مَليتنَي و عَذرَك شَنو ؟
و شفت ينمَل بيه ؟
هذا آنه أبو كَلب الوَفي
هذا آنه أبو الحَنيه
اذكُر تكُلي وي النَفس
بَس أنتَ صاعَد نازَل
شَو جاي أحسَك تختنَك
جَني عَلى كَلبَك كاعد .

هَا گلبي شَو تَعبان تتراجَف شبيّك
بَس لا ذ‌گرت عيُون ذاك الگطع بيّك .

‏لكيت إسمي وطن مهجور
بي اخر رساله مِن التعب للرب
‏بعد ما بيه حيل أنحب .

وأمي التستفزني حتى اصيرن زين
واني مشيب تگلي شوكت تكبر !
الوجه القاسي مو معناها ما محبوب
من كثر الفگد ماجاي اتأثر .

وحده منهن؟!
گالو من اهل الله عنك
صدكتهم
والله ماعنده اهل!!

مزاجيتك لخربت بينك وبينيَ
روح براحتك بس مثلي تلكه منين؟
وبعد م اعاتبك تندل عناوينيَ .

مالي خلك لكلشي صاير
لا أكوم و لا أعدي
كلبي متشكك تشكك
يشبه هدوم المچدي
و يعبر الليل و يردلي
و أني غارك بالخساير
مالي خلك لكلشي صاير .

نشف ريچ الحزن
والوادم تغني
وأنه من بعيد
أحب المارضى يحبني
شبدر مني ؟

ونفسك عَزيزة وچِذب ماتكتلها
والدنيا ماتسَتاهل تكمِلها
ماتسَوى ترفع عينك بعَين الناس
لوعينك بعيَن الله لو نزلها

هالمره لا تعتذر ماضل حلم صاحي!
وهيه النتيجه شنو ؟
خسران داخل حرب ومضيع سلاحي
مو ذاك واهس قبل جا طرت
بس السما ما كفت جناحي!!

عذر تافه للأمانه
يعني شايف أنشغالي
سبب مقنع للخيانه؟
غير چان أكثر حنانه؟
زين سولفلي على گلبي
بالزغر ماعلموك
التاخذه ترجعه لمكانه .

انت لو شفت السواد الجوه عيوني
مامشيت !
لو دريت شكالت الوادم علي من فاركتني
جا بجيت،
شكد كتلك اني لو ما أنتَ أضيع .

لحد الان
أحسك عايش بروحي لحد الان !
و أحجي بصيغة الموجود مو بالچان
ولحد الان ما ناسيك
على كد المحبه يطوّل النسيان
يعني مطول النسيان !
شلون انسه يناسيني؟
المواقف وكفت بكلبي
قبل ما توگف بعيني .

يجوز أگدر
اعدل نومي المخربط
أنفاسي شيعدلها ؟
اريد استوعب شصاير
انا لهسه مصدوم
وقرارتي غلط كلها
اتواجه ردت
ويّ نفسي
حتى اعرف
القوه البيه صدگيه ؟
لو گاعد امثلها
هاي المرحله
الما ردت اوصلها .

شكد من وراك تغيرت
سويتني واحد ولك
مايكعد وي اهله بعد
باقي بغرفته البيها نومه واكله .

واليتعب من الدنياا
يشرد للنوم !
واليتعب من النوم
وين يولي ؟
يايمه لو ماجايبتني أحسلي .

دكاكين العزاهم خلص
من كم يوم
هيچ عيوننا گوة فتحناها
هاي عيونّنا لوما فراگك
چان يگدر هالسواد
يصير جواها .