Huquqshunoslik fanlariga oid e’tirozlar bo‘yicha

2024-2025-o‘quv yilida oliy va professional ta’lim muassasalariga kirish test sinovlarida huquqshunoslik fanlaridan test topshiriqlarining ayrimlariga ijtimoiy tarmoqlarda e’tirozlar bildirilmoqda.

Ma’lumki, O'zbekiston Respublikasi Prezidentining “Ta’lim-tarbiya tizimini yanada takomillashtirishga oid qo‘shimcha chora-tadbirlar to‘g‘risida” 2020-yil 6-noyabrdagi 4884-son qarorida davlat oliy ta’lim tashkilotlariga kirish uchun test sinovi topshiriqlarini tuzish va ekspertizadan o‘tkazishning yangi tartibi joriy qilinishi va test sinovi topshiriqlari davlat ta’lim standartlari va o‘quv dasturlari asosida tuzilishi belgilangan.

Qarorda belgilangan vazifalardan kelib chiqqan holda huquqshunoslik fanlaridan ham test topshiriqlari amaldagi DTS va o‘quv dasturlari asosida shakllantirilgan bo‘lib, oliy ta’lim muassasalari bakalavriatiga kirish test sinovlarida huquqshunoslik fanlaridan foydalaniladigan test varianti tafsiloti Bilim va malakalarni baholash agentligining rasmiy saytida e’lon qilingan.
Shuningdek, abituriyentlar oliy ta’lim muassasalarining bakalavriat ta’lim yo‘nalishlariga kirish test sinovlariga tayyorgarlik ko‘rishlari uchun o‘qishga tavsiya etilgan darsliklar va o‘quv adabiyotlar ro‘yxati ham agentlik saytida joylashtirilgan bo‘lib, huquqshunoslik fanlari bo‘yicha test topshiriqlari normativ-huquqiy hujjatlarga kiritilgan o‘zgartirish va qo‘shimchalarni inobatga olgan holda shakllantirilishi, qonun hujjatlariga belgilangan tartibda o‘zgartirish kiritilganda qonunning asl manbayi (O'zbekiston Respublikasi qonunchilik ma’lumotlari milliy bazasi – lex.uz. sayti)ga murojaat qilinishi bo‘yicha ham ma’lumotlar e’lon qilingan.

2024-2025-o‘quv yili qabuli test sinovlarida foydalanilgan va abituriyentlarning e’tiroziga sabab bo‘layotgan test topshirig‘ida O'zbekiston Respublikasi davlat ramzlariga hurmatsizlik qilish yoki ota-onalar tomonidan voyaga yetmagan bolalarni tarbiyalash va ularga ta’lim berish borasidagi majburiyatlarni bajarmaslik qanday oqibatlarga olib kelishi mumkinligi haqida so‘ralgan. Shu kabi test topshiriqlarini shakllantirishdan maqsad aynan huquqshunoslik yo‘nalishini tanlash istagida bo‘lgan abituriyentlarning shu sohada umumiy o‘rta ta’lim maktabida va akademik litseylarda olgan bilimlarini sinash, qolaversa, bu bilimlarni kundalik hayotda duch keladigan misollar orqali qay darajada tatbiq qila olishlarini aniqlashdan iborat.
Yana shuni alohida ta’kidlash kerakki, normativ-huquqiy hujjatlar bo‘yicha shakllantiriladigan test topshiriqlari butun hujjat asosida emas, balki o‘quv dasturida keltirilgan qismidan tuziladi. Shunga ko‘ra huquqshunoslik fanlaridan test topshiriqlarini shakllantirishda ham amaldagi DTS va o‘quv dasturlaridan chetga chiqish holatlari bo‘lmagan.

Bilimni baholash agentligi nafaqat huquqshunoslik fanlari bo‘yicha soha mutaxassislarini, balki barcha umumta’lim fanlaridan mutaxassislarni o‘zaro hamkorlikka taklif etadi.


✔️ Agentlikning rasmiy sahifalari:
Telegram | Facebook | Instagram | YouTube

Qo‘shimcha ma’lumot

Ijtimoiy tarmoqlarda huquqshunoslik fanlari bo‘yicha test topshiriqlari yuzasidan turli e’tirozlar e’lon qilinmoqda.

E’tiroz mualliflari amalda har bir jarayonni huquqiy jihatdan tartibga soluvchi normativ-huquqiy hujjatlar borligiga, har bir tashkilot ijrochi sifatida unga amal qilishiga e’tibor qaritishlarini so‘ragan holda quyidagilarni ma’lum qilamiz:

1. Bilimni baholash agentligi ijrochi tashkilot sifatida amaldagi normativ-huquqiy hujjatlarga rioya qiladi hamda barcha yuridik va jismoniy shaxslar uchun ochiqlik siyosatini qo‘llab-quvvatlaydi.

2. Test sinovi topshiriqlari davlat ta’lim standartlari va o‘quv dasturlari asosida tuzilganligini, test sinovi materiallarining ma’no-mazmuni umumiy o‘rta ta’lim tizimidagi fanlarning o‘quv dasturlariga moslashtirilganligini kafolatlaydi.

3. Huquqshunoslik fanlari bo‘yicha barcha test topshiriqlari Maktabgacha va maktab ta’limi vazirligi tasdiqlagan ta’lim standartlari va o‘quv dasturlari asosida shakllantirilgan. Test topshiriqlari Oliy ta’lim, fan innovatsiyalari vazirligi, Maktabgacha va maktab ta’limi vazirligi tasarrufidagi ta’lim muassasalari pedagoglari tomonidan ekspertizadan o‘tkazilgan, test variantlari respublikamizning barcha hududlarida aprobatsiyadan o‘tkazilgan.

4. Huquqshunoslik fanlari bo‘yicha test varianti spetsifikatsiyasi 2023-2024-o‘quv yilida tasdiqlanib, Agentlikning rasmiy veb-sayti orqali keng jamoatchilik ommasiga e’lon qilingan bo‘lib, 2024-2025-o‘quv yili uchun o‘zgartirishlar kiritilmagan.

5. Murojaatlarda e’tiroz bildirilayotgan mavzular yuzasidan 2023-2024-o‘quv yili qabul imtihonlarida ham savollar shakllantirilgan, qabul imtihonlarida foydalanilgan test topshiriqlari yil davomida abituriyentlar diqqatiga diagnostik test materiallari sifatida taqdim etib kelingan.

6. Barcha fanlar bo‘yicha, jumladan, huquqshunoslik fanidan ham oliy ta’lim muassasalari bakalavriat ta’lim yo‘nalishlariga tanlov natijalari e’lon qilinganidan so‘ng, belgilangan tartibda murojaat qilish mumkinligini eslatib o‘tamiz (Vazirlar Mahkamasining 2018-yil 3-apreldagi 261-son qarori).

7. Fuqarolardan test topshiriqlarini o‘z ko‘zlari bilan ko‘rmasdan turib, tasdiqlanmagan xabarlar asosida test topshiriqlariga asossiz ravishda “huquqiy baho” bermasliklarini so‘raymiz.

Hozirgi kunga qadar huquqshunoslik fanlari bo‘yicha 28 223 nafar abituriyent test sinovini topshirgan va ulardan 57 nafari maksimal (93) ball olganligini ma’lumot o‘rnida keltirib o‘tamiz.

Agentlikning rasmiy sahifalari:
Telegram | Facebook | Instagram | YouTube

⚡️ Yettinchi kun natijalari e’lon qilindi

📆 2024-yil 20-iyul kuni o‘tkazilgan oliy va professional ta’lim muassasalariga o‘qishga kirish test sinovi natijalari e’lon qilindi.

✅ 20-iyul kuni test sinovida ishtirok etgan abituriyentlar o‘z natijalarini 3 xil usulda bilishlari mumkin:

1️⃣ my.uzbmb.uz saytining “Natijani olish” bo‘limidan pasport seriyasi va raqami hamda shaxsiy identifikatsiya raqamini kiritgan holda.

2️⃣ mandat.uzbmb.uz sayti orqali abituriyent qayd varaqasi yoki abituriyent ruxsatnomasida ko‘rsatilgan abituriyentning ID raqamini kiritgan holda.

3️⃣ Bilimni baholash agentligining quyidagi telegram botlariga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda:

👉 @e_dtm_mandatbot
👉 @e_dtm_mandat1bot
👉 @e_dtm_mandat2bot
👉 @e_dtm_mandat3bot
👉 @e_dtm_mandat4bot


✔️ Agentlikning rasmiy sahifalari:
Telegram | Facebook | Instagram | YouTube

⚡️ Akademik litseylarga kirish test sinovlari
#abituriyent #qabul2024

📆 2024-2025-o‘quv yili uchun akademik litseylarga kirish test sinovlari 25-iyul kuni ikkinchi smenada (faqat Toshkent shahrida) va 26-iyul kuni ikki smenada (barcha hududlarda) bo‘lib o‘tadi. Bunda:

1️⃣-smena — 09:00 da;
2️⃣-smena — 15:00 da boshlanadi.

📚 Test sinovlari ta’lim yo‘nalishiga mos 2 ta fan va intellektual qobiliyat darajasi (IQ) ni aniqlash bo‘yicha o‘tkaziladi.

⏳ Bunda talabgorlarga har bir fandan 20 tadan jami 60 ta test topshirig‘i va ularni bajarish uchun javoblar varaqasini to‘ldirish bilan birga 2 soat vaqt ajratiladi.

👨🏻‍💻 Talabgorlar qachon, qayerda test sinovida ishtirok etishini my.edu.uz sayti orqali shaxsiy kabinetidan bilishlari va ruxsatnomani yuklab olishlari mumkin.

❗️ Talabgorlar test sinovi o‘tkaziladigan hududga test sinovi boshlanishidan kamida 1 soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari lozim.


✔️ Agentlikning rasmiy sahifalari:
Telegram | Facebook | Instagram | YouTube

⚡️ Ichki ishlar vazirligining akademik litseylariga kirish test sinovlari
#abituriyent   #qabul2024


Ichki ishlar vazirligining akademik litseylariga o‘qishga qabul qilish bo‘yicha test sinovlari 2024-yil 26-iyul kuni 1-smenada bo‘lib o‘tadi va 09:00 da boshlanadi.

Talabgorlar test sinovi o‘tkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 08:00 dan kechikmagan holda kelishlari lozim.

Test sinovida ishtirok etish uchun ruxsatnoma talabgor hujjat topshirgan Ichki ishlar vazirligining akademik litseyi tomonidan tarqatiladi.


✔️ Agentlikning rasmiy sahifalari:
Telegram | Facebook | Instagram | YouTube

⚡️ “Temurbeklar maktabi” harbiy-akademik litseylariga kirish test sinovlari
#abituriyent #qabul2024

“Temurbeklar maktabi”, “Yosh chegarachilar” va Jaloliddin Manguberdi nomidagi Harbiy-akademik litseylarga kirish test sinovlari 2024-yil 27-iyul kuni 2-smenada bo‘lib o‘tadi va 15:00 da boshlanadi.

Talabgorlar test sinovi o‘tkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 14:00 dan kechikmagan holda kelishlari lozim.

Test sinovida ishtirok etish uchun ruxsatnoma talabgor hujjat topshirgan harbiy-akademik litseyi tomonidan tarqatiladi.


✔️ Agentlikning rasmiy sahifalari:
Telegram | Facebook | Instagram | YouTube