▮ወርኀ ጳጉሜን▮

እግዚአብሔር አዝማናትን የፈጠራቸው ለሰው ልጆች ጥቅም መሆኑ ይታወቃል። እርሱ ባወቀ፣ በረቂቅ ሥልጣኑ ዓለምን ፈጥሮ፣ ጊዜያትን እንዲከፍሉ ብርሃናትን (ፀሐይ፣ ጨረቃ፣ ከዋክብትን) ፈጥሮልናል።

ጊዜያትንም በደቂቃ፣ በሰዓት፣ በቀን፣ በሳምንት፣ በወር፣ በዓመታት፣ በኢዮቤልዩ፣ በክፍላተ ዘመናት እንድንቆጥር ያስተማረንም እርሱ ነው። የሰከንድ 540,000 ክፋይ ከሆነችው 'ሳድሲት' እስከ ትልቁ ቀመር (532 ዓመት) ድረስ እርሱ ለወደዳቸው እንዲያስተውሉት ገልጧል።

በየዘመኑም በቅዱስ ድሜጥሮስ፣ በቅዱስ ዮሐንስ ዘደማስቆ፣ በቅዱስ አቡሻኽር እና በሌሎቹም አድሮ መልካሙን አቆጣጠር አስተምሯል። ሃገራችን ኢትዮጵያ ደግሞ የአሥራ ሦስት ወራት የፀሐይ ጸጋ ያላት፣ አራቱ ወቅቶች የተስማሙላት ናት።

ሌላው ዓለም ወሮችን 31,30,29 (28) እያደረገ ሲጠቀም እኛ ግን እንደ ኖኅ [ዘፍ 8፥1-15] አቆጣጠር ወሮችን በሠላሳ ቀናት ወስነን፣ ጳጉሜንን ለብቻዋ እናስቀምጣለን።

◆ ጳጉሜን 'ኤጳጉሚኖስ' ከሚል የግሪክ (ጽርዕ) ቃል የተወሰደ ሲሆን ትርጉሙም 'ትርፍ፣ ጭማሪ' እንደ ማለት ነው።

የወርኀ ጳጉሜን አምስቱ/ስድስቱ ቀናትም ወደ አዲስ ዓመት መሸጋገሪያ እንደ መሆናቸው ብዙ ምሳሌያት (ምሥጢራት) አሏቸው። ዋናው ግን በዚህ ጊዜ ዳግም ምጽዓት (የክብር ትንሣኤና የውርደት ትንሣኤ ቀን) ይታሠባል።

▸ ጊዜውንም በጾምና በጸሎት ሊያሳልፉት ይገባል። ግን በፈቃድ ነው እንጂ የግዴታ አይደለም።

📧 www.tg-me.com/Kyrieelesion

በኢንግሊሽ ቻናል ላይ በደረሰ የጀልባ መገልበጥ አደጋ አብዛኛዎቹ ኤርትራውያን የሆኑ ስደተኞች ሕይወታቸው ማለፉ ተገለጸ።

የፈረንሳይ ባለስልጣናት ስደተኞችን ጭና የነበረችው ጀልባ ዩናይትድ ኪንግደም እና ፈረንሳይን በሚያዋስነው የውሃ አካል ላይ ከተገለበጠች በኋላ ቢያንስ 12 ሰዎች ሕይወታቸው አልፏል ብለዋል።

ሮይተርስ የዜና ወኪል የፈረንሳይ ባለስልጣናትን ጠቅሶ እንደዘገበው በጀልባ መገልበጥ አደጋው ሕይወታቸውን ያጡት አብዛኛዎቹ ኤርትራውያን ናቸው ብሏል።

የፈረንሳይ የአገር ውስጥ ሚንስትር ጀራልድ ዳርማኒን ሕይወታቸው ካለፉ 12 ሰዎች በተጨማሪ ሁለት ሰዎች የደረሱበት አለመታወቁን እና በርካቶች መቁሰላቸውን ገልጸዋል።

BBC Amharic

🟢🟡🔴
ጳጒሜን 1 | #ቅዱስ_ዮሐንስ መጥምቅ ወደ እሥር ቤት ገብቷል።

ይህስ እንደ ምን ነው ቢሉ፦ ንጉሡ ኄሮድስ የወንድሙን የፊልጶስን ሚስት ኄሮድያዳን በማግባቱና በመሰል ክፋቶቹ ቅዱስ ዮሐንስ ይገሠጸው ነበር። ቅዱስ ዮሐንስ "መምህር ወመገሥጽ ዘኢያደሉ ለገጽ — ፊት አይቶ የማያዳላ" ነውና ገሠጸው።

ኄሮድስ ቅዱሱን ይፈራው ያከብረውም ነበር። በኋላ ግን ፈቃደ ሥጋው ስላየለበት ወንድሙን ገድሎ ባገባት ዘማዊት ሚስቱ ምክር ከሰባት ቀናት በኋላ ልደቱን ሲያከብር እንዳይረብሸው በመስጋት በዚህች ቀን በወታደሮቹ አስይዞ እሥር ቤት ውስጥ
ጥሎታል።

ለሰባት ቀናት በጨለማ ውስጥ አሥሮ መስከረም 2 ቀን ራሱን አስቆርጦታል።

www.tg-me.com/Ewnet1Nat

. ጳጕሜን 3
   🌈 ርኅወተ ሰማይ 🌈
💚💛❤️

ይህች ዕለት የሰዎች ሁሉ ጸሎት የሚያርግባት፣ አራተኛው መጋቢ ኮከብ የሚያልፍባት፣ ለሰው ልጆች ከፈጣሪያቸው ጸጋ በረከት የሚሰጥባት ዕለት ስለሆነች "ርኅወተ ሰማይ – ሰማይ የሚከፈትባት ቀን" ትባላለች።

[አሁን] በሰማይ መዘጋት መከፈት ኑሮበት አይደለም። የሰው ልጆችን ልመና ቅዱሳን መላእክት ያለ ከልካይ የሚያሳርጉበት፣

[አንድም] ቅዱስ ሩፋኤል የዓመቱን የጸሎት መዝገብ የሚከፍትበት ቀን ስለሆነ እንዲህ ተባለ እንጂ።

እመቤታችን ድንግል ማርያም ለዓፄ ናዖድ እንደ ነገረቻቸው፥ በዚህች ዕለት ሁሉም ቅዱሳን ስለሚታሰቡ የእግዚአብሔር የምሕረት መዝገቡ ስለሚከፈት ዕለቷን ክብርት ያሰኛታል።

#በቅዱስ_ሩፋኤል አበጋዝነት (መሪነት) በዚህች ዕለት ለዓመት የሚበቃ ምሕረት ይገኛል።

ስለዚህም አባቶቻችን በዚህች ሌሊት፥ ሦስት መቶ ስልሳ አምስት አቡነ ዘበሰማያትን ሲጸልዩ ያድራሉ። በሌላ ወገን ደግሞ የጌታ ዳግም ምጽዓቱ መታሰቢያ እንደ መሆኗ ትልቅ ትኩረትም ይሰጣታል።

«☘️ ቸሩ ጌታችን ከተከፈተች ገነት ከተነጠፈች ዕረፍት ሁላችንንም ያድርሰን ☘️»

💚 www.tg-me.com/christian930
💛 www.tg-me.com/AlphaOmega930
❤️ www.tg-me.com/Ewnet1Nat