በ 12 ቀን 12 ቢሊዮን ዶላር‼️እስራኤልላይ የኢራን ጥቃት 3 ቢሊዮን ዶላር የሚገመት ጉዳት ማድረሱን የእስራኤልን ገንዘብ ሚኒስቴር ጠቅሶ ብሉምበርግ ዘግቧል።
በአንፃሩ እስራኤል ለጦርነቱ የተጠቀመችውን መሳሪያ ጨምሮ አጠቃላይ 9 ቢሊዮን ዶላር ያወጣች ሲሆን በኢራን ጥቃት የደረሰውን ጉዳት እና ለተጎዱ ዜጎቿ የምትከፍለውን ካሳ ጨምሮ አጠቃላይ 12 ቢሊዮን ዶላር መክሰሯ ተጠቁሟል።
እንደ ሂብሪው ሚዲያ እና እስራኤል ኢንሳይደር ዘገባ በኢራን ሚሳይል ጥቃት አጠቃላይ 240 ህንፃዎች ላይ ጉዳት የደረሰ ሲሆን 2,305 የዜጎች አፓርትመንት መኖሪያዎች ከጥቅም ውጪ መሆናቸውን ጠቅሰው አጠቃላይ 13,197 ዜጎች ቤት አልባ መሆናቸውን ዘግበዋል።
አጠቃላይ 41,550 የእስራኤል ዜጎች የንብረት ጉዳት ካሳ ጠይቀዋል። 29 እስራኤላውያን በጦርነቱ ሞተዋል።
ኢራን በበኩሏ ከ935 በላይ ዜጎች በእስራኤል ጥቃት ተገድለዋል ብላለች።
በኢራን በኩል የደረሰው ጉዳት ከእስራኤል ጋር ተቀራራቢ ቢሆንም ኢራን 16 የኑክሌያር ሳይንቲስቶቿን ማጣቷ እና በኑክሌር ጣቢያዎቿ ላይ የደረሰው ጉዳት በጦርነቱ ያስተናገደችው ከፍተኛ ኪሳራ ተደርጎ ተወስዷል።

በፓኪስታን በደረሰው ከባድ የጎርፍ አደጋ 46 ሰዎች ህይወታቸው አለፈ‼️

በሰሜን ምዕራብ ፓኪስታን እና በሌሎች አቅራቢያ ስፍራዎች ለአንድ ሳምንት የሚጠጋ ጊዜ እየዘነበ ባለው ከባድ ዝናብ ባስከተለው ጎርፍ የሟቾች ቁጥር 46 መድረሱ ተገልጿል።

የሀገሪቱ መንግስት የሟቾቹን ቁጥር ይፋ ሲያደርግ ለበርካታ ቀናት እየዘነበ ያለው ከባድ ዝናብ የጎርፍ አደጋውን አባብሶታል ሲል አስታውቋል።

የፓኪስታን የሚቲዎሮሎጂ ኤጀንሲ፤ እየተመዘገበ ያለው የዝናብ መጠን ከሚጠበቀው በላይ መሆኑን ገልፆ፤ ኑሮዋቸውን በወንዝ አካባቢ ያደረጉ ዜጎች ጥንቃቄ እንዲያደርጉም አሳስቧል።

የሚቲዎሮሎጂ ኤጀንሲው የሃገሪቱ ዜጎች ወንዞችን እና ጅረቶችን ከማቋረጥ እንዲቆጠቡ ማሳሰቢያ ማቅረቡን አልጀዚራ ዘግቧል፡፡

በፓኪስታን በተደጋጋሚ ጊዜ የጎርፍ መጥለቅለቅ የሚያጋጥም ሲሆን በቅርቡ በ2022 የተከሰተው እና በርካታ የሀገሪቱን ክፍል በሸፈነው የጎርፍ አደጋ የ1 ሺህ 737 ዜጎች ህይወታቸውን ማጣታቸው ይታወሳል።