تاوانی خۆشەویستی

هۆنراوە
#تینوو_کۆکەیی


دیکلەمە
خاتوو ئارەزوو ئەمیری



🍂🍃🍂🍃🍃🍂🍃🍂
@AuoobAhmadiTinoo

تاقەدار


تەخمیسی ئەیوب ئەحمەدی (تینوو کۆکەیی)
لەسەر شێعری تاقەداری مامۆستا ڕەسووڵ کەریمی (سووتاو)


دیکلەمه
خاتوو ئارەزوو ئەمیری



🍂🍃🍂🍃🍂🍃🍂🍃🍂
@AuoobAhmadiTinoo

ئەتۆ هێمای هەزار بەستەی ئەوینی
هەتا حەز بڕدەکا وا نازەنینی

بە چەشنی من دەبی خولیا بەجارێ
بە چاوی من ئەگەر چاوت ببینی


تینوو کۆکەیی



🍂🍃🍃🍂🍃🍂🍃
@AuoobAhmadiTinoo

لە مێژبوو
لە هۆی ئەو پرسیاره دەگەڕام
که من بۆچی ئاو و خاک و نیشتمانم
زۆر خۆشدەوێ؟؟
دوێشەو
دایکم وتی
کاتێک کە دووگیان بووم بە تۆ
مەگیرانیم بە گڵ دەکرد


تینوو کۆکەیی


🍃🍂🍃🍃🍂🍃🍂
@AuoobAhmadiTinoo

دەڵێن گوڵێ بەهارە دێ



بە کاتی وەرزی ئاشقان
مەلان لە تەشقی ئاسمان
سەما دەکەن بە بێ وچان
نە یەک زمان به سەد زمان

دەڵێن گوڵێ بەهارە دێ
پەیامی خۆشی یارە دێ

گەزیزە دم بە خاکەوە
چرۆ بە ناخی تاکەوە
نەسیم بە سۆزی پاکەوە
کچان بە سینگی چاکەوە

دەڵێن گوڵێ بەهارە دێ
پەیامی خۆشی یارە دێ

گوڵان بە چاوی مەندەوە
لە دەشت و کەند و لەندەوە
بە تامی شەکر و قەندەوه
بە ڕەمزی شێعر و بەندەوە

دەڵێن گوڵێ بەهارە دێ
پەیامی خۆشی یارە دێ

لە پەنجەرەی خەیاڵەوە
لە گوند و دەشت ویاڵەوە
شەماڵ به ناڵەناڵەوە
بە ڕەمزی خۆش هەواڵەوه

دەڵێن گوڵێ بەهارە دێ
پەیامی خۆشی یارە دێ

پەپوولەکان سەما دەکەن
خەمی زەمان بە بادەکەن
دنەی بزەی چیا دەکەن
هەرا هەرا هەرا دەکەن

دەڵێن گوڵێ بەهارە دێ
پەیامی خۆشی یارە دێ

چەم و چیا و کەژ و چەمەن
ڕەز و گەڵا پەز و زەمەن
کەل و مەل و پەل و دەمەن
لە لێڕەوار دەر و دەوەن

دەڵێن گوڵێ بەهارە دێ
پەیامی خۆشی یارە دێ


هۆنراوە و خوێندنەوە
تینوو کۆکەیی



🍂🍃🍂🍃🍂🍃🍂
@AuoobAhmadiTinoo

ژن و ژیان
پیرۆزە 8 ی مارس

هۆنراوه
تینوو کۆکەیی

دیکلەمە
خاتوو ئاڵا


🍂🍃🍂🍃🍂🍃🍂🍃
@AuoobAhmadiTinoo

هێلێن (گوڵی نەسرین)

🍃🍂🍃🍂🍃

لە خاکی سەوزی ئوروپا
لە ناو دڵی مەغریب زەوی
سوورەگوڵێک سەری هەڵدا
چرۆی کردو
بوو بە گوڵی نەسرینی کورد

پڕانسسی پڕاگی چێک
باڵانەمامی ڕێک وپێک
بوو بە دایکی نیشتیمانم
بوو بە خەمخۆری ژینی کورد

دایە هێلێن
گوڵی نەسرینی هەردی کورد
هاوسەرەکەی سەرداری کورد
چرای ڕێگای شەوگاری کورد
هەتوانی برینی دوکتور
هاوپەیمانی ژیری زانا
هەڤاڵی دێرینی سەنگەر
لە ئاسمانی هیوای وڵات
بووی بە ئەختەر
هاودەردەکەی پێغەمبەری ئاشتی خوازم
لەبەر بیری ژیرت مرم
لەبەر چەک و تیرت مرم
لەبەر ورەی بەقینی پڕ تینت مرم

هەر لە پڕاگ تا کوردستان
سڵاو لە قامەتی ڕەعنات
سڵاو لە ئامانج و هیوات

✍تینوو کۆکەیی

🍃🍂🍃🍂🍃🍂
@AuoobAhmadiTinoo

دەزانی کەی
خۆری ئاواتی
نەتەوەیێکی چەوساوە
لە ئاسۆی نیشتمان هەڵدێت؟
ئەو کاتەی کە
چڵکاوخۆرەکانی بنبڕبن و
خۆفرۆشیشی نەمێنێت


تینوو کۆکەیی



🍃🍂🍃🍂🍃🍂🍃🍂🍃
@AuoobAhmadiTinoo

لە ڕۆژگاری نامۆییدا
بەختی خەواڵووم نووستووە
و خێرم لە ڕووناکی نەدی
داخوا لە کام شەوەزەنگا
ئەستێرەی بەختی من هەڵدێت؟

تینوو کۆکەیی



🍂🍃🍂🍃🍂🍃🍂
@AuoobAhmadiTinoo

خاکیپۆشانی سوورخەڵات
خوێنی خۆیان بەخشی بەخاک
ڕووحی سەوزیان کردە خەڵات
تا ببنە شانازی وڵات
بوونه ڕێبواری ڕێی نەجات


تینوو
کۆکەیی

🍃🍂🍃🍂🍃🍂🍃🍂
@AuoobAhmadiTinoo

بەباڵای من بڕا تا ڕەشبپۆشم
لە جامی ژەهری بێنازی بنۆشم

لەتاوی بێکەسی و بێ یاوەری بوو
کە ئەژنۆی دەردەداریم گرتە کۆشم


تینوو کۆکەیی


🍃🍂🍃🍂🍃🍃🍂
@AuoobAhmadiTinoo

https://www.tg-me.com/+9cJOc7
-7Rg5NmY0



دەردی بێ ئەوی


هۆنراوە
تینوو کۆکەیی

بە دەنگی
محەممەدی نادری


🍂🍃🍃🍃🍂🍃🍂🍃
@AuoobAhmadiTinoo

فەرمووتە کە لە یادت کەم
چون پێت وایه
خۆشەویستی بە بێهۆیه
دڵێکم هەس
هەزار توێیە
لە هەر توێیەک
ناوی تۆیە
چلۆن دەکرێ
لە یادت کەم؟؟
بێتۆ دڵم
ماڵێکی بێخانەخوێیە



تینوو
کۆکەیی



🍂🍃🍂🍃🍂🍃🍂🍃
@AuoobAhmadiTinoo

نەورۆزە هات

هۆنراوە و دیکلەمه
تینوو کۆکەیی


🌷🌷🌷🌷🌷🌷🌷
هەر ڕۆژێکتان نەورۆز
نەورۆزتان پیرۆز


بە هیوای ساڵێکی پڕ له بەختەوەری



🍂🍃🍃🍂🍃🍂🍃🍃🍃
@auoobahmaditinoo

ژیان کۆسپ و تەلان و بەند و داوە
ژیان خەون و خەیاڵ و بیری خاوە

لە بیر و مێشک و هوشیاری چ قازانج؟
دەڵێم خۆزگەم بەوەی شێتانە ژیاوە


تینوو کۆکەیی



🍃🍃🍂🍃🍂🍃🍂🍃
@AuoobAhmadiTinoo

کەڵکەڵە


لە کەڵکەڵەی سەوزی ئاوات
تا هەمهەمەی لێک حاڵیبوون و یەکگڕەنی
مەڵبەندێکی بیسنوورمان لەبەینایە
چ دەردێکی پڕلەژانە
تا ڕۆژێک بێت
بە فکر و بیری جیاوازیش
مافی یەکتر بپارێزین
و وتەی یەکتر بسەلمێنین
بەو بیرە جیاوازانەوه
ڕێزی یەکترمان لەبەربێت
چاری دەردی ئێمە تەنیا حاڵیبوون و ڕێزلێنانە

ئەو ئامانجە
لە یاد نەکەین
کە هاواری هەموو لایەک
تەنیا سەربەرزی بۆ گەل و
ئاوەدانی نیشتمانە

ئێمە هەموو
ڕێبوارێکین
کاروان کاروان
بەرەو مەرگ ڕێ دەپێوین
ئەوەی دوای ئێمە دەمێنێ
مناڵانی چاونەترس و
ئاو و خاکی کوردستانە



تینوو کۆکەیی


🍂🍃🍃🍂🍃🍂🍃🍂
@AuoobAhmadiTinoo

سپاس بۆ مامۆستای پەنجەزێڕین
مامۆستا قادری مەعڕووفی


🍂🍃🍂🍃🍂🍃🍂🍃
@AuoobAhmadiTinoo

بەهاری ئارەزوو


چەندە تامەزرۆم کە بیبینم بەهاری ئارەزوو
هەر دەپێوم ڕێ بەڵام ناگەم بە شاری ئارەزوو

کەی لە سۆبەی پڕ لە ئازاری تەمەن ڕزگار دەبم
پەنجە ببزێوم لە ئامێر و لە تاری ئارەزوو

خۆزگه دەستی بەرهەڵەستی ناحەزان بشکایه بۆم
تا بەیانیکەم کوڵووکۆی دڵ بە زاری ئارەزوو

گەر سنووری چوار سنوورم بوو بە یەک ڕۆژی ئەمەل
شەرتە ماڵم بەرمە ناو زێد و دیاری ئارەزوو

کەی مەلی بەختی گەلم دەفڕێ له ئاسمانی وەتەن؟
تا وچان بگرم لەژێر نیسێی و دەواری ئارەزوو

کەی لەگەڵ ئازادی دەستەملانی یەکتر بین بە دڵ؟
پڕ بە دڵ تینوو بنووسێ بۆ هەواری ئارەزوو



#ئەیوب_ئەحمەدی
#تینووکۆکەیی




🍂🍃🍂🍃🍂🍃🍂🍃
@AuoobAhmadiTinoo