(( ياقهر ليلي من جُنُون المُلَوّح ))

١_ياصاحبي والشعر من فايح الطِيب
يمسي علي رُوس الشوامخ يِفَوّح

٢_الشِعر واهله حَمحَمه من مَكاريب
وكفوف حمد وشكر ربعي تِلَوّح

٣_واقول شَوّح يافتى النصر ياذيب
الريب رَاح وانت ياصاح شَوّح

٤_حُط التحالف في نيوب ومخاليب
وادعس علي خشم السعودي وَرَوّح

٥_ جوك النشاما بالمدد تَطرد العَيب
والسامري ما عاد عجله يِبَوّح

٦_لاحت بروق النصر قُم وأعفر امصِيب
وإستَض فَذَا نُوُر المَسِيره يِضَوّح

٧_والحلف قدهو في الشَفق والمغاييب
وماعاد له اهداف الا يِرَوّح

٨_راحت سنينه بالفهن والغرابيب
وجاته عجاج اذنوب عمره تِطَوّح

٩_نِقلِب نَهار أحلافهم لا غَيَاهِيب
ونرقى العلالي بالبشاير نِرَوّح

١٠_هولاء غَجَر وأعلام كُله أكاذيب
وياقهر ليلي من جنون المِلّوّح...


قناة تهتم بقصايد وأشعار الشاعر ...
#محمد_التركي_الهلالي
@Alshaermhmd
T.me/Alshaermhmd
https://goo.gl/nz63uU
https://www.tg-me.com/Alshaermhmd

(( بووووره ))

يا شعبنا في الديره حوطهم
وارفع شعار الحق ثوره ثوره

في كل جبهه دقهم وادهرهم
دارت عليهم في الصحاري الدوره

بوره بسوق اليهوده قيمتهم
واحسابهم في محسبي كالعوره

في نهم والوادي الكتايب جتهم
خلت شقفهم في الخلاء منثوره

وبشول مجزر جيشنا شتتهم
والغد بانثبت بصوت وصوره

دايم نقول ان العداء غشتهم
اخوان شماء الشر واخو نوره

والصهينه ذي حشدت وادتهم
واترمب سيدهم وهذا شوره..


قناة تهتم بقصايد وأشعار الشاعر ...
#محمد_التركي_الهلالي
@Alshaermhmd
T.me/Alshaermhmd
https://goo.gl/nz63uU
https://www.tg-me.com/Alshaermhmd

حلالاه لاحَد دَقّها في مَواخِرها
حلالاه لاجاتك ذبيحه على الطاير

حلالاه لاريت المجاهد يكاسرها
يجمع بلاها عاد عرنونها طاير

بلادي بلادي ما المراوح يغادرها
وذي عاد حظه زين يضوي وهوحاير..



قناة تهتم بقصايد وأشعار الشاعر ...
#محمد_التركي_الهلالي
@Alshaermhmd
T.me/Alshaermhmd
https://goo.gl/nz63uU
https://www.tg-me.com/Alshaermhmd

وثائقي #رجال_صدقوا الشهيد القائد
بشير محمد الشهواني (أبوجهاد غزة)

https://youtu.be/ojCQXY6zB0c

((( جمعة رجب )))

١-جمعة رجب ياأهل اليمن جمعة رَجَب
عيد الكرامه والمعزه من عصور

٢-عيدالظَفر بالنور والتالي وَجَب
نسعى الى الرضوان نجتاز العُبُور

٣-الحق ابلج والعجب كل العَجَب
ان نختزل للنور والافعال عُوور

٤-والحمدلله بدرنا ما يحتجب
للّه دَرَّره زَاد شعب النُور نُوُر

٥-ذاك الاصيل المنتخب والمنتجب
عبدالملك زاكي النسب سبط الطهور

٦-واهل اليمن شعب الاصاله والنَجَب
هم للوفاء في كل جبهه كالنمور

٧-انصار من انصار في الفزعه عَجَب
لاحَلّق البارود قالوا هي سبور

٨-والحلف ذي صَعّد وباعلامه شَجَب
والله ما رِجْلِه على الديرة تِدُور

٩-ومادامنا في الحق من جمعه رَجَب
لاوّل فدام الله سلانا والسرور ...

الشاعر
محمدالتركي الهلالي

((حيا رجال الجوف))

١_سجل على الصماء تواريخ واحروف
واكرم لِحى ذي يمتطوا مُهْرَةَ الجود

٢_مثل المجاهد ذي مَعَادِيه في الجوف
بَصمة وفاء ماهمّه البيض والسود

٣_وكمّن بطل مِثله بالإعزاز معروف
مثل الحَياء يزهر معه يابس العُود

٤_تاريخنا المشهور بالمجد موصوف
وحروبنا بالفخر من دون منقود

٥_نضرب عبيد الكفر ونحطِّم العُوف
ونكَسِّر الانذال ونشلشل الفود

٦_وانعم باهل الجوف ذي ينتفوا امصوف
وذي يسحقوا لحلاف نهيان وسعود

٧_للخصم يرمي الشاب والشايب العُود
وذي نطلبه بالثار ميت ومفقود

٨_ومن كل جَال إنجيه بنيان مصفوف
وفي كل فزعه نسبق القوم ونقود

٩_هذي رجال الجوف ياحيّ ذاالشوف
وهذي المسيره جيشها إذياب واسود

١٠_مع البدر نحيا ونسعى بلا خوف
ومع الكرامه والوفاء زود في زود

11_فيالله تنصرنا على كل ملقوف
وتمدّنا بالعون يا خير معبود

12_قل للعواصف جيشها صارمعصوف
وفي كل ساحه نُوجِره نقع بارود ...

كلمات الشاعر
محمد التركي الهلالي

(( هي لنا ماهي لهم ))

(رجال المجد)

هي لنا ماهي لهم
والوجع في ارجيلهم

واستعينوا بالاه
والتحالف ويلهم

باافخر واشب الضو في كل قمه
وامدح رجال المجدوابطال الابطال

واذكر رجالي منجزين المهمه
ذي ضربهم في الخصم مشهور فعال

الزاهر الزاهر كذاك المطمه
انا اشهدانهم كسروا حلف الانذال

والجوف كله جاك سيله يطمه
ويرد جيشه في طرابيله اوصال

يوم المتون استبسلوا خير لمه
شايب وشاب وكل صامل وشلال

ردوا على العدوان يسقوه سمه
ويجرعوه الموت في كل الاحوال

ويقول قايلهم وياحي شمه
انها لنا ماهي لهم قول وافعال

فياالله للنصراليماني تتمه
بكفوف انصار النبي محزم الال..

الشاعر
محمدالتركي الهلالي

(( جوف الامجاد ))

في طاري النصر لاهل الجوف هات الجدد
وارفع بيارق وحركها بكل الجهات

سلمان عض الانامل يوم جيشه شرد
من ضربنا ماتجمع جيش يطلب فتات

ياجوف الامجاد يا جيش الوفاء المنبرد
حيا وحيا وحيا يا سباع الفلات

ان قلت يالجوف فاهله ماسكه بالزرد
في كل معدى تطارد موتها بالحياة

برد برد مااوقده سلمان وامسوا عرد
برد برد حلف عدواني كثير الاداة

يالجوف ان جيت مادح فالمعاني طرد
وان جيت املاعيوني شفت فيكم جنات

الجوف يمسي مقند في علالي الصلد
والجوف يصبح يصب النيل فوق الفرات

في حام والغيل والمصلوب كان الطرد
كتايب الموت تتعشى كبود وريات

وفي الحزم كانت حواسم يوم كمن اسد
ناداه يالحزم صحح بعدطول السبات

انصار تحصد جيوش الللاش تثبت وتد
مقادم الحرب ورجال الوفاء و الثبات

والحلف دمعه بعينه يوم كمن ولد
من ربعنا جاه متشمر بياهات هات

الجوف ساعة تنمرهم عزومه جدد
يصرف للاحلاف من بطن المرقم سرات

قد قلت لك ياالسعودي اللاش مالك جهد
مالك من الموت حيله ياشبيه الخوات

جاك اليماني على الصهباء مدد في مدد
وجوك التبابع تدعس فوق راسك حفاة

جوك النشاما تهترم يوم صبري نفد
نهدم عروشك ونرجع والنساء محجرات

يمن يمن يا قليل الحيل شعب اتحد
فارقب لمارب ومن بعده جبال السرات

انصار لله نكفخ كالصقور الهدد
نقنص ونرجع ونثنيها لحلف االبغات

فابن اليمن لاتشمر او لفزعه وفد
يوثق القول بالفديو من الكيمرات

والحمدلله جل الفرد جل الصمد
سبحانه الله محيانا معه والممات

وصلوا على الطهر واله دايما للابد
ياصفو الانصار بافضل ماتكون الصلاة..

الشاعر
محمدالتركي الهلالي

(( ياعاصف الحزم ))

ياعاصف الحزم عقب القول صدق الفعال
عصفك على الحزم لاشي والحواسم ذياب

الليل والصبح تتوافد عليك الرجال
كاالعرم لاسال سيله أو تزرجم مذاب

اما الى الجارّ ترحل بالخزاء والنكال
وإمّا السراب العِرادي تِرتشف له شَراب

في كَسْر قَرنك رساله تضرب اروع مثال
وفي صراخك دلاله طاب مجناك طاب...
الشاعر
محمدالتركي الهلالي

(( احلافكم ساحت في الرمضاء دِهِن ))

أكثرت في هرجك بقولك حِنّ نِحِن
لبيه يالبيه مالبيت حَد

لبيه وتهذرف وهم تنفش عِهِن
لبيه مالبيت من قل الجَهد

أحلافكم ساحت في الرمضاء دِهِن
واعزومنا تحمى وحزمك قد بَرد

قرون للشيطان ياكمن لِعِن
جيشتوا العبدان تعدي في البلد

وانتوا ذنب لذناب والشرهه سهن
واحنا الذرى وانصار ربي والجلد

موعود انا بالنصر ياالوجه الحسن
صبّحتكم في الصحن وامسيتوا بَدَد

ياعاصفين الشر لا قُدس اليمن
مجوس قلتوا والنبي قال المدد

بلغ بها الغويان واكبار البطن
البدر فينا شع يبشر بالسعد

ياواهم الاعراب ودك تفتهن
إقبل هنا تغمض عيونك للأبد

الكي طب الجُرب يا جِهم الهجن
اعراب في اعراب مافيكم رَشد

إخوانكم منكم يعانون الفتن
والوعد قررب وانظروا للوعد غَد

وشيوخكم شاخوا وباعوا بلا ثمن
واملوكم خُدام لامريكا النكد

واحنا وانتم تعرفوا باس اليمن
احنا الاصل وانتم بحبل من مَسد

خففت ذا الطاروق واقطع للإذن
واطعن بها الغازي على صفراء الكبد...
الشاعر
محمدالتركي الهلالي

.... (((( ....ناقش المسند..... ))))

1_يا ناقش المُسند مَدَىَ ياليت تُكتبني جُمل
تَخلد الى الامجاد يتزمل بها الشعب الابي

2_حيث اليمن مسك العروبه في ختام ومستهل
شيِّد قواعد حيدريه ترمي الحلف الغبي

3_واحلافهم في الخزي وزّعها الخزى شرّ الدول
اقرون للشيطان تُعصفهم وانا ابوك ياصبي!

4_من مردخان العصر واشباه الرجال ومن خَوَل
ال الدبور وخاذلين الدين شرق ومغربي

5_ياصاح لا من قلت لك ياصاح وايش اللي حصل
ريت العروبه بكّرَت بدري توالي الاجنبي

6_ريت الدّعي ابن الدّعي يرمي تحت رجله هَلَل
ريت العماله ذيلها يهتز عند ابن اخطبي

7_ليش العرب صارت مواقف حزمها خزي وفشل
ليش البشوت عشوش لامريكا تناول منكبي

8_ليه الوجيه الكالحه صلعاء ومبداها فَسِل
ليه المناهل مالحه والاُسد تقنصها الظِبِي

9_شعب الجزيره واين هو لازال عايش؟؟؟ اوقتل؟
واين القبايل ذي مراتعها الخليج اليعربي

10_البارحه سرحان يعوي ساعة البدر اكتمل
والحيدره يحشد لخيبر ويل حلف المرحبي

11_هل شفت اغبى من تحالفهم علي الشعب البطل
هل ريت فيهم خير واولهم هدم دار النبي

12_الواهم اللي ماعقلها والذكي عنهم رحل
ماصّدّق الاعلام ذي يُسقىَ الاُجاج المذهبي

13_يا ليت يعقلها الغبي بعد الذي اقبل وطل
والثار بركانه تحزم في اليمامه محتبي

14_واحنانقول بصوت عالي لوحصل مهما حصل
لن نرتضي الذله لابناء السلولي بن ابي

15_والله ما نرضخ ولا نرجع وموعدنا نصل
ووالله ما نترك لابوجبريل سِلم ومحربي

16_ووالله ثم والله ان نوقف هنا موقف رَجُل
والحلف لجرامي نصيده في المَصَايد والزِبِي

17_يا ابناءاليمن شدوا علي احلاف الردى سدوا الخلل
الحل في حَلّ التحالف واليهودي يغربي

18_الحل في القران والنهج السوي طرد الجهل
فالبدر شعشع بالهدي قل للزحوفات اقربي

19_بالله لاغيره نسير ونلتجي قل للعَذل
لاخوف باقي في بلاد اليمن قل للناصبي

20_لا تتركوا ثغره ولا تبدوا التململ والملل
اليوم يوم النصر والعزه فشدوا المقطبي

21_وصلوا على طه واله ذي ختم كل الرسل
ماخاب من صلى وسلم للنبي وال النبي..

اخوكم الشاعر
محمدالتركي الهلالي

(( حط الانصار في يمناك ))

حُطّ الانصار في يمناك وإعنز عليهم
واسال الله بالتوفيق وإفزع مع القوم

حيث الانصار جند الله والخير فيهم
وما سواهم من العربان غربان او بوم

المدد وعد فيهم جعل تترب يديهم
جَندَّلوا في ميادين الوغى كل مذموم

رَدّوا الحزم بالتسليم عَزّوا لاخيهم
وباع سلمان خدامه بمرضاة عيلوم

حلف ملعون كافر والبلايا تجيهم
عاد له في جعبنا نار حمراء وزقوم

قل للاحلاف من هو ذي من الله يقيهم
راح عفاش عبد الكفر بالخزي والشوم

وراحت اوهام كانت في المدى تحتويهم
وامست الارض منهم طهر والنفح يشموم

راح ابو الشر وابن الضر خادم وليهم
ذي فتن جيري التجهيل واغراه في توم..

الشاعر
محمدالتركي الهلالي

((حيّوا المجاهد))

با اشب نور الهدى في واقعي البائس
واصيح في الشعب للجبهات يتثنى

حَيّوا المجاهد شعاع الليله الدامس
حَيّوا الذي قد رفع راسه ولا دَنّا

لاعسعس الليل فاحنّا الضوء والقابس
شعب اليمن قوم بالطولات يتغنّى

من يوم يخلق ولدنا نحسبه فارس
واللاش والمرتزق مانحسبه مِنّا

وبارق النصر يشعل والعدو خانس
وكفوفنا من دِما الاحلاف تِتَحنّا

والبدر مثل الدفاء في وقتنا القارس
وبكل وقت النسايم بالهدى أمنّا

وابنا القبايل رجاله والله الحارس
انصار ربي المدد في اللفظ والمعنَّى

يا الصاحب الجيد خَبِرِّ للذي جالس
ذي يحسبوا الحلف معهم ربنا مَعنّا

قم يااحمر العين وابقى للعدو داعس
لاكنت لله بايع مثلما بِعنّا

وقل لسلمان لاغبراء ولا داحس
شعب اليمن قد تِنَّظف غَبنهم غبنَّا

ومن تِجَنّد مَعاهم في المَدَىَ عَاكس
بانِمسَحَه مَسَح باليسرى وباليمنّى...

الشاعر
محمد التركي الهلالي

(( أبجديه سباء ))

أ_الف أأبجدها وأجبيها جبا
وأنعت على البِدوان ياصِبِيَّانَها

ب_بَدَوي انا والبدو تِبدي المَرحبا
بَدَوَ اليمن في بَرّها ووديانها

ت_تِبدي تراحيب" متى ضيفن اتى
تِكرم وقد ربّت لِذا فِتيانها

ث_ثلّه بلا ذلّه ولا منها غثا
ثوبٍ ثمينٍ لليمن بأاثمانها

ج_جربهم الرجال ذي جاء والتجى
وجَرّبهم الجِنِّى بيوم إجنانها

ح_حُمران عيون بحين يحرقها الحَمى
وحيات موت احمر مع حِنحَانها

خ_خيرة مخاليقن تخيم في الخلا
تدخل وتخرج خَيّره من خانها

د_دلّت على معدن يدندن عندنا
معدن ذهب يُبرق على بُلدانها

ذ_ذهب ومن مثل الذهب وافذاذنا
ذَبّوا على الذَروه وزاد إذّانها

ر_رَبعي عرب عَربا وثيقات العُرى
ربعي تربّع عرش را عِمرانها

ز_زهوت معزّه زُيّنت من بزّنا
زرها وزاورها وزر قيزانها

س_سباء تسامي الساميه لما سبا
سلّت سيوف السّام بعد اسنانها

ش_شبّت على الشهره ولا شلت رشا
وانشت شوامخ شيّدت من شانها

ص_صفها وناصفها وعاصر للقصا
وإنُْصُد صِروح للمِقَِه صِمصَانها

ض_ضبي الفلا ضاهى بها ضمن الضنى
وارضت حضى ضيفانها من ضانها

ط_طالت وطالت بالعطاء ثم العطا
واعطت عطاياها بطول اوطانها

ظ_ظهرت علي جناتها لمن إستضا
ظِل وظِلال مظلله عِرضانها

ع_عَين السعد واسعد من اعياد الرُعا
وعيون عَذب معلالات اعيانها

غ_غُبّ الغِيوث واغمار في غاب الوغى
واغرب من الاغرب بدوا غِرّانها

ف_فيها الفنن والفن وافنان الرفا
وفيها الوفاء والفَي في خِلفانها

ق_قامت وقامت قومها قومة نقا
وابقت لنا باقي بقى سِبقانها

ك_كفؤ" كفانا كان اكليل الحُكا
كالوا وكِلنا كيل من كُومانها

ل_لا فيه لوفه لا نلفلفها ولا
نِدلي بدلو الا زِلال امزانها

م_منها لمن فيها معنى ملهما
وياما محمد قد رَوى ضِميانها

ن_نهدي اليمن وابناء اليمن سِهنة سَنا
ونِسمّع البدوان من دِندَانها

ه_هلهلت شعري هلهله من هاهنا
واهديه لاهل الهِيل من هِيوانها

و_واختامها اسلم واعممها سوا
لاهل اليمن والبدو في حِلاّنها

ي_ياسامعين الابجدي صلوا هنا
على النبي المبعوث من رحمانها...

الشاعر
محمد التركي الهلالي

(( قنيف المرجله ))

ها وسمعوا يااهل الانوف المحاديب
النصر شعشع في الذرى اليوم بشري

هدهدسباء قنّف وجاب المكاتيب
علمك.؟ وقال.. الحلف حالته قشرا

الحلف يعوي في الخلا كانه الذيب
امست صغاره تلتوي به وتذرى

مارب لنا لا ريب فيها ولاريب
مارب بها للمجد والعز ذكرى

مارب هلاك الحلف من دون تثريب
حاشا نخليها مع الكفر تعرا

مارب ذرى التبع وصيب المكاريب
ماترتضي الاذلال وخنوع الاجرا

مارب لنا كابل ضياء زخة البيب
مارب اصاله لليمن خص حصرا

مارب عردها المرتزق لاسرنديب
واتناولوها انصار لله تبرا

مارب قنيف المرجله والمواجيب
ما عابها البياع والطعن غدرا

مارب لابناء اليمن نفحة الطيب
ماهي لقيصر لاش اوهي لكسرا

هي للوجيه البيض براقة الشيب
هي بهجة الايمان مسناء ومذرى

هي للمدد وانصار ربي المحابيب
ذي شوفهم بلسم به الجرح يبرا

فقل للخون قل يا رواة الاكاذيب
اترابها الاحمر تِمَطَّوه شَقرا

الى السفال بشرقها والمحانيب
شلوا قدمكم عار الاولى والاخرا...
الشاعر
محمدالتركي الهلالي

(( ياحاضِن العَفش ))

1-ياحاضِن العَفش بين العَفش لُوفة حِنَش
من شدة القيض والعاصف دخل في العِفوش

2-في نيبه السُّم يزغف ما يصدّ العَطش
وفي بلوغه بلوغك للندامه تنوش

3-عُد لاجِفان اليتاما وأحترس في العِشش
وأزو العزيمه على البأس المقّوس يروش

4-ماصح في إترمب واحلافه اماني وَحَش
ولا لحق خير ذي قبله صَدق جُورج بوش

5-الدين عِروه من التوثيق قل للعَكش
لافي جِلوده حَمل للشُّوك ماأحنا خُبُوش

6-قد رَاش عفاش واتْعَشّى وزَار الجَحش
ومن دَعَى النَّفْض ينْفَض ياعُكاض القُروش

7-عَاجز وفي إيده حَمل عُكّاز ماهي لِهَش
تِحمل إشَاره لكمّن وِبْش يِرمي الحشوش

8-راحت عليكم أمانه يا جيوش الغَبَش
اليوم غِير أمس صَرف العز زَهو الوُحوش

9-هذه مسيره عظيمه ما بها مرتعش
تتشنف اذان زاملها جيوش الحُبوش

10-والعهد للّه والقايد بما حَطّ طَشّ
ان نِنْفُض إيدالسلامه مع قشوش القشوش

11-أشبعك ياشعبنا المكلوم راعي الطمش
قراح قراح لا ضَرّك ولكن يِدُوش

12-هَامِل يِحشِّد على الساحل وحِلمه هِرِش
وهو على ثدي ضَبي الصهينه والفشوش

13-والحمدللّه ما ظَنّيت ذا ينتّفِش
الا بقرنين تكشف حُوش في جوف حُوش

14-والله قَرّب أجلهم وأختزلهم مَجَش
وان هم براقع تنفنف في حروش الفيوش

15-عفاش قرقاش لاش اللاش راح وقحش
واحنا نهينم نهينم بالكرامه نهوش..
الشاعر
محمدالتركي الهلالي

(( اعذر من انذر ))

ياذي تظن المال عزه وتبجيل
المال يفنى قل لمن يذخروها

حُمّى اللحى ذي غررتها الاباطيل
تُبَاع في مارب لمن يشتروها

واحنا ننادي ارجعوا واوفوا الكيل
لبلادكم ورجالكم أزروها

فانتم يمانيون قد صابكم ميل
غشوّكم الذلّان باللي افتروها

حُمّى لحاكم تتبعون المخاذيل
عودوا قبل ماالخاتمه تخسروها

انتم رجال احرار ماانتوا مهابيل
ومن رَدّ ماكَنّه شرد فافكروها

والله ثم والله في الصبح والليل
مانترك الديره لمن دمروها

بانقتل القتّال وننتِّف الزيل
فاترقّبوا لاحلافهم وانظروها

جُوهم رجال الله مثل الاكاليل
شبه الاسود الكاسره يعقروها

جُوهم رجالن بيض ياباالك البيل
عن حربهم يوم اللقاء اتخبروها

نغزي لهم ونقشهم باول السيل
بالقتل والا اقلّها ياسروها

نحكم بحكم الله فيهم بتنكيل
والشارده تسمع ((ذَروها .. ذَروها))

ولوّا الدبر ياانصار ربي المقابيل
ولوّا ولا في احلامهم بايروها

هذه اليمن هذي بلاد القناديل
كمّن بطل كرّار قد حرروها

مابينهم زنبيل عبد التماثيل
فالزنبله في كل من حاصروها..
الشاعر
محمدالتركي الهلالي

(( ماانحنينا سوى نربط حِذَانا ))

ماانحنينا سوى نربط ونشدد حِذَانا
وأبتدينا على الغازين حربٍ ضروس

وما انحنينا سوى للّه فيما دعانا
في ركوع الصلاه وفي زكاة النفوس

ونحمدالله حَرّرنا ارضنا مع سمانا
في شموخ ومعزه دوس ياابوي دوس

ونحمدالله فيما خصّنَا وأصطَفَانا
نُنّصُر الحق وندقدق عبيد الفلوس

ونحمدالله رَفرف في الأعالي لوانا
عَزّنا يوم جَاهدنا وزكَّى الحِسوس

غَيْلَنا صَب سيله في مواجل قُرَانا
وارتوينا واروينا العطاش اليبوس

وحَزمنا اليوم مَعنا بعدماغاب جَانا
عاد لاهله مقنّف بعدحرب البسوس

ونحمدالله ذي للحق واهله هدانا
به رفعنا لروس وبه كسرنا لروس

وبدرنا شع بالانوار هدي وحنانا
وانتظمنا معه ننهش لهم بالضروس

يالله ادعيك تنصرنا على من غزانا
حلف باغي ملا بالمستضعين الحبوس..
الشاعر
محمدالتركي الهلالي

.... هلاليات ....

(( الرَّاي قَبْل الشجاعه قَالها الأول////
والضرب في الحَد َّحَامِي شُوري الصَايِب ))

(( شَتّان ))

أهل الشقاء يِبدوا مع هَبّة الرِيح
واهل الوفاء يتمثلوا طِبّ الاجراح

أهل الوفاء من شانهم حمد تسبيح
واهل الشقاء دَيْدَانهم عَدّ الارْبَاح.

الشاعر
محمدالتركي الهلالي