#የብርሃን_እናት_ነሽና

የብርሃን እናት ነሽና የብርሃን እናት(፪)
ለምኚልን ድንግል ለምኚልን(፪)

ጸጋንና ክብርን የተመላሽ
ከሴቶች መካከል የተመረጥሽ
ለቃሉ ማደሪያ ዙፋን ሆነሽ
በደመና መንበር የተመሰልሽ
አዝ= = = = =
የሽቶ ማኖሪያ የተቀደስሽ
መዓዛሽ ያማረ ሽቶ ያለሽ
ውዳሴሽ ብዙ ነው እናታችን
ስምሽን እያሰብን ነው መጽናኛችን
አዝ= = = = =
በሀሳብ በግብር ፍጹም ሆነሽ
ምንኛ ብሩህ ነው ድንግል ልብሽ
አንቺን የሚመስል የለምና
ይሰማል ምልጃሽ ያንቺ ልመና
አዝ= = = = =
የብርሃን መውጫ ምሥራቁ ነሽ
ሰውን ለለወጠ ድልድይ ነሽ
ምሥጋናሽ አያልቅም ለዘላለም
ማህሌት ነሽና በአርያም
አዝ= = = = =
መላዕክት ፍጥረትሽን ያደንቃሉ
ጌታን በመውለድሽ ይመካሉ
ሰማይና ምድር ሳይወስኑት
ባንቺ ተወሰነ እፁብ በእውነት

#እሑድ_ማለት "አሐደ"  ከሚለው የግዕዝ ቃል የወጣ ሲኾን ትርጉሙ የመጀመሪያ እንደማለት ነው። ይኽች ዕለት በመጽሐፍ ቅዱስ "ከሳምንቱ በፊተኛው ቀን " በመባል ትታወቃለች።

#ዮሐንስም_በራዕዩ "የጌታ ቀን" ያላት ናት (ራዕይ 1፥10) ቅዱስ ያሬድም በድጓው ላይ #ዕለተ_እግዚአብሔር" የሚላት ዕለተ #እሑድ ናት።

     #መልካም_ዕለተ_ሰንበት 🙏

"አማኑኤል ፍቅርህ ይማርካል "

ሊቀ መዘምራን ቴዎድሮስ ዮሴፍ

አማኑኤል ፍቅርህ ይማርካል
ፍቅርህ ይማርካል
በመስቀል ተሰቅለህ መድኃኒት ሆነሃል
አማኑኤል ፍቅርህ ይማርካል
…………
ሳታቆስል በፍቅርህ ማረከን
ከፊት ቀድመህ በድል አስከተልከን
በደለኞች እኛ ሆነን ሳለ
አንተ ከፍለህ ክሳችን ተጣለ

* ኪርያላይሶን* /4x/
አዝ…………

እንደሰማን እንዲሁ አይተናል
ማዳንህን ቀምሰን መስክረናል
የእግዚአብሔር በግ ቆስለህ የፈወስከን
ወደ ድንቁ ብርሃን አሻገርከን

* ኪርያላይሶን* /4x/
አዝ……………

አጽናንተኸን ሞትን አስተከዝከው
ወደ ጥልቁ እንዲወርድ አዘዝከው
ባንተ ፍቅር ምርኮ በዝቶልናል
ማማ ሆነህ ከፍ ከፍ ብለናል

* ኪርያላይሶን* /4x/
አዝ………………

ስንሸሽህ እየተከተልከን
ልጆች አድርገህ በክብር አስጌጥከን
ተቅበዝባዡን ሰብሰበሃልና
ከማደሪያህ ይፈልቃል ምስጋና

*ኪርያላይሶን* /4x/
አማኑኤል ፍቅርህ ይማርካል
ፍቅርህ ይማርካል
በመስቀል ተሰቅለህ መድኃኒት ሆነሃል
አማኑኤል ፍቅርህ ይማርካል
……………………………………
…………………………………

መልካም ቀን ይሁንላችሁ
አማኑኤል ከክፉ ሁሉ ይጠብቃችሁ

ምክረ አበው ዘአቡነ ሺኖዳ ሳልሳዊ

=> ኃጢአት ከበጎ ነገር በተቃራኒ መስራት ብቻ አይደለም። በጎውን አውቆ አለመስራትም ኃጢአት ነው።

=> ኃጢአት ምን እንደሆነና ፍፃሜውንም ብታውቅ ትሸሸዋለህ!

=> በእግዚአብሔር ፊት መቆምህንና እርሱም እንደሚመለከትህ አስታውስ፦ ያኔ ኃጢአት አትሰራም እግዚአብሔርን ታየዋለህና።

መልካም ቀን

አንዳንድ ነጥቦች በብፁዕ አቡነ ጴጥሮስ ወደ ሀገራቸው እንዳይገቡ መከልከል ዙሪያ፦
1. ለዚህ አሳዛኝ ድርጊት የተቀነባበረ ሽፋን በቅርብ ሲሰጥ እንደምንሰማ የታወቀ ነው። በመንግሥት አካላት ተደርሶ የሚቀርበው ድራማና ዶክመንተሪ አያልቅምና ያልሠሩትን ወንጀል ሲያሸክሟቸውና ሲያጥላሉዋቸው እንሰማ ይሆናል። ስለዚህም ከሚዲያ ጋር በተያያዘ የኢትዮጵያ ኦርቶዶክስ ልሳን የሆኑ ሚዲያዎችን ብቻ እንከታተል።
2. መንግሥት ይህን መሰል አንገት ሰባሪና ድፍረት የተሞላበት ድርጊት ሲፈፅምም ብፁዕነታቸው ያሉበትን ኃላፊነት ከግምት አላስገባም። ክብራቸውን የሚወክሉትን ቤተ ክርስቲያንና ሕዝባቸውን አላከበረም። በዚህ ጸያፍ ድርጊቱ እርሳቸውን ብቻ ሳይሆን መላውን የኢትዮጵያ ኦርቶዶክስ ተዋሕዶ ቤተክርስቲያን አማኝን እንዳሳዘነ መታወቅ አለበት።
3. ብጹዕ አቡነ ጴጥሮስ የቅዱስ ፓትርያርኩን ሸክም ጎንበስ ብለው የሚሸከሙ አባት ናቸው። የዛሬው የመንግስት ድርጊት ብፁዕ አቡነ ጴጥሮስን ከሜዳው በማግለል የቅዱስ ሲኖዶስን ማዕከላዊነት የመናድ ሙከራ ነው።
4. ብፁዕነታቸው በእምነታቸው የማይደራደሩ ታላቅ አባት ሲሆኑ እርሳቸውን ወደ ሀገራቸው እንዳይገቡ የማድረግ ርምጃ የቤተ ክርስቲያንን በር የበግ ለምድ ለለበሱ ተኩላዎችና ለእንደ ልቡዎች ክፍት የማድረግ ዕቅድ አካል ነው። ከዚያም ውጪ ሌሎች ውጪ የሚኖሩ አበው ብፁዓን አባቶችንም አፍ የማስያዣ አካሄድ ነው።
5. በሌላ በኩል በውጪ ያሉ የቤተ ክርስቲያን አባቶች ቁጣቸውን ማሳደር አለባቸው። ምክንያቱም መንግሥትም ሆነ ሕገ ወጥ አካላት በተለያዩ ሚዲያዎች በኩል ይህን ነገር እያራገቡ ጫና ፈጥረው ሌላ ሲኖዶስ እናቋቁም የሚል ሀሳብ እንዲፈጠር መሥራታቸው አይቀርምና በዚህ በኩል ረጋ ብሎ  መጠንቀቅ ተገቢ ነው። ተተኪ ጸሐፊ ይመረጥ የሚል ሤራ እንዳይሸርብም ነቅቶ መጠበቅና መሥመር ማስያዝ እንደሚገባው ሳይረሳ!!
6. ይህ ድርጊት ቤተ ክርስቲያንን ለመከፋፈል የታሰበ እቅድ ነው። ስለዚህም እንደ ምእመን በበለጠ የቤተ ክርስቲያን አንድነት ላይ ማተኮርና ቤተ ክርስቲያናችንን በንቃት መጠበቅ አለብን።
7. ይሄ ጉዳይ መሥመር እንዲይዝ የሚያደርጉ አባቶችን በሚያስፈልጋቸው ሁሉ ማገዝና ትዕዛዛቸውንም እንደ ልጅ መፈጸምም ይገባናል።
ልዑል እግዚአብሔር ቅድስት ቤተ ክርስቲያናችንን ይጠብቅልን

#ኢንፈርህሞተ
#ሞትንአንፈራውም
ብርሃኑ ተ/ያሬድ

እጠብቅሃለሁ

ለመምህራችን ቃለ ህይወት ያሰማልን

https://www.tg-me.com/Egizhaberanidinew

" " " " ኢየሱስ ማን ነው?" " " "
     ❖ ❖ ❖
"እናንተስ እኔን ማን እንደ ሆንሁ ትላላችሁ?"
(የማቴዎስ ወንጌል 16:15)

ይሄ ጥያቄ ከክርስቶስ ለሐዋርያቱ የቀረበ ቢሆንም ህያው ሆኖ ይሰራልና ለእኛም የተጠየቀ ነው!
ስለዚህ እናንተ ክርስቶስን ማን እንደሆነ ትላላችሁ? የሚለውን ጥያቄያችንን ለልባችሁ በመተው በዚህ ተከታታይ ፅሁፍ የኢየሱስ ክርስቶስን ማንነት ከመጽሐፍ ቅዱስ እና ከኦርቶዶክሳዊ አስተምህሮ አንጻር እንማማራለን።
ኢየሱስ ክርስቶስ የክርሰትናችን መስራች የሃይማኖታችንም ራስ በመሆኑ እርሱን በሚገባ ማወቅ ከእኛ ከክርስቲያኖች ይጠበቃል። እርሱን ማወቃችንም ለሚከተሉት ዋና ዋና ተግባራት ይረዳናል።

1. እርሱን አውቀን በህወታችን ያለውን ድርሻ ተረድተን ለእርሱ እንድንታዘዝና በአግባቡ እንደናገለግለውና እንድናመልከው

2. የምናውቀውን ለማያውቁትና ላልተረዱት በሚገባ ለማስረዳትና ወደ እውነተኛው የክርስቶስ ማንነት እንዲመጡ ለማድረግ

3. በዘመናች ኢየሱስ ክርስቶስን በተመለከተ ሰዎች ያላቸው አስተሳሰብ አራምባና ቆቦ ስለሆነ ጥያቄዎችንም ስለሚጠይቁን ለእነርሱ መልስ ለመስጠት ነው።

4- ዋናው ደግሞ ኢየሱስ ክርስቶስን ማወቅ የዘለዓለም ህይወት ነው!! የሐ17-2፤4

ኢየሱስ ክርስቶስ በዚህ ዓለም በተመላለሰበት ጊዜ ሰዎች አውቀውት ተረድተውት እንደሆነ ይጠይቅ ነበር። ለምሳሌ በፊሊጶስ ቂሳርያ ሐዋርያቱን ሰዎች የሰውን ልጅ ማን እንደሆነ ይሉታል ብሎ ጠይቋቸው ነበር። ሐዋርያቱም ክብር ይግባውና ሰዎች የሚሉትን ተርከውለታል ።ማቴ 16፡18፤ማር 8 ። በዚያ ዘመን የሚኖሩ ሰዎች ክርስቶስን ኤልያስ ነው፤ሙሴ ነው፤ ዩሐንስ ነው፡ ኤርሚያስ ነው ከነዚህም ካልሆነ ከነቢያት አንዱ ነው ይሉ ነበር። ሌሎቹም
ጋኔል አለበት ብለውታል የሐ 10፤20 ኢየሱስ ክርስቶስ ግን የነቢያት አምላክ ነበር ሰዎች ባይረዱትም ቅሉ።
ሌሎቹም ካስተማራቸው ትምህርት የተነሳ ይህ ማን ነው የጸራቢው የየሴፍ ልጅ የማርያምስ ልጀ አይደለምን? ወንድሞቹ .. እህቶቹም በእኛ ዘንድ አይደሉምን? እያሉ ተሰነካከሉበት።ሉቃ 4፤16-22
ሆኖም ሁሉም ባያውቁትም ሐዋርያቱ ግን በሚገባ ተረድተውት ነበር ለዚህ ነው ሐዋርያው ቅዱሰ ጴጥሮስ አንተ የህያው እግዚአብሔር ልጅ ነህ ብሎ የመለሰው። ቅዱሰ ጴጥሮስም አንተ የህያው እግዚአብሔር ልጀ ነህ በማለቱ ብጹዕ ተባለ፤የቤተ ክርስቲያን አለት እንዲባል ሆነ።

ወገኖቸ በዛሬው ጊዜ ኢየሱስን አንዱ ፍጡር/ነብይ/ ሌላው መልአክ ሌላም ሌላም እያሉ ይሳለቁበታል በእርግጥ እኛ አውቀነው ይሆንን?

ለመሆኑ ይህ ኢየሱስ ማን ነው?
ኢየሱስ ክርስቶስ ትንቢት ሳያናግር ሱባኤ ሳያስቆጥር እንዲሁ ከሰማያት የወረደ አይደለም። ይልቁንም ትንቢት አናግሮ ሱባኤ አስቆጥሮ ከሰማየ ሰማያት ወረደ እንጂ። ኢየሱስ ክርስቶስ ሱባኤ አስቆጥሮ ቢመጣም እንኳን ሱባኤውን እንቆጥራለን የሚሉ
አይሁድ ማወቅ አልቻሉም እርሱ የመጣው በደካማ ስጋ ነበርና።

ዛሬም ሰዎች ክርስቶስ በደካማ ስጋ መምጣቱን ተመልክተው ብዙዎች እርሱን በሚገባ ለማመንና ለማዎቅ አቃታቸው። ክብር ለእርሱ ይሁንና እርሱ ኢየሱስ ማን ነው። እርሱ የማሰናከያው ድንጋይ እርሱ የማዕዘኑ ድነጋይ፤ ያ ከአለት የፈሰሰው እና በጥም
የነበሩትን በበረሃ የተቃጠሉትን ያረካው ኢየሱስ ክርስቶስ ማን ነው?

ኢየሱስ በብሉይ ኪዳን፦

           ይቀጥላል............

ህይወትህን በሙሉ ለምድራዊ ነገር አሳልፈህ ከሰጠህ ምድር መቃብርን ትሰጥሃለች፤ ነገር ግን ህይወትህን ለመንግስተ ሰማያት አሳልፈህ ብትሰጥ ግን መንግስተ ሰማያት ዙፋንን ትሰጥሃለች።
ምክረ አበው

ህይወትህን በሙሉ ለምድራዊ ነገር አሳልፈህ ከሰጠህ ምድር መቃብርን ትሰጥሃለች፤ ነገር ግን ህይወትህን ለመንግስተ ሰማያት አሳልፈህ ብትሰጥ ግን መንግስተ ሰማያት ዙፋንን ትሰጥሃለች።
ምክረ አበው

ወዳጄ ሆይ

"ክፉ ሐሳብ ሲዋጋህ ያንን ለመርሳት አትታገል ፤ ሐሳብ የሚሸነፈው በሐሳብ ነውና ስለ እግዚአብሔር ማሰብ ጀምር ፤ መጻሐፍትንም አንብብ ። ያዘዝከውን ሰዎች ባይፈጽሙ አቅም አንሷቸው ሊሆን ይችላልና ራስህ ፈጽመው ወይም ለሚሠራ ለሌላ ሰው ስጠው ። መንደሮች የሚያስቡት በመንደራቸው መጠን ነውና ከመንደር ይልቅ ልብህን አስፋው ። አቅምህ እንጂ እምነትህ አናሳ አይሁን ። ኑሮህ እንጂ ፍቅርህ ድሀ አይሁን ። በእጅህ የወደቀ ምርኮኛህ ነውና አቅም አለኝ ብለህ ምንም አታድርግበት ። ተቀምጠህ የምታየውና ቆመህ የምታየው ልዩነት አለው ። ስትቀመጥ ትልቅ የመሰለህ ስትነሣ ትንሽ ነው ። አንድ እርምጃ መራመድም ወደ ግቡ መቃረብ ነው ። እውነተኛ አጥር የሰው ፍቅር ነውና ከአጥር ይልቅ ፍቅርን ገንባ ።"

"መካሪ ከተገኘም ሕይወት ቀላል ነው።"

🌻🌻🌻🌻🌻🌻🌻🌻🌻

በስመ አብ ወወልድ ወመንፈስ ቅዱስ አሀዱ አምላክ አሜን !!!

እንኳን ለቅድስት ሥላሴ  በዓል  እንዲሁም ለሌሎች ቅዱሳን መታሰቢያ በዓል  በሰላም በጤና አደረሳችሁ፤ አደረሰን።

የአብርሐምን ቤት የባረኩ ሥላሴ እኛንም በህይወታችን በኑሮዋጭን በአገልግሎታችን  በትዳርአችን በትምርታችን በሥራችን ይባርኩን ።

ሥሉስ ቅዱስ ለሚታምን ሁሉ እምነትን በረከትን ሀገራችን ኢትዮጽያን ሰላም ያድርጉልን አሜን ::

#መልካም እለተ  ይሁንልን

     #መልካም ቀን