#ለፋኖ

#ለመላው_ይህንን_ትግል_ለምትመሩ_የፋኖ_መሪዎች

"ለመላው ይህንን ትግል ለምትመሩ የፋኖ መሪዎች ምክራችንን እንለግስ ። እግዚአብሔርን ፈርታችሁ ተጓዙ ። በመንገዳችሁ ሁሉ እግዚአብሔርን አንግሱት። ጠይቁ እምነት አላችሁ አደለም ጠይቁ ። ምናለ ፆም ፀሎት ውሰዱና ጠይቁ ። ምንድነው ፈቃድህ ? እግዚአብሔር አምላካችን ሀሳብህ ምንድነው ? ከዚህ በኃላ ምንድነው ማድረግ ያለብን ? እስካሁን ድልን ሰጥተኸናል እስካሁን እዚህ አድርሰኸናል እስካሁን ጉልበት ሆነኸናል ከመጥፋት ታድገኸናል እነሆ በብዙ መንገድ እየገሰገስን ነው እንዴት ነው መሄድ ያለብን ? ወዴት ነው መሄድ ያለብን ? የኢትዮጵያ የዓለም ብርሃናዊ መንግሥት የሚል መልዕክት የሚተላለፍ አለ... ምንድናቸው እነዚህ ? እውነት ነው ወይ ? ካንተ ነው ወይ ? ፈቃድህ ነው ወይ መጠየቅ ? ምናለ ብትጠይቁ አልሰማ አላለ እግዚአብሔር ጠይቁት ወዴት እንጓዝ በሉት የነዚህ ምክር ትክክል ነው ወይ ? የወጣው መልዕክት ሁሉ ካንተ ነው ወይ ? ጠይቁ እግዚአብሔር ይመልሳል ። እሱ መልስ ካልሰጠ እኛ ምንናገረው ሀሰት ከሆነ ያኔ ትደርሱበታላችሁ ምናለ እውነትቱ ላይ ትደርሱበታላችሁ ያኔ አጥፊዎች ከሆንን እንቀጣለን። ስለ ቤተክህነትም ጠይቁ ቤተክርስቲያን ምን ላይ ናት? ምን ሆነች? የኢትዮጵያ የዓለም ብርሃን ቤተሰቦች ይኼን ይኼን ይላሉ ስለቤተክርስቲያን ይሄ ያንተ ድምፅ ነው ወይ? ይሄ ያንተ ቃል ነው ወይ ? እውነት ነው ወይ ? ይሄንን መጠየቅ መረዳት ነው ። ሶስተኛ የቃልኪዳን ምልክቱ ይሄ ይሄ ነው ብለው እየነገሩን ነው ይሄ እውነት ነው ወይ ? ይሄ መመሪያችን ይሁን ወይ ? መጠየቅ ነው በጥቅሉ እግዚአብሔር አምላካችሁን ፍቃዱን ጠይቁ ...እግዚአብሔር ወዴት እንደሚመራችሁ ቃሉን ጠይቁ ፈቃዱን ጠይቁት ሀሳቡን ጠይቁት :: አሁን ድንገተኛ እንዳይሆንባችሁ ድሉ በድሉ ላይ ድል በድል ላይ እያደረጋችሁ ትመጣላችሁ :: አሁንም ትገባላችሁ እንዴት ነው ምትሄዱት እንዴት ነው ወዴት ነው ምትራመዱት ከዛ ምንድነው ምታደርጉት ይሄ ብልጣብልጥ ምሁር ነኝ የሚል መጥቶ እንደገና ተኮልኩሎ ሕዝብ ላይ ታድያ ከየት እናምጣላችሁ ሌላ መመሪያ ያው ከምዕራቡ ዓለም ነው ዲሞክራሲ ነው ብሎ ፊጥ ሊልባችሁ ከሆነ እንዳትሳሳቱ መልሳችሁ እግዚአብሔርን የሚያሳዝን ስራ ውስጥ እንዳትወድቁ እግዘብሔርን ጠይቁ ። ምክራችን ለናንተ ይሄ ነው ። በአመራሩ ላይ ያላችሁ በሙሉ በማስተዋል በትዕግስት በፍቅር በትህትና እግዚአብሔር በሰጣችሁ መረዳት ሕዝባችሁን ምሩት ወደ ነፃነትም የሚሄደውን ጉዞ በፍቅር አከናውኑት ልዪነታችሁን ከውስጣችሁ አውጡት አሁን የልዪነት ጊዜ አደለም ። የሐይማኖት ግጭት ፍጭት ለመፍጠር የሚፈልጉትን ሁሉ ውስጣችሁ ካሉ አስታግሷቸው ። እንዲታረሙ አድርጓቸው ። አሁን እንደ አንድ ልብ ሆናችሁ እንደ አንድ መካሪ ሆናችሁ እንደ አንድ ሀሳብ ሆናችሁ ለዓላማችሁ ለፍፃሜ መድረስ መታገል ነው ያለባችሁ ። ሕዝቡም ተስፋ እያደረጋችሁ ነው ። ብዙ ሕዝብ ተስፋ እያደረጋችሁ ነው ። የሕዝቡ ተስፋ እንዳይመክን በእግዚአብሔር ታምናችሁ ፀንታችሁ ጉዞዋችሁን ቀጥሉ ። ምንመክራችሁ ይሄንን ነው ። ለሁሉ ነገ ይደረስበታል ...እግዚአብሔር ከነገራችሁ በኃላ ሁሉንም ደግሞ እንነጋገርበታለን ጊዜው ሲፈቅድ እግዚአብሔር ሲፈቅድ ሁሉ ላይ ይደረስበታል። "

የኢትዮጵያ የዓለም ብርሃን መግለጫ ለመላው የኢትዮጵያ ሕዝብ በሙሉ! ጥቅምት 21/2016 ከተላለፈው መልዕክት

ከ ክፍል ፪ ከ39 ደቂቃ:ከ35 ሰከንድ  እስከ 44 ደቂቃ:12 ሰከንድ ድረስ የተወሰደ

በጎፋ ዞን በደረሰ ድንገተኛ የመሬት ናዳ አደጋ የሟቾች ቀጥር ከ146 ማለፉ ተገለፀ

በጎፋ ዞን ገዜ ጎፋ ወረዳ ትናንት ጠዋት ድንገተኛ የመሬት ናዳ አደጋ ደርሷል። የነፍስ አድን ሥራው ተጠናክሮ መቀጠሉንና የሟቾች ቁጥር ከዚህ በላይ ሊያሻቅብ እንደሚችል ዞኑ አስታውቋል።

ዝርዝሩን ይመልከቱ፤ https://bit.ly/3LDgYBD

🟢🟡🔴
ሐምሌ 17 | ከ7ቱ ከዋክብት አባቶቻችን አንዱ፣ በትራቸው በቆሙበት ቦታ ሁሉ በተኣምራት ከጎኑ የወይን ዘለላ ፍሬ እያፈራ ይለቀም የነበሩ ታላቁ አባት #አቡነ_በትረ_ማርያም_ዘዘጌ የዕረፍታቸው በዐል ነው።

#አቡነ_በትረ_ማርያም የትውልድ ቦታቸው ሸዋ ሙገር ነው። አባታቸው ቅዱስ ተክለ ማርያም እናታቸው ቅድስት ኢላርያ ይባላሉ።

ወላጆቻቸውም ደጋግ ክርስቲያኖች ናቸው። ነገር ግን ልጅ ስላልነበራቸው የተባረከ ልጅ ይሰጣቸው ዘንድ እግዚአብሔርን ዘወትር በጾም በጸሎት ይለምኑት ነበር።

ከዕለታትም በአንደኛው ቀን ተኝተው ኹለቱም ተመሳሳይ ራእይ አዩ።

እግዚአብሔርም መልአኩን ልኮ ምዕመናንን ስቦ በወንጌል ጎዳና የሚመራ የተመረጠ ልጅ እንደሚወልዱ ነገራቸው።

መልአኩም በነገራቸው መሠረት አቡነ በትረ ማርያም ነሐሴ 16 ቀን ተፀንሰው ግንቦት 21 ቀን ተወለዱ።

የተወለዱትም አምላክን የወለደች ክብርት እመቤታችን በደብረ ምጥማቅ ለክርስቲያኑም ለእስላሙም በምትገለጥበት ዓመታዊ በዓል ላይ ስለሆነ አንድም ይረዳናል ምርኩዛችን ይሆናል ብለው ወላጆቻቸው ስማቸውን በትረ ማርያም አሏቸው።

አቡነ በትረ ማርያምና ስድስቱ ወንድሞቻቸው ሰባቱ ከዋክብት ተብለው ይጠራሉ። እነዚህም ሰባቱ ከዋክብት ቅዱሳን እየራሳቸው ከገደሟቸው ጥንታውያን ገዳማት ውስጥ፦

፩. አቡነ በትረ ማርያም (መሐል ዘጌ ቅዱስ ጊዮርጊስን)

፪. አቡነ ኂሩተ አምላክ (ዳጋ እስጢፋኖስን)፣

፫. አቡነ ያሳይ (ማንዳባ መድኀኔዓለምን)፣

፬. አቡነ ዘካርያስ (ደብረ ገሊላን)፣

፭. አቡነ አፍቅረነ እግዚእ (ጒጒቤንና ጣና ቂርቆስን)፣

፮. አቡነ ታዴዎስ (ደብረ ማርያምን) እና

፯. አቡነ ዘዮሐንስ (ክብራን ገብርኤልን) ገዳማትን ገድመዋል።

አቡነ በትረ ማርያም ከበዓታቸው ወጥተው ወደ ሌላ ቦታ የሚሔዱት ለምነው ለነዳያን የሚሰጡትን ለመሰብሰብ ሲፈልጉና ገዳማትን ተሳልመው የቅዱሳንንም በረከት ለመቀበል ሲፈልጉ ብቻ ነበር።

ቅዱሳንን ጎብኝተው ወደ ገዳማቸው ዘጌ የሚመለሱትም ለነዳያን የሚሰጡትን ከሰበሰቡ በኋላ ነው።

ለነዳያን የሚሰጡትን ገንዘብ የሚሰበስቡትም እንደባርያ እየተሸጡ ለፈረስ ሳር በማጨድና የመንገደኞችን ዕቃ በመሸከም የሚከፈላቸውን ገንዘብ በማጠራቀም ነበር።

"ላጡ ለድኆች የሚሆን ምግብ ለማግኘት ሲሉ ለፈረስና ለበቅሎ ሣር ያጭዱ ዘንድ ባሪያ ሆነው የተሸጡበት ጊዜ አለ።

አቡነ በትረ ማርያም መልካሙን ተጋድሏቸውን ፈጽመው ሩጫቸውን ጨርሰው የዕረፍታቸው ጊዜ ሲደርስ የክብር ባለቤት ጌታችን መድኀኒታችን ኢየሱስ ክርስቶስ እልፍ አእላፋት ቅዱሳን መላእክቱን አስከትሎ መጥቶ ተገለጠላቸውና፦

"ወዳጄ በትረ ማርያም ሆይ! በዚኽች ዕለት ከኀዘን ወደ ደስታ፣ ከሕመም ወደ ሕይወት ልወስድህ ነፍስህንም አሳርፋት ዘንድ መጣሁ።

ቦታህን እንደ ኢየሩሳሌም አደረግሁልህ፤ በስምህ ቤተ ክርስቲያን የሠራ፣ ዕጣን የሰጠውን መብዓ ያቀረበውን፣ ሥጋህ የተቀበረበትን ዐፅምህ ያረፈበትን ገዳመ ዘጌን የተሳለመውን፣ ወንዱ በ40 ቀን ሴቷ በ80 ቀን ጥምቀተ ክርስትና የተቀበለውን፣ በቦታህ ቅዱስ ሥጋዬን ክቡር ደሜን የተቀበለውን፣ በስምህ ገድልህን የጻፈውን፣ ዐይን ያላየውን ጆሮ ያልሰማውን ልብ ያላሰበውን እንደ አንተ ላሉት አባቴ ያዘጋጀውን አወርሰዋለሁ።

በገዳመ ዘጌ ላይ መብረቅና ነጎድጓድ፣ በምድር የሚሳቡ በመርዛቸው ሰውን የሚጎዱ እባቦች፣ በእግራቸው የሚሽከረከሩ አራዊቶች ሁሉ በዘጌ የሚኖረውንና በአንተ ያመነውን አይጣሉ (አይጉዱ)።

በገዳሙ የሚኖሩ መነኰሳትና ምእመናን እንደ መላእክት ኃጢአት የሌለባቸው ይሁኑ፣ ደምህ ከፈሰሰበት ከገዳመ ዘጌ መቃብርህ ላይ አፈር ቆንጥሮ የተቀባ ከሕማሙ ይፈወስ፣ መቃብርህን እጅ የነሣ የእኔን መቃብር እጅ እንደነሣ ይሁንልህ"

በማለት አስደናቂ የምሕረት ቃልኪዳን ከገባላቸው በኋላ ሐምሌ 17 ቀን በ89 ዓመታቸው በክብር ዐረፉ።

T.me/Ewnet1Nat

በደቡብ ኢትዮጵያ ጎፋ ዞን በደረሰው ተከታታይ የመሬት መንሸራተት አደጋ የሞቱ ሰዎች ቁጥር እስከ 500 ሊደርስ እንደሚችል የተባበሩት መንግሥት የሰብዓዊ ጉዳዮች ማስተባበሪያ ጽህፈት ቤት ገለፀ‼️

ጽህፈት ቤቱ ከአካባቢው ባለሥልጣናት ያገኘውን መረጃ መሠረት አድርጎ ባወጣው የሁኔታዎች መግለጫ ላይ ነው በአደጋው ሕይወታቸውን ያጡ ሰዎች አሃዝ እስከ 500 ሊደርስ እንደሚችል ያመለከተው።

እሁድ ሐምሌ 14 እና ሰኞ ሐምሌ 15/ 2016 ዓ.ም. በደቡብ ኢትዮጵያ በጎፋ ዞን ገዜ ጎፋ ወረዳ ኬንቾ ሻቻ ጎዝዲ ቀበሌ በተከሰተው የመሬት መንሸራተት አደጋ ተቀብረው የጠፉ ሰዎችን የማፈላለጉ ሥራ ዛሬም ለአራተኛ ቀን እየተካሄደ ነው።

በአደጋው ስፍራ የሚገኙት የቢቢሲ ዘጋቢዎች እንደገለጹት ዛሬን ጨምሮ በአካባቢው እየጣለ ባለው ዝናብ ውስጥ ጭምር ከተንሸራተተው መሬት ስር ለማውጣት የሚደረገው የነፍስ አድን ጥረት ቀጥሏል።

ባለፉት ቀናት በተደረጉት የፍለጋ ጥረቶች በአደጋው ሕይወታቸው አልፎ የተገኙ ሰዎች ቁጥር 257 የደረሰ ሲሆን፣ የሟቾች ቁጥር እስከ 500 ሊደርስ እንደሚችል የአካባቢው አስተዳዳሪዎች ስጋታቸውን መግለጻቸውን የመንግሥታቱ ድርጅት የሰብዓዊ ጉዳዮች ማስተባበሪያ ጽህፈት ቤት (ኦቻ) አመልክቷል። አጠቃላይ 15,000 ሰዎች በመሬት መንሸራተት (landslide) አደጋው ተጎጂዎች ናቸው ያለ ሲሆን ለተጎጂዎች እርዳታ ማቅረብ መጀመሩንም ገልጿል።(ቢቢሲ)

🟢🟡🔴
ሐምሌ 20 | #እመቤታችን_ድንግል_ማርያም ከተወለደች በኋላ በሰማንያ ቀን ከርግብ ገላግልቶች ጋራ ወደ ቤተ መቅደስ የገባችበት ነው።

ለስም አጠራሯ ክብር ይሁንና እመ ብርሃን ድንግል ማርያም በዚህች ቀን ወደ ቤተ መቅደስ ገብታለች።

በዓሉ ከሰላሳ ሦስቱ የእመቤታችን በዓላት እንደ አንዱ አይቆጠርም። ምክንያቱም ቅዱሳን ሊቃውንት በዓታ ከበዓታ ጋር ይስማማል ብለው የታኅሣሥ ሦስትን በዓል ከሰላሳ ሦስቱ ደምረውታል።

እመቤታችን ወደ ቤተ መቅደስ የገባችው ሁለት ጊዜ ሲሆን፦

1. ዛሬ የምናከብረውና በተወለደች በሰማንያ ቀኗ የገባችበት ነው። (ከግንቦት 1 ጀምረን እናስላው 80 ቀን ይመጣል)

ኦሪት እንዳዘዘው ቅዱሳን ኢያቄምና ሐና ንጽሕት ሕፃን ድንግል ማርያምን ታቅፈው የርግብ ልጆች (ግልገሎች) ዋኖስም ይዘው ወደ ቤተ መቅደስ ሒደዋል።

ካህናቱ ዘካርያስና ስምዖን ወጥተው በደስታ ተቀብለዋቸዋል። እመቤታችን ለወላጆቿ ማኅጸን የከፈተች በኩር ናትና በእግዚአብሔር ፊት አቅርበዋታል።

2. ከሦስት ዓመታት በኋላ እንደ ስዕለታቸው ወደ ቤተ መቅደስ ወስደው ለእግዚአብሔር ሰጥተዋት ተመልሰዋል።

እግዚአብሔር ዛሬ ያልቃል ነገ ይደቃል የማይባለውን የድንግል እናቱን ፍቅር አብዝቶ ያድለን። በረከቷም በእኛ ላይ ጸንቶ ይኑር።

                        🌹✨🌹✨🌹