11:11

‏" السببُ الذّي يجعل بعض الأشخاص لا يشعرون أنّهم يؤلمونك، هو أنّك تُسامِحهم دائِماً ."

#نصوص_مؤلمة.

خلي بالك !

تعاملك مع الشخص اللي بيقلب الطرابيزة مخاطرة كبيرة هتحس بيها بعد نهاية العلاقة..

نوعية الشخصيات دي عنده قدره كبيرة انه يحسسك بالذنب وأنت بتعاتبه لدرجة أنك تعتذر له لأنك عاتبته، بيعرف يحول أخطائه ليك فـ تعتذر له عن أخطائك البسيطة متجاهلاً أخطائه الكبيرة..

بيتملّكك لدرجة أنك تجلد ذاتك وتعاتبتها وتشكك في نفسك، حتى تصرفاته المزعجة تتقبلها لمجرد أنه أقنعك ان المشكلة دايمًا فيك انت !

نصيحتي ..

" أهجر من لا تستطيع حل خلافاتك معه، من يعتبر المناقشة معه ساحة حـرب لابد أن ينتصر فيها، من يجعلك تتسآل هل أنا بهذا السوء أهجره. "


#من_وحي_الجلسات_النفسية.
#محمد_طارق.

-

" اللهمَّ قوِّني لطاعتِك، وهذِّب جوارِحي، وحسِّن قَولي، وهدِّئ رَوعي، وبرِّد قلبي، وآتني سؤلي، وأجب دعوَتي، واسلل سخيمةَ صدري💙."

اللهم صل وسلم على نبينا محمد وعلى اله وصحبه اجمعين.

هذا الصباح ♥️


"إستثمري لكن ما تعشمي ♡ ."


العشم شعور بالرجاء إنه الحاجة دي حتديك و تنفعك و تفيدك ،، شعور مجرد حتى فيه نوع من نسيان سنة الله في الكون انه الأشياء هي الزوال و التغيير ..

أما الإستثمار في الشيء فهو تشغيله و تفعيل منافعه و صنع فايدة منه على المدى الطويل ..
استثمري في علاقاتك ، و في أولادك و في نفسك ،، استثمري حتى في صداقاتك ..

يعني أدي بحساب ما تغرقي الطرف التاني بالعطاء ولا الثقة و لا المشاعر الزايدة و ما تخلي طموحاتك أعلى من الواقع و ما تخططي بناء على مشاعر بدون افعال و معطيات واضحة ..

فعّلِي إمكانيات الطرف التاني بذكاء ،، خليه ياخد مساحته في التفكير و العطاء و الفعل ما تمشي خطوات بعيدة و ترسمي آمال و تفضلي تطالبي غيرك بتحقيق صورة ما طلبو منك من البداية تكونيها ♡ .

تخيب آمال الواهمة ،، لكن راجية الله الواعية بالحال تجيد حياكة القصص الكاملة ♡ ..


#ياسمين_علي.

@fadfadah98

صباح بنكهة مُختلفة🩵


عندي حركة لطيفة ح اعملها الفترة الجاية وانتو حتساعدوني فيها🙊🩵

التفاصيل لقدام
عايزاكم حسي تشوفو البوست الجديد

https://m.facebook.com/story.php?story_fbid=pfbid0KjoKTQ24LASPjHxE4HYdVv3VQDqTKntdfDuRqpHZRpLGp6EFpu4Gz8N19Hb3uLbFl&id=100015292605559&mibextid=RtaFA8

من بكرة ان شاء الله ح نبدأ ❤️

الملفات المقسمة جاهزة عندي
أنتو جاهزين ؟😁

" الإكتفاء بالنفس مريح جداً، لايُنقصك قُرب أحد ولا يُؤلمك بُعده💙."

الواحد اتعلم من الريم من روايتها " حكاية قلب "حاجات كتيرة شديد بتخص العلاقات سواء على الصعيد العاطفي او علاقات الصداقة، حرفياً اختصرت لينا بذكاء طريق طويل شديد كان الواحد حيقضيو ما بين اللايفات ومتابعة life coutch مختلفين وكتب في فهم العلاقات وانماط الشخصيات ،فشكراً بكامل المحبّة لشخصها المميز .

وانا بقرا الصباح بكل استمتاع مع الجو اللطيف ده طلعت بجملة حلوة شديد بتقول :

" ما تخلي انسان قريب منك لدرجة تتعب وتتأذى إذا مشى وخلّاك ، أعمل اي حاجة بس ما تخلي قطعة منك مع أياً كان ."

وقالت كمان في فقرة تانية :

" ربنا لم وضع فينا الميل والرغية للقبول والاستحسان من الناس كان الميلان ده ميلان ثانوي ، ربنا وضع فيك القدرة البتخليك تهتم بنفسك وتشيلها براك وتحقق اكتفاء ذاتي دون التسول بمشاعرك امام أي شخص كان ."

احب اختم ده كلو بأنو الإنسان طول عمرو حيفضل حاسس سعادته ناقصة طالما كان اساسها شخص تاني ، طالما مفتاحها في يد شخص تاني .

الناس بطبعها متغيرة ومُتقلبة زي فصول السنة ، من الظلم أنك ترتبط بحاجة متذبذة كدة للحدّ اللي يقلّل من جودة حياتك .

فطالما انت في الدنيا دي عايش أدي نفسك فرصة تتعلم منها ومن العلاقات اللي مهما كانت نتائجها النهائية محزنة إلا أنو الشاطر دايماً عارف بتعلم منها ويطلع بحكمة.

و أخيراً خليك حريص أنك تتعلم كيف تكتفي بنفسك،تحبّ نفسك وتبقى "انت" اولوياتك💙.


#لفتة

لمتابعة الرواية وحفاظاً على حقوق الكاتبه ادخلو هنا سريع قبل نغير الرابط 🥰

https://www.tg-me.com/+I1kdTNAnKfhkYTc0

هاشتاق جديد ..

#ما_تعلمته_من_حكاية_قلب.
#تنزيل_صابر .

بسم الله نبدأ وبه نستعين 🧡

نبدأ تحدي #قراءة_إجابية السابع لينا🔥


• اقتباس:

" إن اكتساب عادةِ القراءة وإحاطة أنفسنا بالكتبِ الجيدةِ ، هو بمثابة بناءِ ملجأ نفسيّ يحمينا من أغلب مآسي الحياة🌻.‏"
_ سومرست موم.



#بداااية💁🏻‍♀

كتاب | محاط بالمرضى النفسيين
للكاتب: توماس إريكسون

الكتاب التاني لتوماس اللي جه عمل ضجة بعد كتابه الفات " محاط بالحمقى"
لو لاحظنا عنوانين كتبه لافتة جداً ومحتوياته دايما غنية ووميزة ، يعني أكيد بعد قرايتك للكتاب بتطلع شخصية مختلفة وفاهمة حاجات كتيرة .

عبارة عن 300 صفحة تقريباً ، ح اقسمه كالعادة في شكل ملفات صغيرة كل واحد 20 صفحة .
بكدة حجم الملف ما بتجاوز ال 2-3 ميقابايت

حينزل الملف يوميا او 5 ايام في الأسبوع وناخد بريك يومين في النص عشان ما نزهج سريع 🏧

لو حسيت بالملل من البداية او المقدمة ما تستعجل بالحكم وحاول واصل في القراءة حتغير رايك متأكدة، عن تجربة شخصية👌🏼

- الاقتباسات مهمة ، كأنها الخلاصة او الفكرة المُجملية اللي طلعت بيها من قراءتك، وكدليل ليك أنك اخذت الليلة اثر معاك من الكتاب✅.

شخصياً مستحيل اقرا كتاب او حتى رواية بدون ما اطلع منها باقتباسات ،عندي رصيد كبير من الاقتباسات سعيدة بيهو😁.)

حتشاركوني الاقتباسات في التعليقات تحت اي ملف بنزلو ليكم .

- اخترت 20 صفحة لأنو لم جيت حسبتها لقيت انو ممكن نخلصو في شهر براحتنا .

- ح انزل الكتاب كامل في البداية لو في زول حب يقراهو ويقسمو على مزاجه √.


• نصيحة آخيرة ..

" ليست العبرةُ في كثرةِ القراءة ، بل في القراءة المجديّة🧡."

فـ إقرأ بتمعّن وتريّث ..
لانو الغرض مش القراءة وخلاص ، لا الغرض والمقصد يجب أن يكون أبلغ وأسمى، القراءة دي وسيلة تعزز بيها من ثقافتك، وعيك ، إيمانك، قوّتك النفسية ولغتك ،و وسيلة لترويح النفس.


ده لينك فيديو على يوتيوب بديك لمحة عن الكتاب :

https://youtu.be/HlD2g9IJHmk?si=Wh5voSYhvr0akmet

• لو أول مرة تسمع عندي بمصطلح #قراءة_إجابية وعايز تعرف فكرة التحدي؟
شوف البوست ده :
https://www.facebook.com/100015292605559/posts/1311087409411000/



٭ تحدي القراءة الاول :
https://www.tg-me.com/Fadfadah98/4391
الثاني :
https://www.tg-me.com/Fadfadah98/4156
الثالث :
https://www.tg-me.com/Fadfadah98/4629
الرابع :
https://www.tg-me.com/Fadfadah98/4885

الخامس :
https://www.tg-me.com/Fadfadah98/5389

السادس و ده كان آخر كتاب اخدناهو معانا في التحدي الفات :
https://www.tg-me.com/Fadfadah98/9236



• ده فهرس قناتي مهم تديهو نظرة من وقت للتاني عشان بعمل update كل فترة للمحتوى:
https://www.tg-me.com/Fadfadah98/3914


نقطة سطر جديد ..

= يلا نبدأ ؟
يلا ❤️


#قراءة_إيجابية.
#تحدي_ديسمبر.
#سوا_بنقدر.

الملف الأول🧡

مقدمة + الفهرس

حاجة صغيرة عشان نتعرف ع الكتاب اكتر√


#قراءة_إجابية.
#تحدي_ديسمبر.

" صباح الخير ، أشوف الماضي فيك باكر .. أريت باكر يكون هسا♥)).


- هل الحياة حتكون حلوة ، والغد حيكون أفضل والأيام الحلوة جاية ؟
ولا نحن بنتوهم وبنصبِّر في روحنا ساي يجماعة الخير؟

سؤال بسيط ، وإجابته ذاتها تحيِّر
في الحقيقة كتير مننا بيمشِّي اليوم ساي وأمله كله في بكرا
مع إن اليوم ده هو كان بُكرا في مرة من المرات!

فالحياة عمرها ما كانت حلوة على طول الخط ، ولا كانت سيئة على طول الخط
ولا حتكُون!
بنفتكر إننا لو حققنا أحلامنا ، لو إشتغلنا في وظيفة العمر ، وارتبطنا بأفضل إنسان ممكن ، وإستقلينا مادياً ، وعملنا اللي نفسنا فيه وإمتلكنا كل العايزين نملكه فحنكون مبسوطين ومرتاحين
بصراحة أيوه ، حنكون مبسوطين ومرتاحين^^

بس إنبساط نسبِي وراحة نسبية برضو
كل حاجه بنعملها ، وكل مكانة بنصل ليها وكل قرار بنتخذه
.. وكل شئ بيمنحنا شعور سعيد بكون في مقابله نوع من التضحية أو الفقد ، حتى لو كان الفقد ده عبارة عن إننا إخترنا خيار بعينه دون التاني
كلو بيجي معاه مسؤوليات وتبعات ، وأحياناً إبتلاءات ومشاكل لا ليها أول ولا آخر
عشان دي الحياة ، وده طبعها الغلّاب
ومع إننا عارفين إنو الراحة الكاملة ما موجودة في الدنيا دي
بس برضو still ما قادرين نمنع نفسنا عن إننا نفتش عليها هنا

الحاجة المخيفة بالجد
هي إنو الغد ده كان أمبارح ، وكان الليلة .. وحتغيب الشمس ونفتح عيونا ونلقى نفسنا موجودين فيهو كل يوم
إلى أن يجي يوم نفتح عيونا ونكتشِف إننا في آخر العُمر
وإننا فعلاً عشنا الغَد بينما لسه منتظرينه

فالحكيم والحاسبها صاح ، هو اللي يدرك من بدري إنو يمتَن ويقدّر ويستثمر (اليوم) ، ويعيشها بمرونة وهو متصالِح مع كل خطوة وكل تجربة وكل مرحلة وبيحاول يستمتع بالرحلة والطريق ..لأنو نهايته ممكن تكون وبشكل مفاجئ في اللفة اللي جاية!
ده الوحيد الفي نهاية المطاف حيقول عن حياتو إنها كانت "حلوة" رغم كل شئ

وعلى قول شخصية شُكري بصوت ماجد الكدواني في فيلم هيبتا :

"لازم نعيش كل لحظة في عمرِنا على إنها آخر لحظة ، ساعتها بس حنتأكد إن الحياة حلوة♥️".



#مريم_الشيخ.
@fadfadah98.

ملف 2🧡

امثلة على التلاعب النفسي وحديث اكثر عم مفهوم "الإختلال النفسي" ! 🫢


#قراءة_إجابية.
#تحدي_ديسمبر.

ملف 3🧡

-باب ٢ / الدفاعات الأساسية ضد المختلين نفسياً.

#قراءة_إجابية.
#تحدي_ديسمبر.

"هنالك شيءٌ ما شاعريّ في طبيعة العلاقات الفاشلة التي خُضتها ،تبيّن لي أنني في كل مرة يُلقى بقلبي ومشاعري على قارعة الطرقات وتُغلق الأبواب في وجهي أجدني اعود إلى بابه بيقينٍ أنه لا يُغلَق أمام المنكسرين والحيارى مُطلقاً، أعودُ مطأطة الرأس،منهكة ، يائسة، حزينة، مُحطمة وخائفة وقد كانت للرب مسحةٌ إلاهية سحريةٌ عميقة تمسح على قلبي حتى تشفى جراحي، لم يغلِق بابه في وجي ابداً ، كانت تلك العاطفة والسكينة التي تغمرني بقربه ما كنت ابحث عنه بين البشر بغباء.

تيقنتُ الآن أن لا أُنس الا أُنسه، ولا حياة طيبةً الا برضاه ، و أن لا أحد يستحقُ حُبيّ الكامل إلا هو🤍 . "

#تنزيل_صابر

ملف 4🧡

" هل تجد نفسك محاطاً بالحمقى؟
اليك كيفية التخلص منهم!."

" نتحدث عن شخصيات وسلوكيات اصحاب النمط الاحمر❤️."

- باب 3 و 4

#قراءة_إجابية.
#تحدي_ديسمبر.

ازيكم؟!

عايزة بس اقول ليكم انو بجد من الناس البحب كلامهم وبطمّني وبهبش جواي حاجة وبخليني اتشجع و اعيد حسابات كتيرة الشيخ "محمد الغليظ" و " امير منير"❤️.

أنا لسة جاية من فيديو شدّة ما حلو عايزة انشرو في أي مكان ، بجد ما قادرة اعبر عن قدر شنو بحبهم وبحب اسلوبهم ،فقررت احبِبكم فيهم 😔❤️وان شاء الله اقدر اسيب اثر طيب عن طريقهم، عشان كدة كل فترة ح أرسل فيدوهات قصيرة ليهم لازم تسموعها ،عسى ولعل تغير في شخص حاجة او يتعلم عبادة تبقى لي صدقة جارية اقابل بيها ربنا يوم القيامة، فربنا يتقبل مننا بس❤️.

-
" اللهم إني أعوذ بك أن أحاط بالنعم فلا أستشعرها ولا أدرك قيمتها، ربِّ هبني قلبًا راضيًا و عقلاً قانعًا و لسانًا حامدًا و شاكرًا لك في كل حين و على أي حال💙."

اللهم صل وسلم على نبينا محمد وعلى اله وصحبه اجمعين.

ملف 5🧡

اصحاب نمط السلوك الاصفر والاخضر 💡.
..
من الملف الفات كدة يداب بدينا بجدية في محتوى الكتاب 😂❤️

الكاتب قسم لينا الشخصيات بشكل عام ل 4 الوان: (احمر ، اصفر ، اخضر و أزرق .)

ملف 4 الفات اتكلم عن اصحاب النمط الاحمر او زي م مسميهو " المُهيمن" .اما ملف اليوم بيتكلم عن اصحاب النمط الاصفر "المؤثر" والاخضر "الخاضع."

يا ترى أنت ياتو نوع ؟؟

اللي متابعين التحدي تعالو في الكومنتات ووروني لقيتو نفسكم في ياتو نمط ؟

ولسه لقدام حتتعرفو على شخصياتكم اكتر .


#قراءة_إجابية.
#تحدي_ديسمبر.