دڵئارام

🍃🍂🍃🍂🍃🍂🍃

لە نەزەر دوورە بەڵام یادی لە دڵ ماوە دڵارام
له خەیاڵ نووره وەڪوو خۆرێ لەبەر چاوە دڵارام

وەنەبوو جارێ ببیستم خەبەری ,دووره لە من خۆی
بە نەبوون تیری لە جەرگ و لە دڵم داوه دڵارام

وەکوو خەونێکه تەمەن ڕۆیی بە ناکامی ژیانم
وەرە وەرزی تەمەنم پاییزە لێیداوە دڵارام

تەمی پاییزە له سەر کێوی تەمەن گرتی بەری خۆر
بەری خۆر ِماتەمە گیراوە لە هەر لاوە دڵارام

لە ئەزەل ڕا کە دڵم بەخشی بە چاوانی گەشی تۆ
بە سەرت داوی خەمت بۆ منه چنراوە دڵارام

لە غەزەل جوانترە شێوەت لە دنەی شێعری ئەویندا
بە قەڵەم ناوی ئەتۆ ناچیتە سەرواوە دڵارام

لە دڵا بوومە خەزەڵوەر بە لەشیش پووشپەڕە ژینم
بە لەشی پڕ لە گوڵانت مەیە ئەو ناوە دڵارام

بە هەوای دیتنی چاوت لە سەری کووچەیە بارم
لە دمی شارەوە باسی من و تۆ قاوه دڵارام

کە نەهاتی و خەبەرت نایە لە بۆمن گوڵی ڕووگەش
لە تەمی دیدە لە چاو, هێرشی لافاوە دڵارام

مەلی ئەشقی دڵی ئاشق بە هەوای تۆوە فڕیوە
بەگڕی ئەشق و ئەوینت پەڕی سووتاوە دڵارام


بە پەڕ و باڵی شێعر ناگەمە بەر قامەتی بەرزت
لە قەدەر تۆ, بە منی #تینوو نەنووسراوە دڵارام







✍#ئەیوب_ئەحمەدی(#تینوووکۆکەیی)

🍃🍂🍃🍂🍃🍂🍃

هەواری هۆنراوەڪانی تینوو👇👇
🍃🍂🍃🍂🍃🍂🍃
@AuoobAhmadiTinoo

دڵ دەڵێ سەبرت هەبێ هەر دێتەوە
ئەسری سەر گۆنەی تەڕت دەسڕێتەوە

من کە ئۆقرەم لێ بڕا  بۆ دیتنی
زۆر دەترسم بێت و نەمناسێتەوە

#تینووکۆکەیی


🍂🍃🍂🍃🍂🍃🍂
@AuoobAhmadiTinoo

لەگەڵ خەم بووینە هاوڕاز و لە گەڵ خۆییم دەبا هەر شەو
لە چاوم خەو دەتارێنێ دنەی هەستم دەدا هەر شەو

لە عومرم دا مەلی شادیم لە ماڵی خۆم نەدی یەک دەم
بە قوربانی کەسەر بم من کە سەردانم دەکا هەر شەو

#تینووکۆکەیی


🍂🍃🍂🍃🍂🍃🍂
@AuoobAhmadiTinoo

هۆنراوە
#تینووکۆکەیی

خوێندنەوە
شنە حاجی ڕەسووڵی

🍂🍃🍂🍃🍂🍃🍂
@AuoobAhmadiTinoo

شێعر: #ئەیووب_ئەحمەدی_تینوو
خوێندنەوە و چێکردن: #دەریا_ئازەرپوور

___

فریزوو

فریزووی جاڕی خەباتم
ڕەگ و ڕیشەم لە گڵ دایە
بە خوێنی سوور
ئاو دراوم
سەر هەڵدەدەم
لە خاک و خۆڵ

سەرم ببڕن
هەڵم کەنن
شین دەبمەوە
کۆشکی ملهوڕ
دەکەم بنکۆڵ

ڕۆژێک دادێ
بە یەکێتی
کارێ بکەین
کڕنۆش بەرێ
لەبەر پێمان
دژی کڵۆڵ


✍#ئەیوب_ئەحمەدی_تینوو


@AuoobAhmadiTinoo

یادی تۆ

هۆنراوە
تینوو کۆکەیی

دەنگ
خەبات فیدایی

🍂🍃🍂🍃🍂🍃🍂🍃
@AuoobAhmadiTinoo

‌
شێعر: #ئەیووب_ئەحمەدی_تینوو
خوێندنەوە و چێکردن: #دەریا_ئازەرپوور

____

کۆچەر



کۆ بە کۆ وەیلانی وەیلان کۆچەرم
وەک مەلێکی خانە وێران کۆچەرم

ماڵ بە کۆڵی سەر سنووری  چوارلەتم
ماڵ بە ماڵ کۆڵان بە کۆڵان کۆچەرم

گەرچی خاکم پڕ لە زێڕ و گەوهەرە
بۆ قومێ ئاو و لەتێ نان کۆچەرم

چون کوڕی کوردم  دەبێ ئاوارە بم
چەشنی هەوری کاتی بۆران کۆچەرم

کۆچەرێکم  شەو بە ژانی نانەوەم
هەر دەڕۆم و بێ پشوودان کۆچەرم

بێ پشوودانم لە خاکی نیشتمان
باری قورسی خەم لە سەرشان کۆچەرم

من کە تینووی  نمنمی بارانە بووم
وەک دڵۆپی وێڵی باران کۆچەرم

تا نەمامی سەوزی هیوا  پێدەگا
کێو بە کێو ئاران بە ئاران کۆچەرم


ئەیوب ئەحمەدی
تینوو کۆکەیی

۲۲خرمانانی ٤۰۲

🍂🍃🍂🍃🍂🍃🍂🍃🍂
@auoobahmaditinoo

دیاری لە لایەن کاک
عوسمان عەبدوڵازادەی بۆکانی

🍂🍃🍂🍃🍂🍃🍂
@auoobahmaditinoo

ئاشنای دوورە وڵات


ئەرێ هۆ ئاشنای دوورم بە بێ من چۆنە ئەحواڵت؟
بە چەشنی من لە پەرسەی خەم دەچێ جەژنی سەری ساڵت؟

لە تەندووری جەفای ژینا دەسووتێم و دەزانم تۆش
هەتا یەسقانی سووتاندی شەرارەی زیندەگی تاڵت

ئەتۆش هەر شەو سکاڵای دڵ دەکەی  تۆمار لە لێنووست؟
تکەی فرمێسکی بێنازی دەخووسێنێ پەڕەی خاڵت؟

ئەتۆش وەک من دڵت ئێستا بە تاسەی جاری جارانە؟
لە کونجی بێکەسی دیلن فریشتەی شانس و ئەقباڵت؟

ئەتۆش سۆبەی ئەوینت بێ گڕوتینی شەوی هیجرە؟
لە سووتان و لە ڕووناکی کەوت وەک من چرای ماڵت؟

ئەتۆش وەک من نەمامی خۆزگەکانت بێ چرۆ ماون؟
ئەتۆش هەروا بەچەشنی من نەگەی پێ بەرهەمی کاڵت؟

منی تینوو لە دەست پیری دەناڵێنم ئەتۆش هەروا
کلووی بەفری تەمەن ئێستا سپی کردۆ قژی کاڵت؟

ئەرێ بۆ بێخەبەر ماوم  لە ئەحواڵت گوڵی کۆچەر؟
بەرەو کوێ چووی بەرەو کام شار لە کوێت هەڵداوە ڕەشماڵت؟


#ئەیوب_ئەحمەدی
#تینووکۆکەیی

۲٤ڕێبەندانی ٤۰۲


🍂🍃🍂🍃🍂🍃🍂🍃
@auoobahmaditinoo

ئاواتێکم لە دڵ دایە
کە پێک نایە
بە ئاسانی
خۆزگە بووکی
تاراسووری بەختەوەریش
چەشنی مەرگ
دەرکی ماڵی
گشت مرۆڤی
ئەم دونیایەی
پێ دەزانی

#تینووکۆکەیی


🍂🍃🍂🍃🍂🍃🍂
@auoobahmaditinoo

بیرت دەکەم

هۆنراوە
ئەیوب ئەحمەدی
#تینووکۆکەیی

دەنگ
حوسێن فەرهەنگ

🍂🍃🍂🍃🍂🍃🍂
@auoobahmaditinoo

ئاشنای دوورە وڵات

هۆنراوە
#تینووکۆکەیی

دیکلەمە
خاتوو کەژاڵ


🍂🍃🍂🍃🍂🍃🍂
@auoobahmaditinoo

ئاشنای دوورە وڵات

هۆنراوە
تینوو کۆکەیی

دیکلەمە
لانەوان نۆریاوی


🍂🍃🍂🍃🍃🍂🍃
@AuoobAhmadiTinoo

هۆنراوە
تینوو کۆکەیی

دیکلەمە
خاتوو ئارەزوو ئەمیری

🍂🍃🍂🍃🍂🍃🍂
@auoobahmaditinoo

وەک یەک دەچن
گشت ساتەکانی تەمەنم
عومرێک دەبێ
هەڵبەست هەڵبەست
دەردی زەمان دەنووسمەوە و
لە داخی خەم پێدەکەنم


#تینووکۆکەیی

🍂🍃🍂🍃🍂🍃🍂
@auoobahmaditinoo

پیرۆزبێ ۸ ی مارس

ژن و ژیان

کێ دەڵێ ژن
چاو له دەست و
و زەعیفەیە و ناتەوانە؟
ئەم وتەیە
وتەی گەمژ و لێنەزانە

ژن لە ژینا پاڵەوانە
ژن ڕێبازی بەرخۆدانە
زانکۆی مرۆڤی لێزانە
ژن قەڵایه
پشتیوانە

سووتە دڵی چاو کراوه
هێمای ڕوونی ئاشقانە
ژن نامووسی ناپیاو نیە
ژن شەڕەفی نیشتمانه
کۆڵەکەی بەرزی ئاسمانە
زایەڵەی سەوزی هەرمانه
پێشەنگی ژیری کاروانە
دایکی ڕۆڵەی قارەمانە
ژن مەڵحەمه
ژن هەتوانە
ژن گەوهەری دوڕدانەیە
سەنگەرێک بۆ لێقەومانە
سووڕەی ئەوینی یەزدانە
بۆ نەمامی سەوزی ئاوات باخەوانە
ئەندازیاری زانا وبەهێزی ژیانە


✍#تینوو_کۆکەیی



🍂🍃🍂🍃🍂🍃🍂
@auoobahmaditinoo

ژن و ژیان

هۆنراوە
تینوو کۆکەیی

دیکلەمە
ئەژین خان

پیرۆزبێت ۸ مارس

🍂🍃🍂🍃🍂🍃
@auoobahmaditinoo

دەڵێن گوڵێ بەهارە دێ



بە کاتی وەرزی ئاشقان
مەلان لە تەشقی ئاسمان
سەما دەکەن بە بێ وچان
نە یەک زمان به سەد زمان

دەڵێن گوڵێ بەهارە دێ
پەیامی خۆشی یارە دێ

گەزیزە دم بە خاکەوە
چرۆ بە ناخی تاکەوە
نەسیم بە سۆزی پاکەوە
کچان بە سینگی چاکەوە

دەڵێن گوڵێ بەهارە دێ
پەیامی خۆشی یارە دێ

گوڵان بە چاوی مەندەوە
لە دەشت و کەند و لەندەوە
بە تامی شەکر و قەندەوه
بە ڕەمزی شێعر و بەندەوە

دەڵێن گوڵێ بەهارە دێ
پەیامی خۆشی یارە دێ

لە پەنجەرەی خەیاڵەوە
لە گوند و دەشت ویاڵەوە
شەماڵ به ناڵەناڵەوە
بە ڕەمزی خۆش هەواڵەوه

دەڵێن گوڵێ بەهارە دێ
پەیامی خۆشی یارە دێ

پەپوولەکان سەما دەکەن
خەمی زەمان بە بادەکەن
دنەی بزەی چیا دەدەن
هەرا هەرا هەرا دەکەن

دەڵێن گوڵێ بەهارە دێ
پەیامی خۆشی یارە دێ

چەم و چیا و کەژ و چەمەن
ڕەز و گەڵا پەز و زەمەن
کەل و مەل و پەل و دەمەن
لە لێڕەوار دەر و دەوەن

دەڵێن گوڵێ بەهارە دێ
پەیامی خۆشی یارە دێ


هۆنراوە و خوێندنەوە
#تینووکۆکەیی



🍂🍃🍂🍃🍂🍃🍂
@AuoobAhmadiTinoo

نەورۆزە هات

هۆنراوە و دیکلەمه
تینوو کۆکەیی


🌷🌷🌷🌷🌷🌷🌷
هەر ڕۆژێکتان نەورۆز
نەورۆزتان پیرۆز


بە هیوای ساڵێکی پڕ له بەختەوەری



🍂🍃🍃🍂🍃🍂🍃🍃🍃
@auoobahmaditinoo

کۆڵنەدان و ڕاپەڕینی ڕاستەقینەم
لە نەورۆزی ئەمساڵی کورد
لە قامەتە چەماوەکەی
دایکێک دا دی
ڕەشپۆش ڕەشپۆش
جەرگ سووتاو
چاو بە گریان
ئێستا زامی کۆنی پاری
سارێژ نەبوو
دەسرەی سەمای هەڵگرتبوو
سەرچووپی بۆ لاوان دەگرت

#تینووکۆکەیی
۷ خاکەڵێوەی ۲٤

🍃🍃🍃🍃🍃🍃🍃
@AuoobAhmadiTinoo