˙         ✥ ◦ ✥ ◦ ✥
‹‹#ክርስቶስን እክደዋለሁ!››
 
በእስክንድርያ አገር ስሙ ፈለስኪኖስ የሚባል አይሁዳዊ ባለጸጋ ሰው ነበር፡፡ እርሱም እንደ አባቶቹ የኦሪትን ሕግ ብቻ የሚጠብቅ ሰው ነው፡፡

እንዲሁም ድሀ የሆኑ ሁለት ክርስቲኖች ነበሩ፡፡በአንደኛው ላይ ሰይጣን የስድብ መንፈስ አሳድሮበት ጓደኛውን ‹‹ወንድሜ ሆይ ክርስቶስን ለምን እናመልከዋለን? እኛ ድኆች ነን፡፡ ይህ ክርስቶስን የማያመልክ አይሁዳዊ ፈለስኪኖስ ግን እጅግ ባለጸጋ ነው›› አለው፡፡

ጓደኛውም ‹‹ዕወቅ አስተውል፣ የዚህ ዓለም ገንዘብ ከእግዚአብሔር የሆነ አይደለም፤ ምንም አይጠቅምም። ጥቅም ቢኖረው ጣዖትን ለሚያመልኩ፣ ለአመነዝራዎች፣ ለነፍሰ ገዳዮችና ለአመፀኞች ሁሉ ባልሰጣቸውም ነበር፡፡ አስተውል ነቢያትም ሆኑ ሐዋርያት ድኆች ነበሩ። ነገር ግን ጌታችን ‹ወንድሞቼ› ይላቸው እንደነበር አስተውል…›› እያለ መከረው፡፡

ነገር ግን ጓደኛውን ሰይጣን አድሮበታልና ምክሩን ሊሰማው አልቻለም፡፡ ከዚህም በኋላ ይህ ክፉ ሰው ወደ ባለጸጋው አይሁዳዊ ወደ ፈለስኪኖስ ዘንድ ሄዶ ‹‹አንተን እንዳገለግል ተቀበለኝ›› አለው፡፡ ባለጸጋውም አይሁዳዊ ‹‹በሃይማኖቴ የማታምን አንተ ልታገለግለኝ አይገባህም›› አለው፡፡

ዳግመኛም ያ ጎስቋላ ‹‹ተቀበለኝ እንጂ ወደ ሃይማኖትህ እገባለሁ፣ ያዘዝከኝንም ሁሉ እፈጽማለሁ›› አለው፡፡ አይሁዳዊውም ‹‹ቆየኝ ከመምሀሬ ጋር ልማከር›› አለው፡፡

መምህሩም ‹‹ክርስቶስን የሚክድ ከሆነ ግረዘውና ተቀበለው›› አለው፡፡አይዳዊውም ተመልሶ መጥቶ መምህሩ እንደነገረው አድርጎ ተቀበለው፡፡ ከዚህም በኋላ ወደ ምኩራባቸው ወሰደው፡፡ የምኩራባቸውም አለቃ ‹‹ክርስቶስን
ክደህ አይሁዳዊ ትሆናለህን?›› አለው፡፡ እርሱም ‹‹አዎን እክደዋለሁ›› አለው፡፡

የምኩራባቸውም አለቃ መስቀል ሰርተው በላዩ የክርስቶስን ሥዕል እንዲያደርጉ፣ መጻጻንም የተመላች ሰፍነግ በዘንግ ላይ አሥረው ከጦር ጋር እንዲሰጡት አዘዘ፡፡ ከዚያም ‹‹ከተሰቀለው ሥዕል ላይ ምራቅህን ትፋ፣ መጻጻውንም ወደ አፉ አቅርብለት፣ ክርስቶስ ሆይ ወጋሁህ እያልክ በጦሩ ውጋው›› አሉት፡፡

እርሱም እንዳዘዙት አድርጎ ሥዕሉን በጦር ወጋው፡፡ ወዲያውም የዕውነት ሆኖ በተደጋጋሚ ውኃና ደም ከሥዕሉ ፈሰሰ፡፡ ለረጅም ጊዜም በምድር ላይ እየፈሰሰ ታየ፡፡ በዚያም ጊዜ ያ ከ'ሃ'ዲ ደርቆ እንደ ድንጋይ ሆነ፡፡ በአይሁድም ላይ ሁሉ ታላቅ ፍርሃት ወደቀባቸው፡፡

‹‹እውነትም የአብርሃም ፈጣሪ ስለእኛ ተሰቅሏል፤ እኛም ዓለምን ለማዳን የመጣ የሕያው የእግዚአብሔር ልጅ እርሱ እንደሆነ አመንበት›› እያሉ ጮኹ፡፡

ከዚህም በኋለ አለቃቸው ከዚያ ከደሙ ወስዶ የአንዱን ዐይነ ሥውር ዐይኖቹን አስነካው፡፡ ወዲያውም ዐይነ ሥውሩ ማየት ቻለና ሁሉም አመኑ፡፡ ወደ ሊቀ ጳጳሳት አቡነ ቴዎፍሎስ ሄደው የሆነውን ሁሉ ነገሩት፡፡

አቡነ ቴዎፍሎስም ከካህናቱ ሁሉ ጋር ወደ አይሁድ ምኩራብ ሄዶ ውኃና ደም ከእርሱ ሲፈስ መስቀሉን አገኘው፡፡ከደሙም ወስዶ የራሱንና በዚያ ያሉትንም ሁሉ ግንባራቸውን በመቀባት በረከትን ተቀበሉ፡፡ መስቀሉንም በክብር ወስደው በቤተ ክርስያን ውስጥ አስቀመጡት፡፡ ደሙ የፈሰሰበትንም ምድር አፈሩን አስጠርጎ ለበረከትና ለሕሙማን ፈውስ ሊሆን በሸክላ ዕቃ ውስጥ አኖረው፡፡

ከዚህም በኋላ አይዳዊው ፈለስኪኖስ ከነቤተሰቡ አቡነ ቴዎፍሎስን ተከተለው፡፡ ከአይሁድም ብዙዎቹ የቀደሙ አባቶቻቸው በሰቀሉት የክብር ባለቤት በሆነ በመድኃኔዓለም ክርስቶስ አመኑ፡፡ አቡነ ቴዎፍሎስም በስመ ሥላሴ አጥምቆ ሥጋ ወደሙን አቀበላቸው፡፡ እነርሱም ጌታችንን እያመሰገኑና ክብሩን እየመሰከሩ ኖሩ፡፡

ቸሩ አምላካችን መድኀኔ ዓለም ክርስቶስ በእስክንድርያ አገር ድንቅ ይኽን ድንቅ ተአምር በማድረግ አይሁዶችን በተአምራቱ በስሙ አሳምኖ በአባ ቴዎፍሎስ እጅ እንዲጠመቁ ያደረገው ነሐሴ 14 ቀን ነው። ቸሩ መድኀኔ ዓለም ለኹላችንን ምሕረቱን ይላክልን።

               ✥ ◦ ✥ ◦ ✥

ይሄንን መረጃ ከማህበራዊ ሚድያ ልናጋራ የቻልንበት ዋናው ምክንያት "ሲኖዶስ" የምትሉትን የተወገዙ "ጳጳሳት" ስብስብ ማን እየመራው እንደሆነና አሰላለፉን ላልተረዳችሁ ዘገምተኛ ወገኖች ትረዱ ዘንድ ነው።

#ማስታወሻ፦
👇👇👇
"እንግዲህ ወገኖቼ! ዛሬ ቤተክርስቲያን ስንት ሲኖዶስ እንዳላት የምታውቁት አለ ወይ!? ላታውቁ ትችላላችሁ! ሲኖዶስ በእግዚአብሔር አይን፡ በእግዚአብሔር መንፈስ ቅዱስ በትክክለኞች ወገኖች ሲፈተሽ ሁለት(2) ነው።

#አንደኛው - ሁላችንም የምናውቀው፤ መግለጫም የሚሰጠው፤ ያለምንም ሃፍረት ከክፉው መንግሥት ጋር አብሮ የሚሰራው ለፖለቲካው ስርዓት ተገዢ ትውልድን ለመፍጠር የሚደክመው፤ ሃብቱ፡ ንብረቱ፡ ክብሩ እንዳይነካበት የሚደክመው ሲሆን፥

#ሁለተኛው - ደግሞ በጨለማው ወይም ደግሞ የጨለማው፤ የማይታየው ሲኖዶስ ይባላል። ይህ ደግሞ ሙሉ በሙሉ የፖለቲካው ሃይል ሲሆን በዘበኝነት፡ በጸሃፊነት፡ በአስተዳደር፡ በመምሪያ በመመሳሰሉ በቤተክርስቲያን የተቀጠሩ ያሉበት ሲሆን ስራው የዋናውን ሲኖዶስ ውሳኔ እሱ እንደሚፈልገው እንዲሆን የሚያደርግ ነው። ቀን ሲኖዶሱ ሲወስን ካልጣመው ከፖለቲካው በተለየ ከሰሜነኞቹ ሲታዘዝ በማታ በየጳጳሳቱ ቤት እየዞረ ውሳኔውን እንዲቀይሩ የሚያደርግና የሚያስፈርም ሃይል ነው፥ በወያኔዎቹ የተመለመለ  ሃይል ማለት ነው።  እምቢ ቢሉ በእጁ የእነሱን ጉድ የያዘ የወንጀል ሰነድ ስላለ የግድ ይታዘዙታል ማለት ነው።

እንግዲህ ወገኖቼ! “አውቆ የተኛን ቢቀሰቅሱት አይሰማም!” እንዲባል  ስለ ሲኖዶስም ስለ ቤተክህነትም አሰራር የማታውቁ ይመስል ስለ እነርሱ የምትጠይቁ እኛን አትጠይቁን፥ ከእነርሱ ጋር አይደላችሁም እንዴ!? በዚያው ቀጥሉ! ይታደጓችሁ።......"

ከመግለጫ 3 ኢትዮጵያ የዓለም ብርሃን የተወሰደ!
ሚያዝያ 11/2012ዓ.ም ዕለተ ትንሣኤ በድምፅ የተላለፈ

🟢 🟡 🔴
የካቲት 28 | #አቡነ_እጨጌ_ዮሐንስ ዘጠገሮ የጽንሰታቸው በዓል ነው።

ጻድቁ አባታችን የተወለዱት በኢየሩሳሌም አውራጃ ልዩ ስሙ ሳሬራ በሚባል ቦታ ነው፡፡ የካቲት 28 ቀን ተፀንሰው ኅዳር 29 ተወለዱ፡፡

አባታቸው ድላሶር እናታቸው እምነ ጽዮን ይባላሉ፡፡ ሲወለዱ በወላጆቻቸው ቤት ውስጥ ብርሃን ወርዷል፡፡ ወላጆቻቸውም እግዚአብሔርን የሚፈሩ ደጋግ ክርስቲያኖች ናቸው፡፡

አባታችን ገና በተወለዱ በ5 ዓመታቸው ወላጆቻቸው ወደ እግዚአብሔር ቤት ይዘዋቸው የእመቤታችንን ሥዕል ተመልክተው በደስታ ተመልተው ሳቁ፡፡

አምላክን የወለደች የብርሃን እናቱ እመቤታችንም ከምሥሉ ወጥታ ‹‹በምን አውቀኸኝ ነው?›› ብላ አቅፋ ሳመችውና ‹‹ከእንግዲ ወዲህ የልጄ አገልጋይ ትሆናለህ ኑሮህም እንደ መላእክት ይሆናል በአንተ ምክንያት ብዙ ሰዎች ይድናሉ በምድር ላይም 500 ዓመት ትኖራለህ" ብላ ባርካው ተሰወረች፡፡

ከዚያችም ቀን ጀምሮ አባ ዮሐንስ ለክርስቶስ ተላልፎ ተሰጠ፡፡ 50 ዓመትም በበረሃ ሲጋደል ኖሮ ከ50 ዓመት በኃላ በደመና ተጭኖ በመልአኩ በቅዱስ ገብርኤል መሪነት ወደ ቅድስት ሀገር ኢትዮጵያ መጡ፡፡

ጻድቁ አባታችን በአቡነ ተክለሃይማኖት ዘመን መጨረሻ የመጡ ሲሆን ምንኩስና ከደብረ ሊባኖስ ገዳም ከአቡነ ተክለ ሃይማኖት ተቀብለው በዚያው በደብረ ሊባኖስ ገዳም ለ50 ዓመት በጾምና በጸሎት በተጋድሎ ኖረዋል፡፡

ከዚኽም በኋላ አባ ዮሐንስ ወደ ተዘጋጀላቸው ምድር በቅዱስ ገብርኤል አሳሳቢነት ወደ ጠገሮ መጡ፡፡

(ቃልኪዳናቸው በጥቂቱ 👇)
https://www.tg-me.com/Ewnet1Nat/10587
◦🍀◦🍀◦🍀◦