يعباس...كسر ظهري رحيلك
يعباس...دحاجيني دخيلك

انه حسينك...يخي وينك
دحاجيني دخيلك

بالخيمة كاعد وانتظر
جيتك وكلبي بي نزف
لن صوتك ابأذني أجه
ادركني طحت ابلايه جف
مسرع اجيتك بس شفت
هذا الكمر ناله الخسف
واتبده حيلي ابمنظرك
وين الكه مثلك يالترف

يخوية...انهدم حيلي تره لمن لكيتك
يخوية...صريع امخظبه بالدم لحيتك

يعباس...اموت ابلاية شوفك
يعباس...رحت فدوه الجفوفك

عِله اونينك...يخي وينك
دحاجيني دخيلك

زينب شكللها لون
سألتني عنك ياگمر
چا ليش تمشي ومنكسر
طولك احسه ابلا ظهر
صعبه امن اكللها تره
خليت ظهري اعله النهر
خايف عليها لو درت
زينب تموت امن القهر

يخوية...عمت عيني السهم طشرها عينك
يخوية...والجروح ابكل كتر الله اليعينك

يعباس...العطش فتت دليلك
يعباس...احير اشلون اشيلك

امسلبينك...يخي وينك
دحاجيني دخيلك

ريحني وافتح ناظرك
هذا آنه اخيك يالشهم
بس ادري صعبة وداعتك
عينك يأذيها السهم
كل حيلي طاح اعله الارض
وي طيحت الجف والعلم
مطبور انته ابهامتك
بس يسري وي روحي الالم

يخوية...شجاوبهم لون سألوني وينه
يخوية...صعب كلش اكول اموذرينة

يعباس...غيابك زاد همي
يعباس...شماته اهواي يمي

اموذرينك...يخي وينك
دحاجيني دخيلك

بالخيمة عبد الله الطفل
بعيونه مرسوم الحچي
يابوية موتني الضمه
عمي الكمر يمته يجي
مفتوت چبده امن العطش
وماله طاقه اعله البچي
ارجع يمن طولك نهر
ارتاح يالصوتك شچي

يخوية...دكوم وللخيم خل ارجع اوياك
يخوية...تراهي زينب اتموت ابلاياك

يعباس...درد واخذ عمري
يعباس...بقه بس دمعي يجري

عله ايمينك...يخي وينك
دحاجيني دخيلك

ما بيه اكوم امن الحزن
كل حيلي راح ابطيحتك
كلبي احسنه انخسف
لمن اجتني صيحتك
اعذرني لو الجم جرح
مشتاگ اشمن ريحتك
ابنص حظني راسك نيمة
مو سهله والله روحتك

يخوية...ولا واحد يعوظلي وجودك
يخوية...هظيمة اعله الترب طاحن زنودك

يعباس...منو ايعوظلي طولك
يعباس...يمن طيبة اصولك

ضوه اسنينك...يخي وينك
دحاجني دخيلك


تم باقر الافرجي

حسين...باب للرايد يتوب
حسين...مجلسه يمحي الذنوب
حسين...نوره ثابت بالقلوب

لا يحتار المملي اكتابه
يتعناله ويطرق بابه
مرحوم اليبجي اعله مصابه
ويذكر من سلبوله اثيابه

حسين...رحمة الله الواسعة
حسين...للينادي يسمعة
حسين...نوره ثابت بالقلوب

حسين الرحمة وهو يعينك
وزع ماي ابحب حسينك
يغفر كل اذنوب اسنينك
وتطفي اجهنم دمعة عينك

حسين...روحله ويدللك
حسين...رحمة هالنزلت الك
حسين...نوره ثابت بالقلوب

مجلس حسين اعظم نعمة
بي تتبصر متظل اعمة
تتطهر بس تذكر اسمه
هنيال اليكصد هالرحمة

حسين...وطن للماله وطن
حسين...يمه تنزاح المحن
حسين...نوره ثابت بالقلوب

مجلس بي نتعلم ندرس
مجلس بي تتزكه الانفس
والمهدي حاظر بالمجلس
عينه تراقب لينه وتحرس

حسين...خيمة بيها ننجمع
حسين...فقط يستاهل دمع
حسين...نوره ثابت بالقلوب

حسين اليعرف روحي اشبيها
وبس هو اليكدر يشفيها
ولو عطشت نوره ايرويها
ولجروحي ابجفه ايداويها

حسين...يا سفينة للنجاة
حسين...تحله بوجوده الحياة
حسين...نوره ثابت بالقلوب

تم باقر الافرجي

عن لسان جود قمر بني هاشم
يعاتب السهم الذي اصابه
يقول

يا سهم ليش...صوبت كلبي وتبدت كل الحلام
يا سهم ليش...وانته تدري بالخيم منتظره اليتام

آنه جود العباس...ياللي ما بيك احساس

يا سهم ليش

آنه جود الكافل وراعي العلم
اليوم عندي اعتاب اسمع يا سهم
تدري جم طفله وطفل بيه الحلم
كلها تتنطرني ضلت بالخيم

وانته جيت وصوبتني ابلا رحم
الماي كله اتبده وي حلم الحرم

يا سهم ليش...ما اجه ابالك بقت طفلة تناطر
يا سهم ليش...ابد ما عندك حمية ولا مشاعر

فعلك الما ينقاس...ياللي ما بيك احساس
يا سهم ليش

مو عجيبة وانته مثلك ياسهم
نابت ابعين الكمر ماليها دم
بكلب الحسين شكثر تارك الم
حتى ذاك الطفل منكم ما سلم

طفل ذباحه النبل شنهو الجناه
مثل طير ورفرف امخظبه دماه

يا سهم ليش...وامه تتنطر رجعته بالسلامة
يا سهم ليش...رجع والدم تارس اثايب الامامة

امه لطمة الراس...ياللي ما بيك احساس
يا سهم ليش

يا سهم يالتارك ابزينب جرح
صدر اخوها امصوبه گبل الذبح
اتزيد الونه ابكلبها ابكل صبح
ما عفت عين الكمر فوك الرمح

تحفر بعينه لون جاسك هواك
والعقيلة بالدمع تمشي وراك

يا سهم ليش...وهذا اخوها العاشة ابعزه ودلاله
يا سهم ليش...صوبة عينه وطفت شمعة جماله

عطره من عطر الياس....ياللي ما بيك احساس

يا سهم ليش

اشكثر اذيت الحسين افعلتك
طاح محني من اجته ظربتك
اقسه من الشمر صارت حالتك
نايم ابكلبه وخيول السحكتك

اكيداً تارك ابصدره الام
واكيداً عينه ضلت عالخيم

يا سهم ليش...وصدره بي آثار بوسات المحمد
يا سهم ليش...وهو آية قل هو الله احد

صدره بالخيل انداس...ياللي ما بيك احساس
يا سهم ليش

عالنهر وتنطر المهدي بقيام
ويرجع العباس وبخير وسلام
وبيه ياخذ ماي ويطفي الخيام
وانته مذلول وتعيش ابلا كلام

وآنه ارد الجتف حماي الظعن
وحتى جفينه سبيل ايوزعن

يا سهم ليش...ما حسبت ابيوم نرجع ناخذ الثار
يا سهم ليش...ونحرك الحركو خيام العتره بالنار

وبيك تتشمت ناس...ياللي ما بيك احساس

يا سهم ليش

تم باقر الافرجي

يمته الكاك
يكهف الله يمته الكاك
واطيح ابحظنك واشكي وافرغ حزني والهم ذاك
يمته الكاك
ذبلت روحي من اغيابك وفرگاك
يمته الكاك
وتسكت هوسة اجروحي وتهيد ابكعدتي اوياك

يمته الكاك
وركض ركضت المحروگ
معتازك هوه المخنوگ
وانسه ابروحي چلمة خوف
واصيحن سيدي اشمحلاك..

يمته الكاك
رغم ذنبي ترويني وتضل عطشان
رغم ما ابعد اتردني ابدفو الاحظان
ما محتاج الي بس رحمة الرحمان
يالمعودني اكصدلك
اشما اطيح آنه بالشده تحلها انخاك ما انخاك

يمته الكاك
اشما يضكل حمل همي
اجيك وانسه حظن امي
احسك انته بس يمي
وكعد وبصفتني وحيرتي ودمعاتي اتهجاك

يمته اقراك
حتى اندل دروب المستحه ابيا صوب
حتى اعرف اجيلك جيت المتعوب
يمته انشد عليك وامشي كل ادروب
يمته انشد عله اجروحك
يمته اشفي الم روحك

يمته اصيراً خير واحمل خير
واجيك ابلهفتي وكلي اصير احذاك

يمته الكاك
وآنه ذاك الهايم ابملكاك
وادور كل كتر من عمري بالكت الكه خيط اضواك

هوسه ابروحي لاجن خاليه امن الصوت
مثل صفكه ابوسط ماي
يمته احلامي تتلكاك

يمته الكاك

يمته اتمر هوه ابريتي
واصير لك عبد واوصل الحريتي
حرف اسمك يا(مهدي)حرز بيتي
العمر خيط بعباتك هذي امنيتي

اي يكون الكاك
واسد رازونت احزاني
وانسه چلمة امتاني
وصليلك صلاة الحب
وبسم الشوك ارفع الك آذاني

هيجي ابلحظة وتلكاك
وانسه اهمومي واريح البال....
يمته الكاك

تمت باقر الافرجي

يوم السبت /10/9..2021

اجري دمعك يالموالي باليالي الفاطميه
وخلي كلبك دوم ينعه اه لمصاب الزجيه
▼△▼△▼△▼△▼△▼△▼
ابد لا تنسه ذكرها
ونتحب دوم الكسرها
بالليالي الفاطميه

يالمحب اجري دموعك
بالحزن اعلك شموعك
لجل بت سيد البريه

خالق الكون الاجلها
وحده لا ماكو مثلها
فاطمه الزهراء هيه

الله فضلها اعله خلقه هاي ريحانة نبيه
وخلي كلبك دوم ينعه اه لمصاب الزجيه
▼△▼△▼△▼△▼△▼△▼
من رحت فدوه الاسمها
لو حظر جبريل يمها
ينحني ويبدي احترام

اه من هاي المصيبه
والله ياوادم عجيبه
شمس ويحفها الظلام

ابيا ذنب كسرو ظلعها
ويجري بالونه دمعها
وهيه بت سيد الانام

دفعو الباب ابظلعها ونار ضلت بي سريه
وخلي كلبك دوم ينعه اه لمصاب الزجيه
▼△▼△▼△▼△▼△▼△▼
بابها باب الجلاله
اه من اهل الظلاله
حركو الباب ابحطبهم

باب يمه املاك سجدت
اشلون بيه النار شبت
نار شبت من حقدهم

هيه ريحانة محمد
الباري باجر هو يشهد
وين يرحون بفعلهم

ابيا عداله انسطر خدها وهيه من الله زكيه
وخلي كلبك دوم ينعه اه لمصاب الزجيه
▼△▼△▼△▼△▼△▼△▼
همه نكرو كل فظلها
وبحقد كتلو طفلها
ليش وبيا حق يوادم

والرسول الهادي وضح
روحي فاطم هو صرح
اشلون يسطر خدها ظالم

طاحت اعله الكاع هيه
اتنادي فضه كصدي ليه
ضلع ما ضل عندي سالم

وعلي واكف دمعه يجري امجتف ابحبل الوصيه
وخلي كلبك دوم ينعه اه لمصاب الزجيه
▼△▼△▼△▼△▼△▼△▼
علي قالع باب خيبر
واكف ايشاهد المنظر
والدمع يرجي اعله خده

والله لو ما هالوصيه
ابسفيه حماي الحميه
يكص جف اللي تعده

لجن يدرون بحميته
علي ما يترك وصيته
گشف افلان اعله حقده

حاقد اعله الوصي لنه سيد الكل البريه
وخلي كلبك دوم ينعه اه لمصاب الزجيه
▼△▼△▼△▼△▼△▼△▼
تمت كلمات باقر الافرجي

يمته يمولاي... أنظر الي جاي
ابجفك يغايب...اشفي جروحي

يمته ذاك اليوم يالمهدي يجيني
وبشوفتك يبرد جمر شوكي وحنيني
وبطلعتك يبن الحسن تزهر سنيني
يا سيدي وبنورك اتكحلها عيني

جيتك رجائي...تمحي عنائي
بنورك يمحبوب...اشفي جروحي

آنه هيج اعله الوصف هالكد عشگتك
عمري فدوه ايروح مولاي النظرتك
تحت جدمك ماي بديني ابطلعتك
رغم كل اذنوبي ساترني ابرحمتك

كثره ذنوبي...وساتر عيوبي
حبك نجاتي...اشفي جروحي

ادري موش ابعيد بس ذنبي بعدني
كلي تقصير واجيتك لا تردني
آنه كل لحظه ابيعك ما بعتني
والله اتيهن لو تصد الوجه عني

تحييني نظره...ارزقني فطره
كل ساع اذكرك...اشفي جروحي

لشوفتك مشتاگ يالمالك فؤادي
(طلعه البدرُ علينا) يمته انادي
وصرخة المهدي ظهر في كل وادي
وتاخذ ابثار النحر من الاعادي

يرف العلم ذاك...بي ترهب اعداك
وجدك يناديك...اشفي جروحي

جدك حسين العده كطعو وريده
ونكسر ظهره تره بطيحت عظيده
وعمك العباس طاح ابلايه ايده
يمته تاخذ ثاره من شمر ويزيده

تنشف دمعتي...وتبرد جمرتي
اتوفي وعودك...اشفي جروحي

تم

باقر الفرجي

اهلاً يموت امتانيه...تاخذني لبن الغاليه
حسين
عذبني والله ابروحته....مشتاكه حيل الشوفته
حسين
‏
جنت يالموت انتظر واحسب ثواني
وانتظر جيت حبيبي وما أجاني
تدري شوگ حسين بعده عذباني
ابلايه شم عطره تره چلميته آني

عمري كضه بعده بحزن...صبح ومسيه بس اون
حسين
عذبني والله ابروحته....مشتاكه حيل الشوفته
حسين
‏
ليش عني اتاخرت كل هاي السنين
وتدري عمري ما اريده ابلايه الحسين
ابرمشي طالع شيب كد ما اهمل العين
كون سالم فدوه أولادي الميامين

لو عندي خسمه هم بعد....انذرهم الاجله وعد
حسين
عذبني والله ابروحته....مشتاكه حيل الشوفته
حسين

انته تدريني اموت ابلا نظرته
ريت ما خذني كبل حزت ركبته
حيل ما عندي بقه واكصد حظرته
واغفه يمه ابكلب تتلاهب جمرته

كل ليله قبل صورته...واغفه اعله طاري جيته
حسين
عذبني حيل ابروحته....مشتاكه حيل الشوفته
حسين

لمن اشتاك اغفه يم حجرته اشويه
بالكي لن ابحلمي ويسير عليه
ومره جاني وكلي بلكت يمه ميه
تره هد حيلي العطش طاح اعله اديه

والسهم مارد جبدته...والعطش يبس شفته
حسين
عذبني والله ابروحته....مشتاكه حيل الشوفته
حسين

ريت جيتك كبل لا يرجع ضعنهم
ريت ميته ولا شفت ذاكَ وضعهم
ابكثر ما باجين ما واحد عرفهم
كربله وذيج المصايب غيرتهم

صدمتني زينب بالخبر...ضل الحسين ابلا ظهر
حسين
عذبني والله ابروحته....مشتاكه حيل الشوفته
حسين

يلا اخذني وخل اروحن فدوه يمه
حيل مشتاكه اسمعه ايكلي يمه
خل اشبكه وبحنيني الصدري أضمه
وعن عذاب افراكه اسولف چلمه چلمه

وابجفه يمسح دمعتي...ويشفيلي جرحي وحسرتي
حسين
عذبني والله ابروحته....مشتاكه حيل الشوفته
حسين

تمت والحمد لله
باقر الافرجي

رغم درب السبي...مشه ضعن النبي
عزمنه . صبرنه. امن خويه ماطاح

زينب الحره ابدمعها...وكفت اتحاجي اخوها
خوية أمن يابو فاضل...اختك الما طيحوها
رغم سوط اللي اعله متني...دمعتي ما شاهدوها
ونتي ابصدري اكتمتها...رغم ما امي اشتموها

نبجي ابدمع خافت...لا يسمع الشامت
عزمنه . صبرنه. امن خويه ماطاح

ابراسك اكبالي يهوس... حتى ابجي وهو يسمع
بس وحكك جني شمعه...عيني ضلت سكته تدمع
ابجي واحجي ويه دمعي... بالك اليم غربه تلمع
ما اريد الغربه تحجي ...شفنه دمع الحره يطلع

لبسنه يا كمر...ثياب العز فخر
عزمنه . صبرنه. امن خويه ماطاح

خوية وارقية العزيزه...تدري بعدك ما رعوها
والشمر لمن فهمها...من رقية اتريد ابوها
ابراس ابوها يمها هوس...طفله وشكد عذبوها
هذا كله وما جزعنه...ولاكو چلمة اللي اسمعوها

لا ما همنه الالم...الخدر عدنه الاهم
اسمنه...خدرنه... أمن خوية ما طاح

كلشي سلبوا خوية لاچن...ماكو واحد مس عبينه
ما تركنه الشيله لحظه...رغم ما جتفوا ادينه
امن المدينه اطلعنه خويه...وانته حداي الظعينه
وبعدك اليحدي شمرهم...يصرخ اويظحك علينه

صح رحت اميسره...بس آنه مخدره
عزمنه . صبرنه. امن خويه ماطاح

خوية سهله ذني كلهن...بس الاصعبهن عليه
الكلش اذتني ابغيابك...چلمة اليا خارجيه
وآنه جبريل ابعظمته...ينحنيلي ابكل مسيه
صعبه من ادخل قصرهم...امجتفه اخذوني وسبيه

طبينه للقصر...مامسوا الخدر
عزمنه . صبرنه. امن خويه ماطاح

تمت والحمد لله
باقر الافرجي

الى مولاتي زينب ع السلام

إنتظر يموتي...خل تجي اخوتي
‏اتشيعني هالغربه
‏صعبه علي صعبه
‏يموتي
‏
آنه زينب وانته تعرفني يموتي
آنه ما امشي ابطريق ابلايه خوتي
أيغار عباس الكمر حتى اعله صوتي
ابين خوتي آنه اموتن كل رجوتي

اشمحله لو اجوني...الدفنتي خذوني
كلبي ابتده نحبه
صعبه علي صعبه
‏يموتي
‏
بده ملچ الموت يحجي ويهمل ادموع
حسين ما يحظر تره يشرح الموضوع
اشلون يحمل نعشج ومكسور الضلوع
اشلون يكدر يوصلج والنحر مكطوع

ابلايه راس ومنحر...والصدر تكسر
والهم مله كلبه
‏صعبه علي صعبه
‏يموتي

ابو فاضل ما يجي صاح ابونينه
بيش يحفر لحدج وكطعو يمينه
ما يشوف اجنازتج طفوله عينه
ابكل كتر صدره ابسهام امصوبينه

لو حظر يجرحج...ابلايه جف يشيعج
يتعثر ابدربه
‏صعبه علي صعبه
‏يموتي

حسين لو صله صلاة الوحشه بونين
‏اشما يكبر يذكر اخته بالداويين
‏ولو قنت يستذكر المكطوع جفين
‏شلون يسجد بالحجر صابوله الجبين
تجرحه صلاته...لو ذكر بناته
جم ذكره التعذبه
‏صعبه علي صعبه
‏يموتي

وابو فاضل عالكبر لو رشلج الماي
يذكر اطفال العطاشه ويبجي بهداي
ولو شعل شمعة حزن يتألم اهواي
يذكر اخيام وحرگ وايتام حفاي

يذكر ابدموعه...التنظر رجوعه
اوتتنطر الجربه
‏صعبه علي صعبه
‏يموتي

كافي ياموت الشرح هيجت الجروح
يلا اخذني من بعدهم شلي بالروح
خليني اروحن يم اخويه المات مذبوح
وعله صدر الكافل اوكع وكطع النوح

يتنهي عذابي...بشوفتي لحبابي
دهري يسد حربه
‏صعبه علي صعبه
‏يموتي

تمت باقر الافرجي

آنه شيعي...وحب علي يكفيني
آنه شيعي...ابحبه يكمل ديني

علي يا علي...علي يا علي

علي ايضل محبوبي...شمعة يضوي ادروبي
يسري وي دمي
يبقه حبه الأولي...غيره ما اقبل ولي
رافضي اسمي ‏
من اكولن يا علي...كل شدايد تنجلي
وينجلي همي
عشكه دك قاموسه...ابأسمه تحله الهوسه
‏(وبأسمه الهوسه ايحليها) ‏ ‏
علي يا علي...علي يا علي
‏
حب علي إيماني...وما يشبها ثاني
حب علي جنه
من ارتل اسمه...ايفوح عطر النسمه
وارتوي منه
امن الذهب هو اصفه...حاير آنه ابوصفه
عقلي قد جُنه
حبه اصل تكويني...وطيفه ساكن عيني
‏(وبعيوني ارسومه امخليها) ‏
‏ علي يا علي...علي يا علي
‏ ‏
آية الله الكبره...الكون بيده ايدبره
وعالعرش اسمه
ولملائك والانس...يمه تحظر للدرس
ترتوي ابعلمه ‏
آدم الحيدر سجد...شلون اعوفنه بعد
حبه لي نعمه
ويا حلات اوصافه...الكلب لبه وطافه
(وحبه الطاهر يسري ابروحي)
علي يا علي...علي يا علي
‏
اشكثر الله ايحبه...شطر لجله الكعبه
والشمس ردها
چلمته المسموعه...السمه بي مرفوعة
نوره الي مدها
جم نبي يم بابه....سجد باس اترابه
‏ علي سيدها
حكي لو بي افخر...هو ساقي الكوثر
‏(وبجفه الشيعة ايرويها)
‏ علي يا علي...علي يا علي
‏
علي باب الرحمه...حبه اكبر نعمه
حبه يحييني
بالسمه مخطوطه...الجنه بي مشروطه
هذي تكفيني
هالارض والبيها...بس علي راعيها
ضوه لسنيني
عطره طهر ريتي...حرز اسمه البيتي
(بسمه الشده انحلها وتسهل)
‏ ‏علي يا علي...علي يا علي

تمت باقر الافرجي

عن لسان جود قمر بني هاشم
يعاتب السهم الذي اصابه
يقول

يا سهم ليش...صوبت كلبي وتبدت كل الحلام
يا سهم ليش...وانته تدري بالخيم منتظره اليتام

آنه جود العباس...ياللي ما بيك احساس

يا سهم ليش

آنه جود الكافل وراعي العلم
اليوم عندي اعتاب اسمع يا سهم
تدري جم طفله وطفل بيه الحلم
كلها تتنطرني ضلت بالخيم

وانته جيت وصوبتني ابلا رحم
الماي كله اتبده وي حلم الحرم

يا سهم ليش...ما اجه ابالك بقت طفلة تناطر
يا سهم ليش...ابد ما عندك حمية ولا مشاعر

فعلك الما ينقاس...ياللي ما بيك احساس
يا سهم ليش

مو عجيبة وانته مثلك ياسهم
نابت ابعين الكمر ماليها دم
بكلب الحسين شكثر تارك الم
حتى ذاك الطفل منكم ما سلم

طفل ذباحه النبل شنهو الجناه
مثل طير ورفرف امخظبه دماه

يا سهم ليش...وامه تتنطر رجعته بالسلامة
يا سهم ليش...رجع والدم تارس اثايب الامامة

امه لطمة الراس...ياللي ما بيك احساس
يا سهم ليش

يا سهم يالتارك ابزينب جرح
صدر اخوها امصوبه گبل الذبح
اتزيد الونه ابكلبها ابكل صبح
ما عفت عين الكمر فوك الرمح

تحفر بعينه لون جاسك هواك
والعقيلة بالدمع تمشي وراك

يا سهم ليش...وهذا اخوها العاشة ابعزه ودلاله
يا سهم ليش...صوبة عينه وطفت شمعة جماله

عطره من عطر الياس....ياللي ما بيك احساس

يا سهم ليش

اشكثر اذيت الحسين افعلتك
طاح محني من اجته ظربتك
اقسه من الشمر صارت حالتك
نايم ابكلبه وخيول السحكتك

واكيداً تارك ابصدره الام
واكيداً عينه ضلت عالخيم

يا سهم ليش...وصدره بي آثار بوسات المحمد
يا سهم ليش...وهو آية قل هو الله احد

صدره بالخيل انداس...ياللي ما بيك احساس
يا سهم ليش

عالنهر وتنطر المهدي بقيام
ويرجع العباس وبخير وسلام
وبيه ياخذ ماي ويطفي الخيام
وانته مذلول وتعيش ابلا كلام

وآنه ارد الجتف حماي الظعن
وحتى جفينه سبيل ايوزعن

يا سهم ليش...ما حسبت ابيوم نرجع ناخذ الثار
يا سهم ليش...ونحرك الحركو خيام العتره بالنار

وبيك تتشمت ناس...ياللي ما بيك احساس

يا سهم ليش

تم باقر الافرجي

هذي ريشة عباس...كلها حب واحساس
نعمة هيه وتنباس...مو عالارض مرمية


للنهر زينب تعنت...ريشة شافت بيها اثر دم
طاحت اعليها وتنادي...بيها ريحت خوه اشتم
ريشة لو انظرها افرح...كلبي ما يبقاله كل هم
هسه يا وسفه اشوفن...دم اخوية اعليها ملتم

من شفتها اعله الكاع...اتبده كل حيلي وضاع
تنشهگ جن نعناع...مو عالارض مرمية

ريشة بيها آثار ابوية...من يلبسها الكفيلي
لو اشوفنها اعله راسه...يشعر ابراحه دليلي
من عكب ما طاحت ادري...ابد ما يبرد غليلي
طاحت وطايح اماني...ما انامن بعده ليلي

لو شفتها اكبالي...ابكل فخرها اتلالي
شمعة تضوي آمالي...مو عالارض مرمية

ريشة بيه شكعد عجايب...بيها نار وبيها جنة
تنطي للعدوان جمره...وتنطي للفقره محنة
جانت اعله راس اخوية...خيمة تجمع كل شملنة
وسفة من طاحت تريبه...ركضوا اوحركوا خيمنة

ريشة تارسها الهيل...تندثر تحت الخيل
احله من نجمة ابليل...مو عالارض مرمية


شالت الريشة ابدمعها...ومسحت الدم اللي بيها
خوية ما تخطرلي جانت...جثتك انته امطشريها
عالرمح راسك يلالي...وريشتك دمك عليها
اهنانه راية اهنانه جفين...اهنانه جربة امطيحيها

اصفه حتى امن الماي...وحده بس بيها اهواي
التارسه الدنيا افياي...مو عالارض مرمية

ريشة تشبه جف ابويه...من تجي يمه اليتامة
تنطي حنية ابدفوها...يمها تشعر بالسلامة
والله يا وادم عجيبة...يمها تلبد كل حمامة
كل هذا ابريشة وحده...چا شيسوي ابكلامة

اشمحله لو تكلم...ولهوه ايتبسم
الكل جروحي بالسم..مو عالارض مرمية

تم باقر.الافرجي

ها قد أتى النداء...حي على العزاء
اجعلوها كل ارض كربلاء
‏
هل اهلال الدموع...هنيال اليهل دمعه
يذكر طيحت حسين...ايواسي فاطمة البضعه

هنيال اللبس اسود عله حسين ومصابه
ويتذكر كطع نحره وبقه دمه خظابه
وركضوا عالجسد كلهم فرح سلبو ثيابه

يذكر صيحة ايتامه
ونار الحركت اخيامه...حسين

راسه اعله الرمح نابت
ويمه يظحك الشامت...حسين

الجسمُ في العراءْ...باقٍ بلا رداءْ
وعليهِ قد بكت دم السماء
‏
هل اهلال الاحزان...هنيال البده ينحب
وللخدمه يشد حيل...ويتذكر هظم زينب

ويتذكر ركض زينب عله التل ابالمها
ابلا كافل بقت بعد الاهل حركو خيمها
ويتبختر شمر يمها ابحقد سب وشتمها

زينب صاحت ابونه
حسيني لا توجعنه...يخيل

ركضت وبجدم حافي
كافي امن السحك كافي...يخيل

يا سيد الجمال...يا مظهر الجلال
يا عظيمً قد تضرج بالدماء

علك رايه عالبيت...بيها اذكر كمر هاشم
طاح ابلايه جفين...وبعينه السهم نايم

صعبه اعله الغيور الكال انه يا خيتي كافل
راسه اعله الرمح ويعاين الحرگ المحامل
ويسمع صرخة اسكينه يعمي يا ابو فاضل

بسمه لمن اتنخن
راسه اعله الرمح دخن..غيور

دمه غطه كل رمحه
دمعة زينب اتجرحه..غيور

رأس على القنا... قد هيَّج الضنى
منظر ابكى جميع الانبياء

هل اهلال الونين...عريس الدمه حنته
واليشبه رسول الله...تتفطر ضمه شفته

رمله بالدمع ويه الشمع تشعل حزنها
وليله بالخيم تدعي يجي سالم ابنها
شجره ابلا رحم اهل الغدر كسرو غصنها

ام اطفي بالشمعه
بالونه وتهل دمعه...حزن

ام تتنطر الجيه
يرجع جثه مدميه...حزن

شبيهُ احمدا ... قد غاله العدا
واليهِ امهُ تدعي الدعاء

هل اهلال الجروح...وايام السبي اقتربت
اطفال ونسه خوف...من حرك الخيم هجت

يا هظمة طفل كله عطش سهمه يصيبه
وقرآن ابرمح ويه الحرم يمشي عجيبه
وي ذاك العليل امجتف ابحبل المصيبه

طفله ابجفها مجويه
سلبو منها ترجيه...ظلم

طفله تطلب الوالد
راسه اعله الرمح كاعد...ظلم

يا طفلة الحسين...ماتت تهل عين
اذ عليها قد بكت كل النساء

باقر الافرجي

احفظ هالدرس زين...من انصار الحسين

لتلزمك كباره ابدرب الحسين
عن موقف حبيب ابموقفك وين
شيخ ابلهفه راح الزينب وصاح
فدوه الشيبه الج والدمعة العين

فدوه ولا تخافين...من انصار الحسين

اخدم بالفعل لا تتبع اللون
جان اسود شكل ابيض فعل جون
علم عينك اعله البجي لحسين
تتزكه ابدمعتك هاي العيون

اتحسبك دمعة العين...من انصار الحسين

اتبع بالعشك خطوات عابس
ابحب حسين كاشخ مو ملابس
شد احزامك وعوف الملامه
ابدرب الخدمة يا محله التنافس

اخدم طول السنين...من انصار الحسين

يالرايد تفوز ابدنيه والدين
اقره عن زهير وافتهم زين
لتغرك مناصب لا ولا المال
بيع الدنيه كلها واتبع حسين

بيها اتنال الاثنين...من انصار الحسين

اقره عن برير اقره ابمشاعر
صاح وياك رغمً عالمخاطر
الحمد لله اجينه واتبعناك
لا متهمني كل هاي البواتر

لو ذبحوني مرتين...من انصار الحسين

لا تيأس لون متروس الذنوب
مثل الحر تعنه الحظرته وتوب
يقبل جيتك الصدره يظمك
وبجفه الحنون ايزيح العيوب

يشفع للمذنبين...من انصار الحسين

تمت باقر الافرجي

بِسْمِ اللهِ الرَّحْمَنِ الرَّحِيمِ

بَعْدَ رجُوْع الإِمَام الحُسَيْن مِن مَصْرَع الإِمَام العَبَّاس كأَنِّي بسَيِّدَتَنَا وَمَوْلاتَنَا العَقيْلَة تقول

ردلي الحسين ابدموعة...يمشي محنيه ضلوعة
وينه عباس اسألت....كلي يا زينب متت
راح عباس
‏
رد اخويه للمخيم يمشي وجدامه اتعثر
ليش هذا الحال كلي تمشي مكسور الظهر
كال اسنديني يزينب ظهري طاح اعله النهر
وآنه من شفته افهمتها راح عباس الكمر

راح ابو الغيره امندينه... عالشريعة اموذرينه
وبغيابه اتعذبت...كلي يا زينب متت
راح عباس

عالوطيه شفته نايم هوه مو طبعه ينام
ابلهفه رحت اركض اشبكه لچن منعتني السهام
وجهه ذاك الجان كمره يختي غطاه الظلام
رغم هذا وما نساجن يعتذر وده سلام

كلي سلملي اعله اخيتي...لا تناطر بعد جيتي
مدمي عالشاطي طحت...كلي يا زينب متت
راح عباس
‏
ذيج عينه الجان بيها شكد سوالف دافية
عالسهم واصوابه هسه ليش صارت غافية
راح وبروحته يختي اخذ حتى العافية
اسنيني ويامي ابرحيله هيج احسن طافية

ابلا يسار ولا يمينه..بالسهم مطفيه عينه
والله حيل اتألمت...كلي يا زينب متت
راح عباس
‏
ريت كبله الموت اجاني ريت حزو ركبتي
ها يملك الموت وينك چا شسوي ابدنيتي
كل هوه الدينا احسه انكطع ميطب ريتي
راح عباس امن دينه شلون تطفه جمرتي

مو فقط كاسرلي ظهري...ابطيحته مخسوف عمري
اخلافه آنه اتكسرت..كلي يا زينب متت
راح عباس

الدنيا ما تسوه يخيتي لو رحل عنها الاخو
الخوه هيه اتريد واحد مثل عباس الكفو
عالشريعة مكطعينه وطلب من عندي العفو
ابو فاضل صح اخويه لچن بي ريحت ابو

عالنهر دكاله ثايه...ابدمه خط للخوه آيه
راح كفالي صحت...كلي يا زينب متت
راح عباس
تم باقر الافرجي

للحومه هالنازل...حيوا ابو فاضل
حي الله عباس

طالع من الخيمه...يرعد مثل الغيمه
وصاح عم الساده

جيت آنه ألعباس...وراس يردم بالراس
شردت كل القاده

ارض الطف احدودي...وبيها اتمشه ابزودي
ابصوت مرعب ناده

لا ما الكم راحه...وآنه راعي الساحه
بيدي جنها اكلاده

(واحجاياته كلها امزامط)

آنه ابن داحي الباب..اليوم اسويها اتراب
ياهو يتدنالي

آنه لا ما مهزوم...أله اخليها الكوم
اتخاف من اخيالي

الموت هو ابسيفي...قائد كلشي ابكيفي
وأفعل التحلالي

زينب هالطلبت ماي..وهذا آنه اسمي السگاي
بس الجود ابالي

(اشهد بيها يا وادي الطف)

نزل واشمحلاته...ابخوذته وريشاته
وراسه دخن غيره

هذا ياهو اللي غار...يشبه علي الكرار
الجيش ضل ابحيره

ابسيفه هد اعليهم...بس رعب ماليهم
الدنيا جنها اصغيره

لاخذ حكي امربع...ياهو الالكم يفزع
صاح شيخ الديره

(اخذ حكي بيها امربع)

ما تهمه العده...برز ليهم وحده
امسيطر اشمحلاته

الحومه طبها وفرحان...هذا شيخ الفرسان
ودخنن ريشاته

ماكو بيهم زلمه...يوصل يمه بهمه
ويكتل ابخزراته

الحرب اكبر عيده...اليوم امرهم بيده
جن علي صولاته

( صار ابسيفه زلزال الطف)

زاح الجيش الوفاي...وصل يم راگ الماي
سيطر اعله احدوده

مثل الموت الحمر...عالنهر يتبختر
يمشي وشايل جوده

صاح بس جن زلزال...الروس اسويها اتلال
والجثث ممدوده

ياهو اليوصل يمي...وعزم حيدر عزمي
كل زودي من زوده

(ومن القاده متروس الشط)

تم باقر الافرجي

الخميس./٦/٣٠

خليني...ابخيمتك
وفقني...الخدمتك
يا أبا عبد الله
‏
خليني اعيشن عمري بالامك
وبنص روحي اشعل جمرة اخيامك
واشتسوه حياتي وانته ما بيها
تحله ايامي كلها امن ذكر ايامك

عيشني...ابرحمتك
وفقني...الخدمتك
يا أبا عبد الله
‏
كل عمري وسنينه فدوه لعيونك
ارزقني المشي ويه اليحبونك
وعثرني لون امشي ابدرب مابي
وادم تبجي لمن تذكر اضعونك

هيمني...ابحظرتك
وفقني...الخدمتك
يا أبا عبد الله
‏
يا اجمل مدينه احبسني بسوارك
شد روحي علگ بجفوف زوارك
دليني اعله درب الحب مثل عابس
خل اتصير كل ايامي عاشورك

موتني...ابمأتمك
‏وفقني...الخدمتك
يا أبا عبد الله
‏
مو بهدومي اكشخ كشختي بحبك
ريت الموت ياخذني وانه بدربك
يالعطشان لجلي وانته راعي الماي
شكد حنيه شايل سيدي بكلبك

بجيني...الهظمتك
‏وفقني...الخدمتك
يا أبا عبد الله

يا اول عطش عالماي متغلب
حكي لو اضل بردانك امجلب
خل راسي يشيب وآنه بالخدمه
يا محلاها اجيك ابظهري المحدب

غطيني...ابنظرتك
وفقني...الخدمتك
يا أبا عبد الله
‏
حركه انطيني بيها اتذكر اعيالك
من مسبيه تمشي زينب اكبالك
راسك عالرمح وتعاين اليجري
بالسوط وحبل متعذبه اطفالك

جويني...ابجمرتك
وفقني...الخدمتك
يا أبا عبد الله
‏
تم باقر الافرجي

‏
يبن الحسن...جار الزمن
يمتى تجي اتزيح المحن
وكل الارض يا مولاي...قسط وعدل تمليها

اتنطرك يبن الحسن كل جمعة
افرش ورد واشعل الك جم شمعة
ومن ما تجي اطفي الشمع بالدمعة

دمعي يهل...وكلبي يضل
ابنار انتظارك يشتعل
من ابنظرتك ليه...آثامي فدوه امحيها

ادري اشكثر تقصيري جارح كلبك
خالي الوفاض وما الي بس حبك
وفقني فدوه حته اهيم ابدربك

ارزقني عشگ...بي احترگ
خليني ادورنك صدگ
وخليني اخجل مولاي...من عالذنوب انويها

لو انوي اذنب آنه يا محبوبي
خليني اذوبن مستحه امن ذنوبي
فشله امن امامي لو يشوف عيوبي

اذنب لچن...يبن الحسن
‏تحظني ياليحظنك وطن
الدنيا ما تسوه ابلياك..يالذكرك امحليها

اين استقر بيك النوى چا وينك
بالسهله لو يم كربلاء حسينك
تبجي وتون لمصيبته الله يعينك

يالمنتظر...يمته الخبر
اسمع المهدي قد ظهر
أمن يجيب المظطر...هالدعوه دوم ادعيها

يمته تجي ودين الصحيح اتظهره
والكسر ظلع امك اتصلبه ابشجره
وتاخذ ابثار حسينك ودم نحره

اتشيل العلم...وتنصب خيم
بس من ذهب واحنه الخدم
راية جدك يالموعود...السابع سمه اتعليها ‏

تمت باقر الافرجي

(ميمر)

اتريد ترضي الزهراء...اخدم حسين ابنيه

بالك اتماشي الما يحب الخدمة
وخاوي اليحب ادموع عينه ولطمة
ابدرب ابو الاكبر يا حلات اللمة

اشمحلها لو تحجي الناس...سهرتهم احسينيه

لتغرك الدنيا تره مكضيه
وهنياله اليكضي العمر لطميه
يكسب رضه الزهره اليصفي النيه

بالمحشر اتنادي اعليك...يا اهلاً ابهل جيه

بالخدمة لتخلي الشهره كل همك
هو المهم يقبل حسينك بسمك
صيتك اشما يكبر ويظهر نجمك

يتهدم ابلايه حسين... احفظها هاي اوصيه

لا تطعن ابخادم ولو بالچلمه
احذر تره جرح الحسين اتلجمه
كل ابو من تحجي اعله ابنه اتألمه

وشحال لو جان حسين...الكله وفه وحنيه

اخدم حسينك وعيف القيل وقال
عالنيه ويحاسب تره موش افعال
لا ولد ينفع باجر اشينفع مال

بس خدمة حسين هناك...بالمحشر الهويه


تمت باقر الافرجي