شَئٍ واحدٍ :

                            🔻🔻🔻
                            🔻🔻🔻

🔊 قناة مكتبتي 💛📖
https://www.tg-me.com/GedoLibrary

مُلتقى عشاق القراءة📚😍

يا حسرتنا على الـوطن !!
الواحد نفسه اتسدت على الاخر كدة خلاص

حسبنا الله ونعم الوكيل عليهم دنيا وأخرة

كيف ندعي ربنا صح؟❤️
3 اشياء تجعل دعائك غير مُستجاب .

#محمد_الغليظ.

ملف6 🧡.

- اصحاب نمط السلوك الأزرق.
- الفصل 5 والحديث عن مصطلح التلاعب النفسي.


#قراءة_إجابية.
#تحدي_ديسمبر.

مع الأوضاع الحالية دي لازم علينا في سامعنك الوقوف معاكم والمُحافظة علىٰ صحتكم النفسية. 🙌🏾
واثقين تمامًا من إنّها أيام شِدّة وحتمضي ونعيش بعدها حياة هادية ورايقة، ولازم تكون صحتنا النفسية مُتوازنة عشان نقدر نتجاوز صدمات الأيام دي.
إذا كنت متضايق، خايف، متوتر، مكتئب بتعاني من الصدمة أو أيّ مشكلة كانت فنحن كأخصائيين سامعنك النفسيين متوفرين في كل الأوقات لسماعك وتلبية طلباتك في أيّ وقت بسرية تامة ومن غير مقابل. 💜
كل العليك تتواصل معانا في الأرقام:-

+249965816173
+249925056330
+2490127409778
+249991730091


الشكاوي (اذا كانت لديك شكوى ولم يتم الرد عليك)
للتواصل :0926216007

#سامعنك_للصحة_النفسية

#صحتك_النفسية_هي_مبتغانا

ملف7🧡


#قراءة_إجابية.
#تحدي_ديسمبر.

هذا الصباح ..♥️


" لما تقع في الطين ما تعافر عشان تمرق براك و تكتم دموعك عشان حارقاك الوقعة ، اي حبيب ليك مادي ليك يده امسك فيها و أطلع ياخي ، المكابرة بتعمل ليك شنو ؟! ))


الليلة الصباح بدري وكباية الشاي لسة في يدي لقيت نفسي بالصدفة قدام بوست قديم للحبيبة سلمى المصباح، قريته و أخدني لحتة بعيدة والإقتباس ده إستوقفني ..

اكتشفت انو احنا ساعات كتيرة بنساهم بشكل مباشر في تعبنا ،لم نتجاهل الإشارات اللي بيحاول جسمنا يوصلا لينا نتيجة للكتمان الفاض عن حده وتجاهلنا المستمر لمشاكلنا، تسويفنا وجرينا ورا لذّات مؤقتة عشان نخدّر بيها الألم.

الفقدان المستمر لـطعم الحياة والإستمتاع فيها، التُقل او الطعنة في قلبك اللي بتصحى وتنوم بيها ، معدتك اللي شبه اتعودت على إضرابتها وتقلباتها ، الأرق والتوتر والتفكير الكتير اللي حيهلكك.

احنا كمان بنساهم في تعبنا لم يكون الشخص الصح اللي قادرين نتستأمنه على مخاوفنا حاضر في حياتنا ومستعد يسمع ،يداري ويخفّف علينا بس خوفنا عليه "مننا" بكون السبب الرئيسي في عدم المشاركة معاه ،بناءاً على فكرة "كل واحد فيهو الــ مكفيهو" ..
وبلا وعي مننا للأسف بأسلوبنا ده قاعدين نخلق حواجز بيناتنا بتصعّب علاقتنا الــ كان فيها الحوار زمان ساهل وبسيط.

بقينا نخاف على غيرنا اكتر من خوفنا علينا، إفراط في التركيز على تفاصيل ماف داعي ليها، او يمكن ببساطة دايماً بنجي على نفسنا لم بنحتاج لحد.

وعلى قول سلمى هو مافي جايزة في الآخر على كتمانا ده

مافي زول حيجي يقول لينا ..

" يا سلام انت كنت رهيب و كتمت في نفسك و هسي هاك دي جايزة الكُتمان ده !!"
الناس حتعاين ليك في دمارك ده و تمشي ..

وببساطة ده صح .

المفترض نحن نتشايل سوا ونتحامل على بعض ..
صعب الحِمل كله يبقى على طرف واحد ، صعب تفضل شايل همك وهم الهاميك أمره دايماً براك ، ساعات انت زاتك محتاج اليشيلك ويشيل همك وهم الهاميك أمرهُم كمان .

حقو نخلع عننا رداء المقاومة والمكابرة ده شوية ونتنفس ، عارفاهو صعب .. بس نحاول.

وعلى قول سلمى:

" اللي لاقي ليه زول في الزمن العلينا ده يمد ليه يده يمسك فيها قوي ♥️."


#على_الهامش

" ‏أنا شخصياً
أريد أن استريحْ ..
‏على أيّ حَجر ..
‏على أي كَتف ..
‏أريدُ أن أستريحْ ..
‏فلقد تعبتٌ من المراكب التي لا أشرعة َ لها ،‏ومن الارصفة التي لا أرصفة لها ."


#تنزيل_صابر.
#خلي_بالك_عليك.

@fadfadah98.

ملف8🧡


#قراءة_إجابية.
#تحدي_ديسمبر.

-
"‏ اللهم طهّر قلبي من عوالق الدنيا وزينتها ، ولا تجعلها أكبر همي ، ويسر لي طاعتك ، واعصمني من معصيتك ، وألهمني رشدي وأعذني من شرّ نفسي."

اللهم صل وسلم على نبينا محمد وعلى اله وصحبه اجمعين💙.

قريت الليلة جملة بتقول:

" العودة من الطريق الخطأ في أي وقت مكسب كبير."

يعني حتى لو الواحد اكتشف حاجة غلط او سلوك كان بيمارسه هو على نفسه او الاشخاص ال توكسيك اللي حوليه عليه وكان بيأذيه وساعتها مش كان واخد باله ويدوبك حسي فهم ،وحسّ أن إدراكه جاء متأخر ما مشكلة ،المهم انه أدرك وده عين الصواب ،الانسان طبيعي كلما بكبر بينضج ويتعلم من النضج والإدراك ده ويكتشف حاجات كتيرة وقيم كتيرة كانت مزيفة ،او يمكن هو نفسه كان مُزيف.

حتى الفهم كان جه متأخر ما مشكلة ،المهم اهو بنكبر ونتعلم.

#تنزيل_صابر.

لكن فجأة بقينا كُبار وناضجين ، وشايلين مسؤليات ،
والدنيا مابتقيف على زعلنا ،
وبنقدر نخبي حُزننا ونكمل ، وإتأقلمنا على إن الدنيا ما ح تجي على هوانا في كُل مرة ، وإن عادي ننزل شغلنا أو نكمل في دراستنا ونتعامل مع الكل وأحنا ماعندنا شغف وطاقة
لكن مُجبرين على السعي والإستمرار ..

#بعض_من_اللطف
#ريما_عباس