🟢🟡🔴
ሰኔ 9 | #አቡነ_በኵረ_ድንግል በዓላቸው ነው፨

እኚህም የአቡነ ብፁዓ አምላክ ረዳት ሲሆኑ አቡነ ብፁዓ አምላክ ካረፉ በኋላ በደብረ ምዕዋን ምንኩስና ተሹመው ብዙ አገልግለዋል።

የአቡነ በኵረ ድንግል አባታቸው ማርቆስ እናታቸው እግዚእክብራ ይባላሉ ሁለቱም ጻድቅ ነበሩ።

አቡነ በኵረ ድንግል በእናታቸው ማኅፀን እያሉ ብዙ ተአምራትን አድርገዋል። በተወለዱ ጊዜ የእመቤታችን የቅድስት ድንግል ማርያም ሥዕል ከተወደደ ልጇ ከቸሩ መድኃኔዓለም ጋር በልባቸው ተሥሎ ተወለዱ።

ሲወለዱም እንደሌሎች ቅዱሳን ‹‹አሐዱ አብ ቅዱስ አሐዱ ወልድ ቅዱስ አሐዱ ውእቱ መንፈስ ቅዱስ አሐዱ አምላክ ›› እያሉ አመሰገኑት ።

ወላጆቻቸው በ40ኛ ቀናቸው ሊያጠምቋቸው ወደ ቤተ ክርስቲያን ሲወስዷቸው የሚያጠምቃቸው ኤጲስ ቆጶስ የእመቤታችንን ሥዕል እና የመድኃኔዓለም ሥዕል በልባቸው ተሥሎ አይቶ ሜሮን ሊቀባቸው ሲል ደነገጠ። ቅዱስ ሚካኤል ግን ተገልጦ ኤጲስቆጶሱን ያለ ፍርሃት እንዲያጠምቃቸው አዘዘው።

በተጠመቁ ጊዜ የብርሃን እናት እመቤታችን ቅድስት ድንግል ማርያም ከተወዳጅ ልጇ ጋር ተገኝታ በመስቀሉ ምልክት ባርካቸው የመስቀል ምልክትም በሥጋቸው ላይ ዳግመኛ ተሥሏል።

ለመማር በደረሱ ጊዜ ግዕዝ ፣ ዐረብኛ ፣ ዕብራይስጥ፣ ግሪክ፣ ሮማንስ፣ ብሉይና ሐዲሳት፣ ሌሎችም ብዙ ቅዱሳት መጻሕፍትን ተምረዋል።

◦☘️◦ ከተሰጣቸው ቃል ኪዳን ◦☘️◦

. . በስምህ የሚዘክር፣ ስምህን የሚጠራ፣ በዓለ ዕረፍትህን የታመመውንና የታሰረውን የሚጠይቅ፣ የተራበውን የሚያበላ፣ የተጠሙትን ያጠጣ፣ በስምህ ልጁን የሚጠራ፣ እኔ ኃጢአቱን ይቅር እለዋለሁ፤ ክፉም አያገኘውም።

በስምህ በታነጸው ቤተክርስቲያን ቅዱስ ቁርባንን የተቀበለውን እምርልሀለሁ፤ እኔ ኃጢያቱን ይቅር እለዋለሁ።

       ◦☘️◦☘️◦☘️◦
T.me/Ewnet1Nat

◦☘️◦ ቅዱስ ላሊበላ ንጉሠ ኢትዮጵያ ◦☘️◦

▸ ቅዱስ፣ ንጹሕ፣ ካህን ወንጉሥ ቅዱስ ላሊበላ (ላል-ይበላ) ታኅሣሥ 29 ተወለደ፤ ሰኔ 12 ተጋድሎውን ጨርሶ ዐረፈ።

ሙሉውን ታሪክና ቃልኪዳን ለማንበብ 👇።

◦☘️ ቅዱስ ላሊበላ የተቀበላቸው ቃልኪዳኖች ☘️◦

‹ይህን የሚያስደንቅ ሥራ በእጁ ስለገለጥክለት ስለ ባሪያህ ስለ ቅዱስ ላሊበላ ብለህ ይቅር በለኝ› እያለ የሚጸልየውን በዚያ ጊዜ እኔ ጸሎቱን እሰማዋለሁ፡፡

ሙሉውን ቃልኪዳን ለማንበብ 👇።

የሟቾች ቁጥር ወደ 550 ማደጉ ተሰማ

አመታዊውን የሀጂ ስነስርአት ለመካፈል ወደ ሳኡዲ ካቀኑ ሰዎች መካከል ከ550 በላይ ሰዎች በሙቀት መሞታቸው ተሰምቷል፡፡

ከከፍተኛ የሙቀት መዕበል ጋር በተያየዘ በሚፈጠሩ በሽታዎች ነው ሃጃጆቹ ህይወታቸው ያለፈው፡፡ ከሟቾቹ መካከል 323 የግብጽ ፣ 144 የኢንዶኔዢያ፣ 35 የቱኒዝያ ፣ 11 የኢራን ፣ 6 የሴኔጋል ዜግነት ያላቸው ሃጃጆች ናቸው ተብሏል፡፡

የሟች ቤተሰቦች በአሁኑ ወቅት በተለያዩ የሳኡዲ ሆስፒታሎች ዘመዶቻቸውን በማፈላለግ ላይ ሲሆኑ ዮርዳኖስ በበኩሏ በሃጂ የሞቱ ዜጎቿን ለመቀበር 41 የመቃብር ስፍራዎችን ማዘጋጀቷን በትላንትናው እለት አስታውቃለች፡፡

በጂቡቲ ባለው ከፍተኛ ሙቀት ምክንያት የሦስት ኢትዮጵያውያን አሽከርካሪዎች ሕይወት አለፈ‼️
በጎረቤት አገር ጂቡቲ ባለው ከፍተኛ ሙቀት ሳቢያ ባለፉት ሁለት ሳምንታት ውስጥ ሦስት የከባድ መኪና አሽርካሪዎች እና የመኪና ጥገና ባለሙያ የሆኑ ኢትዮጵያውያን ሕይወት እንዳለፈ የኢትዮጵያ ከባድ መኪና አሽከርካሪዎች ማኅበር አስታወቀ።

እነሆ፥ እንደ ምድጃ እሳት የሚነድድ ቀን ይመጣል፤ ትዕቢተኞችና ኃጢአትን የሚሠሩ ሁሉ ገለባ ይሆናሉ፤ የሚመጣውም ቀን ያቃጥላቸዋል፥ ሥርንና ቅርንጫፍንም አይተውላቸውም፥ ይላል የሠራዊት ጌታ እግዚአብሔር። ሚል 4፥1

እነሆ ይመጣል የተባለው መምጣቱን ልብ ያልው ልብ ይበል።

በከባድ ሙቀት ህይወታቸው ያለፈ ሀጃጆች ቁጥር ከ1 ሺህ ተሻገረ

1081 የ10 ሀገራት ዜጎች ህይወታቸው ማለፉ የተነገረ ሲሆን፥ ከ650 በላዩ ግብጻውያን ናቸው ተብሏል። በዘንድሮው ሃጂ የተመዘገበው ጉዳት ከ2015 ወዲህ ከፍተኛው መሆኑ እየተነገረ ነው።

#በዓለ_ጰራቅሊጦስ (መንፈሰ ጽድቅ)

www.tg-me.com/Ewnet1Nat

🔥     🔥    🔥
በዓለ ጰራቅሊጦስ
(መንፈሰ ጽድቅ)
    ✨ ✨ ✨

የጌታችን ዓበይት በዓላቱ 2 ጊዜ (ማለትም ጥንተ በዓልና የቀመር በዓል ተብለው) ይከበራሉ። ዛሬም አምላካችን መንፈስ ቅዱስ በቅዱሳን ሐዋርያት ላይ መውረዱን በቀመሩ ስናከብር ግንቦት 18 ደሞ በጥንተ በዓሉ እናከብራለን።

ይህስ እንደ ምን ነው ቢሉ፦
ቸር አምላክ ወልድ ኢየሱስ ክርስቶስ ለእኛ ሲል
🍀 ከልዑል ማዕርጉ ወርዶ፣ በማሕጸነ ድንግል ተጸንሶ፣
🍀 በኅቱም ድንግልና ተወልዶ፣ ከኃጢአት በቀር በግዕዘ ሕጻናት አድጎ፣
🍀 በ30 ዘመኑ ተጠምቆ፣ ቅድስት ሕግ ወንጌልን አስተምሮ፣
🍀 በፈቃዱ ሞቶ፣ በባሕርይ ሥልጣኑ ተነሥቶ፣
🍀 በአርባኛው ቀን አርጓል።

ታዲያ ደቀ መዛሙርቱን የቅዱስ መንፈሱን ጸጋ ተስፋ እንዲያደርጉ ነግሯቸው ነበርና በተነሣ በ50ኛው ቀን፣ በዐረገ በ10 ቀን ተስፋውን ፈጸመላቸው።

እመቤታችን ቅድስት ድንግል ማርያም ዶሮ ጫጩቶቿን በክንፎቿ እንድትይዝ በአንድ ላይ ሰብስባ ለክብረ መንፈስ ቅዱስ አብቅታቸዋለች። 120ው ቤተሰብ ከጌታችን እናት ጋር ሲጸልዩ መንፈስ ቅዱስ በአውሎ ንፋስ አርአያ ወርዶ በአምሳለ እሳት አደረባቸው።

ቅዱሳን ሐዋርያት ፈሪዎች የነበሩ ደፋሮች፣ አሮጌ ሕሊና የነበራቸው ሐዲሶች ሆኑ። በአዕምሮ ጎለመሱ፣ የተለያዩ ቋንቋዎችን ተናገሩ፣ ምሥጢርም ተረጎሙ። በቅጽበትም ብሉይ ከሐዲስ በልቡናቸው ውስጥ ተሞላ።

ሐዋርያቱ ቅዱስ መንፈስን ተቀብለው ዓለምን በወንጌል ዕርፈ መስቀል አርሰዋል። አልጫውን ዓለም ጨው ሆነው አጣፍጠዋል። ሳይሳሱም አንገታቸውን ለሰይፍ ሰጥተዋል።

"ኪያሁ መንፈሰ ነሢኦሙ ለለአሐዱ፥
ሐዋርያት ለሰቢክ አሕጉራተ ዓለም ዖዱ፥
ሰማዕትኒ ለሕማም ነገዱ" እንዳለ ደራሲ።

በዚህ ቀን 2 ነገሮች በትኩረት ይነገራሉ፦

1. "የመንፈስ ቅዱስ የባሕርይ አምላክነት"

እርሱ ከአብ የሠረጸ፣ ቅድመ ዓለም የነበረ፣ በባሕርይ ሥልጣኑ ከአብና ከወልድ ጋር እኩል የሆነ፣ የራሱ ፍጹም አካል ያለው ፍጹም ጌታችን አምላካችን ነውና።

2. "ቅድስት ቤተ ክርስቲያን"

አብ ያሰባት፣ ወልድ በደሙ የቀደሳት፣ መንፈስ ቅዱስ በጸጋው ያጸናት (የፈጸማት) የክርስቲያኖች አማናዊት አንድነት፣ አንድም ቤት ናትና ዛሬ በጉባዔ ተመሥርታለች።
✨🍀✨🍀✨

የመንፈስ ቅዱስ ቸርነቱ፣ ምሕረቱ፣ ጸጋው ይደርብን፡፡
ወስብሐት ለእግዚአብሔር ልዑል፥
ወለወላዲቱ ድንግል፥
ወለመስቀሉ ዕፀ ሣህል። አሜን፨