"اولئك الذين
ملأتُ حياتهم
سيُحدِّثهُم عني
وقتُ الفراغ."

" في وسط حديثي مع صديقتي يومًا، قطعت الحديث وأخبرتني أن ملامحي هادئة ووجهي جميل، أكملت الحديث، وانقضى اليوم، ومرّت الشهور، وما زلت أتذكر كلماتها كلما تطلعت للمرآة وأبتسم بسببها، وداخلي امتنان كبير لها..🌷

هكذا تفعل بنا الكلمات..

إما نقطة بيضاء تعلق بقلبك للأبد، أو سوداء تنحفر في قلبك ولن تُمحى للأبد أيضًا❤️."

#آمنة_محمد.

@Yakoziyat

هذا المساء ♡

في واحد كان كاتب إقتباس لفت نظري، بيقول :

"غالباً انت مش بتبعد عشان تخلي حد يعرف قيمتك ، انت بتبعد ف اللحظة الـ انت بتكتشف
فيها قيمتك.

وفعلاً الواحد فينا بيبعد بعد محاولات عديدة وفرص تكاد تكون قضت ع طاقته ونفسيته، بيبعد لم يلقى إنه د ما كان مستاهل كل الـ حصل معاه بسببهم ،ماف حاجة كانت مستاهلة كل ده.

#سمعت_جملة_بتقول.

" رغم كلّ الثبات الذي أظهره، إلّا أني بحاجة إلى كلمة واحدة تميل قلبي، وتهزم خوفي، وتزيل عن كتفي ثِقل العالم".

كـ إعتراف ..

أنا ما بعدت عشان اعرف قيمتي عند الحوليني وهل وجودي وعدمه حيفرق ولا لا ؟!

أنا بعدت عشان أحمي نفسي
وبزيد كل يوم في طول الجدران البتفصلني عن الناس .

عشان أنا عاشرت كتير وشوفت بعيوني كتير وسمعت كتير سدّ نفسي وكل يوم بكتشف سوء الناس ، خبث النوايا حتى من اقرب اقرب ناس لي.

أنا ما وحيدة
أنا اخترت وحدتي بنفسي
اخترت نفسي
اخترت راحتي

ايوة لكل حاجة في ضريبة
بس هو كدة كدة أنا كان دايماً الإحساس ده مزروع جواي حتى وانا في نص الأصحاب كنت بحس اني براي،كأني من كوكب تاني.

أكيد الواحد ما حيقطع علاقته بكل البشر وحيعيش في جزيرة نائية .

يظل الإنسان كائن إجتماعي مُحب للأُنس والتواصل ما مع أي كائن وخلاص، لا مع بني جنسه بالذات.

بس بقى من المريح بالنسبة لي اني اتكلم لم احتاج فعلاً اتكلم
احكي عن نفسي متين ؟ ولـمنو ؟
بعرف البيتحكي والـ ما ينفع يتحكي لزول.

بعرف هل ينفع أخت ثقتي هنا ولا أصبر شوية ما أتسرع ؟

بعرف هل الطريق ده من ملامحه الواضحة لي دي بيستاهل اواصل أمشي فيه ولا اقيف هنا كفاية ؟!

ولسه الواحد في الدنيا دي ياااما حيتعلم غصب عنه حاجات ،ويكتشف في الاخر أنها خير ليه.

فهمه وإدراكنا بيزيد مع الوقت .

أنا عارفة انو دي مرحلة جديدة من حياتي
عنوانها "العُزلة"

دخولي ليها في البداية ما كان بيدي،بس مع الوقت لقيت اني بخوض فيها بإرادتي .

وعندي فضول اوصل للنهاية و اعرف ح ألقى شنو ؟ وح اطلع بشنو منها ؟! ومهما كانت النتيجة أنا المسؤول الأول والأخير.

أنا براي في الطريق ده.


- على آخر الليل.
- تنزيل صابر

‏الناس بقت تخوف بطريقة ممكن تخليك تقعد فِ بيتكم مش عاوز تشوف غير الأربع حيطان الي في اوضتك

ما أسوأ حاجة يعني
و مالها الحيطان ؟!
الحيطان ليها وِدان (ع قول المصرين )
بتعرفنا اكتر من أي زول
وشاهدة على حاجات كتيرة وحكاوي طويلة
سقف البيت زاتو البنقعد نسرح فيه نعمة
في بيوت مافيها أسقف صح ؟

وبعدين النباتات زاته كائنات حية
بتسمع و بتحس، بتشرب وبتاكل وبتتعبّد ربنا

ما كل الناس عندها مَلكة أصلاً ويدها خدرة وشاطرة وبتفهم في الزراعة والعناية بالنباتات
الواحد يتعلّم يفهم عالم الطبيعة احسن .

والحيوانات كمان ممكن الواحد يحسّن علاقته معاها ،الحيوانات وفيّة على الأقل!.
ما عندها لا حقد لا غٌلّ بتتعامل بفطرتها السليمة.

وكلما الواحد ركّز في جودة حياته وفهم نفسه و قلّل من وجود الناس ما خسران والله ،اثبتو لي خسران شنو بس؟!

Quite ᰔ

🩵🩵
🎥: Our blue.