مساء الخير حباً ..♥️

" واحنا في آخر السنة بقدر اقول بكل ثقة رغم كل حاجة حصلت معانا انو السنة دي كانت سلسلة من النـِعم المُتتاليـة ولُـطفه كان حاضر وسط كل إبتلاء وشدّة،الحمد لله قدرت أعدي من كتير وأتجاوز واتخطى واتأقلم مع حاجات كتيرة يمكن لو كنت اصغر من كدة و أقل وعيّ كانت حتكون شبه مستحيلـة .

نحمد ربنا فوق كل حاجة على العافيـة والأرزاق الماشة برحمته ونعمة إستشعار النـِعم زاتها لانها نعمة كونو الواحد ما غرّتو الدنيا لدرجة بقى غافل♥️."


#تنزيل_صابر.

" ‏لما الشخص اللي قدامك مايكون عندَه نية للإلتزام تجاهك ف انت ماينفع تفرض عليه الإلتزام دة، إنت مش من حقك تفرض على الناس إنهم ياخدوا تجاهك خطوة عشان عندك مشاعر تجاههم.
ف الأفضل لك تتواجد مع شخص مُهتم يلتزم تجاهك ما تهاجم الشخص اللي معاك و لا تضايقه و لا غيره،مش من حقك تعمل كدة ،بس أنت أبعد وخليك مع اللي يقدرك✅" .

#بودكاست_الصباح_البدري

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا ♥️

ملف12🧡

🔹كيف يتلاعب المختل نفسياً بأصحاب نمط السلوك الأخضر والأزرق؟!


#قراءة_إجابية.
#تحدي_ديسمبر.

عارف الشعور ده ؟!

اللي هو انت في أخر ايام في السنة و جواك حاجات كتيرة خالص عاوز تطلعها من قلبك بس مش عارف ، فمرة واحدة كدة تعاين للسما و ما تتكلم ..لكن تبتسم عشان هو ربنا عارف اللي انت مش عارف تقوله♥️.

سنة سعيدة علي كل انسان تايه ، تعبان ، مهزوز و مش قادر يلاقي طريقه لسه.

سنة سعيدة علي كل مكسور ومتألم فاكر انها خلاص دي نهاية الدنيا .

سنة سعيدة مليانة أمل و قوة على كل انسان لسه قادر يقاوم و يقاتل عشان ما يسب نفسه فريسة لفقدان الإيمان♥️.


@fadfadah98

ملف13🧡

🔹الفصل قبل الأخير- أساليب التلاعب الشائعة.


#قراءة_إجابية.
#تحدي_ديسمبر.

يسعد مسائكم❤️
تعالو نعمل فقرة سريعة

جاوبو على السؤال ده في البوت | @Fadfada90bot

« • اتعلمتو من العلاقات شنو ؟!
سواء صداقة او relationships ؟!

٢٠٢٤
" ‏عساها سنة تفيض حنيّة، عسى حنان أيامها
يملأ ملامحنا ..
آمين ..💞"

هذا الصباح .. ♡


بعيدا عن الاهداف الما اتحققت والمخططات الضاعت والمحاولات الفشلت في السنة دي ..
ما ننسى ندي ال credit لنفسنا على صمودنا،
على قوتنا العقلية والبدنية ..
على محاولاتنا للنجاة ..
على ضحكنا ولم شتاتنا رغم الظروف..
على تمسكنا بالأمل وسعينا للمستقبل ..

بنستحق نربت على كتفنا ونحضن نفسنا ونقول ليها ..

Well done !
You survived ..
Next year will be better.

اللهم لك الحمد في اليسر والعسر، اللهم لك الحمد على نعمك التي لا يحصيها غيرك ❤️.

#fadfadah98

صباح الخير

حبيت أقول ليكم انكم موعودين بـ "نصين مشتركات"مع صديقة لي بحب اسلوبها في الكتابة من زمان ودايماً كنت حاسة أنو في شي ممكن يجمعنا سوا ..

رسلت ليها نصين غير مكتملات وكملتهم بطريقة رهيبة اسعدتني جداً ،وللوهلة الأولى تستنكر انو ده نص لشخصين شدّة ما البوست متناسق وعرفت تنساب بعفوية بين كتابتي❤️.


ناقصو شوية تعديل لسه ،بس ان شاء الله ما المرة الأخيرة لأنها كانت تجربة مميزة.

ملف14🧡

🔹تكملة في الفصل ما قبل الأخير .


#قراءة_إجابية.
#تحدي_ديسمبر.

صباح الخير ♡︎


" صحيح انت حالياً مُتعذّب من عاطفتك المفرطة واهتمامك الزايد باللي حوليك وتقصيرك في نفسك،بس أنا متأكدة من حاجة واحدة ..

انك في يوم حتوصل مرحلة يبقى سلامك النفسي فيها فوق كل حاجة ،حتقفل الباب في وش أي حاجة بتقلّل من قيمتك ، وحتسدّ الشباك اللي جايب الريح ،حتحُط حدود واضحة بشكل صريح بينك وبين الناس ،وكل واحد عندك حياخد المكانة اللي يستحقها بالزبط في قلبك،واللي حيمشي ليك خطوة حتمشي تجاهو نفس الخطوة بدون اي زيادة ،واهم حاجة حتكون من جواك راضي شديد عن نفسك، لأنك اخدت زمنك الكافي عشان تنضج ،بقيت أكبر من أنو يتشتّت ذهنك وتتشقلب حياتك عشان شخص هو في الآخر مُجرد محطة من محطات كتيرة وانت الثابت الوحيد ليك ،كل حاجة وقتها حتبقى واضحة من ورا النضارة اللي فضلت فترة طويلة شديد شايف بيها طشاش طشاش..

يمكن كل الناس ساعتها حتشوفك مغرور او حتى يصنفوك نرجسي، بس الحقيقة من جواتهم حيتمنّو
لو يوصلو بس نص مرحلتك دي ،انت بس حالياً واصل في سعيك، ما تخاف من التجارب ولا تحاول تحمي نفسك بزيادة..
ونتقابل في القمة يا صحبي💕."


#تنزيل_صابر.

ملف15🧡

🔹 الفصل الأخير .
"كيف نتعامل مع التلاعب اليومي؟"

- ملف ما قبل الأخير 🔥

#قراءة_إجابية.
#تحدي_ديسمبر.

-

" ندعوك ألَّا ينقضيَ العُمر إلا وقد نِلنا حظنا من الأمنياتِ؛أن نصلَ في نهايةِ المطافِ إلى وجهتِنا
التي نريدُ،برفقةِ الذين نحِبُّ،غيرَ خائفين من أن
نضلَ أو نفترق."

اللهم صل وسلم على نبينا محمد وعلى اله و
صحبه اجمعين💙.

ملف16 والأخير🧡

🔹 تم الكتاب بحمد الله√


#قراءة_إجابية.
#تحدي_ديسمبر.

" لكل شخص بيحط آمال كبيرة وطاقات مهدرة في سبيل تغيير شخصٍ ما ولسه عنده أمل يلاقي احتياجاته عنده في يوم ..

عايزة اقول ليك السنة دي انت محتاج تاخد عهد مع نفسك تبطل تتعشم كتير وترفع سقف توقاعتك وتستنى حاجات كان الأولى أنها تجي من أول فرصة واول طلب صريح منك.

يخوانا اللي بيحبّ بجد ومُهتم بيعرف دايماً يوصل محبّته بطريقته الخاصة او حتى بتشوفو بعينك بيحاول عشانك ، بس معليش نقول يلزَمك مرات تعلِّم القدامك كيف يحبّك،وانو صح الاهتمام بينطلِب ساعات كتيرة ولو على نكهة عتاب.

إحنا نعلم اللي معانا مرة واتنين
ندي فرصة مرة واتنين
مالو ؟ بس ما نزوّد

لأنو الحقيقة اللي محتاجين ندِركها انو ماف شخص بتغير الا لم يقرر هو انو حيتغير، عشان ضريبة التغير دايماً ألم ،مشقة وعدم استقرار لفترة من الزمن بسبب خروجك من ال comfort zone بتاعتك ،بس كله بيهون لم يكون في = محبّة صادقة من القلب ♡.

بس مدام ماف نتيجة ودايماً الفرص اللي بنقدمها بتدينا نحن وجع فيبقى الأهون انو نبطل ونوفر الطاقة لنفسنا إحنا اولى بيها والله ."


#على_الهامش

زي ما قالت فرحة :

" البيحبك مابيأذيك
والعايزك بيعرف دربك
والباقي عليك بيحافظ عليك ومابيفرط
واللي بيهمه أمرك مابتسأله انت من الاهتمام
واللي خاتي ليك مكانة في حياته بيحترمك ويقدرك .

وبس كدة♥️.



#تنزيل_صابر.

"‏ يُخيفني العبء الملقى على الكلمة الأولى، بعد صمتٍ طويل "
https://www.tg-me.com/malek270

رُبما لم يسير شيئًا وفقًا للخُطة التي وضعتها، ولكنني أصبر، وأرضى..

أصبر لأنني أعلم أن العُسر سيمضي، ويأتي بعدهُ يُسر، وأني مهما تألّمت، وبكيت، وبالحُزنِ شعرت، فأمري كُله خير، لأنّه بيدِ الله اللطيف الخبير.

وأرضى لأنني مؤمنة بالقدر خيره وشرّه، ومؤمنة بالله الذي يُدبر أمري، وأعلم أنه سُبحانه وتعالى سيكون عند حُسن ظنّي، وأنّه جلّ جلاله كَكُل مرة سينقذني، ولن يضيعني البتّة.

صدقني -عزيزي القارئ- الأمر كُلّ الأمر
أنه يحتاج إلى رضى والكثير من الصبر.

وبَشِّر الْمُؤْمِنِينَ والصَابِرِينَ.


-ريما عباس

" ما رأيتُ مسكينًا كالإنسان؛
تُهدِّئُه ربتةٌ على الظَّهر ♡.))


" ما زالت تستهوينا عاداتُ الطُفولة "

الواحد مهما كبر بيفضل لسه جواتو الطفل الصغير داك، لم يتجرح بجي جاري يوريك، يركز في ملامح وشك عشان يشوف ردة فعلك شنو !
تنضفا ليو، تحط ليه لصقة، تواسي فيهو و تبوسو وتقول ليه "معليش "
تاني ممكن ينسى زاتو قصة الجرح دي زاتا ويكمل اللعب.

احنا لسه كدة والله على قول سلمى " كبر حجمنا شوية لكن ما زال إحساسنا وااااحد ."

من حق الإنسان إنه يحسّ بالتقدّير والإهتمام ساعات الألم والمصيبة، لازم تحسسني إني مُهم عندك والأذى اللي بيصيبي بصيبك، البيوجعني بيوجعك، بالمُختصر..
إنتَ صحّبي !؟
= عايزك تبقى كفاية بالنسبة ليّا♥️.

أعتقد من اكتر الحاجات البنفتش عليها أغلبنا لو ما كلنا لم نجري نحكي  في محاولة للفضفضة أنو نلاقي:

قبول ،إقرار ،وتصديق لوجعنا مهما كان السبب في نظرك أنت كمستمع شنو! ، نلقى مواساة وتطمين ، تخش تقيل وتطلع خفيف بدون احساس الندم والخذلان من أنك حكيت للشخص الغلط ،بدون ما تحس أنو مشكلتك أقل مما ينبغي ، بدون عقد مقارنات ، بدون تسويف ومماطلة وبرود لمن الواحد يندم .

إحساس إنِّي إخترتك وإتفرَّدت بيك إنتَ بالذات  تقيف معايّ تشِد أزري وأشاركك في أمورّي الخاصة، عارف تفاصيلي ، إتعرِيت قدامك تماماً من مظهر الفولاذية وأظهرت ليك ضعفي ليك تحديداً، شكيت من وجعي وبكيت من دون خجل قدامك وإتجرَست زينتِي، جيتك من بين كُل الناس المُحاوطِاني عشان انتَ مُميز عندي.

أنا لم جريت احكي ليك مشكلتي وحاولت قدرتي أوصل إحساسي بألمي كان من باب اني ساعتها غلبني أتحمله براي ، فكنت عايزك تشيل معاي .

الحزن ده ممكن أظهره لأَيّ قريب أو غريب، يقول كلمتين ك تصيبره ويتوكل وما أحِس بشيء ليه؟
لأنه ما ح يفضل معايّ طول فترة زعلي ولا من حقه يشاركني حاجه ما ح أشاركه ليها بنفس الإحساس البرمجت عليهُ إحساسي وشاركتك إنت .

لمَ ختيت الكورة واطه ويئست وجيتك بكُل الحُزن الجوايّ ووريتك،ما كان بالسهولة دي إتنازلت وحسمت قرار الجية تجاهك ف خليك قدرها .

ما جيتك ساعتها بفتش لحلول ،اخترتك انت بالزات عشان  تتقاسم معاي الهمّ .

نشيل الشيلة سوا، تشيلني وأشيلك، يعزّ عليك خاطرّي وما تكسره، من دون مُقابل ومن دون حواجِز تكون هنا، تكون جنبي ومعايّ .
ياخوانَّا كلمة وبقولها ليكُم  :

"لا تبكي أمام شخصٍ لن يحضنَك❤‍🩹!"


آمال عطية بتقول :
"البيبي الصغير لمَ يمشي خطوات ويُقع بيبُصِلنا عشان هوَ عمل حاجه كبيرة،  عمل إنجاز .
ردود أفعالك أهم عندي من شكلية الحلول اللي حتلّاقيها معايّ وتطلعني من المشكلة الأنا حاسه بيها انو نهاية الدُنيا،
لمَ توصِل إحساسك بطريقة حِلوة وتخُت على الجرح مَرهم بإهتمام وتطبع Kiss، مش زي لمَ تنتقدني وتندمني."

إحنا نِتاج تجارُب، نِتاج كلام حِلو وحِنيه ووقفة وطبطبة جميلة.

صِدقك في المواقف أهم ، محتاجين وقفة أولاد ناس، خوة نضيفة، محبّة عامرَة وقلوب ودِيار بِإبتسام .

تنزيل سألتني في مره من المرات خلال أسوء فترات حياتي المَرت عليّ بتسأل عن حالي  وهي بتقول :

عايزة أعرِف حال قلبك حقيقة ما مجاز !
وباقي الريكورد كان كلام لطيف خلّاني أفرهِد ودموعي تنزل ،حكيت تفاصيل الفترة من دون تكلُف .

إحنا عايزين ناس كِده، ما ضروري قُربك..
كفاية تكون أكيّدة محبّتك .


وفي النهاية ما بنسى مناهل لم قالت ..

" الصداقة التزام ، لا يمكن تكون حزين وانا بضحك ولا مهموم وانا عايشة حياتي وما هاميني، ولا يمكن زول يغلط فيك وانا اتعامل معاهو عادي ."



#على_اخر_السطر

" انت في ضهري وانا في ضهرك
انت مبلول وانا مبلول
انت فرحان انا فرحان
انت زعلان انا زعلان
انت بسيوني بسيوني
وانا حازم حازم♥️."


#تنزيل_صابر .
#وعد_الدرديري .

- نص مُشترك