🟢 🟡 🔴
አንድ አምላክ በሚሆን በአብ በወልድ በመንፈስ ቅዱስ ስም፨

~ የካቲት 30 | የመጥምቁ ዮሐንስ ቅድስት ራስ ከተቀበረች በዛሬው ቀን ተገኘች።

ቅዱስ ዮሐንስ አፈወርቅ እንደጻፈውም ፦

የመጥምቁን አንገት ቆርጠው፣ በጻሕል አድርገው ወደ ኄሮድስ አመጡለት። እርሱም ለኄሮድያዳ ልጅ ሰጣት፤ እርሷም ለእናቷ ወስዳ ሰጠች።

ይቺም የረከሰች አመንዝራ ልትዳስሣት በወደደች ጊዜ በወጭቱ ውስጥ ጠጒሯ ተዘርግቶ (ክንፍ አውጥታ) ወደ አየር በረረች።

በአየርም ሁና የወንድምህን ሚስት ልታገባ አይገባህም እያለች የምትጮኽ ሆነች። እንዲህም እያለች ዐሥራ አምስት ዓመት ኑራ በዓረቢያ ምድር (ሚያዝያ 15) ዐረፈች፤ በዚያም ተቀበረች።

ነጋድያንም በዚያ ቦታ የሚያድሩ ሆነ። በእግዚአብሔርም ፈቃድ ሁለት አማንያን ነጋዴዎች ወደዚያ ቦታ ደርሰው አደሩ። ቅዱስ ዮሐንስም በሕልም ተገለጠላቸውና የከበረች ራሱን ያወጡ ዘንድ አዘዛቸው።

እነርሱም አወጡዋት ከእርሳቸውም ጋር ወደ ቤታቸው ወስደው ታላቅ ክብርን አከበሯት።

✧◦✧◦✧

▯ www.tg-me.com/Ewnet1Nat 🇨🇬
▮ http://www.tg-me.com/AlphaOmega930 🇨🇬

🟢 🟡 🔴
መጋቢት 5 | ጻድቁ አቡነ ገብረ መንፈስ ቅዱስ ( ገብረ ሕይወት ) በታላቅ ክብር ዐረፉ።

ጻድቁ የተወለዱት ግብፅ (ንሒሳ አካባቢ) ሲሆን አባታቸው ስምዖን እናታቸው አቅሌስያ ይባላሉ።

አባታችን ገብረ ሕይወት የጻድቃን አለቃ፣ የቅዱሳን የበላይ፣ ተጋድሎአቸውና ድንቅ ተአምራቸው እንደ ሰማይ ከዋክብት የበዛ ቅዱስ ሰው ናቸው።

አባታችን ገብረ መንፈስ ቅዱስ ለ562 ዓመታት በዚህች ዓለም ሲኖሩ:-

✧ እህል ያልቀመሱ (ምግባቸው ምስጋና ነውና)

✧ ልብስ ያልለበሱ (ጠጉር አካላቸውን ይሸፍን ነበርና)

✧ ሐዋርያዊ ሆነው ከግብፅ እስከ ኢትዮጵያ ብዙ ነፍሳትን ያዳኑ

✧ ኢትዮጵያን በ100 ዓመት ጸሎታቸው አስምረው አስራት እንድትሆናቸውም ተቀብለው ምድረ ከብድ አካባቢ አርፈዋል።

ጻድቁ ገብረ መንፈስ ቅዱስም ገብረ ሕይወትም ይባላሉ። በ562 ዓመታት ሕይወታቸው እንደ ሐዋርያት ከምድረ ግብፅ እስከ ኢትዮጵያ ወንጌልን ሰብከዋል። በዚህም በሚሊየን (አእላፍ) ለሚቆጠሩ ነፍሳት የድኅነት ምክንያት ሆነዋል።

ጻድቁ እንደ ሰማዕታትም ከከሃዲ ሰዎች ብዙ መከራን ተቀብለዋል። እንደ ባሕታውያን ለብዙ መቶ ዓመታት ሰው ሳያዩ ቆይተዋል። ለየት የሚለው ግን የጽድቅ ሕይወታቸው ነው። ከእልፍ አዕላፍ አጋንንት ጋር ተዋግተው ድል ማድረግ ችለዋልና።

በ8ኛው ክ/ዘመን አካባቢ የተወለዱት አባታችን ያረፉት በ14ኛው መቶ ክ/ዘመን አካባቢ ነው። ፍጥረታትን ሁሉ አዘው መጋቢት 5 ቀን ሲያርፉ ግሩማን መላእክት ገንዘው አካላቸውን ሠውረዋል።

የጻድቁ በዓል ጥቅምት 5 ቀን የሚከበረው ብዙ ጊዜ መጋቢት 5 ዐቢይ ጾም ውስጥ ስለሚውል ተውላጥ (ቅያሪ) ሆኖ ነው።

ቸር አምላክ ከጻድቁ ዋጋና በረከት ይክፈለን።

▯ www.tg-me.com/Ewnet1Nat
▮ http://www.tg-me.com/AlphaOmega930