Bolalik travmasi — bu insonning bolalik davrida boshidan kechirgan ruhiy yoki jismoniy og’riqli tajribalardir. U nafaqat bolalik davrida, balki butun umr davomida insonning o’ziga bo’lgan munosabati, qo’rquvlari va shaxsiy sifatlarida ta’sir qiladi. Hayotdagi har bir og’riqli tajriba bizni kuchliroq qilish uchun imkoniyat bo’lib xizmat qilishi mumkin. O’z ustingizda ishlash, kechirish va o’rganish orqali o’tmishni ortda qoldirib, yangi, mustahkam va baxtli kelajak yaratishingiz mumkin.
Travma og’riqli, ammo uni yengib, o’sish mumkin.

✈️ @Elchin_Tolibov

O‘ZGARISH BADAL TALAB QILADI, YO‘QOTISHNI O‘Z ICHIGA OLADI...

O‘zgarish, xohlangan narsa bo‘lsa ham, baribir yo‘qotishni o‘z ichiga oladi; shu sababli, ayrim o‘zgarish davrlarida qayg‘uli, siqilgan, depressiv yoki melankolik his qilamiz.

O‘zgarish, xohlangan narsa bo‘lsa ham, baribir azobni o‘z ichiga oladi; shu sababli ayrim o‘zgarish davrlarida ichimizga yopilamiz, tajovuzkor bo‘lamiz yoki murakkab insonga aylanamiz.

Bu holat o‘zgarish bilan paradoksaldek ko‘rinsa-da, aslida bir holatdan boshqa bir holatga o‘tishning tabiiy natijasidir. Bu, go‘yo turbulentlikdan o‘tishga o‘xshaydi. Agar chidash, bardosh va davom ettirishga qodir bo‘lsak, istagan manzilimizga yetib boramiz.

✈️ @Elchin_Tolibov

#Anglash

Inson qachon chinakam baxtni, xotirjamlikni his qiladi? Hech kimdan hech nima kutmaganida. Kutuvlarimiz miqdori baxtliligimiz darajasiga teskari proporsional. Qancha kam kutsangiz, shuncha baxtli bo'lasiz. Vijdonan xolis vazifangizni bajarasiz va ajrini Allohdangina kutasiz, tamom.

✈️ @Elchin_Tolibov

🧠 Terepiya sizning holatingizni yomon holatga olib kelmaydi, balki qay daraja yomon holatda ekanligingizni farqlashingizga yordam beradi.

🎚️ Bordim, umuman foyda ko’rmadim, yanayam yomonlashdim deb tushunish ko’pincha shu sababli yuzaga keladi.

✈️ @Elchin_Tolibov

Darsda Pavlovning iti ustidan kulib o’tirgan edik.
Keyin nima bo’ldi?
Qo’ng’iroq chalindi va bordik tushlik qildik…🙃

🧠 @Elchin_Tolibov

Psixoterapiyada tuzalish bir jarayondir. Uch qadam oldinga, besh qadam orqaga, ikki qadam orqaga, to‘rt qadam oldinga… g‘azab, nafrat, inkor, sog‘inch, afsuslanish, sevgi, qabul qilish, ko‘p-ko‘p yig‘lash kabi ko‘plab holatlarni boshdan kechirasiz va oxir-oqibat neytral holatga kelish bilan yakunlanadi. Hech kimga bir kechada bahor kelmaydi, qattiq qishning ayozini his qilmaguncha….

🖊️ @Elchin_Tolibov

Terapevtlar “sening uchun shu yerdaman”demaydi, “bu jarayonda birgamiz” deydi
Va menimcha, eng go’zali ham shu….

🖊️ @Elchin_Tolibov

Psixoterapiya dard eshitish emas. Psixoterapiya suhbat qilish emas. Psixoterapiya ichingni to‘kib uyga qaytish emas.
Psixoterapiya insonning ichki dunyosiga qaraladigan va u yerda sodir bo‘layotgan holat, vaziyatlarni birgalikda tushunishga harakat qilinadigan jarayondir.

🖊️ @Elchin_Tolibov

Bola uchun eng muhim ehtiyoj – u his qilayotgan barcha his-tuyg‘ulari, ota-onasi tomonidan qabul qilinishidir.

Agar bu bo‘lmasa, nima shakllanadi, bilasizmi? “Soxta shaxsiyat”
🌻

✍️ @Elchin_Tolibov

Tabassum qiluvchi depressiya — bu insonning atrofidagilarga hech narsani sezdirmaydigan darajada mohirona niqob taqishidir.
Ular shu darajada yaxshi yashiradiki, vaqt o‘tib o‘zlarining emotsional inqirozlarini ham inkor etib qo‘yishadi.
“Qanday qilib bunchalik kulib yurishing mumkin?” degan savolga ular ko‘pincha shunday javob berishadi: “Chunki boshqa ilojim yo‘q.”
Aslida esa eng kuchli ko‘ringan odamlar ba’zida eng chuqur yaralarga ega bo‘ladi va eng ko‘p yordamga muhtoj bo‘lganlardir.

✍️ @Elchin_Tolibov

#terapevt_kundaligi

Terapiyalarda har kuni turli hikoyalarni eshitmaymiz, aslida turli hayotlardagi ayni yaralarni ko‘ramiz.

Sevilmagan bola, e’tibor berilmagan bola, qadrlanmagan bola… 🥺
Farzandlaringizni seving, ularga diqqat qiling, harakatlarini qadrlang.

Aks holda orqangizda o‘zini qadrsiz his qiladigan, qaror qabul qilishda qiynaladigan, “yo‘q” deyolmaydigan bir katta odam qoldirasiz.

✍️ @Elchin_Tolibov

Bazan inson o’zini xuddi Titanik kemasining kapitani kabi his qiladi. Rul, boshqaruv o’z qo’lida. Lekin qo’lidan hech narsa kelmaydi.🥺

✍️ @Elchin_Tolibov

Ba’zi odamlarda o‘zini “haqli” deb bilish hissi shunchalik kuchliki, siz bir qadam tashlab yaxshilik qilsangiz, bu yaxshilikni ham o‘zlarining fazilati deb hisoblashadi. Ular hayotning ham, boshqa barcha insonlarning ham o‘zlariga qarshi qarzdor ekaniga ishonishadi va ularga xizmat qilish boshqalarning emas, aynan o‘zlarining tabiiy huquqidek munosabatda bo‘lishadi.

Ko‘pincha bu yerda masala sizning mehnatingiz, samimiyligingiz yoki mehribonligingiz emas — ularning o‘zlarini doimo haq, qadrli va ustun deb hisoblashidadir.

Bunday joyda yaxshilik yo‘qoladi — chunki u yerda chin dildan kelgan samimiyat emas, kibir, manmanlik o‘sadi.

Bu yerda eng muhim jihat: Sen barcha insonlarga bir xil yurak bilan yondashsang ham, ba’zi yuraklar faqat olishga sozlangan bo‘ladi.
Shu sababli sening yo‘nalishing, hayotiy kompasing – faqat nima qaytadi, nima olaman degan savolga emas, balki ichingdan kelganiga, ishonchingga sodiq qolgan holda, o‘zingni ham unutmasdan yashash bo‘lishi kerak.
Shunda, ba’zida charchasang ham, o‘zingga begonalashmaysan – balki o‘zingdagi ichki “men”ga bir tomchi hayot suvi quygandek bo‘lasan.

Aks holda, agar sen yo‘nalishni boshqalarning munosabatiga qarab belgilasang — kompasing doimo aylanaveradi. Maqsading, yo‘nalishing bo‘lmaydi — va eng achinarlisi, o‘zingdan o‘zing uzoqlashib qolgan bir nuqtada qotib qolasan.

✍️ @Elchin_Tolibov