በሞዛቢክ ዝናብ በቀላቀለው የአውሎ ነፋስ አደጋ የሟቾች ቁጥር 120 ደረሰ።

በሞዛቢክ ዝናብ በቀላቀለ የአውሎ ነፋስ አደጋ የሟቾች ቁጥር 120 መድረሱን የሀገሪቱ የመንግስት ባለስልጣነት አስታውቀዋል፡፡

በሃገሪቱ ሰሜናዊ ከፍል የተከሰተው እና ሳይክሎን ችዶ የሚል ስያሜ የተሰጠው ይህ የተፈጥሮ አደጋ፤ 900 ሰዎች ላይ ከባድ ጉዳት ማድረሱም ተጠቅሷል፡፡

በሰሜናዊ ሞዛምቢክ ካቦ ዴልጋዶ፣ ናምፑላ እና ኒያሳ በተባሉ ግዛቶች የሚኖሩ ከ700 ሺህ በላይ ሰዎች አደጋው ተፅዕኖ አንዳደረሰባቸውም ተነግሯል፡፡

የሀገሪቱ አደጋ መከላከል ብሔራዊ ተቋም፤ በአደጋው 110 ሺህ መኖሪያ ቤቶች፣ 48 ሆስፒታሎች፣ 186 የኤሌክትሪክ ምሰሶዎች፣ 9 የውሃ ማስተላለፊያ ቱቦዎች እና 171 ጀልባዎች መውደማቸውን ገልጿል፡፡

ሳይክሎን ችዶ የተሰኘው ይህ የተፈጥሮ አደጋ በሰዓት 200 ኪሎ ሜትር እንደሚያካልል ኤፍፒ የሃገር ውስጥ መገናኛ ብዙኃን ጠቅሶ ዘግቧል፡፡

በደቡብ ምስራቅ አፍሪካ ከተከሰቱና ብዙ ውድመት ካስከተሉ ውሽንፈሮች በ4 ደረጃ ላይ የተቀመጠው ይህ አደጋ፤ በቀን ብቻ እስከ 250 ሚሊ ሜትር ልኬት ያለውን ዝናብ ቀላቅሎ እንደሚዘንብም ነው የተለፀው፡፡