🟢🟡🔴
ኅዳር 8 | ቅዱሳን አርባዕቱ እንስሳ (ኪሩቤል) የቅድስት ሥላሴን መንበር ለለሸከም የተሾሙበት መታሰቢያ በዓል ነው።

በእውነት ያለ ሐሰት #የቅዱሳን_አርባዕቱ_እንስሳን ነገር መናገር፣ ማክበርና መዘከር ለእኛ ለክርስቲያኖች ይገባል።

ከቅዱሳን መላእክት መካከል ትልቁን ሥፍራ ዛሬ የምናከብራቸው ነገደ ኪሩቤል (ዐርባዕቱ እንስሳ) ይይዛሉ። መንፈሳውያን ከመሆናቸው በላይ መንበረ ጸባኦትን እንዲሸከሙ ስላደላቸው ክብራቸው ታላቅ ነው። ከመላእክት ወገንም ቅሩባን እነርሱ ናቸው።

ዘወትርም ስለ ፍጥረታት (ሰዎች፣ እንስሳት፣ አራዊትና አዕዋፍ) ምሕረትን ይለምናሉ። ለዚህም ነው በ4 (በሰው፣ በንስር፣ በላምና በአንበሳ) መልክ የተሳሉት። ቅዱስ መጽሐፍም ስለ እነርሱ ብዙ ይላል። (ሕዝ. 1:5፣ ራዕ. 4:6፣ ኢሳ. 6:1)

በተለይ ግርማቸው እንደሚያስፈራ ተጽፏል። "ምሉዓነ ዐዕይንት - ዐይንን የተሞሉ" ይላቸዋል። ይህንንም መተርጉማን "ምሥጢር አዋቂነታቸውንና ግርማቸውን ያጠይቃል" ሲሉ ተርጉመውታል።

ዐርባዕቱ እንስሳን 4 ሆነው በሥዕል ብናያቸውም "ከመ ርዕየተ እለ ቄጥሩ" እንዲል እያንዳንዱ ከወገብ በላይ አራት በመሆናቸው ተሸካሚዎቹ 16 መልክ አላቸው። በ2 ክንፋቸው ፊታቸውን፣ በ2ቱ እግራቸውን ሸፍነው በ2 ክንፋቸው ይበራሉ። ይህም ብዙ ምሥጢር ሲኖረው ዋናው ግን አርአያ ትእምርተ መስቀል ነው።

4ቱ እንስሳ (ኪሩቤል) በሐዲስ ኪዳንም ልዩ ክብር አላቸው። 4ቱ ወንጌል ሲጻፍ እየተራዱ ስላጻፉ በስማቸው ተሰይሟል። ቅዱስ ማቴዎስን ገጸ ሰብእ፣ ቅዱስ ማርቆስን ገጸ አንበሳ፣ ቅዱስ ሉቃስን ገጸ ላህም፣ ቅዱስ ዮሐንስን ገጸ ንስር እየተራዱ ስላጻፏቸው እነሆ እስከ ዛሬ ድረስ ዘብእሲ ማቴዎስ፣ ዘአንበሳ ማርቆስ፣ ዘላሕም ሉቃስ እና ዘንስር ዮሐንስ እየተባሉ ይጠራሉ።

እነዚህ ቅዱሳን መላእክት የሰው ልጆችን ስለ መራዳታቸውም በብዙ ገድላትና ድርሳናት ላይ ተጽፏል። የራሳቸውን "ድርሳነ ዐርባዕቱ እንስሳን" ጨምሮ በገድለ አባ መቃርስና በገድለ አባ ብስንድዮስ ላይ በስፋት ግብራቸው ተጽፏል።
◦🍀◦

ዳግመኛም በዚህች ዕለት #ሊቀ_መላእክት_ቅዱስ_አፍኒን የተሾመበት ዓመታዊ በዓሉ ነው፡፡

ይህም #ከሱራፌልና_ከኪሩቤል ጋር የልዑልን የጌትነቱን ዙፋን የሚጠብቅ ነው፡፡

ስለዚህም ክቡር መልአክ ሄኖክ እንዲህ አለ፡- "…ያንን ቤት #ሱራፌልና_አፍኒን ዙሪያውን እየዞሩ ይጠብቁታል፣ እነርሱም የልዑልን የጌትነቱን ዙፋን ሲጠብቁ የማያንቀላፉ ናቸው" እንዳለ።
◦🍀◦

ይህቺ ቀን ታላቁ ንጉሥ በፈለገ ኮቦር #ቅዱስ_መስቀልን የተመለከተባት ናት። መክስምያኖስን ሊወጋ ወደ ሮም በተጓዘ ጊዜ በሰማይ ላይ መድኅን መስቀል ተዘርግቶ በላዩ ላይ "ኒኮስጣጣን" የሚል በዮናኒ ልሳን ተጽፎበት ተመልክቷል።

ይህንንም "በዚህ ጠላትህን ድል ታደርጋለህ" ማለት ነው ብለው ተርጉመውለታል። ለእርሱም በጋሻው፣ በጦሩ፣ በሰይፉ፣ በፈረሱ ላይ የመስቀል ምልክትን አድርጎ ማኅደረ ሰይጣን መክስምያኖስን ድል ነሥቶታል። እኛንም በሞገሰ መስቀሉ ይጠብቀን።

               ◦🍀◦🍀◦🍀◦

መርካቶ ሽንኩርት ተራ የተነሳው እሳት በቁጥጥር ስር መዋሉን ሰምተናል::

🟢🟡🔴
ኅዳር 9 | እጅግ የከበሩ ሃይማኖታቸው የቀና #318ቱ #ቅዱሳን_አበው ሊቃውንት በ325 ዓ.ም በኒቅያ አርዮስን ያወገዙበት ዕለት ነው፡፡

በዚህም ወልድ በመለኮቱ ከአብ ጋር ትክክል እንደሆነ እያስረዱ የቀናች ሃይማኖትን አስተማሩ የተረገመ አርዮስንና በረከሰች ትምህርቱ የሚያምነውን አውግዘው ለዩ።

የሠሩዋት ያስተማሩዋትም የሃይማኖት ትምህርት ይህች ናት። እንዲህ ብለው፦

ሁሉን በያዘ ሰማይና ምድርን የሚታይና የማይታየውን በፈጠረ በአንድ አምላክ በእግዚአብሔር አብ እናምናለን። .....

ዓለም ሳይፈጠር ከእርሱ ጋር በነበረ የአብ አንድ ልጁ በሚሆን በአንድ ጌታ በኢየሱስ ክርስቶስም እናምናለን።.....

ከዚህም በኋላ የመንፈስ ቅዱስ ጠላት ስለሚሆን ስለመቅዶንዮስ በቊስጥንጥንያ ከተማ መቶ ሃምሳው ኤጲስቆጶሳት በተሰበሰቡ ጊዜ ከዚህ የቀረውን ሠሩ። እንዲህም አሉ፦

ጌታ ማሕየዊ በሚሆን ከአብ በሠረፀ በመንፈስ ቅዱስም እናምናለን። እንሰግድለት እናመሰግነውም ዘንድ ከአብና ከወልድ ጋራ በነቢያት የተናገረ።

ከሁሉ በላይ በምትሆን ሐዋርያት በሰበሰቧት በአንዲት ቅድስት ቤተ ክርስቲያንም እናምናለን።

ኃጢአትን ለማስተሥረይ በአንዲት ጥምቀትም እናምናለን። የሙታንንም መነሣት የሚመጣውንም ሕይወት ተስፋ እናደርጋለን። አሜን።

የአባቶቻችን በረከታቸው ትድረሰን።
www.tg-me.com/Ewnet1Nat

የሦስት ሜትር ርዝመት ያለው "የጥፋት ቀን አሳ" ተብሎ የሚጠራው ዓሳ በካሊፎርኒያ የባህር ዳርቻ ላይ ተገኝቷል -

በሦስት ወራት ውስጥ ለሁለተኛ ጊዜ ነው በካሊፎርኒያ የታየው

ይሄ ዓሳ እንደ የመሬት መንቀጥቀጥ ወይም ሱናሚ ያሉ የተፈጥሮ አደጋዎችን ጠሪ ነው ይባላል::

እ.ኤ.አ. በ 2011 ከእነዚህ ዓሦች ውስጥ 20 የሚሆኑት በጃፓን የተገኙ ሲሆን ብዙም ሳይቆይ በታሪክ ውስጥ በጣም ኃይለኛ ከሆኑት የመሬት መንቀጥቀጦች አንዱ ተከስቶ ነበር::

«ሥርዓተ ቤተክርስቲያንን የሻረው ሕግ!»
— አለቃ አያሌው ታምሩ —
ስለውግዘቱ የሰጡት አስደናቂ ማብራሪያ !
🟢🟡🔴 www.tg-me.com/AlphaOmega930

በትግራይ ክልል በየሳምንቱ 17 ሺህ ሰዎች በወባ እየተያዙ ነው

በትግራይ ክልል ባለፉት 3 ወራት በወባ በሽታ ምክንያት 13 ሰዎች መሞታቸው ተገልጿል። የትግራይ ጤና ቢሮ በተለይም ወባን ለመካለከል እና ለመቆጣጠር ከፌደራል መንግስቱ የአቅርቦቶች ድጋፍ እንደሚሻ የሚገልፅ ሲሆን እስካሁን ግን የሚጠበቀው እንዳልተገኘ የክልሉ ጤና ቢሮ የበሽታዎች መከላከል እና መቆጣጠር ቡድን መሪ አቶ አረጋይ ገብረመድህን ጠቅሶ ዶቼቬሌ ዘግቧል።