وَكَتَمْتُ مَافي القَلْبِ حَتّى لَمْ أَعُدْ
‏أَدْرِي إذا مَا بُحْتُ كَيْفَ أَقُولُ

‏- مصعب السحيباني

بتحكي :

بت خالي إتزوجت ود عمّها ، أبوها غصبها وحلف عليها فطلعت من المدرسة وهيّ مستواها كويس وبتحِّب الدراسة شديد وبانّية مستقبل حِلو لنفسها جواهّا.
بِمرور السنين جابت تلاتة أطفال وما مُقصِّرة خالص من زوجها أو نسابتّها بعد فترة إكتشفت إن زوجها إتزوج فيها من وراها ولما سألته ليه ما وريتني؟ رد ليّها بكُل بساطة وقباحة فِكّر " عايز واحدة مُتعلمة"!
ما لقت حلّ غير إنها تطلقه وتكمّل حياتها بغض النظر عن كلام المُجتمع وشالت نفسها وأولادها وإتزوجت تاني ولّمت أطفالها تحت سقف واحد وإتملت حياتها محبّة وزوجها التاني قدّرها وإنبسطت أكتر من الأول لأنها كانت "رضيانة بقسمتها وما مغصوبة على شيء " .


صاحبتي إنسانة لطيفة وجميلة تبارك الرحمن إتزوجت بدري وكانت مغصوبة على الزواج فلّاقتها كمية مشاكل وصعوبّات كبيرة في الزواج وفي النهاية إتطلقت لأنه الوضع بقى صعبّ إنها تتحمله جاتني في يوم وهيّ بتقول :
" أنا مُرتاحة شديد لأني إخترت كده وما ندمانة رغم قساوة المجتمع ومبسوطة مع بنتي ".


والدّة إحدى زميلاتي محبّوبة وبشوشة دايماً أيّ زول بلّاقيها بقول ليّها إنتِ لطيفة وعسّل وماف زول بشوف اللي هيّ مارة بيهو ، إتزوجت قريبها من بعيد ولمّا ما لقت تقديّر ولا إحترام أو مسؤولية إتكفّلت بإنها تربي أولادها وتكون قوية رغم قساوة الظروف والأيّام وكل ما زول يسألها من والدّتها ووالدّها بكونوا مستغربين من حكايتهم سوا وكيف هيّ عايشة ف بتقول :
" القسمة و والدّتي ما قصرّت مني في شيء عشان أزعل على فراقهم رغم الفقد للأُبوة والإحترام لسه موجود. "

قال :
إتزّوجت واحدة إختارتها أمي ومع الزمن لقيت إنه في مشاكل دائمة وماف إحترام رغم البقدمه إنفصلنا وأيّ واحد مشى في سبيل حياته والناس لسه بتتكلم .

إتزوجت واحدة إخترتها أنا ومهما إتناقشنا أو حصلت حاجه كبيرة بتحمل المسؤولية لأني إخترت وقررت كده وكنت عايز كده وإنبسطت فكُل تفصيلة سواء كانت مُرة أو حِلوة .


كل حد فينا ح يشوف الحكايات دي بمنظور مُختلف بس أيّ واحد منهم عاين للحتة الح يكون مبسوط فيها وبي قدرته على التحمُّل ..

في مرة إتقال ليّا :

الناس دي ح تشوفك من بره بس ما بتقدر " تشوف الحاصل جوه شنو !..
الحيطان دي مُغطية وساترة الناس حتلقي المُجتمع بتكلّم على حسب هواهُ والتفكير السطحي والعقيم ولازم يحشر نفسه في شيء ما بخُصه؛ حتلقي البنمِّك والببهتّك وحيقول فُلانه أو فُلان فارغ ما كان يكمّل أصلها الحياة دي تضحيات ."

هيَّ فعلاً الحياة تضحيات بس شِّن فايدتها بدون تقدّير وعطاء مُستمر ومحبّة !؟.
أديك وما تديّني ؟.
وأكون الطرّف المجروح ومُستنزّف ليه ده كله !؟

ليّه أختار أعيّش دورّ الضحية وأعاين للقسمة بنظرة سّوداوية واشتغل بِكلام الناس، من إشتغل بالناس مات هماً يخوانَّا إحنا ما مجبورين ندّي دايماً وما نلقى، ما مُضطر دايماً أتحمل بغض النظر عن نوع العلاقة سواء كانت صُحبّة ، معرفة، خطوبة زواج وغيرة ..

ما لازّم أكمل في شيء ناقص ومع زول بحسسني بالنقص وواقف ليّا على غلطة وما بقدّر البقدمه ولا يكون بيني وبينه محبّة الحياة دي كده أخذ وعطاء ما ضرورّي أواصل عشان أسكت المُجتمع وعشان أبوي حلف وأختي إتجننت عليّ وأخوي فعل وترك وأمي عرضتّني للعفو بنعيّش مرة واحدة إختاروا تعيشوها صح وبمنظور تاني ورؤية جميلة !

أي مكان تحسّ نفسك ما مُقدّر فيه تمشي منه ولا أسفاً على المكان ده، بيع البايعك وإشتري الشاريّك وإتحمل المسؤولية❤️.


#في_النهاية :

" دَرب ما يعِزّ ممشاك ، أقصِر خُطاك عنه".


#وعد_الدرديري.
@fadfadah98

الخُذلان عادي بيحصل ..

بس قصـة تمنع نفسك من الأحتكاك بالناس
وتخت لنفسـك حدود وتخلق لي نفسك مساحة آمنـة
دي حاجـة إنت بتستنتجها ..!!

يعني إيـه فلان خذلك ..؟
م شرط عشان تبطل أسلوبك الحلو وتعاملك السمح مع الناس
عشان خاطر فلان خذلك ..

دا بطبعو ناقص ! إنت مالك..؟

الأصل غلاب يا سيدي ومهما حاولت تتجنب الناس في مواقف
بتخليك بدون م تشعر تلقى نفسك بتساعد غيرك حتي لو كُنت محتاج
بتزرع شعور الحب حتي لو كُنت فاقدهُ ..!!

دي صفات عُمرها م كانت صفات ناقـص أو قليل
وإنحنا بطبعنا دائمـاً بنميل للطافة حتي لو كانت قلوبنا خراب ..

ياتو يدوم الخُذلان وقف حياة زول ..؟
يخذلونا بي جاي ربنا يدينا الأحـسن منهم بي جاي ..

"عُمرها الحياة م وقفت على حياة إنسـان💙."

#الواثـق

خلي بالك من ضمن خطوات التعافي من بعض الخيبات والهزائم هو أنك تقرب من صديق بيفهمك وبيحبك وبيهون عليك حتى لو معندهوش حلول لمشكلتك وحتى لو انو لا يملك الا أنه يسمعك بس .

لقاء مع صديق بيحبك وبيفهمك وبيهون عليك حتى لو بتسخروا مع بعض من مشاكلكم دي واحدة من طرق التعافي.

" الأصدقاء هم البيوت الدافئة في غربتنا، الأصدقاء دواء لوحدتنا وهزائمنا♥️ ."


#من_وحي_الجلسات_النفسية
#محمد_طارق.

11:11

" لفترة طويلة من حياتي فضلت متمسّكة بأمنية وحدة اكتر من أي شي تاني ،إتمنيت لو عندي قدرة أني ما اخلي شخص يتألم او يحس نفسه وحيد ، مش في كل العالم على الأقل في محيطي الصغير الخاص ،إتمنيت لو اقدر اشيل كل وجع عن الأشخاص البهموني واللي بجو يرمو علي حمولتهم في فضفضة وبسيبوني عاجزة عن تقديم شي ليهم غير المواساة ، كان في أغلب الأحيان بسيطر على شعور أني " ما كافية ، لو كنت كافية كنت عرفت أعمل حاجة ، كنت عرفت اشيل الوجه ده ." كان جلد الذات واللوم ده اسوأ ما في القصة .

بس بعد كبرت اكتر و وعيت اكتشفت أني عاجزة في ساعات كتيرة استحمل ألمي الخاص ،ولقيت العندي كتير اصلاً فغلبني افضل متمسكة بالفكرة دي.
وعلى قدر السوء الحسيت بيهو بس في النهاية الواحد بصل لقناعة انو كل شي محدود في الدنيا دي، وهو زاتو محدود للأسف ، ولو كان في شي واحد ممكن يهوّن ولو شوية .. هو أننا كلنا على هذه الأرض نتشارك نفس التعاسة مهما اختلفت شدّتها ودرجة ألوانها ،ماف واحد مرتاح ،ماف والله ."


#تنزيل_صابر.
#نصوص_مؤلمة

حوجه مستعجله
مريض سرطان بالمرحله الثانيه
عمرو ٥٦ سنه، فاقد الرغبه في الحياه حقيقي بسبب وضعوا الصحي وتعبان جداً.. باقي ليو تلاته جلسات إشعاع
محتاج دعم مادي

بقيمه 170 ألف فقط،


-للتبرع بنكك 2155179
بأسم ريم محمد
كاش كارد او للتحويل من اي بنك تاني

7222331370341558724

-للتبرع رصيد زين 0960441289
-سوداني 0118021085

نسأل الله أن يفرج كربهم،، ويجزاكم ألف خير وعافية.



باقي من الحوجه دي 67 الف لسه ما اكتملت ياشباب..

الرجاء إرسال الأشعار هنا لطفاً
@ReemaAbase

-

" اللهم ‏يا فتّاح ؛ افتح لنا الأبواب المناسبة لنا ، والقلوب الرحيمة بنا ، والفرص العظيمة لنا ، يا فتاح ؛إفتح المغلق والمتعسّر وأنت خير الفاتحين💙."

اللهم صل وسلم على نبينا محمد وعلى اله وصحبه اجمعين.

صباح الخير
وزي ما وعدتكم ❤️

ح احاول اتكلم عن كم إضطراب او اعلق على كم حلقة أثرت فيني من المسلسل واختصرها ليكم.

إسمه جرعة يومية من اشعة الشمس
Daily dose of sunshine

اسمه لطيف صح❤️؟

المسلسل قصير أصلاً 12 حلقة فقط
بس حرفيا كل حلقة صورت واتكلمت عن مرض نفسي ، والقصص مؤسفة جداً بالنسبة لي
كيف انو المرض النفسي حقيقي اصعب بكتير من الجسدي ، وكيف أنو العقل اللي مسؤول عن التحكم بالجسم كله ممكن بسبب ضغط المشاعر السلبية يحصل ليو خلل يأثر في الجسم كله ويحول حياة انسان كان في يوم شخص بيعيش حياة عيادية لشخص بنفسه من كتر الأوهام يعاني معاناة شديدة ويفقد الرغبة في الحياة ويختار ينهي حياته
ما كل الحلقات نهاياتها حزينة
في قصص بتديك امل ، تطلع منها بحكمة ودرس قد يبدو بسيط .. الا انه السر وكل السر في الحياة .


ح انزل صور كمان ومقاطع قصيرة لتعميق الفهم او المشهد اكتر من حلقة الليلة على قناتي الصغيرة @fadfadah22 .

وما تنسو تفاعلكم يهمني😔❤️
وتعليقاتكم إذا حابين مني اواصل ليكم ولا لا !


متابعة ممتعة.

https://www.tg-me.com/fadfadah22/3593

#لفتة
ح اسيب ليكم في الكومنتات رابط لتحميل حلقات المسلسل إذا حبيتو

• إضطراب الهلع المستمر Panic disorder

بيختلف عن نوبة الهلع اللي بنسمع بيها panic attack

المصاب بعاني من تكرار مستمر وغير متوقع لنوبات الهلع وممكن على فترات قصيرة ،حتى ممكن في اليوم اكثر من مرة.
بتتميز النّوبات بهجمات مفاجئة من الخوف أو الشعور بفقدان السيطرة حتى في حالة عدم وجود خطر حقيقي أو محفز واضح! .

في قاعدة بتقول في الصحة النفسية :" ليس كل من يعاني من نوبات الهلع يعاني من اضطراب الهلع المُستمر."


المسلسل صور الموضوع بطريقة مذهلة لم شبهو تماماً بالغرق ! المريض بيبدا يعاني من ضغط رهيب ، توتر ، يعرق ،ضربات قلبه تزيد وتنفسه كل مرة بيبقى ماشي للأسوا لحدي ما يخش في النوبة ويبقى كانو بيغرق فعلا وما قادر ياخد نفس واحد ،ويفضل يعافر كم ثانية عشان يلقى اكسجين لحدي ما تقيف النوبة براها وينهار .

وللأسف اسباب إضطراب الهلع ما معروفة بالضبط تماماً للآن وده في حد ذاتو سبب مُزعج للمريض اللي بيفضل تايه وما عارف ليه جسمه بيحصل ليو كدة !؟

" يو تشان" هو الصديق الأقرب ل " دا يون" الممرضة و بطلة المسلسل وعلاقتهم طويلة من الإبتدائي ، بتعرف كل اسراره تقريبا إلا قصة انو عندو الإضطراب ده.

هو كان اتخرج من جامعة مرموقة واشتغل موظف في شركة كويسة واسرتو كانت فخورة بيهو بس فجأة ساب الشغل وفضّل يشتغل مع امه وابوه في مطعمهم البسيط ويتولى مسؤلية توصيل الطلبات وكدة ،كانت حاجة غريبة وماف زول عارف السبب الرئيسي اللي خلاهو يسيب الشركة ويضيع مستقبله في عمر صغير على قول اهله ، حتى صحبته واقرب شخص ليهو ما كانت عارفة السبب شنو .

كان حاسس بالحرج من سبب إستقالته هو مشكلة عقلية و نفسية ما عارف يتعامل معاها وخوفه من نظرة المجتمع وانتقادهم وتنمرهم و وصف الحاجة دي بدقة لم قال:

" لان هذا محرج ، ليس جسدي هو ما يؤلمني بل هو عقلي، سأبدو كشخص ضعيف لا يمكنه السيطرة على عقله الخاص ."

في نفس الوقت ممرض مبتدئ كان نزل تدريب مع مجموعة في قسم الطب النفسي ولاحظت ممرضتنا "دا يون " تصرفاته الغريبة وركزت معاه ، كان بيستأذن كتير يمشي الحمام ، فاكتشفت انو بيمشي عشان كل مرة بحس فيها بتوتر بيجيهو إحساس كأنو النوبة حتحصل هسي ، فبيجري على مكان ما فيو زول ويحاول يهدي نفسه .

ودي مشكلة الإضطراب هنا انو المريض بيفضل مركز ومتوتر من قصة متين حتجيهو النوبة تاني ؟ وفي ياتو مكان ، ومن خوفه هو ذات نفسه ممكن يخش فعلياً في نوبة.

لم استشار اطباء ما عرفو السبب الرئيسي من الإضطراب ، فبعضهم قال من التوتر وبعضهم قال انو شخصية حساسة جداً من الصعب تستحمل التوتر والضغط.

من اجمل اللحظات لمن قدرت "دا يون" بمساعدة طبيب تاني تخلي صديقها " يو تشان " يقتنع بحقيقة مرضه و يرضى يقابل طبيب نفسي ويبدا في رحلة التعافي ، وفي نفس الوقت قدرت تطمّن الممرض المبتدئ انو حيقدر يحافظ على وظيفته( رغم انو من الصعب جداً لأنو مهنة الممرض ذات نفسها كلها ضغط حتى اكتر من الطبيب نفسه )
مع إقتناعه بأنو حيكون "ممرض غير عادي" وأنو لازم يتعامل مع مرضه بشكل حقيقي بدل الهروب ، يخففّ من حِدته ويتلقى العلاج الدوائي والسلوكي المعرفي عشان يعرف يتعامل مع نوباته بشكل صحيح وعلى الأقل يقلل من الفترات بيناتهم ، يعني بدل ما تجيهو كل يوم ممكن في الأسبوع مرة ، او ، من اسبوع لأسبوع او من شهر لشهر ..العلاج ما ساهل بياخد وقت طويل ومحتاج صبر زيه زي أي مرض نفسي .

والأهم هو وجود مساحات أمان قادرة انها تكون بمثابة الثقب اللي ينفِّس بيها المريض عن نفسه ، بتقبّله لطبيعة جسمه وعدم التقليل من معناته ومساعدته لم يتعرض لنوبة.


#وفي_النهاية:

" ثمة طريقة واحدة للتخلص من القلق ،هي إيجاد آلية آمان للمرء ، شخص يمكنكم إطلاعه على ألمكم والذهاب إليه للحصول على مساعدة ، شخص سيكون موجوداً من أجلكم حين تطلبون العثور على ثقب تتنفسون عبره في اثناء الرتابة الخانقة للحياة اليومية♥️."


#تنزيل_صابر.

@fadfadah98

وكمان حابة انو قناتنا الألطف
"خواطر من القلب "

تفضل منورة التلي ونستمر فيها ننشر نصوص مميزة للكابلز والسناقل واللي عايز تحفيز واللي بفتش على نص حزين يوصف حاله وكل حاجة ممكن تعبر عننا.

خشو هنا وخلينا نكبرها❤️
https://www.tg-me.com/Yakoziyat


مع #بعض_من_اللطف
بصوت حبيبتنا ريما عباس

مساء الخير♥️

في جملة عظيمة للمناضلة أساتا شكور بتقول:

" لا أحد في العالم، ولا أحد في التاريخ، قد نال حريته بمناشدة الحس الأخلاقي لمضطهديه )).


في وجهة نظري من البلاهة ان شخص مظلوم يتخيل انه ممكن ياخد حقه من الانسان الظالم من خلال انه يواجهه بظلمه ، او أنه يذكره بعقاب ربنا لي او قد ايه هو شرير و سلوكه غير أدمي !

و الوضع نفسه مع الشعوب المقهورة او الكيانات الاكبر المظلومة ، الحقوق عمرها ما بتيجي بإستجداء التعاطف او الرحمة ..

فالحقوق مش بس بتُنتزع ..
لأ ده انت لازم تبقي مفترس في حقك ! مجرم مجنون تجاه اي حد يفكر يجي عليك او يتعدي علي حقوقك !.
لأنو الظالم بطبعة جبان لو مصدقش فعلا أنك ممكن تولع الدنيا عشان تاخد حقك..هو معندوش اي مشكلة يكمل في ظلمه و يتفشى فيه .

و عشان كدة اول و أهم خطوة في أخد الحق هي الشراسة في طلب الحق ، لو مش حتعرف تبقي شرس و قاسي في استرداد حقك ، انساه ..
فحتى و لو مش قوي 100% بس خصمك مينفعش يحس انك مسكين او مهزوز ، مينفعش اصلا تطلب حوار معاه و تقول له :" لا ميصحش كدة او عيب عليك انا مكنتش اتوقع منك كدة .."

حط في بالك !
انت مضروب بس مش مكسور
خسران معركة بس مش مستسلم
متألم بس ألمك عمرو ما حيمنعك من استرجاع حقك .

ففي النهاية مفيش ظالم بيرجع حق حد بحوار او منطق ، إنما بالقوة و التجبر .


#على_الهامش :

" لا أحد ينهزم في معارك الحياة بسبب افتقاره إلى القوة ، نحن ننهزم لأن رغبة الإنتصار تخمد في منتصف المعركة ،و ذلك ما يعرف باليأس !)).


#كيرلس_بهجت.
#خلي_بالك_عليك.

@fadfadah98

ياجماعه !
بجد سبحان الله الواحد مرات بتصرف تصرفات وهو مافاهم فيها اي شي وبيتعامل مع ناس هم زاتهم مافاهمين نفسهم ولا عارفين تصرفاتهم دي صح ولا غلط !

مثلا ، كم واحد فينا عايش بشخصية المنقذ! اللي هو الصاحب الجدع البقيف مع كل الناس ويسند كل الناس بكل الطاقه والقوه العندو ! ، وهو نفس الشخص اللي لما يحصل ليهو شي ويحكيهو للناس ديل نفسهم ما بيدوهو اهتمام زي ماهو بيعمل ليهم!

الانا فهمتو بعد مده انو ممكن الناس ديل نفسهم ما متزكرين قصتك ومعاناتك الحصلت ليك لانك ماقعد تحكي عنها بستمرار زي ماهم بيحكو قصصهم ،ف بالتالي قصتك اتنست عادي !
لكن الماعادي انك لسه مستمر تقيف بنفس الشموخ معاهم حتى في الوقت اللي انت بجد ماقادر تسمع فيهو صوت نفَسَّك انت خليك من اي شي تاني !

المصيبه انو البنعملو ده ما اسمو جدعنه او رهابه ،ده اسمو ظلم لنفسنا لاننا جينا عليها شديد بسبب اننا كل مره بنمثل اننا تمام ونتعامل عادي ونحنا ما تمام ابدا ..

بختصار .
ماف زول قال ليك ابقى كعب ، بس انا بقول ليك لما تكون ماطايق نفسك ،ياريت ماتجي عليها ، وعلى فكره مافيها شي لو قلت لأصحابك انك تعبان وماقادر تتكلم معاهم هسي وتسمع قصصهم ،بس تهدا بترجع ليهم .
وهم بجد لو كانو بيحبوك واصحابك فعلا حيتفهموك جدا ، لانو الصداقه الحقيقيه هي انك تتقبلني حتى في اسوء حالاتي اللي (ما بتجي عليك ) ودي نقطه مهمه جدا !

ومافيها شي لو كنت من غير اصحاب ،ولا انك تكون مع اشباهه اصحاب .

وبس .

#فقرة_دروس
#اتعلمت_شنو
#لينا_عوض

صباح الخير ناسي المميزين❤️

عايزة استشيركم في حاجة لو حينفع :)

عايزة الناس اللي عندها مصران/قولون عصبي تجي في الكومنتات تحت توريني تجربتها مع المشكلة المزعجة دي ..

وشنو الحاجات البتشربوها او تهديكم وتهدي ليها القولون لأنو عارفة انو ماف علاج نهائي ليهو وخصوصاً انو بتأثر بال stress والحالة النفسية شديد
كيف تتأقلم وتتعايش معاه؟!

وانا زاتي بوريكم الحاجات النفعتني.


يارب الناس البتعاني من القصة دي تلقا حاجة تفيدها هنا❤️

دايماً بقول أن الناس البتابعوني هم الأفضل والأحن على الإطلاق، شكراً لكلامك اللي مافشل ف أنو يغير مودي بصوره غريبه.. 🥹💗🌷

يحليل حلقي النشف وانا بحنس فيها ..

تجي وحدة زي الفراشة كدة بكلمات ساحرة تقنع لينا الاستاذة وتحفزها لينا ❤️😂

شكرا مني أنا دي عشان رسلتي رسالة حلوة زي دي لصحبتي ، شكراً عشان عبرتي بلسان كل شخص بتابع ريما وبحبها..
شكرا عشان دايما الواحد في حالة بحث داااائمة عن اقتباس ، نص ، صورة whatever بس حاجة تعبر عن مقدار المحبة تجاه شخص ما ❤️

so I,m really appreciate wallahi