" ‏ستجديني معكِ
‏دائمًا
‏أُشاركك الضحكات
‏وأختلقُ النُكت
‏وأنسلخُ من شخصٍ
‏جاف
‏إلى آخرُ ظريف
‏من أجل أن يبتسمُ وجهك
‏الذي أُحِب
‏الذي اتأهبُ دائمًا
‏لفعلِ كلَّ شيء
‏حتى أراهُ ضاحكًا ومبتهجًا
‏ستجدين اليدين التي تربتُ على كتفيك
‏والفؤاد الذي يحاول من أجلك
‏و الروح التي تصبحُ ملاذًا
‏لك " .


لـ تنزيل صابر ❤️.

بيقول لك :

" The strongest people are the ones who are still kind even after the world tore them a part."

يعني : " اقوي الناس هما اللي بيفضلوا طيبين حتي بعد ما الدنيا تدوس عليهم ."


اول ما تقرا الجملة ديه تحس بتناقض ..
هو ايه القوي اللي الدنيا تدوس عليه ؟؟!

ده اصلا الواحد بيتقال عليه قوي عشان محدش يقدر يدوس عليه ..

بس لما بتكبر و بتعقل بتعرف ان معايير القوة مبنية اصلا علي قوة التحمل ، قوة المقاومة ، قوة انك تفضل زي ما انت مهما اتداس عليك.!


فتخيل الدنيا داست علي الواحد و ورته اقذر و اقسي ما فيها ، و بالرغم من كدا هو بكل روقان و سلام نفسي تعامل مع اللي حصل له كانه ولا حاجة !!
اللي هو جبل مش شوية هوا يهزه !

مهما يجي عليه كله تحت رجله ..

فالقوة هنا ان مفيش حاجة تقدر تجبرك تتخلي عن طبيعتك الطيبة عشان خايف ليتم استغلالها ، تجبرك تقسي قلبك عشان مش عارف تحميه ، تجبرك تتحرم من المحبة و العطاء عشان مش قادر تمارسهم مع اللي يستحقوهم .


في جملة بتقول:

" لينكسر قلبك مرة تلو المرة وإلا كيف له أن ينفتح".

أنا كنت من أشد أعداء الجملة دي، وبعيدًا عن معناها الصوفي، حاليًا بقيت أحس بمعناها العام..

محدش بيتحرر غير لو أقر بهزيمته..
محدش بينجح غير لو اعترف بفشله..
محدش بيلاقي الطريق غير وهو في عز التوهان .

وأحب أعترف إن كسرات قلبي المتتالية عامةً هي اللي خلتني شخص أرق..
وقبولي للخسارة هو اللي خلاني أكسب..

زمان كانت بتجيلي نوبات غضب سببها رفضي الاعتراف بهزيمتي أو ضعفي..

لإنه كنت " أحا أنا متهزمش وحاجة في منتهى ( مفيش بنت متحبنيش).

لكن اكتشفت إنه نقطة قوتي في الحياة إنه أعترف عادي بكل نواقصي، وإن نواقصي مش لازم تكمل ، راحتي في تصالحي معاها..

رحلة الإنسان رحلة تصالح، ومغفرة ومحبة للذات، وحقيقي الإنسان في آخر الرحلة بيقابل نفسه.. وبالمناسبة الكنز بجد طلع في الرحلة❤️.


#على_الهامش


" ولكنك بعد فترة من الزمن ستعرف أن الله لو تركك لإختياراتك لغرقت."

#كيرلس_بهجت.

@fadfadah98

الحرب بتخلي الزول يشوف حَقيقة كل شَيء .. حَقيقة نفسو وقلبو وأصحابو وأهلو.. وحقيقة الدنيا زاتها والشيء الوصل ليهو .. بيخلي بَصيرتو تدرك جَمال الأشياء الَّمَرَّت عليهو واتجاوزها وهو مستعجل .. حيقرب مِن ربنا اكتر واكتر ، فَيجعل الله مِن كُلّ ذَرَّةِ حُزنٍ في نَفس عَبده “نوراً” يُضيء بِه بَصيرته حَتّى يُدرِك هَوان الدُنيا برغم جَمالها.. وحَقيقة الأشياء...

-
" أسأل الله أن يتعافى كل حزين من حزنه الذي يكتمه عن الناس ولا يعلمه إلا الله، وأن يجبر كلّ مكسور يتظاهر بقوته لغيره، وأن يُفرّج كربة كل مكروب يدعو الله سرًا وعلانية."

اللهم صلي وسلم ع نبينا محمد وع اله وصحبه اجمعين 💙.

هذا المساء..❤️

وِليانكُم وين؟!

قبل فترة اتواصلت معاي واحدة بعرفا من قروب فيسبوك هنا، والدتها عيانة وأبوها ضربوه ناس الدعم السريع وراقد بي إصابة وهي أكبر البنات واخوانها صغار شديد (وهي عمرها ما فايت ال19 سنة)

المهم، من صحباتي جاي وجاي جمعنا حق العلاج لي أمها، وجمعنا ليها هي حق مشروع زلابية (دقيق وزيت وسكر وخميرة والتفاصيل دي)

جنب باب البيت، تخُت من الصباح الكانون وترمي اللقيمات وتبيعها
ومن مشروع زلابية بسيط
عالجت أمها
عالجت أبوها
ماسكة الأكل والشراب في البيت
دخَّلت أخوانها الصغار المدرسة

دي بت لسه ما دخلت الجامعة ولا في زول قرَّاها الكِفَاح في المدرسة، اتعلّمت في مدرسة الحياة دي وجات الأولى !

اتواصلت معاي خالة قبل فترة برضو، زوجها سافر خلاها عشان هو عندو جواز لكن هي والعيال لأ!
خلاها للدنيا والشَّقَا
جوَّعَت عِيَالها؟؟ أبدًا !!
برضو من جاي وجاي جازفنا حق إيجار شهر لي بيت تسكن فيو هي والبنيَّات الصُغار ديل، وبَدَت مشروع لقيمات، وغسيل ومكوة
دفعت الإيجار
لمّت بناتا عليها
دخَّلت البنات المدرسة
مسكت المصاريف وشالت الهَم الما شالوه الرَّجال!!

كل دائِرة صحباتي بما فيهم أنا
تبارك الله، حاليًا هم الماسكين البيوت والمصاريف والإيجار،

الفي يدها ما حقتها، تعالِج العيان، وتكسي العريان وتكرِم الضيفان،
دي ياها الما عندها وِليان؟؟

ويجي واحد قاطع موضوع داير يعمل من محتواهو ترند يقول البنات كلهم دايرين يبقو بزنس وومن، ودايرين يبيعو كريمات وهدوم من شي إن!! ويجي التاني يقول ديل بنات ما عِندهن وِليان

الما عندهن وليان ديل فاتحات بيوت وماسكات أُسَر وساترين عِرضهم!

الواحدة فيهم مستعدة تقيف في الحر تبيع تسالي في السوق ولا إنها تشوف أمها عيانة ولا زول جيعان

صحبتي خريجة الهندسة كانت في الحـ**رب دي بتبيع فَحم عشان تشيل روحا وناس بيتا
والزيَّها كتار، إن شاء الله ربنا يبارك صحّتِن، وإن شاء الله تشيلن عافيَتِن زي ما شالن الهَم، وزي ما شالن البيوت فوق راسِن

الأولاد اليومين ديل أظن غالبهم البسوّهو قالو يتظارفو حبَّة!
أنا بحترم أي راجل شايف شغلتو وقايم بي مسؤوليتو على أكمل وجه، لكن الظرافة الما في محلها دي ماف داعي ليها وكل زول يتخافف يستاهل ياخد على راسو
عشان في بنات هنا
خاطرِن إنكسر
وضهرِن اتقصَّا بي وراكُم
وعمومًا يا بنات، الشايلة روحا وأهلها، والحافظة نفسها وماء وجهها من سؤال الناس، اصلو كلمة ما بتهزّها

والبنات عدّاهِن العيب واللهِ، ربنا يبارك في كل واحدة كايسة الرزق الحلال عشان أهلها، رُجال انتن ديل واللهِ❤️❤️.


#صفِيَّة_مُصطفى.

‏" يارب حتى و أنا على الحافة تمامًا إحدى قدميّ تُدرك حتمية السقوط، بينما الأخرى متأكدة من أنَّكَ ستُحيلُها جناحًا ♥️.))



أنا مؤمنة انو رغم التعب النفسي والحزن الشديد اللي بتفرِض علي في فترات معينة انو محبّة ربنا واستشعار قربه كانت ولا تزال اعظم احساس بهوّن علي كل حاجة..

إحساس اني قادرة أستشعر الرحمة الإلهية والقشعريرة اللي بتدُب في اوصالي لمن احس انو -بعظمته - شايفني !
عايش معاي تفاصيل الحكاية ، شايف اللي ماف زول شايفه،واللي لو فضلت عمر أحاول اوصف فيه مشاعري ما ح اعرف ..

شايف أنا كنت وين وبقيت وين ؟!
شاهد على معافرتي عشان ابقى أحسن
جِهادي ومعاركي النفسية
أمالي العالية رغم ضبابية التفكير وسوداويته ..

شايف حوجتي ودايماً شاملني بـلُطفو ولو على هيئة شخص حنين يجبر بخاطري
يحسسني بقربه
بـ كلمة تنسيني اوجاع كتيرة
بـ سندة وكتف لمن أميل
بصوت ، لمسة او موقف لطيف بكون في أشدّ الحوجة ليه.


الحمد لله ألف على المحبّة العامرة قلبي..
على الايمان وعلى نعمة الإسلام
يارب رضاك وقُربك يَسعني دايماً ما حييت."



#على_الهامش ..


هذا المساء ♥️

" استندُ على الله ..
لأنه اكثر الأشياء ثباتاً في هذا العالم ،
تلك العلاقة المُقدسة المُبهجة التي
لا يسعني اتساع المترادفات وكثرة
الكلمات لوصفها .

لقد استندتُ عليه في ضعفي ،انكساري،
في اوقاتي العصيبة التي مرت ، وحين خسرت
الجميع ، وحين كرهت نفسي ، وحتى حين
تمنيت ان تنتهي حياتي ، لطالما كانت له تلك
القدرة العظيمة في جبري ، في احتوائي
عندما أشعر بالرفض من كل شي ، سأظلّ
احبّ الله حباً أزلياً لن يضاهيه أي حبّ ♡."




#تنزيل_صابر
#الكثير_الكثير_من_الحب.

صباح الخير حباً من بدري 🌷


بيقول ليك :

" طول ما أنت واقف قدام اللبن عشان يغلي ما حيغلي .. وأول ما تلف وشك تعمل حاجة ترجع
تلقاهو فار ودفق كمان..! "


في واحد مرة لاقاني عرّف الصبر بطريقة جميلة ومميزة مُستدلة من الفكرة دي نفسها

قال:

"هو فن العثور على شئ أخر تقوم به ! "


شوفتو الفهم ده عميق كيف؟!

أحيانًا الصبر بتلاقيه مُر عشان أنت قاعد مركز جداً على حدث معين مستنيهو يحصل ..

وسُنة الكون بتقول إن كل شيء لازم يأخذ وقتو (الطبيعي) فـ تركيزك ده بصعّب عليك الصبر ويحسسك بطول المدة الطويل

على عكس لو كُنت شاغل نفسك بحاجات تانية، ولما يجي الفرج حتحس إنه جاء في وقته بالظبط لأنك ما كنت مركز معاهو التركيز البرهقك نفسيًا √ .


فـ حاول يكون عندك "مؤانسة للزمان💕."

يعني الوقت اللي بين الحدث والفرج إستغلوا قدر المُستطاعة في حاجات تنفعك لأنك حتعيشو حتعيشو ..

فـ تركيزك المبالغ في الفرج ما حيغير توقيته ..
وقعت ليك ؟!.

.


#لفتة
- الصباح بواسطـة الريـم🌷📸.

هذا الصباح ..


"انت ما بتحبني انا ..أنت بتحب فكرة معينة ختيتها في رأسك عني ،أنت اصلا ما أديت نفسك فرصة تعرفني . "

..
في فيلم وداعا جوليا أكرم كان بحب منى شديد وبخاف عليها ..دي حقيقة غير قابلة للانكار ..بس مشكلتو الوحيدة انو كان بحبها بطريقتو هو ..وبالزاوية اللي هو شايف بيها معنى الحب ده
..
صح منى كذبت كم مره في الفيلم ..والحاجه دي تتحسب عليها ..بس هي م كذبت عشان هي زوله كعبة هي كانت بتكذب لانو أكرم ما مديها الأمان الكافي عشان تعبر عن نفسها ..عن شعورها..عن احتياجاتها ..او عشان تحكي القصة كاملة
..
عشان هي كانت قاعدة براها ..وما عندهم اطفال جاب ليها عصافير وقال ليها جبت ليك العصافير ديل عشان يونسوك ..كان بتشاف انو شعور لطيف منو ..بس بعد زمن لما اختارت انها تطلق سراح العصافير ..زعل منها وقال ليها بتاخدي قرارات عاطفية غبية من غير ما تشاوريني
يعني حتى ما كلف نفسو يسألها عن احساسها والسبب الخلاها تطير العصافير
واصلا من البداية هو ما عارف انو العصافير دي حتسعدها او لا ..بس كان شايف انو دي الطريقة المناسبة والمنطقية من وجهة نظرو
..
اكتر مشاهد اثرتني في الفيلم لما كانت بتمشي الدكتور براها ..لما تبكي براها ..لما تسرح بعيد براها ..كنت بحسها وحيده بالرغم من انها متزوجه ..وعايشه في بيت حلو
وعربيتها في يدها ..بس واضح شديد انها ما مبسوطة
وقتها اتذكرت جملة صحبتي لما قالت لي انا خايفه بعد اتزوج هروب من الوحده ..برضو احس اني وحيدة
..
منى كان عندها energy حلوة ..صوتها حلو ..حركتها في البيت حلوة.. عندها جانب انثوي لطيف..بس لما يجي أكرم البيت بحسها بتتحرك زي الروبوت ..بتعاين ليه بنظره بتاعت خوف..بتتعسم معاه في الكلام واضح شديد انها ما عايشة معاه بهويتها الحقيقية
..
أكرم كان مجرد راجل بأدي ادوارو الروتينية ..بتعامل مع أي حاجه من باب الواجب ..ما حصل سمع منى للنهاية ..او أداها زمن كافي تحكي فيه كاحتياج طبيعي عند اي مره قاعده ف البيت محتاجه فيه لونيس
..
في النهاية لما منى اتشجعت وواجهتو بالحقائق الكانت داساها عنو ..السيناريو كان حقيقي شديد
لما قالت ليه " انت بتكذب على نفسك ..أنت ما بتحبني انا ..أنت بتحب فكرة معينة ختيتها في رأسك عني ، انا ما الزولة الفي راسك ..أنت اصلا ما بتعرفني انت ما عارفني بحب شنو وبكره شنو ..اتعرف علي اكتر يمكن تحبني ."

بس ردة الفعل بتاعتو بكل بساطة قال ليها الصباح لملمي حاجاتك و امشي اهلك واعملي العايزاه هناك ..

وهنا اثبت بالجد انو هو كان بحب منى برسمة معينة راسمها في خيالو ..وما عايز يواجه الحقيقة ويشوه الرسمة دي .. وانو هو شخص نرجسي .
..
السيناريو ده اكتر سيناريو واقعي ..وحاصل في المجتمع السوداني
معظم الطلاقات البتحصل ..بسبب إنو الطرفين ما فاهمين حقيقة بعض ..او احتياجات بعض ..او لغات حب بعض..ماف quality time ..او نقاشات او أرضية مشتركة
..

من وجهة نظري ..

ما تتزوج اذا ما كان عندك الاستعداد انك تشارك شريكك كل حاجة بتحصل في حياتو ..ولو ما كنت مستعد تفهم لغة حبو وتحبو عن طريقها .


" ان تحب أحدهم يعني ان تعرفه اكثر من نفسه وان تكون الشاهد الأول على كل ما يحدث معه ❤️" .

#Malaz_Ali

-

" للهم يا أمان الخائفين، أعطنا من الأمان ما يكفي للتغلب على ما نخافه، ومدّنا بالطمأنينة كي نتجاوز الأيام إن ثقلت، وألهمنا صبراً على ما لا نطيق" .

اللهم صلي وسلم ع نبينا محمد وع اله وصحبه اجمعين 💙.

مساء الخير حباً..💕


لُطفا محتاجة دعمكم لي ع حسابي الشخصي ع الفيسبوك🥺

الفترة الجاية ح أركز ع الأكاونت أكتر، المحتوى حيكون مختلف والنشر حيزيد


https://www.facebook.com/profile.php?id=100015292605559&mibextid=ZbWKwL

Dear Diary

I’m no longer impressed by big job titles, social status, or big bank accounts. I’m impressed when someone treats others
with kindness. Not for attention, not to
gain followers, and not for social media.
Just genuine kindness that comes
straight from the heart. ❤️

أحياناً ..

في نهاية اليوم

بتكون شايل إرهاق اليوم كله على اكتافك

وطاقتك بتكون منخفضة خالص

ورغم كدة قد تتفاجئ بإحتياجات بعض الاشخاص حوليك لدعمك النفسي

حتحس بضيق شديد وتعبك قد زيد لأنك انت زاتك في الوقت ده أحوج ما تكون للدعم

من حقك
تقرف !
وتعمل الفون silent
وتتجاهل كل الرسائل والناس وتعزل نفسك وتبطل ترد عليهم وتتجاهلهم
عادي جداً !
اوعك تحس بالذنب انت ما عملت حاجة غلط

ده الصح .. ده المفروض تعمله √
ولو ما عملت كدة وجيت ع نفسك يبقى انت عبيط وظالم نفسك ( مع احترامي ليك)

ولانه من الساهل جداً ندخل في دائرة جلد الذات وندبرِس روحنا فـ حبيت اوضح ليك بس انو نفسك دي فوق كل حاجة 💕.

أعمل البريحك دايماً وسيب التبرير الكتير 💕.

#خلي_بالك_عليك
#تنزيل_صابر.

صباح الخير..

البوست الجديد نزل🌷

تعالو اظهروا لي❤️❤️

https://www.facebook.com/share/p/m8tkyddbEGnhdVDT/?mibextid=oFDknk

"أن يُهديني شخصُ ما
سلسلة على شكل -شمس-
ويُخبرني
-إنني شمسهُ الوحيدة في عالمه المُظلم-
يُمكنُني بعدها أن أتوهج لإعوام❤️"

#بعض_من_اللُطف
#ريما_عباس 🌷

- ايه العُمق ده؟❤️

عاينو أنس سرحان كيف😂؟!

الحلقة دي كانت تحفة شكلها شبه حلاوة نسليهان ..متحمسة احضر حلقتها كلها🥺❤️

واكيد ح انزل ليكم مقاطع منها .

بتكلم مع أهلي قبيل وبسألهم أها الوضع في المدرسة النزحتو فيها كيف وخبركم شنو والفي منو والمافي منو وكدا ..

أها بتكلم مع مرت خالي قلتا ليها يما وين؟
قالت لي نحنا في فصل سابع وأمك في فصل سادس ادعي ليها الله يوفقا بس في الامتحانات🤣❤️
مكالمة استمرّت حوالَيّ ساعة دموعي كانت جارية فيها من الضحك
بعدما عشتا أيام وليالي من الخوف والقلق على أهلي بعد طلعو من قريتنا في الجزيرة_ ام عضام !

قبل المكالمة بي دقايق بسيطة كنتَ شايلة النهار كلو طنطنة وزهج عشان ما عندنا كهربا، فبالتّالي ماف هيتر، فبالتّالي ح نشتغل بي واقود وفي حال الرفاهية=فحم!! ده غير السخانة والكتمة والحَر
بقيت أقول سبحان الله أنا متجرسة كده وناسية أشكر ربنا إني قاعدة لَي في بيت ما مدرسة، بغض النظر عن باقي الحال!
ضحكهم وونستهم دي ذكرتني قبل أيام لمن بتكلم مع أختي بقول ليها أها المطر العليكم ده عملتو فيو شنو
وهم شِبه قاعدين في الشارع!

(شرَّدونا من بيوتنا في الخرطوم، نزحنا الجزيرة
وبيوتنا الفي الجزيرة؟؟ حليلا بارد زيرها ..!💔)
المهم
قالت لي بي كل الرضا
الحممممممدلله يا صفية تخيلي الزاوية الأنا قاعدة فيها الموية ما قاعدة تدفّق فيها لمن المطرة تصب لكن باقي الناس المعاي في الأوضة بتبشتنو واللهِ
بتقول في الكلام ده وهي المطرة بتكون صابة في أولادها من تبدا لامِن تقيف!
الموقفين ديل خلوني أعيد النظر في الضجر العندنا ده
نحنا حقيقي جاحدين نعمة وما حاسين بي الخير العندنا

مهما كان وضعك صعب
في ناس وضعهم أصعب منك وبرضو رضيانين
مهما كنتَ تعبان
في ناس أشد منك تعب لكن رضيانين
اتذكرتا صحبتي لمن المطرة ملت ليهم بيتهم وشغالين اليوم كلو يغرفو في الموية بي الجرادل والطشاتة
يضحكو هي واختها قالت ليها عاد واللهِ ناس أوروبا فايتة عليهم جنس فعاليات، هسي هم هناك شدة ما زهجانين وقاطعين موضوع بمشو يعملو زي فعالياتنا دي بالقروش🤣


فياخوَنَّا السعادة واللهِ أبدًا ما إنك تكون كل حاجاتك متاحة ليك ومكتملة
السعادة حاجات ناقصة بتكَمِّلا بي رِضَاك♥️



#على_الهامش :

اتذكرت الآيه الكريم:
"و لسوف يعطيك ربُّك فترضى"

انَّ ذَروة عطاء الله للعبد ليست السعاده ؛ لأنَّ السعاده شعور مؤقت زائل ، و لكن ذَروة عطاء الله للعبد هي الرِضا خاصةً في مواطِن الإبتلاءات 🌸

لذلك الله تعالى لم يقُل (يُعطيكَ) (فتسعد) بل .. قال (يعطيك) (فترضى)♥️.



#صفِيَّة_مُصطفى.