موضوعنا هو الخلود والعمل الصالح 🤍

الي اثار انتباهي دكتور عدنا بالجامعة يعني ماشاء الله عليه يحظر مؤتمرات وتشوفه عنصر فعال بالمجتمع
في حين اكو ناس اعرفهم اوائل جانوا بكلياتهم بس مو عناصر فعالة بالمجتمع
وهذا مو استنقاص من الاوائل لا بالعكس شي كلش حلوو واحد يطلع من الاوائل بس الاهم من ذلك هو مدى فعاليته وفائدته للناس

فتسائلت بيني وبين نفسي كلت كل شخص ناجح يذكره التاريخ امثال الشيخ الوائلي والكثير الكثير......
يذكره بشنو!؟
يذكره باعماله ، الانسان يخلد باعماله الصالحة
وهذا أكد عليه النبي محمد ص بقوله:
(خير الناس من نفع الناس)

فالي احب اوجه من هاي الرسالة
لاتكون فرد متكاسل او تريد الخير بس لنفسك
اسعى واجتهد وفيد غيرك شكد ماتكدر ساعد الناس فهو كفيل يدخلك الجنة لان مساعدة الناس شي كلش عظيم والعظمة لله
كن انسان مؤثر وليس متأثر

واختم رسالتي بالشمس
ليش الشمس مفيدة وقيمتها عالية
لو جانت حاصرة الضوء والنور بس الها هل راح تكون بهل قيمة !؟
اكيد ،لا
قيمتها بماتعطيه من فوائد ونور للناس فهي تحترق لاضاءة دروب الآخرين

فكن مثل الشمس ليذكرك الناس بالخير.

آرائكم تهمنا

@ZMA_7bot