مساء الإنجازات🏆


=لقد فعلناها يا أعزائي😌

أتممنا الكتاب بحمد الله
ما تتخيلو مبسوطة من نفسي قدر شنو لاني قدرت اتم التحدي ال كنت ماخداهو إلتزام أكتر من شغف وهواية😂 لأنو هدف قررت أتشاركه معاكم فحملّت نفسي مسؤلية أني لو ما كنت قادرة على الإستمرارية في شي بسيط زي ده عمري ما ح اكون قدوة في حاجة كبيرة لقدام .

كنت خايفة من فكرة اني ابدأ و اوقف لسببٍ ما ،جاتني إحباطات كتيرة ورغبات اني اوقف كم مرة لأنو حسيت انو فوق طاقتي خصوصاً الفترة دي أصلا حساسة وصعبة بما يكفي عشان الواحد يحمّل نفسه حاجة .
بس اكيد احساس الذنب ما كان حيرحمني لو كان اتخاذلت ،كنت محتاجة اني اعمل شي كويس ومحتاجة اتذكر أني قادرة أضع أهداف وأحققها❤️.

فترة الإجازة من بعد التخرُج بمرحلة إكتئابي ولحدي الآن كانت اكتر فترة في كل حياتي اقرا فيها كتب ، كان تنقل واسع ما بين روايات عربية وكتب ثقافية وبودكاست ، وده كان واحد من الكتب الحبيت اشاركها معاكم .


أتممنا التحدي الخامس للقراءة ✅

ح أرفق ليكم بوست يضم كل ملفات الكتاب لأني عارفة في عدد لا بأس به وضع النية في خوض التحدي وبعضهم بدأ وتكاسل او وقف لسبب ما، فمتى ما حبيتو تكملوه حتلقو كل حاجة محفوظة ليكم .


تحدي القراءة الاول لينا:
https://www.tg-me.com/Fadfadah98/4156
الثاني :
https://www.tg-me.com/Fadfadah98/4391
الثالث :
https://www.tg-me.com/Fadfadah98/4629
الرابع :
https://www.tg-me.com/Fadfadah98/4943

★ فهرس قناتي مليان محتوى إثرائي مميز لابدّ تديهو من وقتك دقايق وتشوف البناسبك وتبدأ فيهو:

https://www.tg-me.com/Fadfadah98/3685

https://www.tg-me.com/Fadfadah98/3914


★ لا أخفي عليكم أنو الكتاب الجاي حيكون جرعة مكثفة من الوعي وحياخدنا لمسار أوسع من فهم أنماط الشخصيات والسلوكيات وحاجة كدة بس ... خليكم حماس وقُرااااب❤️🔥

حناخد بريك اسبوع ونبدا التحدي الجديد اتفقنا؟!


#وفي_الختام

حبيت أقول ليكم شكراً ليكم لدعمكم وحبّكم ووجودكم في مساحة خاصة بنيتها من الصفر بكل الحبّ والرغبة في أني أسيب أثر من بعدي ولو بسيط.

شكرا لـ 9ألف عضو ، شكراً لكل شخص موجود هنا .

ما تفتكر ولو ل لحظة أنك مُجرد رقم .. أنت تعني لي الكثير والله🥺❤️.


محباتي❤️


#تنزيل_صابر.
#تحدي_سبتمبر√.
#قراءة_إيجابية

مساء الخيير ..💙🌻

"أدي محبة حقيقة من كل قلبك ، خلي عندك شرف و كرامة تجاه مبادئك و وعودك ، و إوع ثقتك في نفسك تتهز بسبب حد مُشوه ومختل نفسي .

وبرغم كل النفوس الزايفة وكل الكزب اللي حاصل، خليك حقيقي ،اوع تخاف وتبقى زيهم بالعكس ده هم حيعرفوا قيمتك لما ما يلقو زي شبهك! ساعتها حيدركوا أنهم فعلا خسروك .

المهم ما تستعجل وحافظ على سلامك النفسي
قدر ما تقدر .


#كيرلس_بهجت.
@fadfadah98

كان رَسولَ اللَّهِ صَلَّى اللهُ عليه وسلَّم يقولُ عِنْدَ الكَرْبِ:

‏لا إله إلا الله العَظِيمُ الحَلِيم
‏لا إله إلا الله رَبُّ العَرْشِ العَظِيمِ
‏لا إله إلا الله رَبُّ السَّمَوَاتِ ورَبُّ الأرْضِ، ورَبُّ العَرْشِ الكَرِيمِ.

اللهم إنا نستودعك أهلنا في غزة،
ونسألك أن تجعلها عليهم برداً وسلاماً،
حسبنا الله ونعم الوكيل، نعم المولى ونعم النصير.

#كلنا_مع_غزة
#ألم_وأمل

مساء الخير حُباً ♥️


في مصطلح إسمه (Self-Compassion) ومعناهو "التعاطُف مع النفس"

عامل زي الصاحب الوفي اللي جنبك طول الوقت في نجاحك وفشلك, اللي داعمك وغامرك بطاقة لطيفة منورة دنيتك ودايماً بيشجعك ، ويشوف الحلو اللي جواك واللي انت مش شايفه او مش عايز تشوفو أصلاً ..

انت محتاج تبقى الصاحب ده مع روحك ، تفتش عنه جواك قبل تطلبه من برة.

خليك عطوف مع نفسك في كل احوالها، افرح بيها وقت النجاح وطير بيها فوق في السماء ، إحنا مش كل يوم بننجح..

طبطِب عليها وقت الفشل، وخفّف جلد الذات ، إتقبّل اغلاطها واقتنع أنك لازم تغلط عشان تتعلم، حاول خليك صاحب وفيّ.

لو انت ما عملت كدة منو الأولى بيك؟!وانت اكتر واحد عارف تُقل المجهود والتعب اللي بتبذلو عشان تطور نفسك كل يوم ،وعارف تفاصيل كل المعافرة دي..


هوّنها تهون يا صحبي ♡.

طبطِب على روحك وخليك عطوف عليك
لأنك بتستحق♥️.


وفي النهاية..

" من لم يكُن نوراً لنفسه ،لن تُسعفه كل أضواء الكون ."


#تنزيل_صابر.
#خلي_بالك_عليك.

#fadfadah98

تمت إضافة قسم جديد لمكتبتنا الرائعة❤️😍

     ↓ ↓ ↓

من عبق الطفولة 📺✨

من منّا لم يشاهد سالي أو ماوكلي أو حتى صاحب الظل الطويل والكثير من القصص التي أحببناها
ولإستعادة ذكرى الطفولة وفرنا العديد من روايات الطفولة والزمن الجميل ، اختر ما تشاء وغوص في أعماق عالم مميز ✨

فقط على قناة مكتبتي| @GedoLibrary❤️


ضع قلباً و ساعدنا بنشر القناة ❤️

                            ↓ ↓ ↓

مساء الخير🤍

مساحة للنقاش ..
في التصويت اللي نزلتو أمس اكتر من 80 شخص صوّت على انو بفضل العزلة ، ورغم كدة تقريبا اكتر من نصهم بقى حاسس بعدم الإرتياح في عزلته وبقى يتجنبها

• تفتكرو ليه؟!
ليه بدل ما كان قعادنا مع روحنا مريح بالنسبة لينا بقى مصدر قلق وتعب نفسي ؟

الرد في التعليقات ↓
او على بوت القناة
@Tanzeela90bot

‏"عندما تُغادرُنا الأشياء التي نُحبّها ، يُصبح قرار التخلّي لدينا أكثر سهولة ، من هنا فقط نُدرِك أول خطوة لقوّتنا ،فدوماً الخسارة الأولى هي الأصعب ، والصدمة الأولى هي الأقسى ، وشعور الفقد الأول هو الأشد إيلاماً .. تكديس كل ما أصابنا من ضعف يساوي نتاج القوة التي نمتلكها بعدها )).

...

قبل ايام وانا بقرا لبوست بيحكي عن الفراق على بيدج الدكتورة النفسية امال عطية لفتتني الجزئية دي ،قالت :

" في فرق كبير أوي بين إنك تفارق وإنت حزين ومكسور ، وبين إنك تفارق وإنت حزين و فاهم ومفهِّم نفسك ليه خدت القرار ده ؟! لأنك لما بتمشي وإنت فاهم عمرك ما حترجع لصفحة قطعتها حتى لو في الأول كنت بتموت من عدم وجودها.

افهم ياصديقي طبيعة المرحلة ، علشان تنقي من يدخل دايرتك ومين اللي ماينفعش يكون فيها."

..

قعدت افكر بيني وبين نفسي وقتها واكتشفت ان اصعب القرارات اللي بناخدها وبعد مناظرات ولف كتير وتحايل مع روحنا هو قرار "البُعد " ، على مستوى العلاقات العاطفية او الفريندشيب .

البعد عن شخص انت بمزاجك دخلتو في حياتك وسبتو ياخد من قلبك حتة ..

ومهما كانت الحتة دي قدر شنو؟ بتفضل حتة من قلبك ، وصعب تتخلى عنها ببساطة وتسيبها وراك ..

صعب ببساطة تتنازل عن حاجة اتعودت عليها وكنت متعوّد عليها ومرتاح معاها حتى لو الراحة دي كانت كزبة في الواقع وخاصمة منك ، لانك اكيد ساعتها كنت شايفها بجد راحة وامان .

القرار اللي بيتاخد بعد" وجع الوعي والإدراك " اللي هو إدراكك لموقفك في العلاقة والخسارة الحتمية لنفسك بوجودك فيها واستنزاف مشاعرك على الفاضي ، وبعد تخطي مرحلة التحايل واللف والدوار ..القرار ده بيكون صعب في الأول ، بس راحته حتحسّها بعيدين .

وقتها بس
وبعد تتعلم تداري على جرحك وناخد وقتك في التعافي حتكتشف غلاوة روحك ، وانك ما كنت بتستحقّ الشخص ده ..

وان اللي قدمتو في العلاقة كان اضعاف اللي اخدتو منها ، و حتى اللي اخدتو منها ما كان كافي يسعِفك عشان ترمّم الكسر اللي سابتو جواك .

بس أنت طلعت كسبان !
كسبت نفسك في الآخر ، واشتريت مشاعرك وحتحفظها للشخص اللي يستحقها.

انت طلعت بروحك من حتة كانت خصم عليك واستنزاف لمشاعرك ،انت في موضع قوة ، وانا فخورة بل خطوة انتي بتمشيها عشانك ..

ولابدّ تكون فخور بنفسك كمان♥️.

وخليك فاكر ان أنت الباقي ليك في النهاية، نفسَك دي أغلى ما تملُك ، حرّص عليها.

في قاعدة في العلاقات بتقول :

‏" أي علاقة تتطلبُ منك أنْ تكون المُبادر والمضحِي والمتمسِّك الوحيد فيها ، تأكد بأن نهايتها لنْ تسُرَّك ، التوازنُ أساسُ العلاقات."


#على_الهامش

"أمسك يديك جيداً، فذراعيك لن تخونك! ♥️)).


#خلي_بالك_عليك.
#تنزيل_صابر .

"هل يجدي نفعاً أن نقول لغريق : تنفس، أنت أقوى من الماء ؟! "


- في محاولة لوصف شعور المُكتئب ..


عدت فترة طويلة وانت بتقول أنك حتبقى كويس بس لسة ما بقيت ، حاجات كتيرة فقدت لونها وطعمها، شهيتك اتغيرت ما بقى نفسك في شي ، نومك بقى المهرب الوحيد ،بس حتى ده الأرق أخد محلو ، الليل طويل وتقيل وكأنه جسمك كله بينتفض ، قلبك ضاق عليهو صدرك وعايز يطلع منو ، حتحس بألم بدني ،عقلك بيشتغل زي الآلة والأفكار والذكريات كلها بتطنحك ، الليل بقى موحش ..حتحس زعلك المستمر ماعندو سبب مقنع قصاد مآسي كتير بتسمعها وبتشوفها ،ما عندو نهاية،حتحس انو أصحابك ليهم حق لم سابوك، انك صعب تتعاشر، أنك مُمل والناس عايزة اللطيف الإيجابي وانت بحزنك ما بتضيف ليهم شي، حاولت تلجأ لصديق ، صدّاك برودهم، تهوينهم لمشكلتك ، مشاعرك بسببهم بقيت بتتشكّك فيها ، زعلك إتفاقم ووجع قلبك زاد ،ثقتك بنفسك إهتزت شديد،حتحس أنو ماليك قيمة، وجودك ما مهم في محيطك ،غيابك ما مؤثر، مكانتك بتتعوّض عادي ،حتحس أنك حتفضل عايش كدة،حزين ووحيد ومُتهمش وحتموت كدة ،وحتفضّل تعزل نفسك ،تعيش بالعافية وتقضي المتطلبات البسيطة البتضمن انو جسمك ما يموت ،انت خسرت روحك أصلاً ،بس لسه جسمك بقاوم محتاج ياكل ويشرب وينوم ،غير كدة ما عندك طاقة لحاجة ، وحدتَك وألمك لو استمر لفترة أطول ممكن تفكر أنك تخلق أصحاب من وهم ، شخصيات خيالية تخفّف بيها من احساس الوحدة القاتل، ناس على هواك ،حتحس أنهم أحسن ليك ألف مرة من الناس الحقيقين ،وحتفضّل الوهم على الواقع وحتنفصل منه وتدخل عقلك في إضرابات وهلوسات والأسوأ لم الحوليك يتهموك بالجنون والمرض النفسي ، هنا انت بتكون جبت آخرك ، يمكن ياخدوك مصحة ،حتقاسي شديد ، أيام من عمرك حتعيشها في دوامة مُهلكة ومظلمة وممكن في الآخر تختار تنهيها بإرادتك، قرار الإنتحار اتخذتوا كم مرة زمان ،بس وقتها كان عندك أمل انو شخص ينقذك، او تبقى ليك تجربة تصحيك ع واقع أخف وطأة، بس المرة دي قرار نهائي عايز ترتاح بيهو وخلاص، عايز تهرب من عقلك وجسمك ،عايز تختفي ،انت فاكر انه راحة ، بس عمرك ما حترتاح، إنهاء حياتك بيدك عمرو ما حيريحك لأنو إحنا مؤمنين أنو في حساب و حياة تانية أبدية منتظرانا إحنا بنختار شكلها بأعمالنا في الدنيا وإيماننا بربنا.

نهاية القصة دي حزينة ،نهاية أنت جوّاك ما عايزها، عشان كدة اسمح لي أقول ليك ما تسيب للحزن يتملّكك ، إياك تحبس نفسك في وهم وخيال انت قادر تعيش عشان نفسك وبس وتتعلم كيف تبلع الحياة بمرّها وبالقوة تصنع لنفسك فرح وسعادة
وإسم وأهداف، عشان نفسك ،عيش عشانك انت.

الحياة قاسية كلنا بتجي علينا ،عمرك ما حتلقى زول مرتاح ،المستراح في الجنة يا صحبي، أرجوك دي دار إمتحان خلينا نعافر عشان نطلع منها برصيد يدخلنا الجنة ،المكان المثالي اللي حينسينا كل تعب وحزن ووجع اتوجعناهو في الدنيا .

لازم تعافر
لازم تقاوم
لازم تعيش .


#في_النهاية

وزي ما قال مات هيق في كتابة عن تجربة الإكتئاب:

" لا تقلق بشأن الوقت الذي خسرته وأنت تشعر باليأس،الوقت القادم سيأتيك بقيمة مضاعفة♥️."



#تنزيل_صابر.
#نعافر_سوا.
#خلي_بالك_عليك.
@fadfadah98

“من حوارات رزاز والريم اللي خاطفه قلبي "

-طب سؤال أنتي ال بقيتي ساكتة ولا أنا ال ما عارفة أسمعك؟

= لأ أنا اللي مُش حابة أتكلم في نفس الحاجات كل شوية!

-بس دا ما سبب يخليكي تسكتي...معايّ ! ابداً ما سبب

=رزاز إنتي مُش حِمل تسمعي ل ال فات كل مانتكلم ونفضل نعيد ونكرر

-بس أنا وإنتي عارفين إنو مافات ، وإنك لسه غرقانة فيهو.
"الريم وهي بتعاين لرزاز ب فتور وتعب! "

= ما عايزاكي تغرقي معاي ، أنا بخير والله بخير

- أنا ما مليت ولا ح أمل !

=بس أنا مليت من كلامي المُتعاد بنفس التفاصيل ، عارفه ، أنا حتي بدأت أمل من سكوتي!

- خليكي بخير عشاني انا طيب؟
، مش أنانية مني بس الطريق ال أنا واقفة في نصه دا حالفة أكمله معاكي ، إنتي لو سبتيني في النص كل خطواتي الجاية ح تفضل بعيدة ، عمرها ماحتجي ولا حتكمل وإنتي ما موجودة ، خليكي بخير عشاني ،
وتاني ما أنانية مني بس بحبني وإنتي بخير ، أنا أساساً بخير....عشانك!

خليكي بخير عشان في حاجات كتيره لسه حانعملها مع بعض ، في لمة في بيتك قبل زفافك وتجهيزات كتيره ما حاتتعمل غير بإيدي أنا ، في سهراية طويلة لسه حا أحكيها في نهاية كل يوم ، في محلات لسه حا أدخلها وأنا راجعة من مشاويري عشان أشحن رصيد وأطمنك عليّ وأقول ليك عملت شنو بالتفصيل ، في مليون صباح الخير لسه ما اتقالت

خليكي بخير عشان أنا بفرح لما أحس إني عملت أي حاجة تخليكي بخير لو حتي ثواني 🥹❤️

"رزاز وهي بتمسك إيد الريم وتكمل كلامها بتأثر واضح "

عارفه ما ببالغ لما أقول إن حُزنك بيخلق جوايّ صوت بيفضل يقول لي طول الوقت "إنتي عاجزة" الريم نحنا لسه في بيننا
"إذيك وعامله شنو! " ما حاتعدي أيامنا من غيرها ، لسه البيننا كتير والله ، كتير شديد ما حاينفع يتعمل طول ما إنتي ساكتة كدا..
و انا جاهزة..

= لشنو بالضبط !

-أخلق ليك من وقتي جلسة تدوم ليك طول العمر مدفوع حسابها عشان أسمعك ❤️

🏷مقتطفات_روائيه
#حكاية_قلب
#ريما_عباس

صباح الخير♥️

بيقول لك :

" It's normal to still miss the people who hurt you , but it doesn't change the fact that you have to let those people go ."

" يعني طبيعي جدا أنك تحس بإفتقاد للاشخاص اللي أذوك ، بس ده مش بيغير من حقيقة انك لازم تخلي الاشخاص دي بعيد عنك ."


اسوء حاجة ممكن يعملها الانسان تجاه مشاعره انه يحاربها ، اللي هو يكره نفسه و ينزل فيها جلد عشان حاسس بحنين تجاه " فلان المؤذي" .

مع ان المنطقي و الانساني انه يحس بحنين تجاه اي لحظة حلوة حتى و لو كانت مع فلان المؤذي ، اللي ممكن يكون أب أو أخت ، صديق او زوجة .. إالخ ! ... طب ساعتها ايه الحل ؟؟؟

الحل انه يعترف ان فلان المؤذي قضى معاه وقت كويس ، حس تجاهه بمشاعر طيبة ، عاش يومين حلوين ،بس اتخدع فيه زي اي انسان طبيعي ممكن يتخدع او يغلط ، و بعد كل ده يجي دور عقله الواعي المتزن .....

- ايوة هو واحشني بس وجوده في حياتي حيضرني فلازم ابعد .
- ايوة لينا ذكريات كويسة بس ح أضيع مستقبلي لو ما اتحررت من استغلاله.
- ايوة نفسي اكون معاه بس أنا اقوي من انو شوية مشاعر تتحكم في قراراتي ، فانا من حقي احسّ الشعور ده بس هو ما يحركني ، هو مش المتحكم فيني .


في النهاية اللي بيدي المشاعر قيمتها مش لحظة حدوثها إنما تأثيرها الفعلي علي اطرافها ..

ياما وعود حلوة اتقالت في لحظات نشوة بس اتحولت لمجرد كلام عشان مفيش التزام تجاه اطرافها ،و ياما ضحكات كانت عالية بس اتحولت لمجرد انفعالات مؤقتة عشان مفيش محبة متبادلة ورا الضحكات دي ،وياما مشاعر جميلة اتحولت لسراب عشان كانت قايمه علي الانانية و فقر الذات .

ف اوع تتسجن في ألم خسارة حد ما بذل اي مجهود عشان ما يخرسك ، إنما فكر دايما انت بتشتري مين ؟! و بتشتريه بإيه ؟؟!

مش معقول حد كبير و ناضج زيك يروح يشتري حد خلاه يحس انه رخيص في عين نفسك قبل عينه هو ..

حد مهما ضحكك او طبطب عليك او عيشك احلى افلام رومانسية إنما كان بيستغلك و يهينك و يتصدق عليك بابسط حقوقك و هي أنك تحس انك مهم و غالي عند اللي بتحبه .

...

" If someone treats you badly recognize that there is something wrong with them, not you. Normal people do not go around destroying other people."

" إذا عاملك شخصٌ ما بشكل سيء، فاعلم أن هناك شيئًا خاطئًا به، وليس أنت. الأشخاص العاديون لا يتجولون ويدمرون لآخرين."


#كيرلس_بهجت.

@fadfadah98

في آخر اليوم

مهما كان ليلك طويل
كُل حاجة ح تعدي❤️.

_

" بعد وقت قصير؛
حتفهم إنك عافرت كتير شديد
عشان تراضي نفسك، أو تراضي الناس
الإنت بتحبها من قلبك..

حتفهم طبيعة روحك أكتر، تصرفات كتير حتتغير

ناس، أفعال، ردود

كل دي حاجات حتتحول فجأة في حياتك
لأنك حتعرف إنك كنت دائمًا بتفتش
عن حاجات بتشبهك..
بتحاول تلقى حته منك في مكان تاني ما أكتر..

حتجي لحظة معينة وتكتشف فيها
إنو إنت أكتر شخص محتاج يحبك
وإنك أكتر شخص محتاج يحافظ عليك
ويخلي بالك منك ♡."


#محمود_المغربي.