نصيحه اخويه
بالنسبة للطالب الي متخر وبعده بالفصول الاولى ترى عندك وقت كلش كافي راجع حساباتك وشوف نقوصاتك وابدي من اليوم والله عندك وقت كلش كافي وتلحك تكمل المواد وتراجع يا حبيبي انت ليش جاي تاخذ رأي غيرك وتسال اني الحك اكمل ومن هاي الامور
انت تدري الي جاي ينطونك رأيهم اغلبهم ناس فاشلين وما يفكرون بمستقبلهم ومثل ما تشوف انت عايش بين ناس كلامهم عباره عن تسقيط وتنمر
انت هم سالت طالب مطلع معدل عالي وكالك ما تلحك لو سالت انسان طموح وكالك ما عندك وقت وما تلحك تكمل المواد
يا حبيبي يا اخويه اترك الكلام السلبي  وابدي من جديد ولحد يكلي واهس ماكو ومن هاي الشغلات
انت خلي بالك هدف وانشاء الله يتحقق
بس فكر 11 سنه دراسه وتعب
وصل عمرك 18 سنه او اكثر مصيرك ومستقبلك بهاي 4 اشهر
اذا ما تفكر بمستقبلك فكر باطفالك بعائلتك
ما بقى شي شدو الهمه
فـ توكلوا على الله وابدوا
واهم شي التزمو بالصلاة 😊

انشاء الله السنه الجايه

#جامعيون 💯🧡

اي سؤال او استفسار ان شاء الله منقصر عنكم

#توجيه_لاصدقائك
https://www.tg-me.com/Ddd20192020

#بوست_مهم_للوازريين🛑

شكد ما تقرأ تحفيزات ،ونصائح ،سواء من قناتي او من غيرها...! مني او من شخص آخر 🏃‍♂️

هي صح تنفعك وتفيدك وتنطيك دفعة معنوية ،وطاقة إيجابية!😍

لكن اكو جزء مهم ،يقع عليك انت..اهم من التحفيزات والنصائح ومن كلشي آخر!🤔

تعال وياي...انت أسأل نفسك! اني ليش درست وتعب كل هاي السنين؟🤔

حتى اوكف؟😔
حتى استسلم؟😔
حتى لمن صار موعد النهاية والحلم اكول ما بقى واهس😔
حتى اتعب؟😔؟!
حتى اكول مليت؟😔

اكيد لا....اكو طاقة بداخلك ،صوت خفيف يكلك اني كدها😍
اني درست وتعبت ١٢ سنة وربما أكثر وما راح استسلم😍
اني راح احقق حلمي وحلم أهلي 😍
اني راح اصبر مهما تعبت هي شهرين وتخلص😍
اني راح اصير طبيب..مهندس...معلم..😍
اني راح أقاتل واحقق حلمي غصبا عن الظروف 😍

اني اللي راح اشوف فرحت امي وابوي واشوف دموعهم من الفرح تنزل و هم مفتخرين بيه😍

#انت_بطل_وحتقاوم_كل_شي_صعب
#الحلم_اقترب
#توجيه_لاصدقائك
https://www.tg-me.com/Ddd20192020

#تحفيز


جانبك المظلم سيضيء يوماً ما ، كن قوياً ولا تستسلم لواقعك مهما كان سيء
لا تسمح لأحدهم بخدش روحك ، لا تسمح للظروف بكسر همتك✊📚🎓
و لا تعتقد بأن جلوسك امام الهاتف لساعات طويلة سيحقق اهدافك التي تنوي تحقيقها
ولا تعتقد بأن الكلمات التي تقرأها هنا من اجل ان تعطيك امل هي فقط من تجعلك تستمر في تحقيق حلمك .
لا انت مخطئ للغاية ، فهذه الكلمات ليست سوى جرعة أمل تقرأها لثوان فقط
تجعلك تشعر بأن كل شيء حولك جميل وكل شيء ممكن لكن ؟
بعد انتهائك من قراءة هذه النصوص وذهابك لتطبيق آخر واضاعة وقتك فيه لمدة طويلة
ستنسى فيه هذه الكلمات ذات الأمل والقوة والتحفيز . لو قراءت جملة حزينة واحدة
سيعود شعورك المحبط وسيعود مزاجك متعكر.
الامر ليس بالكلمات التحفيزية القوية ، الامر ابسط بكثير .
ولا تعتقد بأني اكتب هذا الكلام حتى اجعلك محبط ، لا ليس كما يبدو

انا اخبرك الحقيقة ، حقيقة ان كل شيء #يعتمد_عليك انت
كل ما تريده ستحصل عليه ما دمت مصر عليه ، مجتهد ومثابر لأجله
الكلمات تلهمنا وتساعدنا كثيراً لكن الدافع يأتي من داخلك انت🍃..

لذلك لا تعتقد بأنك تعيش على كلمات تكتب لك في قناة ما او منشور في صفحة ما
انت اقوى من ان تنتظر كتابة أحدهم لكي تحيي في داخلك شعور الأمل

#كن_انت_الامل💪
#كن_قويا ✊💚

#توجيه_لاصدقائك
@Ddd20192020

س/فلان مادة منين اقرأ الها وزاري وشگد احصل؟؟؟

1⃣ القواعد:
▪️تحل اسئلة وزارية من سنة 1990الى حد اخر دور وزاري.
🔺تضبط افكار الوزاري تجيك 40/40.تلعلع

2⃣ الادب:(سنة تغير المنهج 2005)
▪️تحل وزاري من سنة 2005 الى حد اخر دور وزاري.
🔺اسئلة المناقشة والوزاري ضمان40/40.

3⃣ الانكليزي:(سنة تغير المنهج 2014)
▪️تحل وزاري من سنة 2014الى حد اخر دور وزاري.
🔺الوزاري ضمان من 75د وفي بعض الاحيان 90د.

4⃣ الاحياء: سنة تغير المنهج 2013
▪️تحل وزاري من 2013 الى حد اخر دور وزاري
🔺اسئلة الفصل والوزاري ضمان ال 100.

5⃣ الرياضيات:(سنة تغير المنهج 2010)
▪️تحل وزاري من 2010 أو من سنة 1996 الى حد اخر دور وزاري.
🔺اذا تضبط افكار الوزاري تجيب 100.

6⃣ الكيمياء:(سنة تغير المنهج 2013)
▪️تحل وزاري من 2013الى حد اخر دور وزاري وزاري،لاتقرااااا من 2012وجوه ابدااا
🔺اسئلة الفصل والوزاري ضمان من 95_100د.

7⃣ الفيزياء:(سنة تغير المنهج 2013.)
▪️تحل وزاري من سنة 2013الى حد اخر دور وزاري.
🔺تضبط اسئلة الفصل والوزاري تجيب 100

نور الهدى🦋

#توجيه_لاصدقائك
https://www.tg-me.com/Ddd20192020

🔴 نصائح إلى المواد مهمة جدا

نصائح مهمة لازم تتبعها بكل مادة حتى تجيب درجة عالية وطبعا قبل لا ابدي ترة الوزاريات مهمة جدا لجميع المواد :

1_ اللغة العربية : طبعا القواعد لازم متفوت محاضرة بي وتحاول كل شي اخذته باليوم من ترجع تقرا حتى ما تنسي وطبعا القواعد حتى تسيطر عليها لازم يكون عندك ملزمة مضبوطة تعتمد عليها ولازم تحل وزاريات هواية حتى تضبط امورك من ناحية الافكار الوزارية ...
الادب لازم متفوت تحضير بي ابد وسالفة النسيان تنحل بالمراجعة المستمرة للموضوع ..

2_ اللغة الانكليزية : بصراحة الانكليزي هو اسهل المواد وعليك تضبط التمارين الي بالاكتفتي وتضبط الاملاء وطبعا اغلب ملازم الانكليزي مضبوطة مثل القريشي او اخلاص اكرم والخ..

3_الاحياء : اغلب الطلاب يعانون من الأحياء لان بسرعة ينسوا وهالشي حالة حال الادب تقريبا من حيث النسيان لهذا عليك تظل تراجع مع نفسك التعريف او التعليل او اي شي تنسا بكل ما صحت فرصة ...

4_ الكيمياء: عليك تعتمد ع ملزمة مضبوطة جدا ومافيها اي نقص وطبعا اكو عدة ملازم مضبوطة مثل مهند السوداني وغيرهم ... وطبعا الفصل الاول ما يحتاج كومة وزاريات عنه لان واضح وكذلك الفصل الثاني ... بس الفصل الثالث لا حل كومة وزاريات عنه وبقية الفصول اقل من الثالث .

4_ الفيزياء: اكيد هم لازم يكون عندك ملزمة مضبوطة تعتمد عليها بس نصيحة ضبط الأمثلة والمسائل كلش لان تجي منها كومة .

5_ الرياضيات: نصيحة مهمة كلش انه بالرياضيات ضبط الأمثلة والتمارين بالاول وابتعد عن الاثرائيات لان صعبة ع الاغلب وافكارها ماتجي وزاري ... بس اذا تريد تضبط اكثر واكثر امورك حل وزاريات وبس ....
ملاحظة: حل وزاريات لكل مادة لان هالشي مهم وراح يساعدك تسيطر اكثر ع المادة وتحتوي كل الافكار الوزارية عندك .. وبالتوفيق للجميع يارب

#توجيه_لاصدقائك
https://www.tg-me.com/Ddd20192020

افعلوا كل مافي وسعكم
لكي تكون الفرحة اضعاف
موفقين يآرب 🙏💚
https://www.tg-me.com/Ddd20192020

مرحبا سيداتي وسادتي
#كل شي وكلاشي (خصوصاً على المراجعة الثانية)

1⃣تراجعون نفس المصادر الراجعتوا بيهن بالأولى لاتغيرون .

2⃣ضبطوا المواد اهم من مراجعتها . اشلون ؟
يعني اذا مادة صعبة عندي ابدي بيها وارتاح .

3⃣كل شي اقرأ بالمراجعة الثانية ؟
جواب:- اي ، الكلاميات شلع قلع كلهن . المسائل احلهن بس اذا اكو هواي متشابهات احل شوي والباقي اطلاع او ع السريع (شخابيط) وتتذكرون من كلت الكم حطوا فد علامة نجمة او اي شي للاشياء الي لازم لازم تحلوها بأيدكم هذن حلوهن ورقة وقلم لازم .

4⃣اكمل المواد تبع المراجعة الاولى لو ابدي من جديد اسوي جدول شو تهت ؟؟
جواب:- كملوا ومن تخلصون حسب الموعد القديم بعدها افعلوا النقاط الفوكَ 1⃣2⃣3⃣

5⃣ لاتكولون وقت هواي ترى يطير بدون ماتحسون خليكم دائماً حريصين لو شما اكو وقت .

6⃣ردت اعيد السنة وهسه قررت امتحن من مددوا الامتحان ، اشلون ابدي ؟؟
جواب:- ابدي واتوكلي وهاي مراجعتج الاخيرة يعني ضبطيها كلش زين .

7⃣ ماانطوا دخول شامل نتوقف ندرس ماالنا واهس بالدراسة غصب ندرس ، اشلون بينا؟؟
جواب:- ابقوا استمروا ماتخسرون شي اذا درستوا احتمال بأي وقت يكولون دخول شامل ساعتها ماخسرتوا شي ، بينما من تعوفون الدراسة راح تخسرون.

8⃣ خففوا من الثقة خصوصاً الطلاب المعيدين ، انو احنا ضابطين المادة وجاي نشوف امور ثانوية غير الدراسة على اساس انو مضبطين وعدنا وقت ترى هالشيء خطير ارتاحوا بس بشي معقووول.

9⃣اكلج الكوثر الايام نفسها مختلفة يعني كل مادة كم يوم؟؟ احنا مسوين جدول مو مثلج بدون جدول .
جواب:- حسب المادة شتحتاج مثلاً اكو مادة اخلي الها ٥ ايام ومادة بس يومين (كل مادة وحسب تضبيطي الها.

🔟بعد عندي نقوصات وحتى مراجعة اولى مابديت اكمل نقوصات لو ابدي ؟

1⃣1⃣ لازم اراجع كل المواد ؟
جواب:- شوفوا اول شي اخلص من المواد الاحتاج فعلاً اراجعها واخلي المواد الي مااحتاج اراجعهم حتى لو يوم واحد فقط استذكر . 

#توجيه_لاصدقائك
https://www.tg-me.com/Ddd20192020

📕| مــــادة الاحياء : هواي طلاب يسألون على طريقة دراستها الصحيحة لان ٩٩% مــــن الطلاب كاعد تعانــــي منها ، وان شــــاء الله راح انطيكم طريقة حلــــوة ومفيدة وبـ أختصار شــــديد :-

🗨| اولاً : خلونــــا نتفق انــــو مادة الاحياء هــــي مادة علمية فهمية لا مادة درخية يعــــني حالها حــــال الرياضيات والفيزياء . . .  الــــخ ، ماشي .

🗨| ثانياً : مــــا تحتاجه بدراسة الاحياء التالي :
١) مــــدرس احيــــاء (يــــوتيوب/ خصــــوصي) تفهم عــــلي .
٢) الكتــــــــاب .
٣) ملزمــــة متكاملة ومــــرتبة .

🗨| ثالثاً : طــــريقة الدراسة وهي كـ التالي :
١) اتابــــع شرح الموضوع على مدرســــك باليوتيوب او الخصوصي ( تفهم الموضــــوع من مدرســــك تفهم تفهم مــــو تحفظ ) .
٢) بعد المــــحاضرة تــــقره الموضــــوع بالكتاب يعني تفــــهم الي شــــفتة ( اتزيد فهمك للموضوع وتفهمة بشكل كامــــل ) .
٣) تجي للــــملزمة وتحــــفظ المــــادة الي فهمتــــها .

🗨| رابعاً : طــــريقة الحــــفظ :
اريــــدك تحفظ الاحــــياء بطــــريقة ( *الحــــفظ الفهمي : يعني تكون فاهم الي جاي تحفظه ) مو ( *الحــــفظ الدرخي : حفظ بــــدون فهم ) وتحــــاول تــــربط الاحياء بحياتك اليومية ، وخليها ابالك انــــت دام فاهــــم الموضوع صــــدكني مراح تعاني ابــــداً بالحــــفظ وراح يكون عنــــدك سلــــسل وبســــيط وبوقت سريع جــــداً .

❗️| ملاحظـــه / لازم تمتــــحن اكــــثر من مرة بالفصل الواحد ، وتراجع المــــوضوع بين فترة واخرى حتى يبقى ابالك ومينسي ، لان دراســــة بدون مراجعة ماكو كــــل فائــــدة منها ، الحــــجي هواي لكن اختــــصرت بلي اكــــدر علــــي .

#كــــل_التــــوفيق_والاحترام ☺️🌺

#توجيه_لاصدقائك
https://www.tg-me.com/Ddd20192020