‏”بعد أيام سينقلب روتين حياتنا سنحُب الليل بزياراته واجتماعنا بعد غروب الشمس، سنتراكض قبل اذآن الفجر لنشرب الماء، سنشعر بجرعات إيمانيه في اوردتنا اللهم بلغنا رمضان في احسن حال، ومن غير أن نرى دمعة حبيب ولا فراق غالي..🧡!

( يُدَبِّرُ الأَمرْ ) تذكرها كلما صعب عليك أمر، أو أصابتك كربة، فإذا أيقنت بها اطمئن قلبكَ، وكفى بالله وكيلا..🧡!

يـاربّ زد أيامنا طمأنينة واملأها بما نُحب..🧡!

‏الحاجه الوحيده البتستاهل تزعل عليها فعلاً هي روحك، غير كده ربك كريم و بيعوض✔️..

الدنيا ما بتستاهل أي حرب نفسية، سواء جواك أو مع شخص تاني، في لحظة بتتقلب، صحتك بتخونك، وأحبابك بمشو منك، مافي أي حاجة مضمونة وفي ثواني الأحوال بتتبدل
الدنيا ما مستاهلة صراعات، اللحظات البتعدي عليك وانت سليم ومعافي وأحبابك حوليك بي عمر كامل من التوتر والقلق والتفكير
ربنا يجعلنا خفاف علي بعض، ويريح بالنا، عشان راحة البال دي مابتتعوض بي كنوز الدنيا ومافيها.
الحمدلله دائمًا وابدا..🧡!

'‏اللهم إنا نسألك صدرًا مُفعمًا بالسكينة وجوفًا سليمًا لا يدرك الشر إليه طريق، يارب املأ قلوبنا بكل أشكال الحُب والرحمة، اللهم حُسن البقاء وحُسن الرحيل وطيب الأثر..🧡!

سب الدين حرام
سب الدين بيطلعك من المله
سب الدين م شفتنه
سب الدين م حاجه تفتخر بيها و تقولها بصوت عالي
سب الدين م هظار
سب الدين م المفروض تعود عليه لسانك أو اضانك
سب الدين م حاجه عاديه!..

أننا في "معيّة الله"
هذا وحده قادر علىٰ بث الطمأنينه في
أنفسنا حتىٰ وأن كُنا في ذروة قلقنا وهلاكنا..🧡!

-عايزة ادمنز لقناة لو في زول/ة حابى/ه يكلمني
@L0la_e

#بوست_موقت

ح تفضل محظوظ طالما إنك لسا بتخاف اللّٰه كويس وبتعكس تربيه اهلك الكويسه ليك، أيّاً  كانت الظروف البتمر بيها ده مامبرر انك تكون سيء ومريض قلب! إنت بيدك تصنع واقع جديد بعيد عن كل لخبطه حياتك دي..

قلبي بيوجعني شديد ع الناس الما كويسه و معندها احترام لنفسها حتى!.. البِتفضل تتلفظ بأسوء الالفاظ قدام أيّ زول ومعندها كبير يلمها!.. الناس البتشوف الغلط عادي والكبائر مجرد غلطه صغيره وعندها مليون مبرر..

طالما إنك قلبك ده نضيف وم اسود، وطالما إنك لسه بتتمنى الخير للناس وم بتحاول تشوه سمعه زول وعايش دايماً في سلام مع كل الناس الحوليك يبقى انت محظوظ شديد واللّٰه، لأنو الحاجه دي حالياً بقت نادره وعلى وشك انها تنقرض!

وصدقني إنك تبيت مظلوم احسن مليون مره من انك تكون ظالم! حافظ على قلبك من بؤس الدنيا دي ارجوك..وبس يعني🧡!

لما اتحمس لموضوع وبعدين ازهج..

لو مشيتِ زيارة لي ناس أقعدي في المكان البقعدوكِ فيه، لأنه ستّ البيت أدرى ببيتها يمكن د أكتر مكان مُرتب أو في حاجات معايزاكِ تشوفيها

ياريت نراعي الحتّة دي وما نأذي صاحب البيت

ولمّا تقعدي - الحاجة دي أكتر بين النساء- ما تتلفتِ في البيت وتعرفي نوع الأثاث شنو والملايات جايبنهم من وين و و و...
ومرات الوحدة لما تكون رحلت جديدة أو عروس بجوا يقولوا ليها عايزين نشوف البيت ويقعدوا يلفوا البيت كلو - ليه كدا يجماعة! -

ولو قعدتِ عايني تحتك بس وما تأذي صاحبة البيت بالتنظير في البيت!

ولما تطلعي أطلعي ويكأنك ما مشيتِ ولا شفتِ ما تقولي شفتَ كذا وجابت لي كذا وضيفتني كذا...

ولو ما فتحوا ليكِ الباب أرجعي "وَإِنْ قِيلَ لَكُمُ ارْجِعُوا فَارْجِعُوا هُوَ أَزْكَىٰ لَكُمْ"
الواحد مننا لو زار ليو ناس وما فتحوا لي الباب ربما تاني ما يمشي ليهم ويعتبرها حقارة، بس يمكن البيت ما مهيأ، يمكن أصحاب البيت نايمين أو عندهم ظرف خاص، نرجع بكل طيب خاطِر حتى لو كنا جايين من مسافة بعيدة ونحتسب الأجر

نحاول قدر الإمكان نسيب عاداتنا اللي ما بتناسب الدين ونعمل بأحكام ديننا وآدابه، وإسلامنا ما خلّا لينا شي إلا وإتكلم عنه..🧡!

حاول قبل رمضان بقدر الإمكان تنضف قلبك وتخلي صافي ونضيف وجاهز عشان يستنى رمضان ويقدر يستقبلو..

ولو عايز تنضفو وتجليه .. ما عليك إلا بالقرأن بس..

حاول عود نفسك علي برنامج عبادة .."
ركعتين الضحى .. وأذكار الصباح والمساء
و ورد من القرأن وكدا .."

حاول إتهيأ نفسياً إنو رمضان دا تطلع منو زول تاني .. زول قريب من ربنا ..ووبحب الخير لكل الناس .. وزول همو كلو أخرتو وإنو يخت بوصلتو قدام عيونو وهي الجنة..

الناس البتستفيد جد من رمضان ...هم الناس البخططو ليه والناس البجهزو ليه والبختو أمنية عديل وهي إنو يكون من اهل الجنة ومن المعتوقين في رمضان دا

إنت عارف في ناس في رمضان دا من أول يوم فيه .. ربنا بعتق رقابهم من النار وبكتبهم من أهل الجنة..

وديل الناس العايزين يصومو رمضان جد جد وفرحانين إنو حيغير فيهم..

فأجهز وخليك منتظرو وفرحان بقدومو..🧡!

اللهم في هذا الصباح سخر لنا من الأقدار أجملها و من السعادة أكملها و من الأمور أسهلها..🧡!

يلا كلكم خشو ادعمو البوست بقلب🥺♥️

يا نعيش مع ناس حلوة وروحها حلوة، يا نعيش مع روحنا ونملاها بالحاجات الحلوه..🧡!

‏من الحاجات الحلوة زول يقول ليك
- حلمت بيك
- دعيت ليك
- شفت الحاجه دي واتذكرتك
كأنو بقول ليك حتى لو ما معاك او ما بكلمك انا متذكرك..🧡!

هو ممكن يكون شنو أجمل شعور في الدنيا ؟

أنك م بتهون.. م بتهون وفي أمان مهما غلطت ..

مفهوم بدون شرح ..
م ليك بديل.. غير قابل للإستبدال او الاستغناء ..
هو في أجمل من كده؟

ما أعتقد إنو في شيء أبداً أجمل من إنك تبقى واثق إنو خاطرك ح ُيشترى دايما و ع طووول..
و إنو دموعك عزيزة وح تتمسح مهما كان الظرف ..
و إنو إيدك م ح تتساب مهما حصل ..

مف شيء في الدنيا أجمل من إحساس إنك إنت“    غالي   "..🧡!

منو القال الحياة م بتمش بالحسد ومضرة الناس؟!
لا بتمش..والقاصدوا ممكن يتتضرر ويفقد ويعانى و عيشتو تتقلب ضلمه، وصح هـي الحاجات دي م بتحصل إلا بمشيئة ربنا بس  برضو دا م بنفي وجودها!، بس اتذكر إنو ربنا بمهل ولا يهمل، واليوم الليك و بتضر فيهو غيرك في يوم ح يتقلب عليك وتلقاهو كلوو بالحرف..

وللأسف الحكاية م وقفت ع النعم الكبيرة بس!.،ياااخ  دي بقت بتدخل حتى في أبسط التفاصيل!، لدرجة لو انت زول مبسوط والبسمة مبتفارقك ممكن تتحسد ع دا!!، و في الآخر تكوس لنفسك م تلقاها!..

عمرها الناس م ح تشوفك انت فاقد شنو ولا بتعاني من شنو،م بتشوف جانبك المظلم و ع كدا بفتكرو حياتك لبن ع عسل و هووووب تلقى نفسك في خبر كان!،ولو الليلة انت في الدنيا مشيت لشيخ فلان بعدين يوم القيامة انت و هو  وريني ح تمشوا ووين من ربنا؟

إحنا والله كل المحتاجين ليهو رضي و تقبل لأقدار ربنا..
نتقبل فكرة إنو عادي نلقي غيرنا أحسن مننا.. و دا م بيعني إنو ربنا ظلمنا! لا حاشاه!!،بس نفهم حته إنو م أي زول بنشوفو بنظرنا متنعم للآخر هو فعلا كدا! في ناس كتار ربنا بياخد منهم حاجة إحنا م عارفنها وبعوضهم بالإحنا شايفنها، ونفس الفهم عندنا إحنا،يعني الحكاية م تفرقة وظلم الحكاية أخذ وعطاء بإختلاف  مواضعا..

و لازم نتذكر يا جماعة إنو الدنيا دي آخرها كوم تراب و م مستاهله نقضيها مضرة وحسد لغيرنا..فيها شنو لو عشناها حب وخير لبعض وع الأقل تبقى لينا ذكرى حلوة؟!🧡..



#آلاء_آدم