ومن وصلنه البابهم
كالو شجابك..؟
لا تجينه..!

#عريان_السيد_خلف


تالي طبگو بابهم
وبنار فشلتنه انچوينه

#الگاطع

¹³³
جنه نحلم
جنه واحنه ازغار كل عصرية نلتم
نلبس اجناح الكواغد
نركض اويه الغيم حافين
وعلينا الليل يلتم
جنه نحلم
نرسم ابدشداشتنه ورده
وتكبر ويه الليل
ونمرها الصبح نلگاها بالفراشة تحلم
جنه من ننجرح نضحك
اه ....لو ندري اشكثر غالي ابكبرنا يصير الدم
جنه نحلم
نبني بيت ابماي
يزعل كل كلبنه اعله الجرف
لو نلگلة بيت الماي بالماي ايتهدم
جنه نلعب بالرصاص
ونشرب البارود
ماندري اعله اهلنه بوحشة الميتين يلتم
جنه شبعانين
ماندري الخبز ياهو اليجيبه
صافي مثل الماي املنه
وبطرگ لعب الشوارع
لا جگاير
لا سياسة
ولا حبيبه
وبطرگ حلم الشوارع
وبطرگ لعب الحدايق
يوم صاحبنه الفخاتي
وصارت الشجرة حبيبه

#الگاطع

¹³³

‏الصدق و الصراحة ، قد لا تُكسبك الكثير من الناس ، لكن ستوفر لك أفضلهم رغم قلتهم.


‏- غابريل غارسيا ماركيز

¹³³

چا ليش يشتغلن عكس
حظي و قسمتي و حوبتي


#احمد_العامري

¹³³

دورلي يمك صبر
كلبي خلص صبره


#غني_محسن

¹³³

مرّينه بيكم حمد
واحنه ابقطار الليل
واسمعنه دگ اگهوه ...
وشمينة ريحة هيل
يا ريل ...
صيح ابقهر ...
صيحة عشگ يا ريل
هودر هواهم
ولك
حدر السنابل گطه
يا بو محابس شذر يلشاد خزامات
يا ريل بللّه ... ابغنج
من تجزي بام شامات
ولا تمشي مشية هجر
گلبي ..
بعد ما مات
وهودر هواهم
ولك
حدر السنابل گطه.


#مظفر_النواب

هوه هذه اليل من يبرد.....

يلم وين الحنين


#ناصر_البدري

¹³³

ملينه ربهم ذبح
و ربنا إبتسامة باب
عالمسطر من الصبح
يوزع خبز وثياب

ربنا إعله گد ضحكته
يستنكر الاحزاب !!
و ربهم لگيته امس
يم مجلس النواب !!

ربهم يبوگ الجفن
ويكفر المكحلة
وربنا اليفز الصبح
ويغني للسنبلة

ربهم ملثم حقد
و ينگط سفالة وچذب
وربنا العشگ والعشگ !!
ما ينتمي لكل حزب


#باسم_الخاقاني

¹³³