#Оилаларни_ўрганиш

Ҳоким ўзига бириктирилган оғир шароитдаги оилани ўрганди

Яқинда давлатимиз раҳбари томонидан маҳаллаларда камбағалликни қисқартириш, камбағал оилалар билан ишлаш тизимини янги босқичга олиб чиқиш чора-тадбирлари юзасидан ўтказилган видеоселектор йиғилишида “Туман ҳокимлари, сектор раҳбарлари камбағал оилалар хонадонига кириб, бу ердаги шароитни ўз кўзи билан кўрсагина натижа бўлади. Одамларга қанча ёрдам бермайлик, маҳаллалар шароитини яхшиламасак, камбағаллик қисқармайди”, деб таъкидланди ва Президентимиз бу борада вилоятдаги 2 минг ва тумандаги 12 минг нафар раҳбарнинг ҳар бирига 5 тадан шароити энг оғир оила бириктирилиши ҳақида ҳам кўрсатмалар берди.

Чилонзор тумани ҳокимлиги тизимида ҳам бу йўналишдаги ишлар бошлаб юборилди. Барча масъулларга бириктирилган энг оғир шароитда яшовчи оилалар ўрганилиб, уларнинг муаммоларини бартараф этиш юзасидан чоралар кўрилмоқда.

Шунингдек, туман ҳокими Саидқаҳҳор Холхўжаев ва тегишли масъуллар 1-сектор ҳудудида жойлашган "Бешқўрғон" маҳалласида яшовчи А.Тожимуротованинг яшаш хонадонида бўлиб, туман ҳокимига бириктирилган ушбу оиланинг турмуш шароитини ўрганди.

Ўрганишлар жараёнида А.Тожимуротова онаси ҳамда 5 та фарзанди билан бирга қариндошининг уйида ижарада туриши, рўйхатда турмагани учун мактаб ёшидаги 1 нафар фарзанди мактабга чиқмагани, ўзи ва онасига иш кераклиги ва бошқа муаммолари борлиги аниқланди.

А.Тожимуротованинг онасининг паспорти тиклаб бериладиган бўлди. Фарзанди эса вақтинча турар жойига рўйхатга қўйилиб, мактаб кийимлари ва ўқув анжомлари билан таъминланиб мактабга жойлаштириш чоралари кўриладиган бўлди. А Тожимуротова ва унинг онаси иш билан таъминланади ва оиладаги шароитни яхшилаш бўйича кўмаклар берилиши айтиб ўтилди.

🔵@Сhilonzor_tumani_hokimligi

#Эълон

⚡️ Чилонзор тумани ҳокимининг тадбиркорлар билан учрашуви бўлиб ўтади

📣📣📣 Ҳурматли тадбиркорлар!

2024 йил 25-сентябр соат 11-00 да Чилонзор туманидаги "Ренесанс" киночилар уйи (Ўзбекфилм)да Чилонзор тумани ҳокимининг туманда фаолият олиб бораётган тадбиркорлар билан учрашуви бўлиб ўтади.

Учрашувда тадбиркорларни қийнаб турган Республика, шаҳар ва туман миқиёсидаги барча муаммолар муҳокама этилади ва мазкур муаммоларни бартараф этиш бўйича чора-тадбирлар кўрилади.

Мурожаат учун телефон: +998 90 741 99 91 (Фаррух Азимов- туман Инвестиция бўлими бош мутахассиси)

🔵@Сhilonzor_tumani_hokimligi

Инсон капиталини ривожлантириш мамлакатимиз барқарор ва узоқ муддатли иқтисодий ўсишининг мустаҳкам пойдевори ҳисобланади.

Бу борада сўнгги саккиз йилда мактабгача таълим қамрови 27 фоиздан 74 фоизга оширилди. Янги мактаблар қурилиб, қўшимча 800 мингта ўқувчи ўрни яратилди. Олий ўқув юртлари сони 200 дан ошиб, қамров 9 фоиздан 38 фоизга етди.

Ўзбекистон келгуси 3-4 йилда мактабгача таълим қамровини камида 80 фоизга етказишни мақсад қилган. Бунинг учун хусусий сектор билан бирга 240 минг ўринли боғчалар барпо этилади.

Шунингдек, келгуси йилдан бошлаб давлат-хусусий шериклик асосида ҳар йили барча шаҳар ва қишлоқларда энг илғор стандартларга мос келадиган 100 тадан янги мактабларни ишга тушириш режа қилинган. Бунга келгуси йилларда 2 миллиард доллар инвестиция киритилади.

Президент таълимдаги лойиҳаларни халқаро молия ташкилотлари билан ҳамкорликнинг янги истиқболли йўналиши сифатида белгилаб олишни таклиф қилди.

Facebook|Instagram|X

Ҳисоб-китобларга кўра, Ўзбекистонда энергетика, сув, транспорт, IT ва бошқа инфратузилмаларни яхшилаш учун йиллик эҳтиёж ялпи ички маҳсулотнинг 10 фоизига тенг.

Шу маънода, Президент бугунги анжуман “Барча учун барқарор инфратузилма яратиш” мавзусида ўтказилаётгани олқишлади.

Бу борада халқаро молия ташкилотлари билан яқиндан ҳамкорлик қилиб, катта тажриба орттирилди. Бунинг натижасида ушбу соҳаларга хусусий сектор фаол кириб бормоқда.

Ўзбекистонда 2030 йилгача 30 миллиард долларлик давлат-хусусий шериклик лойиҳаларини амалга ошириш бўйича катта дастур қабул қилинган.

Хусусан, “Тошкент – Самарқанд” ва “Тошкент – Андижон” йўналишларида пуллик автомобиль йўллари, “Тошкент – Самарқанд”, “Самарқанд – Навоий – Бухоро” йўналишларида тезюрар поездлар учун янги темир йўл қуриш лойиҳалари амалга оширилади.

Республиканинг 6 та халқаро аэропортини модернизация қилиш давлат-хусусий шерикликка берилади.

Facebook|Instagram|X

Шунингдек, келгуси беш йилда электр, сув ва газ тақсимлаш тармоқларини бошқариш хусусий операторларга ўтади. Масалан, Самарқанд вилоятининг электр тармоқларини бошқарувга олиш бўйича ўтказиладиган тендерга 50 дан зиёд хорижий нуфузли компаниялар ўз қизиқишини билдирди.

Шу билан бирга, бизда ҳар йили 100 мингдан зиёд хонадонли уй-жойлар қурилмоқда. Масалан, Тошкент, Самарқанд, Наманган ва Андижон каби йирик шаҳарлар ҳамда қолган вилоятлар марказларига йўлдош “Янги Ўзбекистон” шаҳарчаларини қуриш бўйича катта лойиҳалар амалга оширилмоқда.

Президентимиз ўрта шаҳарларни ривожлантириш бўйича 200 миллион долларлик, қишлоқ жойларидаги инфратузилмани яхшилаш бўйича 130 миллион долларлик лойиҳалар Осиё инфратузилмавий инвестициялар банки билан ҳамкорликда бошлаганганини алоҳида эътироф этди. Банк ва бошқа ҳамкорлар билан бундай инфратузилмавий лойиҳалар янада кенгайтирилишига ишонч билдирди.

Facebook|Instagram|X